Sahmulphah thla (November) Ni 30, 2019, Issue No 48

PAGE - 1

TUALCHHUNG :

Damlo : Lalbiakdiki D/o PC Lalfala, Damvea Sec ami chu hrisellohna eng engemaw avangin Ebenezer Hospital-ah admit niin enkawl mek a ni.

##    Pi Zazawni W/o C.Zaikunga, Buala Sec. a mi chu zunkawng/kal lam fello avangin Nov. ni 26, 2019 khan Aizawl Hospital-ah admit niin enkawl mek a ni.

##    Zonunpeka S/o Ngurnunmawii, Damvea Sec a mi chu Nov. ni 26, 2019 khan Civil Hospital-ah a tonsil zai a niin hun engemaw chen enkawl a nih hnuin a lo chhuak leh ta.

Streetlight khawih \an : Local Council chuan  Streetlight \halo te siam hna a thawk \an chho a, Nov. ni 28, 2019 khan  Quarry lam khawihin bul\an a ni a, rokhawlhna  awm loh chuan Krismas hma ngei a zawhfel hman an tum a, tin, kumin Krismas hma a Solar Streetlight engemaw chen dah hman tura ngaih chu hmun pui lam an la inpeih fel hman loh avangin Krismas hma chuan hma thar lak a beiseiawm hrih lo a ni.
    Streetlight siam thu-ah Local Council chuan vengchhung Electric duty - Pu Robuanga leh Pu H. Zothansiama chungah an lawm hle bawk a ni. Anni inpekna leh \hahnemngaihna zarah eng \ha zawk kan nei thei thuai dawn e.

YMA in ral : Nov. ni 23 2019 zan khan Pu Vanlaltluanga ralna hun hman a ni a, ralna pawisa tlingkhawm ` 9,470/- chu a chhungte hnenah hlan a ni. Pu Vanlaltluanga chhungte hian \angkai taka hman atan YMA ah puan 2 an hlan let bawk.
    Hetiang puan hlan te hi Branch YMA chuan lawm takin a dawng \hin a, \angkai takin a hmang leh \hin a ni.

UPHC-ah \hutthleng dah : Nov. ni 25, 2019 khan Hlimen Branch YMA chuan UPHC Hlimen-ah \hutthleng sei (bench) a hlan fel ta a, heng \hutthleng (bench)te hi Branch YMA in 2, Section tin ten 1 \heuh bakah IKK hmeichhia in 1 tumin avaiin 9 hlan a ni. OB \henkhat leh Commtt. Member \henkhat ten \hutthleng hi an hlan a, Doctor leh Staff ten an lo dawngsawng a ni.

HEADLINE :

RAM LEH HNAM HUMHALH NAN ZIRNA LAM
Fabian Lalfakawma,
Finance Secretary, CYMA
    Mizo hlang awmna district leh khuaah chuan IAS , IPS kha tupawh awm se, kan pawisa vaklo mai thei, mahse, Mizo leh Bru, Mizo leh Chakma, Mizo leh Vai issue awm theihna area a awmte tan chuan, Mizo DC, Mizo SP an va hlu \hin em!! Tin, a pumpuia khaikhawmtu, CS leh DGP Mizo ngei neih hi a va thlamuan thlak em!! Hna emaw, promotion issue emaw, transfer & posting tihvel chauh buaipui tan chuan a in ang reng mai thei. Hnam issue buaipui a, ngaihventute, pawl ang leh mimal tan chuan, Silchar-a buaipui tur neih leh North Vanlaiphai buaipui tur neih ang velin, a in thlau sa hrim hrim mai a ni, kan hrethiam mai awm e!!! chuvangin IAS-te IPS-te Central Service leh All India Service neih tam hrim hrim maite hi kan ram tan leirem rahna a ni, kan hre chiang vek ang. IPS -1, Pu David Lalrinsanga (1995 batch) kan nei, kum 24 IPS kan Nil tawh tihna anih chu!! Tun hnai khan Arunachal-te chuan IPS 4 an nei thar, Mizo IAS tling hnuhnung ber chu, Grace Lalrindiki Pachuau (Tamil Nadu Cadre) niin, kum 2014-ah a tling thung a; UPSC kaltlanga Mizo thawk mek hi 46 Nos an ni a, Mipa 37 leh Hmeichhia 9 ni a hriat a ni, a diklo palh a awm chuan min lo ngaidam se la. IAS direct kan neihte ka hriat ang ang kan sawi lang hial teh ang-
1.Pu Lalnunmawia Chuaungo 2. Pu Biaktluanga Khiangte
3. Pu J.C. Lalramthanga 4. Pu Robert Lalchungnunga
5. Pu Lalrinliana Fanai 6. Dr. Christina Zothanpari Chawngthu, 7. Pu R . Lalvena 8. Dr. Franklin Laltinkhuma 9. Pi Saidingpuii, Chhakchhuak 10. Pi Grace Lalrindiki Pachuau (2014), UPSC kaltlanga tling hnuhnung ber chu, Pi Elvina Lalmuanpuii (2015) IA & AS a ni.
    Engpawhnise, Central Service kan tlem tih ringawt sawi chu manganna, lungngaihna tur sawi a ni ringawt mai, engtinge kan tih ang tih lam in sawi dawn teh ang. Rual u lamah IAS, IPS-te kan nei nual. Mizoram DGP pawh, Pu Thianghlima IPS, Pu Rokhuma Pachuau IPS, Pu Tumsanga IPS, Pu Lalngheta IPS-te kan nei tawh, an ni hunlai khan IPS hi tlin a awl em maw ni le, phai vai ho khu an thiam vak lo emaw ni dawn le, education system a la inrualkhai a Central Service Exam zawhna kha Mizoram tan pawh a la har vak lo emaw ni dawn le, Schedule Tribe Quota kha kan la chhawr \angkai deuh ani ang a, a ni lovang, a chhan a tam thei awm e, amaherawh chu, “Where there is a will there is a way” an lo ti mathlawn lovin, kan Mizo nula tlangval, changkang, thiam thei, School \ha a lut bawk si, tam tak hian Mizo hnam humhalh a, Kan ram chhan nan IAS , IPS nih a ngai tih hi, lo Amen hram teh u. Beidawng lova bei tute hi a ni champion \hin ni, bei ve ila, sual ve ila, kan tel ve mai ang. Chhan dang tam tak, education system kan adopt dik tawk loh vangte, lower class a\anga HSS thlenga naupangte school leh in lama nu leh pa ten kan hrual danin, phailam nu leh pate beih dan a el pha tawk lo pawh a ni thei ang.
-Remchang hmasaah chhunzawm a ni ang....

PAGE - 2

EDITORIAL :

RILRU THIANGHLIM
    Kan naupan laia Pathian fakna hla kan sak lar tak pakhatah chuan... “Lawmna a khat rilru thianghlim, a mawi tuktinpar aiin..” tih a awm a. He hla phuahtu hian khawvel ropuina - sum tinreng leh lunghlu bakah nawmsakna  zawng zawng ai pawhin rilru thianghlim Pathian hnenah a dil zawk thu kan hmu a.  Sum leh pai leh khawvel nawmsakna te chu lo awm chawp; ral leh mai \hin a ni a, rilru thianghlim erawh a ral ve mai lova, rotlingin a hlu ber fo a ni.
    Naupangte hi an rilru a thianghlim kan ti \hin a, a dik chiah mai. Lal Isua paw’n mal a sawm a, a hnena kaltir turin a ti a nih kha. “Pathian ram chu hetiang mite ta a ni si a..” ti a naupangte A sawina pawh hi an rilru thianghlim em vang a ni. Chuvangin naupang anga rilru thianghlim kan put a ngai a, chu chu Lal Isua duhzawng tak; vanram kan panna kawnga kan lei zawh pawimawh ber a ni hial awm e.
    Mi tam tak chu itsikna in kan khat a,  midangte chhiatna lai kan zawng a, kan \henawm te nen kan in tai a, kan inkher tawn ngat ngat mai \hin. Tin, kan tunlai Politics boruak te hi han thlir ila, party dang  chhiatna tur kan dap a, kawng chitin rengin kan inbei a, âr chuk tui lo khawpin kan inbei a ni. “Nangin hei hi nei la..” tih aiin “keiin pumbilh ila” tih rilru pu kan tam ta em em mai a ni. Hetiang rilru bawlhhlawh pu mi hi chu zu ruih hmangte ang bawka vanram kailo tur List a mi an nih ngei a rinawm.
    Chuvangin, thih hnu piah lam mai nilo; he leia kan awm chhung pawh hian khawtlang nuam a cheng turin keimah ni’n kan zir a ngai a, \henawm \ha nei tur chuan \henawm \ha kan nih a ngai a, chhungkaw hlim ni tur pawhin keimahni \heuh kan pawimawh a ni.

CYMA CHETVELNA
25.11.2019 : Chief Minister’s Conference Hall-ah Mizoram State Health Care Society Governing Body meeting neih a ni a, Pu Vanlalruata, President a tel.

26.11.2019 : Mizoram sawrkar buatsaihin Vanapa Hall-ah Constitution Day pual programme hman a ni a, Pu Roneihthanga, Fin. Secretary bakah CEC atangin, Pu Lalngaihawma, Pu R.L. Zidinga, Pu L.T. Zodinliana, Er. H. Duhkima, Pu R. Lalchhandama, Pu B.C. Tawna, Pu Joseph Vanlalhruaia Sailo, Pu Danny Lalzarliana, Pu K. Lalrinawma, Pu Lalrempuia, Pu K. Zohmangaiha, Pu C. Lalchhanhima, Pu Lalchhuanmawia te an tel.

27.11.2019 : Directorate of Agriculture buatsaihin Agriculture Deptt. Committee Room-ah Training on Development Modules and Awareness Materials on Climate Change programme hman a ni a, Pu R.S. Lalrinsanga CEC leh Pu F. Lalramchuana CEC te an tel.

28.11.2019 : Secretariat Conference Hall-ah Mizoram - Assam ramri buai chingfel tur Boundary Commission din chungchang meeting neih a ni a, Pu Roneihthanga, Fin. Secretary, Pu J. Lalsailova CEC, Pu B.C. Tawna CEC te an tel.

28.11.2019 : Food, Civil Supplies & Consumer Affairs Deptt. Director leh Addl. Director te Central YMA Office-ah an lo leng a, Pu Fabian Lalfakawma Treasurer leh Pu Roneihthanga, Finance Secretary ten an lo dawngsawng a, MTDA leh Mizoram Carrying Contractor Association inkara harsatna awm avanga Buhfai phurh kawnga harsatna an tawh mek sutkianpui turin CYMA an ngen.

29.11.2019 : Union Home Minister Shri Amit Shah-in Mizorama Tlawmngaipawl leh Political Party-te chu Citizenship Amendment Bill chungchang sawiho turin New Delhi-a meeting puiah a sawm a, CYMA aiawhin Pu Vanlalruata, President a kal.

Dak in (Post office) a sum khawlna scheme hrang hrangte
1. Saving Bank Account (SB) : Puitling tan, 4% pung.
2. Recurring Deposit(RD) : Puitling leh naupang tan a ni a, `  10 a\angin a hawn theih a, a pung hi  7.25% a ni. Kum 5 chhung atan.
3. Sukanya Samriddhi Account (SSA) : Hmeichhe naupang kum 10 hnuailam tan `  250 chauhin Account a hawn theih a ni. A pung hi 8.4% a ni. Kum 1 chhungin ` 1,000 dah tlin ngei tur a ni.
4. Indian Post Payment Bank (IPPB) : Hemi Account hawn nan hian pawisa a ngai lova, Dak account neisa leh neisa lo tan pawh a hawn theih vek. Hemi account hi India ram bank awm zawng zawng a thlunzawm avangin pawisa thawn nan a hmantheih bawk. Kum 11 chin chunglam, Aadhar Card nei leh nei lo tan pawh hawn theih a ni. IPPB Account a\ang hian Scholarship, Electric Bill, Gas Subsidy, Tui Bill etc. atan hman theih vek a ni. Tin, QR Card a free in a chhawm bawk.
    RD leh SSA hawng tur tan nomination a ngaih a vangin nu/pa/enkawltu ten SB hawn a ngai.
    Dak In(Post Office)hi bank zawng zawnga rintlak ber a ni a,tunah hian eng bank ami pawh dak in atanga pawisa lakchhuah theih turin hmalak mek a ni a,i sum hlu tak nangma tan,i tu leh fate tan lo khawlin lo hmang tangkai ve rawh le..
    Account hawng tura pawimawh te :-
a) Naupang tan-Passport 3 leh Aadhar/birth certificate xerox copy1
b) Puitling tan-Passport3 leh Aadhar xerox copy1
    Account hi englai pawhin hawn theih a ni.
    Contact :Lalmuanpuii(Apuii) &     Lalzarliana
    Hlimen  Damveng
    Ph. 7005679597 / 9862221750/9612232958

PAGE - 3

HRIATTIRNA :

Hriattirna
    Venglai tui pump bul drain-ah bawlhhlawh la paih kan awm leh ta tlat mai a, bawlhhlawh paihna hmun a nih loh avangin tun hnuah mi tumahin hnawmhnawk paih tawh loh tur a ni e.

BRANCH  YMA  HRIATTIRNA
    Sawrkar thuchhuak leh Central YMA ngenna angin Branch YMA chuan kumin hunpui lo thleng tur denchhen hian nu leh pa te, kan fate halpuah, hal mawi leh silai lem mu nei chi leisak lo turin kan inngen a. Tin, veng chhunga dawrkai zawng zawngte pawh, hetiang lam zuar lo turin kan inngen bawk a. Inrinnia mahni remchan anga venglaia veng chhung mi rawn inpho leh veng dang a\anga a remchan dana lo inpho \hinte pawh, hetiang lam chi reng reng zuar lo turin kan inngen a ni.
Sd/- Secretary

Paih tawh lo tura hriattirna
    Quarry a kan ramah leivung leh stone dust paih \hin in awm a, tun hnuah paih tawh lo tura hriattir in ni a, kan thu ngaipawimawh lova tilui in awm a nih chuan action na taka lak a ni ang.
- Pi Lalremruati W/o Lalsangbera(L)
Hlimen, Vengthlang

PHED  hriattirna
    Kan hma lawka Krismas leh Kumthar lo thleng turah Kohhran ho ten tui lama harsatna kan tawh loh nan a hmalamin PHED Site Office ah Krismas thlenna hmun tur report tur a ni e.
    Rokhawlhna avanga mamawh hun lai taka harsatna awm thei a nih avanga lo inhmakhawsuih a, tui lo dah khawl a nih theih nan hei hi ngaipawimawh tura ngen kan ni e.

Advertisement...

Dispo.......Dispo
    Disposable chi hrang hrang - nô, thleng, bowl, a zawp thei leh AMC pawhin a phal chin englai pawhin lei tur kan nei a, whole sale & Retail in kan pe thei reng e. Min rawn dawr ve teh le.
     Têkimi, Damveng
(3-2)    Ph. 9862712008/9862813622

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.
Regd. No MSR542,                              Ph.No
(20-9)                                        9436199884, 9862476439

Dawr insawn
    Local Council Office hlui, Pu Lalfakzuala (Boiha) te inchungah kan insawn a, min dawr tu ten min rawn dawr chhunzawm zel turin kan inngen e.
     Dingpuii, Damveng
(1-1)    Ph. 9436361642/7005823276

LAWRKHAWM :

CHHIATNI REPORT
    Pu Vanlaltluanga puala buhfai leh pawisa khawn khawm dan leh thlanlaih dan ziaka hmuhtheih chin :-
    Section            Chhungkua    Buhfai    Pawisa    Thlanlai
       
    Buala                    115          155       1130         13
    Damvea                117          124       1240          6
    Kapdaia                147          130       1190          3
    Lalsavunga             38           38          350          1
    Saichhuma           106          110        1040          12
    Vawmphunga          61           64          560           5
                   Total      614         621        5510          40
      Kapdaia Sec. te hi chhiat tawk Section an ni.

Zirlai chawimawi
    Dec. ni 6, 2019 (zirtawpni) zan hian Branch YMA chuan kum 2019 chhunga zirlai hlawhtlingte chawimawina hun a thawhnihna atan a buatsaih leh dawn a.
    Kum 2019 chhunga BA leh a tlukpui leh a chunglam passed te bakah zirna peng dang (nursing, polytechnic etc..) passed chhuak/zo te heng mite hnenah hian whatsapp & call-in in report turin kan inngen e :-
Lalbiaksanga, Secy. Edu. Sub-Com.
    Ph : 9612567582
Laltlankima, Asst Secy. Edu. Sub-com.
    Ph. 9862732413

Lawmthu sawina
    Nov. ni 25, 2019 khan Branch YMA chuan UPHC ten kan mamawh em em mai, \hutthleng sei 9 lai mai chu min rawn hlan ta a, hetiang zat lai mai min petu - Hlimen Branch YMA, Section YMA tin te leh Isua Krista Kohhran hmeichhia te chungah thinlung takin UPHC Staff te chuan lawmthu kan sawi tak meuh meuh a ni.

- UPHC Staff, Hlimen

Faina lam
    Nov. ni 23, 2019 (Inrinni) zingkar khan Sanitation Sub Committee te chuan an tih dan \hin angin vengchhung an fang leh a, Section tin ten hma kan sawn hle tih a lang a, kawngpui kam a fai viau hlawm.Hmuh a nuam viau mai. Chutihrualin, hmuh hrehawm lai deuh te erawh tlem a zawng a la awm a, tunhma a\anga bawlhhlawh kan lo paihna kawr ah sulhnu thar tam tawh lo mah se, bawlhhlawh paih lui kan la awm erawh a pawi hle. Sawilan loh theih loh chu Venglai kawn a\anga venglai chuanhnuai pan thlakna kawng hi hmun lunlai a awm a ni a, hmuh a nuam fahran lo bawk.

Advertisement...

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

     VL-a,
(10-5)    Ph.No : 9402344486, 9615266170

PAGE - 4

KEIMAHNI :

Hlimkhawpui Budget
    Hlimkhawpui  Sept. & Oct. 2019  thla Budget  pe tla tawh te:
1.    Buala Sec.    2. Saichhuma Sec.
3. Vawmphunga Sec.    4. Damvea Sec.
5. Kapdaia Sec.
    Buala Sec. ten kumin chhung Budget an tlak fel ta bawk.

Kapdaia Section
    Pi Malsawmi, Pu Vanlaltluanga(L) unau nu te chhungkua, Mission Vengthlang chuan Kapdaia Section in a tul anga an hman turin tui um \hahnem tak an hlan/pe a,an chungah Section hruaitute an lawm hle.

Branch YMA inthlan programme
    A hun    :    Dec. ni 6, 2019 (Zirtawpni) 7:00 Pm
    A hmun    :    YMA Hall
    Hruaitu    :    Pu Robuanga, President
    |antu    :    Pu Lalthlamuana, Leader
            Hlimen Vengthar Branch K|P
    Reports    :    Branch Secretary & Section
            Secretaries
    Thusawi    :    Pu R. Lalngheta R.O
    Solo    :    Nl. Lalhmangaihzuali LSV
            Tv. Lalhriatpuia VP
    Lawmman sem    :     Zirlai hlawhtling
    Inthlan    :    R.O kutah
    Lawmman sem : Hnatlang kalkim & Committee kalkim, Hlimkhawpui Budget pe \ha, Buala section chhunga Activity ti\ha, Faina kawnga hma la \ha ber Section, Thlanlaihna a kal \ha leh thawk \ha.

Krismas  puala |anpuina
    Kumin Krismas pualin Branch YMA chuan kum danga lo tih tawh \hin angin vengchunga miharsa zawk te tan \anpuina sum a hlan leh dawn a, Section YMA ten mahni Section huamchhungah chutianga \anpuina dawng awm mi ni a kan hriat te chu December ni 15, 2019 ralhmain Branch OB te hnenah report tur a ni e. 

Advertisement...

KHAWIKHA...  KHAWIKHA........
ELECTRONICS BUNGRUA CHI HRANG HRANG BAZAR RATE AIA TLAWMIN I INAH KA RAWN DAH THEI E
    SMART TV  Company hrang hrang, Fridge, Single door,double door, side by side.Deep freezer, vigi cooler.Washing machine Top loading, front loading,Fully Automatic, Dryer, Inverter , Inverter Bateries, Microwave Oven. AC
    Heng ah hian mamawh i neih chuan Kulikawn Hlimen Taxi Stand oppsite ah dawr kan hawng thar e. Bazar rate aia tlawmin i inah ka rawn pe thei che,  Company duh bik neih pawn eng Company pawh i duh ang ka rawn dah thei e.
(6-5) Siampuia Khiangte. Hlimen...Ph 9863457800

KOHHRAN :

Gospel Camping
    Nov. ni 26 -29, 2019 chhung khan Hlimen Pastor Bial KTP  buatsaihin Synod Camping Centre, Neihbawih Sihphir ah ruihhlo ngaite pualin Gospel Camping an buatsaih a, Campers 18 an lut a ni.
    He Camping-ah hian Speaker atan Lianthangpuii Penial Revival Team chu rawih a ni a, Camping zawhah hian Hlimen Presby. Kohhran-ah inrinni zan, Pathianni chawhma leh chawhnu leh zanah Follow-up Programme hman chhunzawm a ni ang.

Kohhran Hmeichhe nî hmang
    Presbyterian Kohhran hmeichhia te chuan Nov. 29, 2019 (Zirtawpni) khan Kohhran Hmeichhe Ni an hmang a. Hlimen a Presby. Kohhran 3 te pawhin an Kohhran \heuhah hun an hmang a, ruai nena he ni hmangte pawh an awm a ni.

INFIAMNA :

Mizoram State Games
    Mizoram State Games  December ni 9 - 13, 2019 chhunga neih turah inbuatsaihna a kal chho mek a. MSSC hnuaia Sports Association 32 hnuaia sports discipline hrang hrangah constituency-wise a inelna neih a ni ang. Kan veng a\ang pawhin infiammi engemaw zat Aizawl S-III aiawhin he State Games-ah hian an tel dawn a ni. Sports Discipline hrang hrang 40 chuangah inelna hi neih a ni ang.

 Branch YMA OB 2019 Nomination list
    1.    Biaknghinglova    2.    H. Zothansiama
    3.    Jerome Lalduhbika    4.    John Lalhunhlua
    5.    Judy H. Lalbiaknungi    6.    J. Vanlalbiakdika
    7.    J. Vanlalhruaia    8.    K. Lalremruata
    9.    Lalbiakdiki    10.    Lalbiaknunga
    11.    Lalbiaksanga    12.    Lalhmuchhuaka
    13.    Lalkhawmawia    14.    Lalnunsiama
    15.    Lalrinchhana    16.    Lalrinmawia
    17.    Lalthantluanga    18.    Laltlanmawii
    19.    Lal\anzuala    20.    Lalzopuia
    21.    Lawmtluanga    22.    Lawmsangkimi
    23.    P.C Lallawmzuala    24.    Robuanga
    25.    R.C Lalroliana    26.    R. Lalawmpuia
    27.    R. Lalrindika    28.    R. Zoliana
    29.    Zolianchhunga    30.    Zonunsanga
    31.    Zoramhmangaiha    32.    Zothanzami

Sahmulphah thla (November) Ni 23, 2019, Issue No. 47

PAGE - 1

TUALCHHUNG :

Boral : Pu Vanlaltluanga (K. 58) H/o Lalbiaki (L) Kapdaia Sec. a mi chu Nov. ni 21, 2019 (Ningani) khan a boral. Hemi ni vek hian vuiliam a ni.

Damlo: Baby Lalnunsiami D/o H.Lalrinmawia Buala Sec. a mi chu lung \halo avangin Culcutta panpui a ni a, remchang hmasa-ah an zai dawn niin thu kan dawng.

##    Joseph Laldingngheta S/o C.Lalzuiliana, Damvea Sec. ami chu State Referral Hospital, Falkawnah Nov. ni 22, 2019 khan a há zai a ni a, enkawl chhunzawm mek a ni.

##    Pi Lalnunmawii W/o Lal\hasanga, Kapdaia Sec. a mi chu kalna vangin Falkawn Hospital-ah admit niin enkawl mek a ni.

##    Pu Jerry Lalmuanawma H/o Ramdinsangi, Damvea Sec. a mi chu State Referral Hospital, Falkawn-ah a kawng ruh chawr zai a ni a, hun engemaw chen enkawl a nih hnuin a lo chhuak leh ta.

Rul-in chuk:Tv. Lallianpuia S/o Pu  Zohmingliana, Kapdaia Sec. a mi chu Rûl-in a chuk palh a,  Falkawn Hospital-ah kalpui niin, tunah hian in lamah enkawl mek a ni a, \hat lam a pan zel niin thu kan dawng. A chuktu hi Rulmuk ni a hriat a ni.

Tuak thar: Nov. ni 21, 2019 khan Lalrinmawia S/o Laltlanthangi (L) Kapdaia Sec. leh Rebek Laldingzeli, Melthum te chu damchhunga nupa ni turin ‘Tiam tlat e’ an ti.

Hma chak takin la dawn: Tunlaiin in lamah leh ram lamah thil bo a tam leh ta hle mai a, Kumpuan Committee chuan hetiang tih chingte hi a dim dawn lova, man an nih chuan Police emaw Home lamah emaw thawn liam zel an tum niin thu kan dawng.

HEADLINE :

JOINT MEETING NEI

    Nov. ni  18, 2019 zan khan Local Council Office ah Local Council leh Branch YMA OB ten Joint Meeting an nei a, he hunah hian  Nov. Ni 16, 2019 a Local Council leh Branch YMA huaihawta vengchhung tihfai hnatlang report leh thlirletna an nei a,  Hnatlang hi Section in\hen dan anga  neih a ni a, chutihrualin, Vawmphunga Section leh Lalsavunga section te chu a huho-in an hnatlang thung.
    Hnatlan dan langsar zual te-
Buala Section : YMA hall hnuai atangin |helretkawn inkar ti faiin Mualzawl leh |helretkawn inkar kawngba an sam.
Damvea Section : Hlimen/ Melthum ramri a\anga Saichhuma section an in ri-na thleng kawngba an sam a, a remchan angin drain an khawih bawk.
Kapdaia Section: Mauhâkkawn thleng kawngba an sam a, Pu Sang\huama te in pêng thleng leh Vengthar Biak In kual kawngba an sam fai.
Saichhuma Section : Section chhunga kawngpui kam kawngba an sam.
Lalsavunga & Vawmphunga Section : High School panna kawng chung, High School kawng, Hlimen/Melthum ramri a\anga Lalsavunga Section leh Vawmphunga Section inrina thleng leh lungpui panna kawng kawngba te an sam fai bawk.
    Hnatlan dân ziaka hmuh theih chin chu a hnuaia tarlan ang hi a ni e:
    Section            Hnatlang    Inhlîp         Total
    Buala                  85            39           124
    Damvea              91            48           139
    Kapdaia              89            42           131
    Lalsavunga         30              9            39
    Saichhuma         76            46           122
    Vawmphunga      35            22            57
    G.TOTAL            406          206          612

    Hnatlan dan tlangpui thlirin Joint Committee chuan lungawithlak a tiin zawng chhang thlak hle in a hria a ni.
Sanitation Sub Committee, Hlimen Branch YMA a\angin an hmalak dan \henkhat report ngaihthlak a ni bawk.
    Tin, kan hunpui, Krismas leh Kumthar vuakveta khawtlang mipui ten lungmuang leh hlimtaka hun an hman theih nan ruihhlo a ni emaw ruihhlo kaihnawih a ni emaw midang tana harsatna leh buaina, midang himna ti chhe thei zawng khawsa, rukruk leh buaina siam an awm loh nan a \ul anga hmalak ni se, chutiang dan phalloh a che te chungah Action lak \hin nise tiin Joint Meeting chuan thu tlukna a siam bawk a ni.

PAGE - 2

EDITORIAL :

Dikna leh  rinawmna
    Dik kan tum em em laiin ham\hatna tura han dik loh zuaih pawi kan ti lo \hin a, rinawm taka nun kan tum laiin kan hlawkna turin rinawmna dah\hat mai kan hreh lo \hin a, thil \ha tih kan tum laiin chhuanlam fahrah te te avangin \hulh leh mai kan duh \hin. Hlawhtlinna pawchhuak ngei tura kan beih ve laiin mi \henkhat hlawhchhamna avangin tawpsan mai kan duh rum rum \hin a ni. Hetiang thinlung hi kan hmelma, kan hneh ngei ngei tur a va ni chiang em!!
    Pathian lama kan rinawmna hi pawn lamah a lanchhuah ngei ngei a ngai a. Mahni hna-ah te, midang hna kan thawhna-ah te, sorkar hna kan thawhna etc.. ah te rinawmna leh dikna kan vawn reng a \ul.
    Sorkar a\anga \anpuina pawh hi kan hmuh chhan ang taka kan hman \hin a \ha. Thawklo thawka insawi te, a hmanna tur nilova kan pawisa dawn kan hmang \hin te hi thil pawi tak a ni. Tin, sum lakluh dan kan inchhutsak pawha pawisa neih dan a mak em em tih tur hi an awm ta nual mai bawk, a zia lo hle a ni. Min hmutu leh kan thil tih mek lai min hriatpuitu hmuh theiha an awm mai loh hian rinawmna hian hmun a chang zim \hin khawp mai a, Pathian pawh kan zah zo \hin lo a ni.
    Mipuitling teh nan pawh hian rinawmna leh dikna hi tehfung pawimawh leh rintlak ber a ni hial awm e. Rinawmna leh dikna hi mihringte siam puitlingtu niin kan mihrin chhunga siamtuin kan tihtur dik tak min ruatsak leh kan hlen ngei tur niin a lang. Dikna awmphaw inbela, rinawmna a inthuam a, thinlung thianghlim leh rilru \ha pu mi nih tum tlat ila, chu chu Pathian duh dan leh PIANGTHAR zia tur chu a ni. Hetiang nun hi kan neih phawt chuan engmahin min tichhe ngai lovang.

KAN THEN TAK
Vanlaltluanga (kum )

 
    Pu Vanlaltluanga hi kum 1960-ah Pu Thangphuta(L) leh Pi Sawichhungi (L) te inkarah a pariatna ni turin Rallen Khua-ah a lo piang a, an unau hi mipa pariat (8) leh hmeichhia panga (5) an ni.
    Pu Vanlaltluanga hi naupang lai a\anga thuawih thei tak, mi \awng tam lo leh nunze zâwi tak, mi pawisawi hlau em em mi a ni a. Mi taima, mahnia intunnun tum tlat mi, a hma zawna tih tur awm te pelhe san ngai lo a ni.
    Kum 2008 khan Pi Lalbiaki nen innei-in nupa kawpchawi \ha tak, inngai em em mai, khawi ilo kalna-ah pawh inzui chawt \hin an ni. Chutih mek lai chuan an nû hian Cancer natna avangin ni 8.11.2016 khan chatuan ram alo pansan a, a lung a lengin an ni hi a ngai em em \hin a, chutia khawhar taka a awm lai chuan kumin July thla a\ang khan chaw kawng Cancer a ni tih hmuhchhuah ve leh a ni a. Amah hi chuan rilru zangkhai tak puin, chemo te kan la anga ka dam leh vat dawn alawm, tiin beiseina sâng tak a nei a. Chemo hi circle 3 a la nghe nghe a ni. Chutia beiseina sang tak nena a hmalam hun a thlir mek lai chuan thil a ei thei ta tlat lo mai a. Chutia thil ei thei ta lo chu a taksa te lo chaklo chho zelin amah pawh a chauh tâk deuh avangin Cancer Hospital, Zemabawk lamah inentir turin an kal leh a. Doctor ten thil a ei theih nan tiin Cancer Hospital lam a\angin ZMC Hospital (Falkawn) lamah an Refer ta a ni. Tichuan, eitur te pek anih theih nan tiin a nakah pipe thunin an zai ta a, a taksa chaklo chho tawh bawk nen, Pneumonia a lo kai lehzel si avangin hmasawnna alang hlei thei ta lova. ICU-ah hial te dah luh ngaiin a lo awm ta a ni. Tichuan, Doctor leh Nurse ten an thiamna hmangin theih tawp chhuaha an enkawl mek laiin Ni 21.11.2019, zing dar  2:05 khan Chatuana Pa angchhunga chawl tawh turin min kalsan ta a ni.

Advertisement...

Dak in (Post office) a sum khawlna scheme hrang hrangte
1. Saving Bank Account (SB) : Puitling tan, 4% pung.
2. Recurring Deposit(RD) : Puitling leh naupang tan a ni a, `  10 a\angin a hawn theih a, a pung hi  7.25% a ni. Kum 5 chhung atan.
3. Sukanya Samriddhi Account (SSA) : Hmeichhe naupang kum 10 hnuailam tan `  250 chauhin Account a hawn theih a ni. A pung hi 8.4% a ni. Kum 1 chhungin ` 1,000 dah tlin ngei tur a ni.
4. Indian Post Payment Bank (IPPB) : Hemi Account hawn nan hian pawisa a ngai lova, Dak account neisa leh neisa loh tan pawh a hawn theih vek..Hemi account hi India ram bank awm zawng zawng a thlunzawm avangin pawisa thawn nan a hmantheih bawk. Kum 11 chin chunglam, Aadhar Card nei leh nei lo tan pawh hawn theih a ni. IPPB Account a\ang hian Scholarship, Electric Bill, Gas Subsidy, Tui Bill etc.. atan hman theih vek a ni. Tin, QR Card a free in a chhawm bawk.
    RD leh SSA hawng tur tan nomination a ngaih a vangin nu/pa/enkawltu ten SB hawn a ngai.
    Dak In(Post Office)hi bank zawng zawnga rintlak ber a ni a,tunah hian eng bank ami pawh dak in atanga pawisa lakchhuah theih turin hmalak mek a ni a,i sum hlu tak nangma tan,i tu leh fate tan lo khawlin lo hmang tangkai ve rawh le..
    Account hawng tura pawimawh te :-
a) Naupang tan-Passport 3 leh Adhar/birth certificate xerox copy1
b) Puitling tan-Passport3 leh Adhar xerox copy1
    Account hi englai pawhin hawn theih a ni.
    Contact :Lalmuanpuii(Apuii) &     Lalzarliana
    Hlimen  Damveng
    Ph. 7005679597 / 9862221750/9612232958

PAGE - 3

HRIATTIRNA :

Hriattirna
    Pi/Pu Lalrinliana S/o Chalchhunga (L) of Hlimen hian a LSC/House Pass/Shop Pass/Stall Pass/P.Patta No. AZL – 48 of 1998, Hlimen Quarry Veng ami hi a tibova rawn insawiin Office-ah re-issue a rawn dil a. A dil anga tihsak a rem lohna chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziak-ah hian hriattir tur a ni. Hetiang LSC/House Pass/Shop Pass/Stall Pass/P.Patta pek chhuah leh a lo nih chuan LSC/House Pass/Shop Pass/Stall Pass/P.Patta hmasa chu cancelled nghal a ni.

    Sd/- Settlement Officer
    Land Revenue & Settlement
    Aizawl District : Aizawl

Hriattirna
    Venglai tui pump bul drain-ah bawlhhlawh la paih kan awm leh ta tlat mai a, bawlhhlawh paihna hmun a nih loh avangin tun hnuah mi tumahin hnawmhnawk paih tawh loh tur a ni e.

BRANCH  YMA  HRIATTIRNA
    Sawrkar thuchhuak leh Central YMA ngenna angin Branch YMA chuan kumin hunpui lo thleng tur denchhen hian nu leh pa te, kan fate halpuah, hal mawi leh silai lem mu nei chi leisak lo turin kan inngen a. Tin, veng chhunga dawrkai zawng zawngte pawh, hetiang lam zuar lo turin kan inngen bawk a. Inrinnia mahni remchan anga venglaia veng chhung mi rawn inpho leh veng dang a\anga a remchan dana lo inpho \hinte pawh, hetiang lam chi reng reng zuar lo turin kan inngen a ni.
Sd/- Secretary

Advertisement....

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.
Regd. No MSR542,                              Ph.No
(20-8)                                        9436199884, 9862476439

Bawng sa lei tur nei reng
    Bawng sa tuihnai tak, a thin Kg-ah ` 500 leh a ti KG-ah ` 450 in kan nei a, tin a rep khai khat ` 350 in englai pawhin lei tur kan nei reng bawk e.
(1-1)    Lalchhungpuii, Saichhuma Sec.
    Ph. 9862375253

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

 (10-4)          VL-a, Ph.No : 9402344486, 9615266170

LAWRKHAWM :

ELECTRIC FREE CONNECTION CHUNG CHANG
    Heng mite hi BPL Electric free Connection pektur an nia, Pu H.Zothansiama Hlimen Damveng hnenah a rang lama in report tur ani e, phone call/whats app pawm ani lo ang.
PB Lalthanmawia, Lalhmangaiha, Lalrinawma, Lalramnghaka, Thanchungnunga, Lalthanzuali, Zohmingthanga, Lalrindika, Ribert Lalnunmawia, Lalhmingthangi, Lalhmingliana, Laldintluanga, Zakaria LC, Thangvungi, Vanlalenpuia, Lalsangliani, Dengchhingpuii, Lalsiamliani, R. Zothansanga, Lalthuampuii, Lalrammawii

Branch YMA inthlan programme
    A hun    :    Dec. ni 6, 2019 (Zirtawpni) 7:00 Pm
    A hmun    :    YMA Hall
    Hruaitu    :    Pu Robuanga, President
    |antu    :    Pu Lalthlamuana, Leader
            Hlimen Vengthar Branch K|P
    Reports    :    Branch Secretary & Section
            Secretaries
    Thusawi    :    Pu R. Lalngheta R.O
    Solo    :    Nl. Lalhmangaihzuali LSV
            Tv. Lalhriatpuia VP
    Lawmman sem    :     Zirlai hlawhtling
    Inthlan    :    R.O kutah
    Lawmman sem        Hnatlang kalkim & Committee kalkim
            Hlimkhawpui Budget pe \ha
            Buala section chhunga Activity ti\ha
            Faina kawnga hma la \ha ber
            Section
            Thlanlaihna a kal \ha leh thawk \ha

Vety Project thar
    Selesih Vety farm a\angin Project thar siam a ni dawn a, lo neih a eizawng, huan kumhlun neite, Broiler vulh te, bawng vulhte, vawk vulh te, ui neite tan member a  nih theih a, member ni duh leh hrechiang duh tan heng number ah te hian zawhfiah a in register theih a ni e.
Phone :    9862856534 Zotluangkimi
    9862375596 Zirthansangi
In register tur te tana ken ngai te:-
    (1) Mahni mobile phone hman lai
    (2) House Number
    (3) Aadhaar Card

Sum  Audit
    Dec. ni 3, 2019 (Thawhlehni) zan dar 7:00 hian YMA Hall-ah Branch YMA hnuaia peng hrang hrang sum enkawl  te Audit tur a ni. Heng ahnuai a tarlan sum hrang hrang enkawltu te kim taka kal turin hriattir leh ngen kan ni e.
    Branch sum
    Chhiatni Fund sum
    Property hawh man
    Hlimkhawpui sum
    Section tinte sum
Tin, sum audit tur hian heng mite hi ruat an ni :        Pu H.Ralkapthanga, Pu Duhthusama,
    Pu Pakunga

PAGE - 4

KEIMAHNI :

Hlimkhawpui Budget
    Hlimkhawpui  Sept. & Oct. 2019  thla Budget  pe tla tawh te:
1.    Buala Sec.    2. Saichhuma Sec.
3. Vawmphunga Sec.    4. Damvea Sec.
5. Kapdaia Sec.
    Buala Sec. ten kumin chhung Budget an tlak fel ta bawk.

UPHC |hutthleng
    Branch YMA Exe. Committee in ruahmanna a lo siam tawh angin UPHC Hlimen a dah tur chu peih fel a ni ta a, Heng \hutthleng (bench)te hi Branch YMA in 2, Section tin ten 1 \heuh bakah IKK hmeichhia in 1 tumin avaiin 9 hlan a ni ang. Nov. ni 19, 2019 zan khan rawng hnawih a ni a, Nov. ni 21, 2019 zanah  chhut kai ngai te chhut kai niin pek theih a zawh fel a ni a, ruahman lawk ang chuan Nov. ni 25, 2019 (Thawh\anni) ah UPHC ah hlan a ni ang.

Krismas  puala |anpuina
    Kumin Krismas pualin Branch YMA chuan kum danga lo tih tawh \hin angin vengchunga miharsa zawk te tan \anpuina sum a hlan leh dawn a, Section YMA ten mahni Section huamchhungah chutianga \anpuina dawng awm mi ni a kan hriat te chu December ni 15, 2019 ralhmain Branch OB te hnenah report tur a ni e. 

Advertisement...

Dawr insawn
    Local Council Office hlui, Pu Lalfakzuala (Boiha) te inchungah kan insawn a, min dawr tu ten min rawn dawr chhunzawm zel turin kan inngen e.
     Dingpuii, Damveng
(1-1)    Ph. 9436361642/7005823276

Dispo.......Dispo
    Disposable chi hrang hrang - nô, thleng, bowl, a zawp thei leh AMC pawhin a phal chin englai pawhin lei tur kan nei a, whole sale & Retail in kan pe thei reng e. Min rawn dawr ve teh le.
     Têkimi, Damveng
(3-1)    Ph. 9862712008

KHAWIKHA...  KHAWIKHA........
ELECTRONICS BUNGRUA CHI HRANG HRANG BAZAR RATE AIA TLAWMIN I INAH KA RAWN DAH THEI E
    SMART TV  Company hrang hrang, Fridge, Single door,double door, side by side.Deep freezer, vigi cooler.Washing machine Top loading, front loading,Fully Automatic, Dryer, Inverter , Inverter Bateries, Microwave Oven. AC
    Heng ah hian mamawh i neih chuan Kulikawn Hlimen Taxi Stand oppsite ah dawr kan hawng thar e. Bazar rate aia tlawmin i inah ka rawn pe thei che,  Company duh bik neih pawn eng Company pawh i duh ang ka rawn dah thei e.
(6-4) Siampuia Khiangte. Hlimen...Ph 9863457800

KOHHRAN :

Bial  Pavalai  Meet
    Nov. ni 24, 2019(Pathianni) hmang hian Hlimen Presbyterian Kohhran-ah Hlimen Pastor Bial Pavalai Meet hman a ni dawn. Speaker-ah Bialtu Pastor Rev. Lalchhuanawma hman a ni ang. Tin, Pathianni chawhnu inkhawm hunah kum 2019 chhunga Pavalai member boral tate sunna hun an hmang dawn a ni. He meet hi Pathianni zanah a \iak ang.

INFIAMNA :

BADMINTON-AH CHE |HA
    Mizoram Badminton Association Master Tournament 2019 Ramhlun Indoor Stadium a khelh zawh takah Pu Lalmuanawma chu a kawppui nen 35+ Doubles & Mixed Doubles-ah an champion. Tin, Pu R.Lalbiakmawia pawh 40+ Doubles-ah a kawppui nen an champion bawk. Tin, Nl. Lalhlunchhungi pawh 35+ womens doubles-ah runner-up a ni bawk. An hlawhtlinna-ah kan lawmpui a, an kalzelna turah duhsakna kan hlan e.

Taekwondo
    13th South Asian Games, Taekwondo, Katmandu & Pokhara, Nepal a Dec. ni 1-10, 2019 a neih turah India ram aiawh turin Mizo player 3 leh Coach 1 thlan an ni a. Player thlanchhuah zingah hian Tv. Lalfakzuala S/o Lalhmingmawia Saichhuma Sec. chu a tel a, kan chhuang hle a ni.

Keimahni Chhunzawmna....

 Branch YMA OB 2019 nomination list
    1.    Biaknghinglova    2.    H. Zothansiama
    3.    Jerome Lalduhbika    4.    John Lalhunhlua
    5.    Judy H. Lalbiaknungi    6.    J. Vanlalbiakdika
    7.    J. Vanlalhruaia    8.    K. Lalremruata
    9.    Lalbiakdiki    10.    Lalbiaknunga
    11.    Lalbiaksanga    12.    Lalhmuchhuaka
    13.    Lalkhawmawia    14.    Lalnunsiama
    15.    Lalrinchhana    16.    Lalrinmawia
    17.    Lalthantluanga    18.    Laltlanmawii
    19.    Lal\anzuala    20.    Lalzopuia
    21.    Lawmtluanga    22.    Lawmsangkimi
    23.    P.C Lallawmzuala    24.    Robuanga
    25.    R.C Lalroliana    26.    R. Lalawmpuia
    27.    R. Lalrindika    28.    R. Zoliana
    29.    Zolianchhunga    30.    Zonunsanga
    31.    Zoramhmangaiha    32.    Zothanzami

Sahmulphah thla (November) Ni 16, 2019, Issue No. 46

PAGE - 1

TUALCHHUNG :

Damlo : Pi Zopari W/o Thangchungnunga (L) Saichhuma Sec. a mi chu taksa chaklohna in a tlakbuak avangin inlamah enkawl mek a ni.

Hal ral : Nov. ni 11, 2019 zingkar khan Pu Lalhmingliana Local Council chuan Local Council Office kawt-ah sangha manna bungrua \henkhat Hlimen Luia Nungcha Humhalhtu Pawlin an mansak te halna a nei.

Nau nei thar : Nov. ni 10, 2019 khan Pu Lalnunmawia leh Pi Rebek Lalhriatpuii te nupa Buala Sec. a mi te chuan an fa pahnihna atan Kulikawn damdawi inah fanu duhawm tak an nei thar.

Hnatlang nei : Nov. ni 15, 2019 khan 407 Owners & Drivers Assn., Hlimen te chuan Quarry a Parking area tihfai hnatlang neiin member an thawkchhuak \ha hle.

Faina beihpui hnatlang : Nov. ni 16, 2019 (Inrinni) hian Local Council leh Branch YMA Joint meeting in ruahmanna an lo siam angin Faina beihpui hnatlang neih a ni a, hnatlang si lo, inhlihna pe bawk si lo te chu ` 200 a run an ni anga, runna pe duh lo te chu Joint meetingin a lo rel tawh angin Local Council leh Branch YMA in a \ul angin an chungthu a ngaihtuah dawn a ni.
    He chanchinbu buatsaih lai hian hnatlan dan kimchang hriat hman a ni lo.

Zo fel ta : Venglai kawn a\anga Venglai chuanhnuai panthlakna kawng chhuat Cheque red tile phah leh a ko  lungrem hna thawh chu zawhfel a ni ta niin thu kan dawng.

In report theih : Kan hmalawk a 3rd Mizoram State games lo awm tur ah Athletics leh Mizo infiamna a chhuak duh kan awm  a nih chuan a ranglamin Tv. Lalmuanpuia Secretary, GSA Ph: 9862431148 hnenah in report theih a ni e. Hriatchian leh zawhfiah duh nei te pawhin a zawhfiah theih nghal e.

HEADLINE :

Branch  Y.M.A  Committee  neih a ni

    Nov. ni 12, 2019 zan khan Hlimen Branch YMA Committee vawi 12-na YMA Hall-ah neih a ni. Thurel tlangpui te :-

1. Kum 2019-2020 Branch hruaitu thlan : Kum 2019-2020 chhunga Hlimen Branch hruaitu thlan hun atan Dec. ni 6, 2019 (Zirtawpni) zan dar 7:00 ruat a ni a, a hmun atan YMA Hall a ni ang. Branch Exe. Committee member atangin nomination list siam a ni. Mi 6 thlanchhuah a ni anga RO hovin post an insiamrem ang. Inthlan buapuitu turte :
    R.O.    :    R.Lalngheta
    PO te    :    Pu Lalhmingliana, Pu Pakunga
            Pu Duhthusama, Pu Vanlaltluanga
            Pu Lalremmawia, Pu H.Ralkapthanga
            Tv. C.Lalhmingthanga
    Programme leh \ul dang hi OB te kutah dah a ni.

2. Local Council Award 2019 : Local Council Award 2019 hi inthlan zan - Dec. ni 6, 2019 ah hlan nise, a hlan turin Pu Lalhmingliana Chairman nise tih a ni.

3. Sum Audit : Branch YMA hnuaia peng hrang hrang sum enkawl - Branch sum, chhiatni fund sum, property hawh man, Hlimkhawpui sum leh Section tinte sum Dec. ni 3, 2019 (Thawhlehni) zan dar 7:00 hian YMA Hall-ah Audit tur a ni a. Auditor atan heng mite hi ruat an ni :-
    Pu H.Ralkapthanga, Pu Duhthusama, Pu Pakunga

4. Committee & hnatlang kal kim lawmmnan : Kum 2019 Branch Committee a kalkim mi 12 leh Branch hnatlang kakim mi 2 te hnenah kalkim lawmman YMA hruaitu thlan zanah pek nise tih a ni.

5. Sub-Committee member ruat : CYMA Sub-Committee Member 3 ruat tura ngenna hmuh  a ni a, Branch aiawh turin heng mite hi ruat an ni :- Pu Lalrinmawia, Pu K.Lalremruata, Nl. Lalbiakdiki

6. Mizoram State Games a tel tura sawmna : 3rd Mizoram State Games, 2019, Dec. ni 9 - 13, 2019 chhunga neih turah sawmna dawn a ni a, Branch OB te hemi chung chang hi GSA hruaitute sawipuiin ruahmanna lo siampui se, thutlukna pawh an kutah dah nghal nise tih a ni. Chutih rualin kan constituency huamchhunga veng lian ber kan nih angin rualkhai zawka thil a kal theih nan Bialtu MLA hnenah lehkha thehluh nise tih a ni.

7. Intuaithar hun hman dilna : Buala Sec. ten Nov. ni 20 a Millions Resort a intuaitharna hun hman an dilna chu remtihsak an ni a, Branch a\anga fuihna thu sawi tura ngenna pawh Pu Robuanga President kutah dah a ni.
- Phek 2 na-ah chhunzawm a ni..

PAGE - 2

EDITORIAL :

                RAMNGAW LEH NUNGCHA HUMHALH
    Ramngâw leh nungcha humhalh pawimawh zia hi tun thlengin inhrilhhriat a la ngai fô niin a lang a. Hmalam hun \ha zawk kan neih theih nan khuanu lo duan tawh sa hi duat tak leh uluk taka kan enkawl hi a pawimawh hle a ni.
    Pî leh pû te hunah khan pasal\ha an tehna ber pakhat chu sa kap thei kha a ni a, chu chu thangchhuahna niin sa kah tam kha an ‘Aim in life’  a ni. Chu chu tuna Computer Era-a cheng tawh mi \henkhat hian kan la paih hlei thei lo a, a pawi a ni. Chawlh hman nan leh hunawl hnawhkhah nan ramvah ching kan la awm a, mi changkang leh vengva tak tura ngaih si; silai/sairawkherh nena chhuah hi kan zak miah lova. Hengte hi kan sim hunah chuan kan ram hi ‘Animal Planet’ ah kan siam ngei ang.
    Mihring, nungcha leh thing leh mau te hi inmamawh tawn vek kan ni a. He kan nunhona leh inbuk tawk taka kan khawsak hona hi Ecological Balance an ti a. Amaherawhchu, ramngaw kan tichereu nasa lutuk a, ramsa leh sava ten eitur nei lovin kan thlawhhma-ah an rawn \uan mai niin a lang a. Kan thlawhhma siamte ramsa leh sava avanga kan hlawhchham hian kan tuh rah kan seng a ni lek mai lo maw?? Khaw awmdan leh ruahtui tlak dan mumal loh avanga kan thlai chinah kan hlawhtling zo ta lote hi ramngâw leh nungcha kan humhalh \hat loh vang a ni a, vui thei kan ni lovang.
    Inring tawn leh inmamawh tawn vek kan ni a, chuvangin kan chheh vela nungcha leh ramngawte hi duat taka kan enkawl a ngai a. Chhia leh \ha hriate hian chu chu kan tichhe mek a nih hi !!!
    Khuanu in mihringte tana a lo dah hi kan renchem thiam a, kan enkawl ngun a, a theih ang anga kan duat hi nang leh kei mawhphurhna a ni dawn lawmni ??? 

Phekhma chhunzawmna........
8.  Saichhuma Sec. ten Section Property tihchangtlun nana Section huamchhung a pawisa khawn an dilna leh Property House sak nana Lucky Ticket siam an dilna chu remtihsak an ni.

9. AG School hlui, anganwadi thlang zawl infiamna hmun atana siam turah MP Fund an dil leh Branch seal hman Damvea Sec. in an dilna chu remtihsak an ni.

10. Light & Sound Sub-Committee hnen a\anga YMA Hall a Sound Box lian 2 fix a dah rawtna lo lut chu remtihsak an ni.

11. Thlanmual-I sam fai tawh chu hlo tur a kah nise, Thlanmual Sub-Committee te kutah awmse tih a ni.

12. Chhiat tawh ni khua a hman tur pipe \ha tawk tak Chhiatni Fund a\anga lei committee chuan \ha a ti a, Tv. Lalkhawmawia leh Tv. R.Lalrindika ten hma lo la se tih a ni.

13. UPHC a Branch hminga \hutthleng sei dah tur chu siam zawh a ni ta a, rawng hnawih leh pek/hlan chung chang hi OB te kutah dah a ni.

Advertisement......

Dak in (Post office) a sum khawlna scheme hrang hrangte
1. Saving Bank Account (SB) : Puitling tan, 4% pung.
2. Recurring Deposit(RD) : Puitling leh naupang tan a ni a, `  10 a\angin a hawn theih a, a pung hi  7.25% a ni. Kum 5 chhung atan.
3. Sukanya Samriddhi Account (SSA) : Hmeichhe naupang kum 10 hnuailam tan `  250 chauhin Account a hawn theih a ni. A pung hi 8.4% a ni. Kum 1 chhungin ` 1,000 dah tlin ngei tur a ni.
4. Indian Post Payment Bank (IPPB) : Hemi Account hawn nan hian pawisa a ngai lova, Dak account neisa leh neisa loh tan pawh a hawn theih vek..Hemi account hi India ram bank awm zawng zawng a thlunzawm avangin pawisa thawn nan a hmantheih bawk. Kum 11 chin chunglam, Aadhar Card nei leh nei lo tan pawh hawn theih a ni. IPPB Account a\ang hian Scholarship, Electric Bill, Gas Subsidy, Tui Bill etc.. atan hman theih vek a ni. Tin, QR Card a free in a chhawm bawk.
    RD leh SSA hawng tur tan nomination a ngaih a vangin nu/pa/enkawltu ten SB hawn a ngai.
    Dak In(Post Office)hi bank zawng zawnga rintlak ber a ni a,tunah hian eng bank ami pawh dak in atanga pawisa lakchhuah theih turin hmalak mek a ni a,i sum hlu tak nangma tan,i tu leh fate tan lo khawlin lo hmang tangkai ve rawh le..
    Account hawng tura pawimawh te :-
a) Naupang tan-Passport 3 leh Adhar/birth certificate xerox copy1
b) Puitling tan-Passport3 leh Adhar xerox copy1
    Account hi englai pawhin hawn theih a ni.
    Contact :Lalmuanpuii(Apuii) &     Lalzarliana
    Hlimen  Damveng
    Ph. 7005679597 / 9862221750/9612232958

PAGE - 3

HRIATTIRNA :

NGENNA PAWIMAWH
    Tunlai hian Hualngohmun leh Melthum inkar ramah sawn SAZA LEH SATHÁR an awm niin hriat a ni a, lo hmu zeuh zeuh pawh an awm a ni awm e. Heng ramsate hi a bik taka humhalh mek an nih vangin alo hmu fuh kan awm hlauh chuan tuman lo tina lo hram turin ngen kan ni. A hmu a, thla lo laksak thei kan awm hlauh anih chuan EF&CC Deptt. in lawmman \ha tawk tak pek an inhuam bawk. Helai vel paltlanga chhun leh zana kal \hin zawng zawngte heng ramsate hi humhalh \heuh turin kan inngen a ni.
    Heng sate hi thla lo lak fuh sak thei kan awm hlauh chuan a hnuaia tarlanah hian inhriattir nise a lawmawm hle ang.

    Pu Machama (EF&CC Deptt.)
    Contact : 9862399781/7641027251

LOCAL COUNCIL HRIATTIRNA
    |helretkawn- Zohmingthanga Point a bungrua engchi pawh dah tur te chuan Local Council hriattir hmasak zel tur a ni. Hriattir hmasa lo ten harsatna kan tawk a nih pawhin kan sawisel thei lovang. Phalna nei a dah te pawhin tifai nghal zel tur a ni. Tin, bungraw \henkhat - lung, brick etc. te chu lungbang (|hutna) tihmelhem thei a bun khap tlat a ni tih kan in hriattir bawk e.
    Bawlhhlawh hal leh mai \hin kan awm a, hei hi danin a khap tlat, hal dan a zira pawisa tam tak chawi theihna a ni a, tunhnuah dan phalloh a bawlhhawlh hal kan awm chuan a \ul angin Action lak a ni ang.

Sd/- Lalhmingliana, Chaiman. LC
 

Advertisement.....

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                              Ph.No
(20-7)                                        9436199884, 9862476439

Puan... tlawm leh |ha........
    Puan man tlawm leh \ha tak mai, chhiatni \hatni a ken a tan leh mahni ngei ven/bih atan pawha \ha tak mai englai pawhin lei tur kan kawl ve ta e. Min rawn pan ve teh le...

(1-1)             Lalsiamliani, Saichhuma Sec.

Bawng Sa lei tur nei reng
    Bawng sa tuihnai tak, a thin Kg-ah ` 500 leh a ti KG-ah ` 450 in kan nei a, tin a rep khai khat ` 350 in englai pawhin lei tur kan nei reng bawk e.

(1-1)    Lalchhungpuii, Saichhuma Sec.
    Ph. 9862375253

LAWRKHAWM :

Tanky  chung chang
    PHE Tanky chunga lawn a tanky tui tibawlhhlawh hmu leh hria chuan Local Council-ah report tur a ni. Thu chiang tak, evidence chiang tak neia report te chuan Local Council a\angin lawmman \ha tawk tak an dawng ang.

Sd/- Lalhmingliana, Chaiman. LC

Congress Unit-I hruaitu
    Kum 2020 chhung atana Hlimen Congress Unit-I hruaitu atan heng mite hi thlan an ni :-
    President    :    Lal\anpuia
    Vice President    :    Lalbiakvela
    Secretary    :    David Vanlalhuma
    Treasurer    :    R.Lalchhandama
    Jt. Secretaries    :    R.Vanlalvena, Lalsangkima,                 R.Lalneihtluanga, Lalhruaitluanga,
        Vanlalliana, Zarzoliana, Pachhunga
    Advisers    :    Laikunga, Rothangliana,                     Lalparmawia

CYMA CHETVELNA
12.11.2019 : Director, Tourism Deptt. Pisa-ah Working Committee for Winter Festival 2019 meeting neih a ni a, Dr. Malsawmliana, Asst. Secretary a tel.
12.11.2019 : Zawlbuk Group YMA-in Sesawngah Sports Meet an hmang a, Tv. Lalhmachhuana, Vice President chuan khuallian niin a hmanpui a, Tv. Zochhuana CEC leh Pu Hrangliana CEC an an tawiawm.
13.11.2019 : Central YMA Hall-ah YMA Central Co-Ordnitaion Committee (CCC) Meeting neih a ni.
Member kal dan :-
1. Central YMA Office Bearers    :    6
2. Central Executive Committee    :    43
3. Sub-Hqrs., YMA aiawh    :    16
4. Group YMA aiawh    :    62
5. Aizawl City Branch YMA aiawh    :    76
                           Total     :    203
    Nursery Veng Branch YMA-in Reception, Ushering leh zanriah buatsaih hna an thawk.
14.11.2019 :    Health Minister in Central YMA OB te a Pisa-a leng tura a sawm angin an leng a, HIV/AIDS chungchanga CYMA leh Mizoram Sawrkar hmalak dan tur an sawiho.
14.11.2019 : Secretary, Tourism Deptt. Pisa-ah Tourism Awarness Campaign chungchanga CYMA leh Tourism Deptt. thawhhona thuthlung (MOU) ziah a ni a, Central YMA aiawhin Pu Vanlalruata President-in thawhhona thuthlungah a hming a sign a, Central YMA OB dang ten an \awiawm.

Advertisement...

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

 (10-3)          VL-a, Ph.No : 9402344486, 9615266170

PAGE - 4

KEIMAHNI :

Hlimkhawpui Budget
    Hlimkhawpui  Sept. & Oct. 2019  thla Budget  pe tla tawh te:
1.    Buala Sec.    2. Saichhuma Sec.
3. Vawmphunga Sec.    4. Damvea Sec.
5. Kapdaia Sec.
    Buala Sec. ten kumin chhung Budget an tlak fel ta bawk.

CCC Meeting
    Nov. ni 13, 2019 (Nilaini) a Central YMA hall, Tuikhuahtlangah CCC Meeting neih a ni a, kan Branch  aiawhin Tv. Lalkhawmawia Secretary chu a kal a, palai mi 203 an kalkhawm a ni.
    He meeting ah hian Prof. Lalnuntluanga Gen.Secy hnen a\angin Report ngaihthlak a ni a,  YMA Gen . Conference thlir letna te neih a ni bawk.
    Tin, YMA Gen. Conference a thurel bawhzui chung chang te an sawiho a ni. Tlailamah chawhlui tuihnai tak an kilho a ni.

Buala Section
    Nov. ni 20, 2019 (Nilaini) khian Buala Section chuan Millions Resort-ah intuaitharna an nei dawn a, a kal tur te chuan Nov. ni 18, 2019 ralhmain Section OB te hnenah in report tur a ni. Tin, a kal tur mi pakhat zelin ` 150 \heuh thawh tur a ni bawk e.

Sum  Audit
    Dec. ni 3, 2019 (Thawhlehni) zan dar 7:00 hian YMA Hall-ah Branch YMA hnuaia peng hrang hrang sum enkawl  te Audit tur a ni. Heng ahnuai a tarlan sum hrang hrang enkawltu te kim taka kal turin hriattir leh ngen kan ni e.
    Branch sum
    Chhiatni Fund sum
    Property hawh man
    Hlimkhawpui sum
    Section tinte sum
Tin, sum audit tur hian heng mite hi ruat an ni :        Pu H.Ralkapthanga, Pu Duhthusama,
    Pu Pakunga

Advertisement....

KHAWIKHA...  KHAWIKHA........
ELECTRONICS BUNGRUA CHI HRANG HRANG BAZAR RATE AIA TLAWMIN I INAH KA RAWN DAH THEI E
    SMART TV  Company hrang hrang, Fridge, Single door,double door, side by side.Deep freezer, vigi cooler.Washing machine Top loading, front loading,Fully Automatic, Dryer, Inverter , Inverter Bateries, Microwave Oven. AC
    Heng ah hian mamawh i neih chuan Kulikawn Hlimen Taxi Stand oppsite ah dawr kan hawng thar e. Bazar rate aia tlawmin i inah ka rawn pe thei che,  Company duh bik neih pawn eng Company pawh i duh ang ka rawn dah thei e.

(6-3) Siampuia Khiangte. Hlimen...Ph 9863457800

KOHHRAN :

Salvation Army
    Nov. ni 9-10, 2019 khan Hlimen Corps-ah  Central CO Bial Meet vawi 18 hman a ni a, he hunah hian Local Officer pang (5) chu Commission (nemngheh) an ni a, Hlimen Corps a\angin Local officer pathum (3) nemngheh awmin Corps Secretary-ah Pu J. Vanlalbiakdika , Corps Treasurer-ah Pu Lalramsanga  leh, Welcome Sergeant-ah Pu |huamluaia  te nemngheh an ni a; anni bakah hian Tlangnuam Corps a\angin LOM Secretary leh Treasurer te nemngheh an ni bawk.

Luang chhuak Programme hmang
    Nov. ni 12, 2019 zan khan Vanapa Hall kawt a\anga bul \anin Hlimen Branch K|P chuan Bible track sem pahin eitur a thlawnin an sem bawk a ni. Member thawkchhuak an \hahnem hlein hlawkthlak an ti hle niin thu kan dawng.

INFIAMNA :

Champion leh ta
    Yonex Sunrise all India Master Ranking Badminton Tournament, Bangalore, Karnataka a khelh zawh takah Pu Lalmuanawma chu 40+ ah a champion leh ta. Hetianga State chhung mai nilo; All India a champion nomawi dawng thei kan nei hi a lawmawmin a chhuanawm takzet a ni.

Semi Final ah vanduai
    ADVA Zone A Winter Tournament khelh mek ah Hlimen Volleyball Junior team chuan Semi Final thleng chhoin Nov. ni 15, 2019 khan Hunthar Extreme nen inkhelh a, a vanduai zawk ah an \ang ta a ni.

Keimahni Chhunzawmna.......

 Branch YMA OB 2019 Nomination list
   
    1.    Biaknghinglova           2.    H. Zothansiama
    3.    Jerome Lalduhbika      4.    John Lalhunhlua
    5.    Judy H. Lalbiaknungi    6.    J. Vanlalbiakdika
    7.    J. Vanlalhruaia           8.    K. Lalremruata
    9.    Lalbiakdiki                10.    Lalbiaknunga
    11.    Lalbiaksanga          12.    Lalhmuchhuaka
    13.    Lalkhawmawia        14.    Lalnunsiama
    15.    Lalrinchhana          16.    Lalrinmawia
    17.    Lalthantluanga       18.    Laltlanmawii
    19.    Lal\anzuala            20.    Lalzopuia
    21.    Lawmtluanga         22.    Lawmsangkimi
    23.    P.C Lallawmzuala     24.    Robuanga
    25.    R.C Lalroliana    26.    R. Lalawmpuia
    27.    R. Lalrindika    28.    R. Zoliana
    29.    Zolianchhunga    30.    Zonunsanga
    31.    Zoramhmangaiha    32.    Zothanzami

Sahmulphah thla (November) Ni 9, 2019, Issue No. 45

PAGE - 1

TUALCHHUNG :

Damlo : Pu Mickey Zoremruatpuia H/o Lalramzauvi, Damvea Sec. a mi chu a thin lam fello avangin Nov. ni 7, 2019 khan Guwahati panpui niin enkawl mek a ni.##    Pi Lalrinfeli W/o C.Laldingliana, Buala Sec. a mi chu hrawk lam fello avangin Nov. ni 7, 2019 khan Delhi lamah in check-up turin an kal.

##    Zoramenmawii D/o Lianchungnunga, Saichhuma Sec. chu khawsik avangin Nov. ni  5, 2019 khan Durtlang Hospital-ah admit niin enkawl mek a ni.

Hma la mek zel : Bialtu MLA hmalakna a Vengthlang Chuanhnuai Welfare in Balcony siam hna an khawih chu thawh  mek zel a ni a, tunkar hian a bul\hut lama an  khawih chin chu a slap an chhung zo hman a, sum awm dan a zirin hna hi thawhchhoh zel a ni ang.
    Kumin fur pui laia ko chhak leimin pawh an paih fai nghal a, balcony hi 70 Feets vel thui an khawih tawh niin thu kan dawng.

Lui humhalh :Hlimen lui dung nungcha humhalh tu pawl chuan, Serlui leh a fintu lui pengte chu eng hmanrua pawh hmanga lui sa man a remti tawh lo a, hei hi khawtlang mipuite kan \anrual a pawimawh tak zet a ni. Serlui leh a fintu luiah te hian, lui sa awmte hi an rêm tawh takzet a, an mang mai pawh a hlauhawm tawh a ni. Lui kal \hin te pawh lo insum hram hram ila, kum 2/3 hnuah chuan luisa an lo pung tawh anga, awmze neiin hmanrua phal chin nen kan man a nga, Hlimen khua hi luisa eitur kan lo hnianghnar tawh dawn a ni.

Ui khuahkhirh chung chang : Ui pawn chhuak chung changa Local Council  leh Branch YMA thuchhuak:
1. Ui chhuak a awm a, man a nihin a neitu in ` 500 in a khul thei ang a, ui mantuin pawisa hi a chang vek ang.
2. Ui chhuak man, a neituin man a nih a\anga darkar 24 chhunga a khul lo a nih chuan ui chu a mantuin a duh angin a tiral thei ang.
3. Ui khawlai a inthiar, a neituin a kai chhuak a nih pawhin thenfai a nih loh chuan a neituin ` 200 a chawi ang.

HEADLINE :

Hnatlang pui neih ni dawn
    Nov. ni 8, 2019 zingkar khan Local Council leh Branch YMA Office Bearer te chuan Local Council Office-ah Faina chungchanga hmalak dan tur sawihoin Joint Meeting an nei a, Meeting thuchhuak \henkhat te :-

 1. Nov. ni 16, 2019 (Inrinni) nileng hian Faina beihpuithlak a veng pum hnatlang koh a ni a,  kawngba sam a hun em avangin kawngba sam tura thawhchhuah nise, kan hman dan a zirin \ul dang pawh khawih tel a ni ang.Chhungtin a\angin mi pakhat thawhchhuah tur a ni e.  Mipa in chem leh hmeichhia in  hmun tih faina hmanrua thawhchhuahpui tur a ni ang.

2. Loh theih loh thil, rokhawlhna lian leh harsatna bik tak kan nei a nih loh chuan inhlih loh hram nise, a tam thei ang ber hnatlanga thawhchhuah tum tur a ni. Harsatna lian tak nei a, hnatlang hman nganglo tur te chu Nov. ni 16, 2019 ralhmain Local Council ah `  100 a in hlih theih a ni anga, inhlip bawk si lo, hnatlang bawk si lo chu `  200 a run an ni ang a, runna pe duh lo chu Local Council leh Branch YMA in an chungah  a \ul angin action a la ang.

3. Hnatlang te ei leh in chu Local Council in a tum anga, a \ul a nih chuan Branch YMA pawh lo inring se tih a ni bawk.

4. Hnatlanna hmun leh incharge tur te :-
    Section    Incharge te
    Buala    Pu Vanlalhruaia, Pu Lalhmuchhuaka,
        Tv. R. Lalrindika leh Buala Sec. OB te
    Damvea    Pu Lalhmingliana, Pu Robuanga,
        Damvea Sec. OB te
    Kapdaia    Tv. Lalhmingthanga, Pu RC Lalroliana,                 Kapdaia Sec. OB te
    Lalsavunga &
    Vawmphunga    : Lalhmingmawia, Pi Lalhmingthangi, Pu J. Vanlalbiakkdika, Tv. Lalkhawmawia,  Vawmphunga & Lalsavunga Sec. OB te. (Vawmphunga Sec. leh Lalsavunga Sec. te hian Lalsavunga Section a\angin an tuam ang.)
    Saichhuma    Pu J. Zothanpuia, Pi Tlangkhumi, Pu Lalrinmawia, Saichhuma Sec. OB te.
    Section tina incharge te leh Section OB te hian hnatlan dan tur mumal zawk a awm theih nan \hutkhawm hmasak a ruahmanna feltak siam lawk tur a ni ang.

5. Hnatlang tura thawhchhuak te chu zing dar 9:30 a thawk thei tura thawhchhuah tur a ni.

6. Kumin Krismas hma ngeiin Faina beihpui thlaka hnatlang koh leh hman tum nise tih a ni bawk.
    Tin, chhungtinte mahni In leh a vel vawngfai \heuh turin ngen kan ni bawk e.

PAGE - 2

EDITORIAL :

           CHHUNGKAW HLIM NAN
    Ziaktu pakhat chuan, “Kan pian chhuahna chhhungkua aiin kan din tur chhungkua a pawimawh zawk. Pathian thiltum bulpui ber leh vawrtawp ber chu, a thil siam zawng zawng te fel taka an awm theihna tura chhungkaw din hi a ni.” a ti a, a dik hle mai. Chhungkaw \ha leh chhungkaw hlim din tur chuan eng hi nge pawimawh ta ang le??
    Mizote hi mahni chhungkaw dinhmun phu lohva inchei leh lan mawi tum kan ni mai em aw ka ti \hin. Mamawh em em lem loh nawmchenna lam (luxury) hian kan rilru hi a luah nasa hlein niin a lang. Hausa zawkte dinhmun thlirin anmahni tluk a inlantir kan tumna hian lemchang nunah min hruai luta, chhungkuain a tuar thei hle a ni.
    Kan chhungkaw boruak a nawm loh chuan naupang lamin khawi hmunah emaw nawmna an zawng ngei ngei dawn a ni. Chutah chuan tawn \ha lo tak tak pawh an va tawng thei, nu leh pa hmuh phak loh chinah chuan fel taka invawn reng chu a harsat chin a thleng ngei ngei dawn a ni. Pawn lama hlimna aia nuam leh hlimawm inchhungkhurah kan siam theih chuan chin dan \ha lo leh nun sual hi inchhungkhura kan chhar a nih hlawm si loh avangin chung lakah chuan kan him tlang thei dawn a ni.
    Khawvel inher danglam zelah hian nu leh pa khawvel leh naupang khawvel a inang lova, tuina zawng pawh a inang hek lo. Chuvangin an tui zawng hriatpui tumin zir peih ila, kawng dika hruai thei turin \anlak i tum thar leh teh ang u. Inchhungkhura hlimna an hmuh theih nan siam \hat ngai kan siam \hat hi tih makmawh a ni ta e. Chutiang a nih loh chuan mahni khawvel hran theuhah khawsain tumah inkawmngeih hlei thei si lovin chhungkaw khat ni lovin in khata cheng ho satliah maiah kan chhuak palh ang e.

ZIAKTUTE HUANG :

RAM LEH HNAM HUMHALH
Fabian Lalfakawma,
Finance Secretary, CYMA
    Mizo hi Hnam chi hrang hrang awmkhawm kan ni tih kan hriat \heuh kha, zanin pawh hian tlar khatah hnam in ang \hap \hutna a awm angem aw?? Heng Lusei, Hmar, Kuki, Chin, Lai, Mara-te hian han khaikhawm ta ila, Lusei leh Hmar hnuaiah ringawt pawh hnam a tam deuh avangin, sawikim loh ka nei palh ang tih ka hlauva, heti chung pawh hian; sawikim loh pawh ka nei mai thei, min lo ngaidam se, MIZO hnahthlak kan chhehvel leh Khawvel hmuntin a awm te u, zanin hian kei tehlul hian kan ram chhan tur leh kan hnam humhalh tur hian, sum leh pai hausakna a ngai lova, rinawmna leh huaisenna, kan ram tan hian kan hlan theih chuan a tawk mai e, kan ti ve ange aw. Mihring inpumkhat theihna chu, \awng inang leh inbiak tawn theih vang hi a ni phawt mai!! Hmanlai a Babel in sang sa tute kha, engvanga hlawhchhama, vakdarh ta mai nge, an \awng an inhretawn, mahse, a awmzia an inhretawn thei tlat lo kha a ni mai a, keini pawh hi “Kan Zotlang ram nuam hi chhawrpial run i iang e” ti a kan zai \hup \hup a, nuamti em em a kan chenho theih tlat
avangin, kan innela kan inkawmngeihna nih hi. Mizo hnam peng hrang MARA, LAI, PAIHTE, HMAR, LUSEI, KUKI, CHIN, BAWM, PANGKHUA leh a dangte hian, mahniin pipute a\anga \awng chhawmchhoh kan lo nei a ni thei e, ava ropui em!!! India ramah mawlh hian, mahni hnam \awng nei kan va tam em. Constitution 8th Schedule hnuaia \awng pawm ringawt pawh hi 23 vel a ni awm e, chung zingah chuan kan la tel rih lo va, heta tel ve hi YMA chuan a \ha hlein kan ngai a ni. Kan tel theih hunah chuan, kawng tam takah \hatna a awm dawn a, pakhat chu UPSC examah pawh Mizo Language kha subject khatah kan thlang thei dawn a ni. All India/Central Service neih nana kawngsattu pakhat ni tur a ngaih a ni, Tin, kan MP-te hian Session-ah Mizo \awngin an hlap ve nghek thei dawn bawk a, translator machine kaltlangin, midang chuan an lo ngaithla mai dawn a ni an ti. Mizo hnahthlak hnam \awng la neite, la inbe tawn theite an fakawmin, an awhawm ka ti khawp mai, Zep nak nge, kei hi Renthlei pa ka ni a, Renthlei \awng a awm leh awm loh pawh ka hre lova, awm se zir ngei turah ka ngai. Phai lamah lehkhazir ten kan awm ve \hina , a bik takin LAI leh MARA, HMARte nen Hostel-ah te kan han awm hova, anmahni \awnga an han in be zet zet maite hi ngaihnawm ka tiin, \ha ka ti hle \hin. Sap \awngte, Vai \awngte ai chuan ka ngaisang daih zawk. Kan Mizo pui hnam pengkhat an ni tlat a, sap \awng leh vai \awngte hi chu an \awng thiamloh vanga thil tih theihloh a tam em avangin, thiam a ngai mai mai zawk a ni. Hnam \awngte, hnam ziarang incheinate lo nei hrang deuh mah ila, Mizoram chhunga awm Mizo kan nih tlat avangin, kan inbiaktawn theih a, thu kan inthawn tawn theihna, Mizo - A AW B hmang thei vek kan nih kha, Duhlian \awng kan tih mai, tuna ka \awng hman hi ka hnam bil \awng a ni hauhlo. Mahse, Mizo hnam ka nihna a ka Mizo puite ka biak a, ka kawm theihna, ziak pawha thu chhia, thu \ha, ka hrilh theihna anih avangin, kan ngaihluin kan ngaisang anga, kan humhalh tlat tur a ni dawn lawm ni? Ka hnam bil \awng kha ka lo nei a nih pawhin, ka hnambil puite biak nan leh thu thawn nan ka hmang mai ang chu, tun tan mah a pawi love, hnamkhat \awng bik la nei, an mahni \awnga an inbiate lo huatthu a awm hlei nem? Min biak nan emaw, anmahni biak nana an hnambil \awng an phut tlat anih loh chuan, hnawkna a awm lova, hnam \awng a ti hausa zawk hle a niah kei chuan ka ngai a ni. Keini ho hian ram neitu, inpui nghaktu, kan ni tih hre rengin, kan unau hmun hran hran a awm ten, Duhlian \awng hman hi inthlahrung hauh lova siam turin, a thlukah val i buai vak lovang u.
Remchang hmasa-ah chhunzawm a ni ang...

PAGE - 3

HRIATTIRNA :

Hlimen Civil Pensioners hriattirna
    Kum 2019 - 2020 atân Headquarters Budget thawhkhawm a lo hun leh ta a. Thawh zât tur chu Budget ` 90/- leh Building Fund ` 30/- (` 90+30=120/-) a ni a. Veng hrang hranga khawntu tur hetiang hian siam a ni.
1. Damveng    : Pu R. Lalremruata &
      Pu Zothansanga.
2. Vengchhak  : Pu Pakunga & Pu Vanlaluapa
3. Quarry Veng : Pu Sangzuala & Pu Lalthlamuana
4. Vengthlang    : Pu Chhanhima & Pu Ro\huama
5. Venglai    : Pi Lallianmawii & Pi Lalngheti
    A khawntu tura ruatte hian \ha tak leh fel taka khawn turin theihtawp chhuah vek ila, kan khawn zawhah Pu Pakunga, Financial Secretary hnenah thehluh nghal tur a ni e. Pensioners ten a khawntute lo kal hun hunah lo pe fel thei turin lo inring \heuh turin kan ngen bawk e. Member khawn tur list-ah hian tihhmaih palh a awm chuan mahni inbengvar mai turin kan inngen a. Tin, Membership Fee la pe lo tân pawh pek nghal zel tum ila a lawmawm ngawt ang
    Sd/-
    Ro\huama
    Secretary, MCPA
    Hlimen Branch

LOCAL COUNCIL HRIATTIRNA
    |helretkawn- Zohmingthanga Point a bungrua engchi pawh dah tur te chuan Local Council hriattir hmasak zel tur a ni. Hriattir hmasa lo ten harsatna kan tawk a nih pawhin kan sawisel thei lovang. Phalna nei a dah te pawhin tifai nghal zel tur a ni. Tin, bungraw \henkhat - lung, brick etc. te chu lungbang (|hutna) tihmelhem thei a bun khap tlat a ni tih kan in hriattir bawk e.
    Bawlhhlawh hal leh mai \hin kan awm a, hei hi danin a khap tlat, hal dan a zira pawisa tam tak chawi theihna a ni a, tunhnuah dan phalloh a bawlhhawlh hal kan awm chuan a \ul angin Action lak a ni ang.

Sd/- Lalhmingliana, Chaiman. LC

Tanky  chung chang
    PHE tanky chunga lawn a tanky tui tibawlhhlawh hmu leh hria chuan Local Council-ah report tur a ni. Thu chiang tak, evidence chiang tak neia report te chuan Local Council a\angin lawmman \ha tawk tak an dawng ang.

Sd/- Lalhmingliana, Chaiman. LC

Advertisement...

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                              Ph.No
(20-6)                                        9436199884, 9862476439

LAWRKHAWM :

Hman theih ta
    Local Council in Thelretkawn a vantlang zunin an sak chu peih fel a ni ta a, zunin a nih angin zunna atan  a hman mai hi \ha a ni. Tin, a bulhnai a awmten  a enkawl faina kawngah mawh kan lak thiam a pawimawh hle dawn bawk a ni.

MZP hruaitu thlang
    Nov. ni 6, 2019 khan Mizo Zirlai Pawl Gen. Headquarter 2019 - 2021 chhunga hruaitu tur thlan a ni a. Hruaitu paruk thlanchhuah zingah hian Hlimen mi leh sa pahnih an tel thei a, kan chhuangin kan lawmpui takzet e. Pu Peter Chhangte S/o C.Zaikunga chu Vice President-ah thlantlin a ni a, an ni hi eizawnna lam thil avangin Mission vengthlangah mi in luahin an khawsa mek. Tin, Fin. Secretary-ah Tv. Chinkhanmanga Thomte S/o Chinzathanga thlan tlin niin Saichhuma Sec. ah an awm a ni. MZP hruaitu thlan tharte :-
    President    :    B. Vanlaltâna
    V. President    :    Peter Chhangte
    Gen. Secretary    :    Lalnunmawia Pautu
    Asst Gen.Secry    :    Jacob Lalmuanpuia
    Treasurer    :    Andrew F.Lalramnghaka,             Fin. Secretary     :    Chinkhanmanga Thomte

CYMA CHETVELNA
4.11.2019 : Secretary-Health & Family Welfare Department pisa-ah State Level Task Force Committee for Immunization on Intensified Mission Indradhanush 2.0 neih a ni a, Pu F. Lalfakawma CEC a tel.
5.11.2019 : |huampui Branch YMA-in TBCC, Sakawrtuichhun tanpui nan ` 1,00,000/-, dekchi lian, buhfai bag leh chawhmeh bag engemaw zat an hlan a, he \anpuina hlan programme hi Tv. Lalhmachhuana, Vice President in a hmanpui.
5.11.2019 : Mizoram Governor 20-na ni turin P.S. Shreedharan Pillai chu Circular Lawn, Raj Bhavan-ah rinawmna thu tiamtira lak luh a ni a, Prof. Lalnuntluanga, General Secretary, Dr. Malsawmliana, Assistant Secretary, Pu Roneihthanga, Finance Secretary te an tel.
5.11.2019 : Mizoram Consumer Union, General Headquarters hruaitute Central YMA Office-ah an rawn leng a, Pu Vanlalruata, President in a lo dawngsawng a, LPG Home Delivery chungchanga harsatna awm te sut kian kawnga Central YMA an rawn ngenna chungchang an sawiho.
6.11.2019 : Indian Medical Association, Mizoram State Chapter hruaitute leh Mizoram Govt. Doctor Association hruaitute Central YMA Office-ah an rawn leng a, Central YMA OB, Pu F. Lalfakzuala CEC ten an lo dawngsawng a, HIV/AIDS chungchanga hmalak dan tur an sawiho.
6.11.2019 : Joint Director, FC&CA pisa-ah LPG Home Delivery Monitoring Cell Meeting neih a ni a, Pu Fabian Lalfakawma, Treasurer a tel.
7.11.2019 : Assam Rifles Brigadier in Central YMA OB te a pisa-a leng a, titi ho puia a sawm angin, Central YMA OB te an leng.
8.11.2019 : Central YMA Office-ah Central YMA OB leh MJA hruaitute an inkawm a, kawng hrang hranga hma lak ho dan tur an sawiho.

PAGE - 4

KEIMAHNI :

Hlimkhawpui Budget
    Hlimkhawpui  Sept. & Oct. 2019  thla Budget  pe tla tawh te:
1.    Buala Sec.    2. Saichhuma Sec.
3. Vawmphunga Sec.    4. Damvea Sec.
5. Kapdaia Sec.
    Buala Sec. ten kumin chhung Budget an tlak fel ta bawk.

Thlanmual sam hnatlang
    Nov. ni 2, 2019 (Inrinni) zingkar khan Branch YMA huaihawtin thlanmual sam hnatlang neih a ni a, Thlanmual-II hi Kapdaia Section area a awm ten an samfai a, member 20 an thawkchhuak, tin, Section dang area a awm ten Thlanmual-I an sam ve thunga member 150 chuang an thawkchhuak bawk.
    Branch YMA chuan December ni 14, 2019 hian Thlanmual chei runpui nei leh turin ruahmanna a lo siam tawh bawk a ni.
    A bikin Thlanmual-I ah hian zu leh a kaihnawih hnawmhnawk hmuh tur a awm nual mai a, a mawi lo a, a ti \hin ten sim a \ha khawp mai.

Intihhlimna hun hmang
    Hlimkhawpui Editorial Board te chuan Nov. ni 2, 2019 (Inrinni) khan Elevation Farm, Lawipu ah intihhlimna hun an buatsaih a, he hunah hian Hlimkhawpui E.B te bakah Branch OB te, YMA Day lady lo ni tawh te leh Hlimkhawpui Agent ten hun hlimawm tak an hmang a, tlaiah chawhlui an kilho nghal bawk. 

Advertisement...

KHAWIKHA...  KHAWIKHA........
ELECTRONICS BUNGRUA CHI HRANG HRANG BAZAR RATE AIA TLAWMIN I INAH KA RAWN DAH THEI E
    SMART TV  Company hrang hrang, Fridge, Single door,double door, side by side.Deep freezer, vigi cooler.Washing machine Top loading, front loading,Fully Automatic, Dryer, Inverter , Inverter Bateries, Microwave Oven. AC
    Heng ah hian mamawh i neih chuan Kulikawn Hlimen Taxi Stand oppsite ah dawr kan hawng thar e. Bazar rate aia tlawmin i inah ka rawn pe thei che,  Company duh bik neih pawn eng Company pawh i duh ang ka rawn dah thei e.

(6-2) Siampuia Khiangte. Hlimen...Ph 9863457800

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

 (10-2)          VL-a, Ph.No : 9402344486, 9615266170

CHHIARTUTE NGAIHDAN :

##    Hei, kan vêng lui te humhalh tur a mi \hahnemngai te hma lakna te ka lo hria a, ava han lawmawmin khawtlâng leh ram tan a hna \ha a va ni em. Amaherawhchu, a humhalhna danah hian kan vêng mite tan chauh em mi tih turin kan (khua) veng \henawmte zalen takin luiah an kal reng mai si hi, engtia hma han lâk zel tur nge ni ang? Ngaihtuahna te hman zau deuh a va \ha em. Pu Editor, enge i ngaih ve dan?

V.L. Malsawmhlua Pû

##    Phunchawngzawl lam Quarry a tlãn \hin Motor Lung phur ho hian, Boulder hi a vûm-in, khat tak takin an phur \hin a. In tlàn laklawh laiin motor a\angin lung lian tak tak in thlauh \hin a. Kawng a chêp si a, mihring nen a inpelh lai te-in in thlauh ang tih a hlauhawm si a. Fimkhur turin Quarry neitu leh Driver leh lung load tute kan va duh che u em.
Venthlang Pavalai

KOHHRAN :

Bial inkhawmpui hmang dawn
    The Salvation Army, Central C.O Bial khawmpui chu Nov. 9 - 10, 2019 hian Hlimen Corps Biakinah hman a ni dawn a, Biakin awmna hi lirthei dahna remchang tak a nih lem loh avangin harsatna a lo awm deuh a nih pawhin lo hrethiam hram hram turin Kohhran hruaitu ten an ngen a ni.
    Central C.O bialah hian Corps 3, Hlimen, Tlangnuam leh Central Corps te an awm a ni.

CRUSADE
    Hlimen Damveng Presby. Kohhran te chuan Camping chhawng 2 an buatsaih hnuin Nov. ni 4, 2019 a\ang khan Pu Lallianthanga Speaker-ah hmangin Crusade an neih chhunzawm a, Pathianni zan thleng Crusade hi an nei dawn niin thu dawn a ni.

Isua Krista Kohhran
    Isua Krista Kohhran Aizawl East bial \halai te chu Rawpuichhip Isua Krista Kohhran |halai ten an rawn tlawh a, Hlimen Kohhran-ah he programme hi nghah niin Nov. ni  9, 2019 a\ang khan he programme hi hmangin Pathianni zan thleng a awh dawn a ni.

Advertisement...

Admission Notice
    Zomuansanga Memorial School, Mission Veng opens admission to KG I, KG II, Class I and Class II for the academic session 2020-2021 from November 2019 onwards.
    Applicants should bring a copy of Birth Certificate and Passport Size photo at the time of admission and seeking admission to KG 1 are to be at least 4 years of age by December 2019.
Contact : 9862357549
    Sd/-
(zodinsangi Khiangte) MA(Eng) B.Ed,MTET
(2-2)    Principal