Thitin thla (August) Ni 31, 2019, Issue No. 35

PAGE - 1

TUALCHHUNG :

Boral : Pu David Zodinthara S/o Vanlalmal-sawma, Damvea Sec. a mi chu Aug. ni 27, 2019 chhun dar 12:00 khan a boral a, a ruang hi lumen niin a tuk Aug. ni 28, 2019 khan vuiliam a ni.

Damlo : Pi Lalremliani W/o Zosangliana, Buala Sec. a mi chu Aug. ni 27, 2019 khan Civil Hospital-ah hmeichhe lam \hatlohna avangin zai a ni. He thu buatsaih lai thleng hian Hospital lamah enkawl a ni.

##    Lalrinfeli D/o Lal\anpuia, Damvea Sec. a mi chu khawsik leh ka nâ avangin Aug. ni 29, 2019 khan Alpha Hospital, Kulikawn-ah admit niin enkawl mek a ni.

##    Lallawmawmi D/o Laldawngliana, Kapdaia Sec. a mi chu Aug. ni 26, 2019 khan State Referral Hospital-ah admit niin enkawl mek a ni.

##    Lalzampuii D/o P.C.Zosangliana, Damvea Sec. a mi chu thin lam \halo avangin Aug. ni 29, 2019 khan Durtlang Hospital-ah admit niin enkawl mek a ni.

##    Zodinsangi D/o Zodingliana, Saichhuma Sec. a mi chu khawsik leh luak avanga UPHC Hlimen a hun engemaw chen enkawl a nih hnuin Aug. ni 30, 2019 khan a lo chhuak ta.

##    Lalthangpuii D/o Rualkhuma, Damvea Sec. a mi chu Guwahati lamah in check-up in a thang mek.

##    Pu Mickey Zoremruatpuia H/o Pi Lal-ramzauvi, Damvea Sec. a mi chu lung lam fello avangin Aug. ni 30, 2019 khan Civil Hospital ah admit a ni a, enkawl mek a ni.

Ngenna : Presby. English School Hlimen ten Lalsavunga Sec. a\anga Vawmphunga Sec. panna kawngpui kama an thing phunte lo pawtphawi a, lo thliak ching an awm a, tunhnuah ti tawh lo turin ngen kan ni a. Tin,   hmun danga thing leh pangpar phunte pawh kan veng mawina leh hriselna atana \ha a ni tih hriain dimdawi turin mitinte ngen kan ni bawk e.

HEADLINE :

CYMA CHETVELNA
    Tunkar chhunga Central YMA chetvelna langsar zual \henkhat te :
22.8.2019 : Mizoram State Commission for Women leh National Commission for women, New Delhi \angdun buatsaihin Synod Conference Centre-ah Legal Awareness Programme on Laws Related to Women Programme hman a ni a, Pu B.C. Tawna CEC bakah Legal Sub-Committee Member Pu T. Lalnunsiama leh Nl. Lalfamkimi te an tel.

26.8.2019 : Sunil Kumar, General Manager National Highways & Infrastructure Development Corporation Limited chu Central YMA Office ah a rawn leng a, Aizawl to Tuipang Motor kawng sial kawngah thawhhopuiah Central YMA a rawn sawm a, Pu Vanlalruata President leh Er. Lalrinmawia CEC ten an lo dawngsawng.

28.8.2019 : MHIP Gen, Hqrs.-in an hruaitu  2019-2021 thlanna buaipui tura Central YMA an sawm angin, Vanapa Hall-ah inthlanpui a ni a, thlan chhuahte chu-
    President    :    Pi Lalthlamuani, Kanan Veng
    Vice President     :    Pi Saipuii, Electric Veng
    Gen. Secretary    :    Pi T. Lalthangpuii, Tuikhuahtlang
    Asst. Secretary    :    Pi Lalbiakengi, Mission Veng
    Treasurer    :    Pi Lalramnghaki, Chanmari
    Finance Secretary    :    Pi Lalengkimi, ITI Veng

28.8.2019 : PCCF Office-ah ‘Vulnarability Assessment of Forest & Biodiversity Sector due to Climate Change in 8 Districts of Mizoram’ chungchang Meeting neih a ni a Pu Lalhmangaiha (Lalhmaa) CEC a tel.

29.8.2019 : Vairengte Joint YMA-in an ruihhlo mante halral Programme an hmang a, Pu R. Lalngheta, Vice President, Pu R. Lalduhzuala CEC, Pu F. Lalfakawma CEC, Pu H.F. Lalrinpuia CEC ten an hmanpui.

29.8.2019 : Central YMA, Human Nutrition & Dietetic Society of Mizoram, Food & Drugs Administration, H& FW Deptt. leh MEDMOC, Planning Deptt. te tangho chuan, Mizo ten Ei In siam chungchanga thianghlim leh hrisel zawka ei in siam kawnga hma kan sawn theihna turin Ei In siam Training ni 29 & 30.8.2019 chhung hian Central YMA Hall-ah neih a ni a, mi 53 in Training an nei a, an hlawkpui hle.

PAGE - 2

EDITORIAL :

        KAN CHANCHINBU HI
    Kan chanchinbu Hlimkhawpui hi tunhma chuan Khawtlang Entu a ni \hin a. Hun hmasa lam kum 1974 vel a\ang khan  Adult Education Deptt.  in senso leh hmanruate tumin kum engemawzat chu a kal chho a. Chanchinbu enkawltu tur pawh Deptt. lam a\anga ruat niin Production Manager leh Asst. Production Manager tiin hming an rawn vuah a ni. Adult Education hnuaiah hian \hangkhat lian aia rei mah chanchinbu hi enkawl chhoh a nih hnuin Deptt. lamin senso te an tum theih tak loh avangin YMA in enkawl chhunzawm chhovin YMA chanchinbu liau liau a lo ni chho ta a ni.
    Khawtlang Entu hming pû a kum engemaw zat chhung a kal chhoh hnuin kum 2003 khan Section pakhat a\angin chanchinbu hmingthlak rawtna Branch YMA Committee ah a lut a. Amaherawhchu, kum laklawh a hming thlak lovin a kum leh 2004 ah chanchinbu hming hi thlak zawk turin Committee chuan a rel a. Tichuan, kum 2004 a\angin “Khawtlang Entu” chu “HLIMKHAWPUI”  ti a hming thlak a lo ni ta a ni.
    Hun kal chho zelah khawvel changkan chhoh dan zir zelin kan chanchinbu pawh kalpui chhoh zel a ni a. Typewriter leh Cyclostile hmanga buatsaih \hin pawh Computer leh Offset Printer hmanga tihchhuah  a lo ni chho ta a ni. Kum 2006 a\ang khan Hlimkhawpui buatsaih nan leh thil \ul danga hman atan Branch YMA chuan Computer a lei ta rup mai a, YMA Hall Building-ah a chanchinbu buatsaihna room/Office te siamin tun thlengin he chanchinbu hi tluang takin a kal chho ta a ni.
    Kan khawtlanga chhungtin dap chhuak chanchinbu kan neih chhun Hlimkhawpui hi a kal chhoh zelna turah thurawn leh mipui te nena thawhhona kan mamawh reng dawn a, kan zavaia \angtlang turin kan insawm tak meuh meuh a ni e.

ZIAKTUTE HUANG :

Zahawmna
-  Ruathlûa Pû
    Zahawmna hi a hlû a, mi zahawm nih leh miten an zah, an chung en nihte hi a hlûin a chakawm a, chu chu mitinte hian kan duhin kan chak theuh a rinawm.
    Khawtlangah te pawl kohhranah te hruaitu tur kan inthlang chhuak thin. Chung kan thlanchhuahte chu hruaitu/hotu an nih avangin thui tak chu mite zah an phur lo thei lo. ZAHAWMNA chu a nihna in a kentel tlat tawh avangin an lakah pawh beiseina a sangin kan en dan pawh a chungnung bik hle. Chutih laia mipuite, Member-te beisei leh thlir dan anglo taka an khawsak a, an chet duh dan mawilo leh tawp pui pui mipui ten hmuh leh hriat tur a awm fo chuan an nihna te chu ropuiin sang fu mah se an ZAHAWMNA chu a tawp leh mai thin.
    Zahawmna hi hausakna-ahte a inghat vek lo a ni. Hausa tak zirna kawngah leh eizawnna kawngah pawh hna tha tak nei si, mahse zahawmna nei der silo, mi ngaihsan leh zah hlawh miah lo te pawh sawi tur an awm tho mai nia. Han en ngawt pawha zahawm hmel tak sum leh pai-ah pawh zahpuiawm lo,  zirna lam leh khawtlang  rawngbawlna kawngah pawh en ngawt pawh a hruaitu atana itawm em em, mahse han belhchian a zahawmna nun nei miah lote pawh an awm thei tho mai. Chutih laiin eizawnna kawngah leh zirna lamah pawh mi hriat hlawh lem lo, vantlang pawhin an hriat pawh vak loh, mahse a belchiangtu apiang tena an zah leh ngaihsan em em Zahawmna nun nei tlat mai pawh sawi tur an awm ve leh tlat tho thin nia mawle. Chuvangin zahawmna hi sum ngah vangte, zir san vangte a neih ngawt theih a ni lo. Mi zahawm tak chu an tawng puat puat ve lo,  an thusawi turah an chiang a,  tih tur leh tih loh tur an sawi chu an hlen mai thin.
    Zahawmna chuan rinawmna leh dikna a vawnghim a, chânna tur thil leh hmingchhiat tur pawh nise a chân ngamin hmingchhiat pawh a huam thin. Mihring nun tizahawm lotu chu hmingchhiat hlauh vanga dawt phuahchawp thinte, tuar tur a awm a tuar peih lova,  a nuam lam leh hlawkna chauh um ching thinte hi an nun a zahawm thei lo.
    Chuvangin zahawmna chu lei chhuah chi a ni lova, zir chhuah ngawt theih pawh a ni lo, nunchhuahpui chi a ni ber. Dikna vawng himtu, rinawmna vawnghimtu, mahni thusawi tura chiang leh dingnghet tlat mite hi an zahawm. Mi tupawh hi kan rin anga an awm tawh loh chuan tumah hian an nun chu ZAHAWM kan ti thei ngai lo.
    Zahawmna chu DIKNA, RINAWMNA vawn tlat hi a ni

Advertisement....

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
 (10-8)               VL-a,        Ph.No : 9402344486,                                                    9615266170

PAGE - 3

HRIATTIRNA :

Branch YMA ngenna
    Branch YMA Committee chuan vengchhungah chhiattawk/mitthi an awmin chhiattawk te in hnaivai a dawr awm, vui na a kal mipui pungkhawm in an chim phak chinah chuan vui hunchhungin dawr te hi hawn loh  \ha a ti a. Mimal dawrkai tin te he thu hi zah a, zawm sak \heuh turin a ngen tak meuh meuh a ni.
    Tin, a theih chinchinah Mizo Mistiri ngei ruai \hin turin Branch YMA chuan khawtlang mipuite a ngen tak meuh meuh a. Contract/|heka-ah phei chuan hnamdang/vai chhawr hi a duh lo hle a, khawtlang mipuiten he thu hi kan hmakhua thui tak ngaihtuah a zawm vek turin a beisei a ni. Tin, Mizo Mistiri leh hnathawktu te pawh, taimak chhuah zual a, a chhawrtu te lungawina ngei tur a thawh tum hram hram turin a beisei bawk ani.
Sd/- Secretary

Local Council hriattirna
    Bawlhhlawh \awih thei leh a \awih thei lo thliar hran \an a ni a, ip hranah a \awih thei leh \awih thei lo hi fel taka khung hrang tawh tur a ni tih mipui te kan in hriattir a, a \awih thei leh thei lo hi a paih ni bik erawh awm lovin a phurtu lirthei ah a hranga dah mai tur a ni e.
    Tin, bawlhhlawh paih man pek dan hi AMC lamin an tihdanglam leh tak avangin kan bawlhhlawh paih man  pawh advance a kan pek a \ul chho dawn ta a, mipui te kan in hriattir lawk a ni e.
    Kan vengchhunga mi tumahin vawksa 1 Kg-ah ` 300 aia to a zuar lo turin kan inhriattir bawk e.
Sd/- Lalhmingliana Chairman L.C

Taxi Welfare hriattirna
    Kulikawn to Hlimen a School naupang hlang kan phurh hian kan rate kan phak loh lutuk avang leh Oil man leh parking fee a lo san chhoh tak zel avangin naupang hlangah chuan panga inhnawh zel nise, panga an inhlawh duh lo a nih chuan puitling rate angin pakhatah ` 30/- chawi ve tawh sela, hei hi September ni 1, 2019 (Thawh\anni) a\anga hman \an nise kan ti.
    Sd/-     Secretary
    Kulikawn Taxi Stand Ngaizel Road Welfare

In luah tur nei te hriat tur
    Local Council leh Branch YMA thu ding lai angin veng chhunga in luah tur nei ten vengdang miin kan in an luah dawn a nih chuan an luah luh hma ngeiin khawtlang hruaitute hrilh hriat hmasak ngei tur a ni.
    Tin, kan in luahtu tur te chu an rawn pem luh ruala pem lehkha show tur an neih theih nan hrilhhriat lawk \hin tur a ni.
    Hei hi kan  khawtlang then thianghlimna kawng atana hmalakna a ni a, in luah tur nei te chuan zawm \heuh turin kan in ngen e.
    Sd/- Lalhmingliana    Sd/- Robuanga
    Chairman, Local Council    President, Y.M.A.

LAWRKHAWM :

CHHIATNI REPORT
    Pu David Zodinthara puala buhfai leh pawisa khawn khawm dan leh thlanlaih dan ziaka hmuhtheih chin :-
    Section             Chhungkua    Buhfai    Pawisa    Thlanlai
       
    Buala                     121             147       1150        22
    Damvea                 146             144       1450         1
    Kapdaia                 133             145       1130        16
    Lalsavunga              39              43         350         -
    Saichhuma             112            119         970         9
    Vawmphunga           61             63         590          1
                   Total      612         661       5610         49
      Damvea Sec. te hi chhiat tawk Section an ni.

Electric Line Extent thawh mek a ni
    Tunlai hian Lalsavunga Sec. Electric LT Line Extent hna thawh mek a ni a, ban phun mek a ni. Transformer pawh hun reilo teah High School thlang PS-II Compound-ah Damvea Sec. \henkhat leh Lalsavunga Sec. area chawmtu tur bun tum a ni bawk.

India Champion
   

Dt 24-30. 8. 2019 chhunga khelh  Yonex Sunrise All India Masters (Veteran) Ranking Badminton Tournament 2019  Goa-a khelhah Mizoram atangin Badminton players eng emawzat kalin 40+ Men's Singles-ah Pu Lalmuanawma, Saichhuma Sec. a mi chu Mizoram Police hminga khelin  Kerela lam mi chu hnehin a champion.
    Muanawma hi All India 35+ ah No. 1 nilai niin vawi hnih a lo champion tawh a, kumin a\ang hian 40+ khel lehin a champion leh a ni. A hlawhtlinna Hlimkhawpui EB chuan kan lawmpui tak zet zet a ni.

Kawra bawlhhlawh paih
    Faina kawnga hma kan sawn chhoh viau laiin vengchhung kawr \henkhatah ualau taka bawlhhlawh paih hmuh tur a la awm a, hetianga che kan awm leh mai \hin hi Sanitation Sub Committee chuan \ha a ti lo hle a, tunhnuah chuan ti tawh lo turin kan in ngen a ni.

Sd/- Secretary

Advertisement...

F.K Setic Tank Service
    Septic tank khat paih fai, Block, Pipe fitting,Soak pit hlui leh thar kan siam thei reng e. Motor kan kawl a, kan rate a tlawm. Tin, inhmun laih leh leivung paihna Tipper kan nei bawk e.
Regn. No MSR 524 of 15.07.2018

(10-4)    FKA Ph: 8118910372, 9615920739

PAGE - 4

KEIMAHNI :

Hlimkhawpui Budget
    Hlimkhawpui  July & August 2019  thla Budget  pe tla tawh te:
1.    Buala Sec.    2. Kapdaia Sec.
3.  Damvea Sec.    3. Vawmphunga Sec.
    Buala Sec. ten kumin chhung Budget an tlak fel ta bawk.

YMA in ral
    Aug. ni 29, 2019 zan khan Pu David Zodinthara ralna hun hman a ni a, ralna pawisa tlingkhawm ` 8,470 chu a chhungte hnenah hlan a ni.
    Tin, David-a chhungte hian \angkai taka hman atan YMA ah puan 3 an hlan let bawk. Hetiang puan hlan te hi Branch YMA chuan lawm takin a dawng \hin a, \angkai takin a hmang leh \hin a ni.

YMA Chhang Committee
    Sept. ni 3, 2019(Thawhlehni) zan dar 7:00 hian YMA Hall-ah YMA Chhang Sub-Committee chuan Meeting pawimawh tak a ko a, kohna hmu lo palh chuan hei hi Committee kohna a ngaih tur a ni e.
    Sd/- Zolianchhunga
    Secretary

Education Campaign nei dawn
    Hlimen Branch YMA hnuaia Education Sub-Committee te lo ruahman lawk angin vengchhunga zirna ina thawk zirtirtute Sept. ni 6, 2019(Zirtawpni) 1:00 Pm hian YMA Hall-ah inkawmkhawmna hun hman a ni dawn a. He hunah hian Hlimen-ah zirnain hma a sawn dan tur sawiho a ni ang. He hunah hian  Branch YMA Committee Member leh Education Sub-Committee Member zawng zawngte kal tura beisei kan ni.

Advertisement...

KAWI KHA  KHAWI KHA
ELECTRONICS BUNGRUA CHI HRANG HRANG BAZAR RATE AIA TLAWMIN I INAH KA RAWN DAH THEI E.
1. SMART TV (Company hrang hrang)
2. Fridge (Single door, Double door, Side by Side, Deep Freezer, Vegi Cooler)
3. Washing machine (Top loading, Front loading, Fully Automatic)
4. Inverter, Inverter Battery, Motor Battery, Microwave Oven.
    Heng ah hian mamawh i neih chuan Bazar rate aia tlawmin i inah ka rawn pe thei che, Company duh bik neih pawhin eng Company pawh i duh ang ka rawn dah thei e. Mi rinawm chu Samsung leh Panasonic-ah Installment in ka pe thei bawk e.
(6-1)    Siampuia Khiangte,
    Hlimen.Venglai, Ph: 9863-457-800

CHHIARTUTE NGAIHDAN :

##    Kumin hian thihna vawi 14 thihna a lo thleng tawh a, heng hunah hian \halai ni ve si, kan mawhphurhna- lumen zana kal/telve nachang hre lo, thlanlaih nachang hre lo, khawhar in a kal nachang hre lo, buhfai/pawisa khawh nachang hre lo, thingpui lum/sem nachang hre lo \halai zingah kan la tam hle. nang vawi engzat nge i tel tawh? I tel ngailo a nih chuan inchhungkua-ah chhiatna a lo thlen hunah i \halai pui ten chhuanlam an siamsan mai lovang che maw!! Inenfiah a va hun ve. Midang tih atan dah mai lovin, kan tih tur a ni tih i hre thar \heuh ang u.
-HruaiaPa

KAN THEN TAK

 
DAVID  ZODINTHARA (32)
    David Zodinthara hi Pu Vanlalmalsawma leh Pi Zorampari te fa 7 zinga 4-na ni turin Kum 1987, December ni 1 khan a lo piang a, an unau hi hmeichhia 3 leh mipa 4 an ni.
    David-a hi a naupan lai a\anga naupang fel leh harhvang tak a ni a, \hian ngaina mi tak a ni bawk a, a unaute pawh \hian ang maia kawm thiam a ni. |hiante leh chhungkaw zingah pawh mi inthlahrung leh mi pawisawi hlau em em mi a ni. Zirna lamah hian Class 10 thleng kalin Football hi a tui em avangin zirna pawh a kal chhunzawm hlei thei lo a ni.
    Kum 2011 October thla a Hlimen Isua Krista Kohhran ten Camping, Agape Gospel Rehma Team ruai a an buatsaihah lutin chhandamna ropui tak a chang a, Camping zawh hnu hian Team hi zui ve nghalin hmun hrang hrangah Lalpa rawngbawlin a zinchhuak \hin a, a hun tam zawk chu rawngbawl nan a hmang ral ve \hin a ni.
    Kum 2014 khan Lalrammuani, Ramhlun South nen inneiin fapa pakhat an nei a. Eizawnna avangin Chawnpui lamah hun engemaw chen an lo khawsa \hin a ni.
    Chhungkaw pangngai tak dina, fapa a neih tak hnu hian a chaklohna \hin lamah hun engemaw chen peng leh mahse a rawng bawl \hin Lalpa-ah tuihal rukna neiin August ni 19, 2019 khan a lo zui \hin Agape Gospel Rehma Team ten Camp an buatsaihah a lut ve leh ta a ni. Hun engemaw chen a lo bosan Lal Isua nen intawk lehin a lawm em em a, Camp chhuah ni-ah pawh in lamah haw lovin Follow-up Prog. ah te a awm tlang nghal a.
    Chutia hlim leh lawm taka a awm lai Aug. ni 25, 2019 tlai lamah a pum a nuamlo deuh a, a kua rawn \ha lovin a chau angreng khawp mai a. Mahse a lawmna a san em avangin Pathian fakin a theih tawpin a la lam fan a. Inkhawm ban hnu chuan a chauh deuh em avangin in lamah hruai haw a ni a. A tuk Aug. ni 26, 2019 khan Hlimen UPHC-ah admit a ni a. |ha ve leh mai tura rin laiin a tuk Aug. ni 27, 2019 zing lam a\angin a rawn chau zual leh tak avangin Alpha Hospital, Kulikawn panpui leh a ni a. Doctor leh Nurse ten theih tawp an chhuah chung pawhin \hat lam a pan thei chuang lova, Aug. ni 27, 2019 chhun dar 12:00 khan a rawng a lo bawl \hin Lalpa hnenah a lo chawl ta a ni.

Thitin thla (August) Ni 24, 2019, Issue No. 34

PAGE - 1

TUALCHHUNG :

Damlo : Pi Zoramsiami W/o Rev. Vanlalvena, Damvea Sec. a mi chu rannung seh avangin  Aug. ni 18, 2019 khan Durtlang Hospital-ah admit niin dam takin a lo chhuak leh ta.

## Pi Zopari W/o Thangchungnunga (L), Saichhuma Sec. chu BP sang leh zunthlum vangin Referral Hospital, Falkawn ah Aug. ni 21, 2019 khan admit niin enkawl mek a ni.

## Malsawmfela S/o R.Lalhmunsiama, Damvea Sec. ami chu zunkawng lam fello avangin Aug. ni 17, 2019 khan Durtlang Hospital ah admit a ni a, hun engemaw chen enkawl a nih hnuin a lo chhuak leh ta.

## Pu R.Hranga, Damvea Sec. a mi chu taksa lam natna avangin State Referral Hospital, Falkawn-ah admit niin enkawl mek a ni.

## C.Lalruatdiki D/o C.Zoramchhana   Buala Sec. a mi chu Typhoid vangin BN Hospital ah admit niin enkawl mek a ni.

## Lalbiaktluanga S/o Pu H.Zothansiama, Damvea Sec. chu rannung seh avang in Durtlang Hospital panpuiin enkawl mek a ni
 
Nâu nei thar: Pu Vanlalhruaitluanga leh Pi Lalruatdiki te nupa, Buala Sec. a mi te chuan Aug. ni 20, 2019 khan an fa pahnih na atan mipa duhawm tak Referral Hospital, Falkawn ah an nei thar.

Pêm thar: i) Remruatkimi te chhung member 4 awmna te chu Ramhlun Vengthar a\anga rawn pemin Pu PC. Lalzuala in, Lalsavunga Section ah an khawsa.
    ii)  Lalro\huama te chhung member 2 awmna chu W.Phulpui a\anga rawn pemin PWD Site Office chhak, Kapdaia Sec. ah an khawsa.
    i) Vanlalduhzuala, chu Kanan Veng a\anga rawn pemin Pu Lalfala te in, Damvea Sec. ah a khawsa.
    ii) Malsawmkima te chhung member 2 awmna, Bungkawn Vengthar a\anga rawn pemin Pu Lalzarliana te in, Buala Sec. an luah.

Street light: UPHC Building thar bul a street light hun reitak eng thei tawh lo chu  Local council ten Light bulb thar leh, aframe thar \ha tak an lei a, a thawktute nen vuah ên a ni.

HEADLINE :

Branch Exe. Committee meeting neih a ni
    Aug ni 20, 2019 (Thawhlehni) zan khan YMA Hall ah Branch YMA Exe. Committee meeting vawi 9-na neih a ni a, thurel tlangpui te :-
1-na : YMA General Conference, Oct. ni 15-17, 2019 a N. Vanlaiphai a neih turah a kal tur te chu September , 2019 ral hma ngei a Branch OB te hnenah in report tur a tih niin, a kalna tur lirthei lo buaipui turin Tv. Lalkhawmawia, Secretary leh Pu Lalrinmawia, Fin. Secy te ruat an ni. Tin, rorel palai tur ruat chungchang leh \ul dangte hi Branch OB te ngaihtuah turin tih a ni. 

2-na : Mitthi vui ni a dawr hawn dan chungchang ngaihtuah niin, vengchhungah mithi an awmin mithi in/chhiattawk te in hnaivai a dawr awm, vui na a kal mipui pungkhawm in an chim phak chinah chuan, Branch YMA chuan vui hunchhungin dawr te hi hawn loh  \ha a ti a. Mimal dawrkai tin te he thu hi zah a zawm sak \heuh turin ngenna siam nise tih a ni.

3-na : Hnamdang/Vai mistiri rawih chungchang: A theih chin chinah Mizo Mistiri ngei ruai \hin turin Branch YMA chuan khawtlang mipuite a ngen tak meuh meuh a. Contract/|heka ah phei chuan hnamdang/vai chhawr hi a duh lo hle a, khawtlang mipuiten he thu hi kan hmakhua thui tak ngaihtuah a zawm vek turin a beisei a ni. Tin, Mizo Mistiri leh hnathawktu te pawh, taimak chhuah zual a, a chhawrtu te lungawina ngei tura thawh tum turin a beisei bawk a ni.

4-na : CYMA a\anga lehkha hmuh te ngaihtuah a ni a, Gen. Conference ah hian Zaipawl hi neih loh mai nise tih a ni, tin, 2019 - 2021 hruaitu thlan turah hian Pu R.Lalngheta chu Nominate ngei nise tih a ni. Kumpuan atanh ‘Ram leh hnam humhalh’ tih chu rawt leh tur a tih a ni.
    Member boral sun, hruaitu hlun chawimawi, ramngaw leh nungcha humhalh, Kumpuan chungchang leh \ul dangte report pek ngai chi te chu Branch Secretary in lo bawkzui se tih a ni.

5-na : YMA Chanchinbu man pek tur la awm chu Pu RC Lalroliana, Treasurer leh Chanchinbu Agent Pu K. Lalremruata ten lo buaipui se tih a ni.

6-na : SRS member tur a kan Branch a\anga mi pahnih kan inruat chu CYMA a\anga pawmpuina kan hmuh avangin lawmawm kan ti hle.

7-na : Hlimen Poultry Farming Co-Operative Society Ltd. in Thlanmual - II ram luah hawh an dilna chu ngun takin a ngaihtuah a. Kan hmalam hun thui tak a ngaihtuah in  remtih  loh mai nise tih a ni.
- Phek 2 naah chhunzawm a ni

PAGE - 2

EDITORIAL :

MI Ã
    Mi ã han tih hian pian phunga kim lo leh mi huihphâi, mi pangngai ang pha lote hi kan rilru-ah a lo lut nghal mai awm e. Mahse, kawng danga âtna nei silo; mahni tana \ha leh \ha lo pawh hre lo leh thil tihin lukhawng leh nghawng a neih dan tur chhut peih miah lo leh ngaihtuah tum lo mi ã hi an awm ve leh a. Chungte chu sawi ka tum zawk chu an ni.
    Vantlang thil mahni ta a ni tih hre duh lova; kutthak hnawih nana hmanga tihchhiat/ruk chingte hi mi ã te zingah a langsar pawl tak an ni awm e. Heng mite hian mimal, chhungkua leh khawtlang tana thil pawi tur ngaihtuah duh miah lovin vantlang thil pawimawh hrang hrang an khawih chingpen a, khawtlangin kan tuar a, heng mi ã te avang hian kan khawtlang hmel a bal \hin a nih hi.
    Nungcha leh ramngaw humhalh nachang hre lo leh hetiang ti duh miah lova mahni \anghma chauh  hai mi ã an awm bawk. Nungchate pawimawh zia leh kan tana ramngaw hlut zia chu sawi ngai lovin kan hre tlang awm e. Mahse heng mi ã te hian a pawimawh zia pawh ngaihtuah duh lovin nungchate suat rem zawng leh ramngaw tichereu zawngin kan tal hiar \hin zawng a nih hi. A pawi \hin khawp mai.
    Heng mi ã te át dan hi kan sawi kim seng lovang. He thil pawi tak hi a ã ve lote hian kan vei a ngai a, engtiangin nge hma kan lak ang tih hi kan ngaihtuah a pawimawh khawp mai. Heng mite hi Electric Shock hmanga tihharh chi an ni lova, an thil tih pawizia leh sim a \ul zia hrilh a, thiam taka zilhhauna pek chi an ni mai thei. Chuti chung pawha harh thei lova an ring tikhawng tlat te chu dan anga hremna pek chi an ni ngei ang.

(Phek hma chhunzawmna....)
8-na : Tv. Lalzopuia, Branch Exe. Committee member  in Sept. ni 14, 2019 a a nupui neih lawmpui tur a Branch Exe. Committee a sawm angin lawmpui ngei nise a ti a. Tin, lawmpuina thilpek man tur hi Commmittee in thawhkhawmin Pu RC Lalroliana, Treasurer in lo buaipui se a ti a ni.

9-na : Ei leh In siam training a tel tur a CYMA sawmna hmuh niin kan Branch aiawh turin Pu Zoramhmangaiha leh Pu K. Lalremruata, Exe. Comm. member te ruat an ni.

10-na : Sept. ni 6, 2019, Zirtawpni chawhnu dar 1: 00 p.m. a Education Sub-Committee in tualchhung zirna in a thawk Zirtirtu te nen a inkawmkhawm neih a dilna chu pawmpui niin Branch OB leh Committee member a thei thei in \awiawm se tih a ni.
    Tin, Zirlai hlawhtling/ti\ha chawimawina hi chhunzawm zel tlak niin a hria a. Local Council emaw NGO dangin an buatsaih lo anih chuan Branch YMA in buatsaih \hin nise a ti.

11-na : Saichhuma Sec. YMA Secretary \anglai Tv. Lalpekhlua chuan zirna avanga a post a chelh chhunzawm theih tak loh avanga Sec. lam post siamrem an dilna leh an rawtna te pawmpui an ni.

12-na : Pem lehkha chungchang:
    i) Remruatkimi te chhung member 4 awmna, Ramhlun Vengthar a\anga rawn pem an dilna chu pawmpui  an ni.
    ii)  Lalro\huama te chhung member 2 awmna chu Phulpui a\anga rawn pem an dilna chu pawmsak an ni.
     
    Testimonial
    i) Vanlalduhzuala, Kanan Vengin hun engngemaw chen Hlimen a awm a dilna chu pawmsak a ni.
    ii) Malsawmkima te chhung member 2, Bungkawn Vengthar a\anga hun engngemaw chen atan Hlimen a khawsak an rawn dilna chu pawmsak an ni.

13-na : Pu Ralngamthanga te chhung, Vawmphunga Sec. a miten an u boral ta Hav. C.Thanzauva hriatrengna atan a Branch YMA a Padestal fan pahnih an rawn pek chu Hlimen Branch YMA chuan lawmawm a ti hle.

HRINGNUN.......

    Mahatma Gandhi khan hetiang hian sual pasarih a sawi \hin:
    1. |angkaina awm lo hausakna
    2. Chhia leh \ha hriatna tel lova nawmna
    3. Nungchang ngaihtuah lova sumdawnna
    4. Mihring tana \angkaina nei lo Science thiamna
    5. Inhlanna tel lova Pathian biak
    6. Tum mumal nei lo Politics
    7. Nungchang thleng pha lo hriat zauna.

PAGE - 3

HRIATTIRNA :

UPHC HRIATTIRNA
    August ni 22-31, 2019 chhung hian Hlimen Vengthar, Hlimen Quarry, Hlimen Vengchhak, Hlimen H/S veng, Tlangnuam Block Veng, Tlangnuam Gosen veng, Saikhamakawn leh Melthum Zion vengah Outreach Camp/Free Clinic neih a nih dawn avangin hemi hunchhung hian OPD khar hrih a ni ang.

Local Council hriattirna
    Veng chhunga kawngpui kama thil zuar \hin (Street vendor) a duh apiangte tan AMC ah Temporary Registration a tih theih dawn a, Registration tih duh chuan Aug, 2019 ral hmain Local Council Office in report mai tur a ni e.
    Tin, Aug. ni 27, 2019 (Thawhlehni) a\ang hian bawlhhlawh \awih thei leh a \awih thei lo thliar hran \an tur a ni a, ip hranah a \awih thei leh \awih thei lo hi fel taka khung hrang tawh tur a ni tih mipui te kan in hriattir a, a \awih thei leh thei lo hi a paih ni bik erawh awm lovin a phurtu lirthei ah a hranga dah mai tur a ni e.
    Tin, bawlhhlawh paih man pek dan hi AMC lamin an tihdanglam leh tak avangin kan bawlhhlawh paih man  pawh advance a kan pek a \ul chho dawn ta a, mipui te kan in hriattir lawk a ni e.
    Kan vengchhunga mi tumah in vawksa 1 Kg ah ` 300 aia to a zuar lo turin kan in hriattir bawk e.
Sd/- Lalhmingliana Chairman L.C

Road Protection
    Venglaikawn hi a chep em avangin 407 chin chunglam chu rokhawlhna bik tak avanga kan ding zawk emaw a nih loh chuan din phal a ni lo tih kan inhriattir nawn leh e.
    Tin, Thlanmual kawiah leh Venglaikawn-ah lirthei eng chi mah chhunlamah emaw zanlamah emaw dah lo turin kan in hriattir nawn leh a, tilui a man kan awm a nih chuan action lak a ni ang.
Sd/- Secretary

Advertisement....

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                              Ph.No
(20-20)                                        9436199884, 9862476439

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
 (10-7)               VL-a,        Ph.No : 9402344486,                          9615266170

LAWRKHAWM :

Branch YMA-ah hlan
    Pu Ralngamthanga te chhungkua, Vawmphunga Sec. a mi te chuan an û boral ta Hav.C.Thanzauva hriatreng nan Padestal Fan pahnih (2) chu Branch YMA ah an hlan. Thilpek petu te chungah Hlimen Branch YMA chuan lawmthu a sawi tak meuh meuh a ni

Passed thar
    MZU Result, 2019  chhuakah Nl.Lalmuanawmi d/o Pu Vanlalhruaia Buala Sec. a mi chu Mathematics & Computer Science ah Ist Div.ah a pass, veng hming ti \ha tu kan nei hi Hlimkhawpui EB chuan kan chhuangin kan lawmpui tak zet zet a ni.

Branch YMA ngenna
    Branch YMA Committee chuan vengchhungah chhiattawk/mitthi an awmin chhiattawk te in hnaivai a dawr awm, vui na a kal mipui pungkhawm in an chim phak chinah chuan vui hunchhungin dawr te hi hawn loh  \ha a ti a. Mimal dawrkai tin te he thu hi zah a, zawm sak \heuh turin a ngen tak meuh meuh a ni.
    Tin, a theih chinchinah Mizo Mistiri ngei ruai \hin turin Branch YMA chuan khawtlang mipuite a ngen tak meuh meuh a. Contract/|heka ah phei chuan hnamdang/vai chhawr hi a duh lo hle a, khawtlang mipuiten he thu hi kan hmakhua thui tak ngaihtuah a zawm vek turin a beisei a ni. Tin, Mizo Mistiri leh hnathawktu te pawh, taimak chhuah zual a, a chhawrtu te lungawina ngei tur a thawh tum turin a beisei bawk ani.
Sd/- Secretary

AFRICAN SWINE FEVER (ASF)
    African Swine Fever (ASF) hi Vawk leh Sanghal ten an vei thin a, he natna veite chuan an thihpui tlangpui. A.S.F natna hi inkaichhawn awl tak niin Vawka hrik awm (Ornithodoros species) ten an pu darh a, Vawksa a\anga siam Sausage, Meat Ball etc. atang te pawhin he natna hi a darh zel thei, chuvangin ram dang atanga Vawk leh Vawksa atanga siam eitur (Frozen food) lakluh loh tur a ni. A enkawlna tur a venna Vaccine leh Damdawi a la awmlo a, Mihring ten an kai report a la awmlo bawk.   African Swine Fever hian China leh a \henawm ram \henkhat tuam mek in, Myanmar ah pawh Dt. 14.8.19 ah he natna hi confirm a ni tawh a, Myanmar nen ramri thui tak kan intawm avangin kan rama lo lut thei mai dinhmun  ah kan ding a, kan fimkhur a ngai takzet a ni.
    Sawrkarin ramdang atanga Vawk lakluh a khap reng chung pawhin tilui an awm renga, a ruka Vawk lalut \hin te hi Sawrkar hmalakna ang ringawt chuan ven hneh tak tak a harsa hle, hemi kawnga hma min lak pui turin Mipui \awiawmna kan ngen tak meuh meuh  a ni. Kan rama thil pawi thlen thei tilui tlatte hi kan hria anih chuan a rang thei ang ber a thuneitute hnena thlen ni se. PRRS avangin kan Vawk te an thi mek zel a, African Swine Fever hi kan ramah a lo lut leh anih ngat chuan kan Vawk te an thi mang thei hial dawn a ni tih hriain theih tawpin i \ang tlang ang u.
AH & Veterinary Department
Government of Mizoram

PAGE - 4

KEIMAHNI :

Hlimkhawpui Budget
    Hlimkhawpui  July & August 2019  thla Budget  pe tla tawh te:
1.    Buala Sec.    2. Kapdaia Sec.
    Buala Sec. ten kumin chhung Budget an tlak fel ta bawk.

YMA Gen.Conference
    YMA Gen. Conference vawi 72-na N.Vanlaiphaia a hman turah kan Branch thlenna tur chu Counter No.1 Venglai a ni ang a. He Counter-ah hian Aizawl khawpui Branch 22, khawpui pawn Branch 21 bakah Group 9 te nen kan thleng ho dawn a ni.  YMA Member a tam thei ang ber kal turin tun a\angin lo inbuatsaih lawk ila a lawmawm hle ang.

POST INSIAMREM
    Saichuma Sec. YMA,  Secretary ni lai Tv. Lalpekhlua  chu zirna avanga  a post chelh lai a chhunzawm theih tak loh avangin a aiawh turin Pu.Lalrinpuia chu committee in lungrual tak in a pass. Hetiang hian OB Post siamrem nghal a ni
    Leader     :    Pu Lalbiaknunga
    Assist leader     :    Tv. Joseph Lalthlamuanpuia
    Secretary     :    Tv. C. Lalrinpuia
    Assistant Secy    :    Tv.Lawmsangzela
    Finance Secy    :    Pu Lalrinpuia
    Treasurer     :    Nl. Lalremruati

Kumpuanah  pe
    Pu Lalramliana, Kapdaia Sec. a mi chuan kumpuan Duty ten \angkai taka an hman turin ` 100 a hlan. Kumpuan hruaitu ten a chungah lawmthu an sawi tak meuh meuh e.

CENTRAL YMA CHETVELNA
20.8.2019 : W. Serzawl Branch YMA ten Kumpuan Pual Inkhawm Programme an hmang a, Pu Fabian Lalfakawma, Fin. Secretary, Pu F. Lalfakawma CEC leh Pu Vanlalruata CEC ten an hmanpui.
21.8.2019 : Special Narcotics Police Station ten Ruihhlo an man sate chu Zoological Park, Incinerator, Sakawrtuichhunah halral hun hman a ni a, Pu Peter Chhakchhuak, Asst. Secretary, Pu Fabian Lalfakawma, Fin. Secretary leh Pu Lalrindika CEC te an tel.
21.8.2019 : Social Welfare Deptt. Commission for Women leh National Commission for Women, New Delhi tangdun buatsaihin Synod Conference Centre-ah Legal Awareness Programme  on Laws Related to Women hman a ni a, Pu B.C. Tawna CEC bakah Legal Sub-Committee member Pu T. Lalnunsiama, Nl. Lalfamkimi te an tel.

INFIAMNA :

Volleyball
    ADVA Zone A , 2nd Division Tournament, ITI Volleyball Court a neih mekah Hlimen Volleyball Club te chuan an match hmasa ber Aug. ni 19, 2019 khan Government Complex te chu 2-0 in an hneh a, a tuk Aug. ni 20, 2019 ah Tlangnuam Vengthar nen inkhel lehin 2-1 in hnehna an chang nawn leh a ni.
    Aug. ni 21, 2019 ah Poll Leader zawnna ah Republic Veng team tum leh in hnehna chang zo ta lo mahse Quarter final an lut ta tho a ni. Quarter final ah hian Hunthar Extreme te 3-1 in an hneh leh a, Semi-final ah hian Hunthar Junior leh Rangvamual inkhel a chak zawk zawk an tum leh ang.

Football
    ADFA 3rd Division Season Opening Tournament khelh mekah kan Veng Football Club chu an Group-ah Group Leader niin Quarter Final an lut a. Tournament hi tunkar chhung khan khelh a ni a, hetiang hi an result a ni :

Dt.20.8.19 (Tue)    :    Hlimen 4-2 College Veng
Dt.21.8.19 (Wed)    :    Hlimen 1-1 Saikhamakawn
Dt.23.8.19 (Fri)    :    Hlimen 3-1 Sihhmui

Quarter Final hi ruahman lawk ang chuan August 27, 2019 ah khelh tur a ni.
    Tin, Mizoram a Football inelna sang ber MPL Season 8 chu khelh \an a ni leh dawn ta a, he League-ah hian kan Veng a\ang pawhin players 4 in an khel dawn a ni a, chungte chu :

Pu Lalbiaknunga (SCS)    :    Mizoram Police FC
Tv. Lalsangbera (SCS)    :    Mizoram Police FC
Tv. Lalhlimpuia (KD)    :    Venghnuai FC
Tv. Lallawmawma (BS)    :    Aizawl FC

    Pu Lalbiaknunga hi tun season MPL khelh turah hian player upa ber a ni. Tv. Lalhlimpuia hi Venghnuai FC ah hian Team Captain a ni ang.

KOHHRAN :

Camping buatsaih
    Hlimen Presby. Kohhran chuan Aug. ni 19, 2019 (Thawh\anni) a\anga Aug. ni 23, 2019 chhung khan Gospel Camping pavalai pualin an buatsaih a, Speaker-ah Pu Lallungmuana Hebron Revival Team  chu hmangin he camping-ah hian mi 75 an lut a, a tawp thlengin mi 74 an awm a ni.
    Aug. ni 23, 2019 zan a\ang khan Follow-Up Programme hmang \anin karleh chhung zawng hian Crusade a hun hman chhunzawm tur niin thu kan dawng.

Advertisement....

F.K Setic Tank Service
    Septic tank khat paih fai, Block, Pipe fitting,Soak pit hlui leh thar kan siam thei reng e. Motor kan kawl a, kan rate a tlawm. Tin, inhmun laih leh leivung paihna Tipper kan nei bawk e.
Regn. No MSR 524 of 15.07.2018

(10-2)    FKA Ph: 8118910372, 9615920739

Thitin thla (August) Ni 17, 2019, Issue No. 33

PAGE - 1

TUALCHHUNG :

Damlo : Thelma R.Zonunmawii D/o R.Lalengzaua (L), Damvea Sec. a mi chu BN Hospital ah khawthalo leh luak avangin Aug. ni 13, 2019 khan Admit a ni a, Aug ni 16, 2019 khan damdawi in a\anga lo chhuak leh in inlam a enkawl zui mek a ni.

##    Pu Chuaukunga H/o Pi Lalbiakliani, Damvea Sec. a mi chu Lung lam \ha lo avangin Aizawl Hospital-ah enkawl mek a ni.

##    Pu Lalsangbera H/o Pi Lalremruati, Buala Sec. a mi chu thawhah avangin Aizawl Hospital-ah Admit a ni a, enkawl chhunzawm mek a ni.

##    Pi Zazawni W/o C.Zaikunga, Buala Sec. a mi chu chawkawng lâwng avangin Doctor te panin investigation tih a ni a, in lamah enkawl mek a ni.

##    Pi Engthanchhungi W/o Pu V.L.Huap-zauva, Lalsavunga Sec. a mi chu Nerve \halo avangin State Referral Hospital, Falkawnah engemaw chen enkawl a nih hnuin Aug. ni 14, 2019 khan NEIGRIMS, Shillong lamah inenkawl chhunzawm turin an chhuk thla.

##    Pi  Marovi W/o Lalrampana Saichhuma Sec. a mi chu a Office bang car in a tipalh a, investigation te an tih hnuah inlama inenkawl (Bed rest) tur a tih a ni.
   
Ruangin tlawh : Pu P.B Lallura kum 67,  Ngopa khua, Pu P.B Lalthanmawia, Kapdaia Section a mi pa chu Aug ni 11, 2019 zing dar 9:10 khan Falkawn Hospital-ah a boral a, a ruang hi a fapa Pu P.B Lalthanmawia te inah hian chawlhpui a ni a, Branch YMA chuan kuanga khuhin puanin alo tuam a ni.

Nâu nei thar : Pu Ramengmawia leh Pi Lalbiakzuali te nupa, Damvea Sec. a mite chuan an fa pahnihna atan fapa duhawm tak an nei thar.

##    Pu Rosangliana leh Pi Lalliantluangi te nupa Vawmphunga Sec. a mite chuan an fa pahnihna atan Aug. ni 15, 2019 khan State Referral Hospital, Falkawnah naute hmeichhia duhawm tak an nei thar.

HEADLINE : 

Hlimen Branch YMA chhiatni kaihhruaina
1.    Mibo zawn/tuitla zawn/tam laka ruang lak    :
    Heng ang inzawnna ah te hian ‘Branch YMA ‘Puan’ ken          \hin ni se; mimala keng thei kan lo awm paw’n thil \ha tak       
a ni.

2.    Mitthi ruangin veng a paltlang thu : Mitthi ruangin veng         a pal tlang dawn tih hriatlawkna a awm a, YMA Puan-a lo         tuam \hin hi thil mawi tak a niin kalpui chhunzawm zel         ni se.

3.    Ruang Chhuak chung chang : Veng chhung a\anga         ruang chhuak tur a awmin, YMA-in kuang siam sak leh         puana tuam \hin tur a ni.

4.    Ruang lut : Veng pawn a\anga ( veng pawn lam mi) veng chhunga an chhungte rawn bela ruang phum tur lo lut  chu, an rawn belh te chhungkua anga kalpui tur a         ni ang.

5.    Mitthi puanzar thu : Veng chhungah mitthi an awmin, vantlang Information-ah puan \hin ni se, thih chhan erawh         chu natna bikah puan loh ni se. Vui hun tur pawh puan         lan nise.

6.    Kuanga indah  : Veng chhungah mitthi kan neihin, a             rang lama kuanga indah \hin tur a ni.

7.     Puana tuam / Puan dah : Veng chhunga mitthi an             awmin, YMA hminga puana tuam \hin tur a ni.

8.    Mitthi pual thil khawn : Mitthi pual buhfai leh pawisa         kan khawn \hin hi chhung tinah ` 10/- leh buhfai No. 1 aia         tlem lova khawn \hin tur a ni.

9.    Mitthi lumenpui leh lumenpui loh thu : Zing dar 9 hnu         lama thi leh zing dar 2 hma lama thi te chu tlaivarpui/            lumenpui tur a ni ang a; zing dar 2 a\anga zing dar 9             inkara thi te chu lumenpui lova vui nghal tur a ni.

10.    Tlaivar zan ei leh in : Mitthi lumen zana tlaivarpuitute ei         tur hian Chhiatni Fund sum a\angin Ar-sawhchiar siam         \hin ni se, Ar-sawhchiar siam a remchan loh chuan YMA         Section ten a hautak lo zawngin remchang dang an siam         \hin ang. Tin, Ar-sawhchiar siam dan turah hian kan kal         phung pangngai : Arsa kg 1 leh buhfai Kg 1 ½ hisapa             siam ni se; tin, sawhchiar siamna buhfai pawh, kan tihdan         pangngai angin, mitthi puala buhfai kan khawn hman tur         a ni.

11.    Thlan laih hun : Thlanlaih hi tuak\huan ei kham (zing         dar 9:00)ah laih \hin nise.
(Phek hnihna chhunzawm a ni.)
 

 PAGE - 2

EDITORIAL :

MAMAWH
    ‘Mamawh’ hi mihring nuna bet tlat a ni a, chu kan mamawh nei tur chuan nun kawng thler tinah hian kan in nek nulh nulh a ni ber mai. Kan mamawh nia kan hriat a inang lo angin mamawh kan zawn dan leh zawnna kawng pawh dang hlei hlawm tak a ni. Amaherawhchu, mitin hian bul thuhmun a\anga chhuak kan nih na-ah hian mamawh thuhmun kan nei a, chu mamawh chhanna pawh chu kawng khat a ni. Kan vel boruak leh rilru put hmang azirin mamawh nei hrang angin kan lang mai chauh a ni. Chu kan mamawh chhanna zawng chuan Sakhaw hrang hrangah te, Sum leh paiah te, Khawvela thiltihtheihna um te’n kan tlan thin a nih hi. Kan mamawh hi kan hriat dik loh chuan kan in um hah a, a tawpah chuan kan beidawng ngawt ngawt tawh mai thin, beidawng thil tih rah duhawm lo tak kan seng fo thin a ni.
    Mahni inhriat chian kan mammawh hle. Khawvela mihring piang chhuak reng reng hian Pathian tih lohah chuan mahni kan inhrechiang ber a, mahse mahni inhriatchian tih hi tinge  ziah a \ul tlat chu le. A chhan ber ni a ka hriat chu, mi zinga kan intheihnghilh lui \hin hi a ni. Midang tlinlohna kan hmuh theih ang ang te lawrkhawmin midang kan chuk nghek zel mai ni hian a lang a.A buaithlak tehzawng a nih hi.
    Pathian hriatchian kan mamawh hle bawk a, mi thenkhat chuan Pathian hi \henawm pa thiltithei tak, duhzawng zawng han dil a min pe leh mai thei \hin ni hian an hria a. |henkhat ve thung chuan, lam hla taka chhungkhat laina hausa leh thiltithei tak awm ang lekah an ngai ve bawk. |henkhat chuan duh duh huna tlawn lungawi theih, a lungawi loh deuh chang pawh a, fel deuh a awm chuan lungawi leh mai \hin Pathian ang deuha ngai an awm ve bawk.  Hriatchian lehzual che ka va duh em? tiin hla siamtu chuan a lo dah a. Pathian hriatchianna chuan a lamah min hnuk hnai lo thei lo \hin a ni.

(Phek hma chhunzawmna....)
12.    Thlanlai thingpui  : Thlanlai ei leh in hi chhiatni Fund sum hmangin thlan lai ten remchang an tih angin lo insiam se.

13.    Kuang khuhna : Kuang khuhna hi a theih hram chuan, mimalin siam lovin YMA ta hi hman ngei ni se.

14.    Mitthi vui hun : Mitthi lumenpui/tlaivarpui te chu Dar 12:00 (Noon) ah vui thin tur a ni ang a; tlaivarpui loh erawh chu dar 1:00 P.m. ah vui tur a ni.

15.    Mitthi vui thingpui sem  : Mitthi vuini in, a duh apiang te in theih turin, Tea Urn hmanga, thingpui thlum leh a hang, a hma lama lo chhawp chhuah \hin tur a ni. Mitthi vui ni hian, tuisik in tur pawh lo chhawp chhuah \hin tur a ni.

16.    Thlalak chung chang : Mitthi vui ni a thlalak hun chhung hi, a rei lutuk loh nan, hmeh 18 aia tamlo ni thei se.

17.     Lam hlaa mite innghah chung chang : Lam hlaa chhungte nghah ngai mitthi chhung ten an sawiin, a tul angin Br. YMA Committee-in a ngaihtuah \hin ang.

18.     Thlan vur leh thlan hung : Hei hi Mizo danah makpa, tu leh fa te leh chhungkhat laina te mawhphurhna a ni a; YMA ten thlan kan vur leh kan hungpui \hin hi chin dan mawi tak a ni. Tin, thlan vurtu ten hmanrua khawm kim vek a nih hnu ah, a dahna hmun ah dah leh \hin tur a ni. Tin, thlan hung dan turah hian: A dung Feet 7, a vang Feet 3 leh a san zawng Feet 1 ½  pel loh ni se.

19.     Ralna bawm dawh thu : Inralna bawm kan dawh hi ruang thlak zan a\anga dawh \hin tur a ni.

20.     Khawhar In riah thu : Mitthi chhungten \ul an ti lemlo a nih loh chuan, zanthum emaw tal khawhar Inah riah thin nise; mitthi chhungten khawhar In riak chawhlui buatsaih sak loh tur a ni.

21.    Y.M.A. zan : Ruang tlaivarpui a nihin, tlaivarpui zan a\anga zanthum chhung hi YMA zan a ni ang a; tlaivarpui loh a nih chuan, ruang thlak zan a\anga zanthum chhung hi YMA zan a ni ang. |an hun hi nipui laiin dar 7:30 p.m., thlasik ah dar 6:30 p.m. a ni ang a. Tin, Biak In bul hnai a nih chuan, \an hun hi nipui laiin dar 8:00, thlasik-ah dar 7:30 a ni thung ang. |an a\anga darkar khat chhung hun hi hman \hin a ni ang.

22.     YMA zan hruaitu : Khawhar Ina YMA zan hruaitu ruat thuah hian, zan 2-na hi Section chan a niin Section ten khawhar in kaihruaitu an inruat \hin ang, a bak chu Branch Committee mawhphurhna a ni.

23.     Inral chung chang : Chhung tina pawisa leh buhfai kan khawn leh ralna bawm dawh a\anga pawisa tling khawm hi YMA zan tawpah, mitthi chhungte hlan \hin a ni a; heng mipui a\anga kan lakkhawm a\ang hian, kan kal dan pangngai angin, Gas bur khat man lak chhunzawm tur a ni.

24.     Hlamzuih chung chang : Hlamzuih chung changah hian, CYMA-in kaihhruaina a a siam angin, ni 90 chin hi hlamzuiha ngaih a ni ang.

25.     Hnam dang chung chang : Veng chhunga hnam dang, chhungkua a awm leh hun engemaw ti chhung awm lailawk te chu, Branch hruaitu ten an rel angin Chhiatni Fund tuk/khawn thin tur a ni.
26.    Chhiatni Fund pelo chhungkua te chu, Chhiatni Fund hmanga, YMA ten kan inbuaipui ang hian, inbuaipui ve a theih lovang.
27.    Chhiatni kaihhruaina siam\hat emaw tihdanglam a \ul chuan, Branch Y.M.A. Executive Committee-in a siam\ha ang.

PAGE - 3

HRIATTIRNA :

Local Council hriattirna
    Vengchhung kawngpui dungah insakna bungrua emaw bungraw dang eng pawh kawngpui kama dah leh Side Drain hnawhin engmah dah phal a ni lo tih kan in hriattir nawn leh e. Kan khawtlang tan, keimahni tan vek a nih avangin zawm \heuh a \ha e.
    Tin, Faina kawngah hmalam kan pan zela, a lawmawm takzet mai. Chutihrualin, a hmun lo a bawlhhlawh paih hmuh leh hriat tur a la awm fo mai hi a pawi hle a, dan anga Action nataka lak theih a ni tih kan in hriattir leh e.

Sd/- Lalhmingliana, Chairman. LC

Road Protection
    Aizawl Traffic thuchhuak angin ‘No Parking’ tih intar lo mahsela heng hmunah te hian lirthei dah hi Rules of the Road Regulations 1989 in a khap tlat a ni-
1. Bus Stand bulah bus luhna leh chhuahna dalin
2. Mipui kalna atan a siam, Footpath leh pavement luhna leh chhuahna dalin
3. Motor kawng intawhna Junction ah te, kawngkual lai ang chi reng reng ah te dah phal a ni lo.
4. Motor lo ding sa a awmin a zawn kawng sir lehlam ah motor dah phal a ni lo bawk.
    Tin, Thlanmual kawiah leh Venglaikawn-ah lirthei eng chi mah chhunlamah emaw zanlamah emaw dah lo turin kan in hriattir nawn leh a, tilui a man kan awm a nih chuan action lak a ni ang.
    Tin, Venglaikawn hi a chep em avangin 407 chin chunglam chu rokhawlhna bik tak avanga kan ding zawk emaw a nih loh chuan din phal a ni lo tih kan inhriattir nawn leh bawk e.

Sd/- Secretary

Advertisement...

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                              Ph.No
(20-19)                                        9436199884, 9862476439


Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

 (10-6)               VL-a,        Ph.No : 9402344486,                          9615266170

LAWRKHAWM :

Lawmthusawina
    Kan pa Pu PB Lallura’n min boralsan naah khan Hlimen khawtlang chungah lawmthu sawi tur kan va ngah em! Branch YMA chuan Kuang mawi takin min khuh sak mai bakah puan in min tuam a, chumi bakah kan ina a ruang lak a nih chhung khan YMA chuan engkim mai kan tih ve ngai hauh lovin min tihsak a.
    Tin, kan dam loh chhung leh mihring kan tlin zawh tak loh hnuah te pawh min ngaihsaka Hlimen khawtlangin min hmangaiha, min thlamuan tura lokal zawng zawng te chungah lawmthu kan sawi mawlh mawlh a ni. Tin, Ngopa lam thlenga a ruang zuinaa kal te chungah te kan lawm takzet a. Tin, Pu RC Lalroliana’n ruang zui nana a motor a rawn thawh mai te kha kan va lawm tak em. In zavai a chungah kan lawm takzet a, he chanchinbu kaltlanga  kan lawmthu sawina hi minlo pawmsak mai turin kan ngen a che u. Lalpan malsawm che u rawh se.
    In khawngaihna dawngtu,
    PB Lalthanmawia te chhung,
    Kapdaia Section

AB CAble kang
    Aug. ni 13, 2019 (Thawhlehni) zan tir lam khan Pi Siamliani inbul Venglai a AB Cable (Current hrui) chu a kang vak mai a, Vengpui lam chu a thim vek ta mai. Local Council leh Branch YMA OB ten \hutkhawm hman hmawh nei nghalin a zan la la a, a theih anga siam\hat tum nise tih a ni a, Bialtu JE- Pu Hruaia biakpawh nghal niin mamawh \ul ang te dil apiang chu lo rem ti in; Site Office lama bungraw \ul ang lak a nih bakah Hlimen Vengthar lam a AB Cable te chu lakkhawm nghal niin siam\hat hna hi thawh nghal niin hemi zan vek hian eng hi pek leh nghal a ni.
    Vengchhung Duty te- Pu Robuanga leh Pu H. Zothansiama te inpekna avangte, Bialtu JE in min ngaihsakna avangte, vengchhung mi, tlawmngaia thawhchhuakte avanga siam\hat leh a ni a, an zavai a chungah Local Council leh Branch YMA chuan lawmthu an sawi tak meuh meuh a ni.

Chhiattawh a chunga Lawmthusawina
    Kan u Hav. C. Thanzauva boral thu ah lawmthu sawina tur tam tak kan nei a, a boral a ni tih hria a hmangaihna hmel in lantirin min thlamuan a, kan tih ve ngai miah lo a YMA- nula tlangval ten a \ul zawng zawng min ngaihtuah sak vek bawk a, amah thlahliam ni in min lainattu hmel khati zat mai kan han hmu kha kan thinlung zawng zawngin lawmthu kan sawi mawlh mawlh a ni.
    Tin, thlanmual lamah nise, thlan \ha tak min laih sak bawk a, kan chunga in\hatna hi Lalpan a letin malsawmna tam takin vur che u rawh se tih hi kan lawmthu sawina leh kan \awng\aina a ni e.

    In khawngaihna dawngtu,
    Ralngamthanga te unau
    Vawmphunga Section

PAGE - 4

KEIMAHNI :

Hlimkhawpui Budget
    Hlimkhawpui  July & August 2019  thla Budget  pe tla tawh te:
1.    Buala Sec.    2. Kapdaia Sec.
    Buala Sec. ten kumin chhung Budget an tlak fel ta bawk.

Committee kohna
    A hnuai a hun leh hmun ruat ah hian Branch YMA Executive Committee Meeting koh a ni a, Committee member ten ngaih pawimawh tur a ni e:-

    A hun    :    20th August, 2019 7:00 Pm
    A hmun    :    YMA Hall
Sd/- Secretary

Central YMA chetvelna
12.8.2019 : MZP bultumin Aijal Club-ah “Mizoram State Inhumhimna chungchanga inrawnkhawmna” neih a ni a, Tv. Lalhmachhuana, General Secretary-in CAB - 16 paper a buatsaih chu zirho a ni a, Pu J. Lalsailova CEC leh Pu Joseph Lalmalsawma CEC ten an \awiawm.

12.8.2019 : MHIP, Gen. Hqrs. Committee Room-ah MHIP Gen. Hqrs. Office Bearers 2019-2021 thlan chungchanga thil \ul hrang hrang sawiho meeting neih a ni a, Central YMA OB te an tel.

Branch YMA in pe
     Urban Primary Health Centre (UPHC) a damlo awm ten an bungrua an dahna tur a Branch YMA in chhuar \ha tak  siam chu Aug. ni 12, 2019 khan UPHC ah  a hlan fel ta.

Chhiatni thil khawn
    Chhiatni thil khawn hi chhungtin ten rualkhai taka chhiattawk chhungkua te kan chhawmdawl theihna pawimawh em em mai a ni a. Chhiatni thil khawn hi YMA member nulate kutah a innghat deuh bik a nih avangin khawn chhiat leh \hat ah nula te hming\hatna leh mualpho theihna a awm avangin mualpho lo turin nula ten \an lak deuh deuh a \ul khawp mai. Chhiatni thil khawn \hat \um leh chhiat \um hian chhiattawkte ralna a hril thui em em a, chuvangin, chhiattawk kan awm in bial tin a\anga a luh kim theih nan nula ten \an i la deuh deuh teh ang u.

Advertisement..

F.K Setic Tank Service
    Septic tank khat paih fai, Block, Pipe fitting,Soak pit hlui leh thar kan siam thei reng e. Motor kan kawl a, kan rate a tlawm. Tin, inhmun laih leh leivung paihna Tipper kan nei bawk e.
Regn. No MSR 524 of 15.07.2018

(10-1)    FKA Ph: 8118910372, 9615920739

CHHIARTUTE NGAIHDAN :

##    Veng changkang tak kan lo ni ta. Thlarau lam nen, mahse, ui kan khuahkhirh zo lo lutuk deuh. Zing lam leh zan lamah chhuah ching kan la awm. Mi bawlhhlawh bawm hai an ching.
- Vengchhak pa tuaitirte

INFIAMNA :

volleyball club
    Hlimen Volleyball Club te chu Second division Tournament khel turin an inbuatsaih chho mek zel a,  Pu B. Lalbiakmawia Kapdaia Sec. a mi chuan Hlimen Volleyball Club te Jersey thar a leina atan ` 15,200/- a pe a , Hlimen Volleyball Club an lawm hle a ni.

KOHHRAN :

Orientation & Workshop
    Aug. ni 17, 2019 (Inrinni) khan Central South Division a C.O Bial hrang hrangte chuan Local Officers Orientation & Workshop chu Tachhip Corps ah an nei a, he hunah hian Hlimen Corps a Local Officer te pawh engemawzat an kal a ni. 

Lawrkhawm chhunzawmna....

Vawk pul hri
    African Swine Fever (ASF) hi Vawk leh Sanghal ten an vei thin a, he natna veite chuan an thihpui tlangpui. A.S.F natna hi inkaichhawn awl tak niin Vawka hrik awm (Ornithodoros species) ten an pu darh a, Vawksa a\anga siam Sausage, Meat Ball etc. atang te pawhin he natna hi a darh zel thei, chuvangin ram dang atanga Vawk leh Vawksa atanga siam eitur (Frozen food) lakluh loh tur a ni. A enkawlna tur a venna Vaccine leh Damdawi a la awmlo a, Mihring ten an kai report a la awmlo bawk.   African Swine Fever hian China leh a \henawm ram \henkhat tuam mek in, Myanmar ah pawh Dt. 14.8.19 ah he natna hi confirm a ni tawh a, Myanmar nen ramri thui tak kan intawm avangin kan rama lo lut thei mai dinhmun  ah kan ding a, kan fimkhur a ngai takzet a ni.
    Sawrkarin ramdang atanga Vawk lakluh a khap reng chung pawhin tilui an awm renga, a ruka Vawk lalut \hin te hi Sawrkar hmalakna ang ringawt chuan ven hneh tak tak a harsa hle, hemi kawnga hma min lak pui turin Mipui \awiawmna kan ngen tak meuh meuh  a ni. Kan rama thil pawi thlen thei tilui tlatte hi kan hria anih chuan a rang thei ang ber a thuneitute hnena thlen ni se. PRRS avangin kan Vawk te an thi mek zel a, African Swine Fever hi kan ramah a lo lut leh anih ngat chuan kan Vawk te an thi mang thei hial dawn a ni tih hriain theih tawpin i \ang tlang ang u.
(Sourse - A.H & Vety Dept. Govt. Mizoram)

Board Member ah
    Mizoram sawrkar chuan Aug. ni 8, 2019 khan Mizoram State Planning board a din thar a- Board member (Non Official Member) atan Pu N. Zokunga MCS (Rtd) chu lak thar a ni. Non Official Members ah hian Member 3 lak an ni. State Planing board ah hian Chief Minister chu Chairman a ni.

Thitin thla (August) Ni 10, 2019, Issue No. 32

PAGE - 1

TUALCHHUNG :

Boral : Hav. C. Thanzauva (K-78) (Pu Ralngamthanga û)  chu Alzheimer avangin Aug. ni 6, 2019 zinglam dar 4:00 khan  civil Hospital ah boral a, a ruang hi an inpui, Pu Ralngamthanga te in, Vawmphunga Sec. ah lak niin hemi ni vek hian Thlanmual-I lamah vuiliam a ni.

Damlo : Pi Lalngaihzuali W/o B. Lalrintluanga Kapdaia Sec. a mi chu zunkawng \halo avangin Kulikawn damdawiin a hun engemaw chen enkawl a nih hnuin Aug. ni 5.8.2019 khan  State referral Hospital, Falkawn ah Refer a nih hnuin tunah inlamah enkawl chhunzawm mek a ni.

##    Mimi Zonunpui W/o Lalnunkima Buala Sec. a mi chu taksa chaklohna avangin Aug. ni 6, 2019 khan State Referral Hospital Falkawnah Admit a ni.

##    Pi Engthanchhungi W/o Pu V.L.Huap-zauva, Lalsavunga Sec. a mi chu Nerve \halo avangin Aug. ni 8, 2019 khan State Referral Hospital, Falkawn-ah admit niin enkawl mek a ni.

MLA in pe : Bialtu MLA Prof. F. Lalnunmawia chuan MLA Fund a\angin Presbyterian English School te hman tur Computer Set lei nan ` 30,000 pein  computer set \ha tak lei a ni.

|ek tla in deng : Aug. ni 4, 2019 (Pathianni) a Damveng lama \ek tla khan Electric leh  kaihnawih tihchhiat a nei nual a, T.V phei chu a chhe hnem viau niin thu kan dawng. TV. bakah Settop Box leh Cable Amplifier engmawzat a chhia a ni.

Bawlhhlawh thliar : AMC thuchhuak angin bawlhhlawlh thliar hran chu a kalpui dawn ta a, Aug. ni 5, 2019(Thawh\anni) a\ang khan a hman dan leh a kaihhruaina (Pamflet)  leh Disposable bag chu chhungkaw 200 chuangin Local Council Office a\angin an la chhuak a ni.
    Mimal leh chhungkua hian bawlhhlawh kan sawngbawl danah kan fimkhur tawk lo hle a, kan fimkhur tawk lohna hian kan hriselna a tichhe viau a ni tih hriain a \ha zawngin insiamrem ang u.

HEADLINE :

CYMA IN RAM HNAM TANA THAWHHO CHUNGCHANG KOHHRAN HRUAITUTE SAWIPUI
    YMA rorel inkhawm thu chhuak bawhzuiin nimin  August.6, 2019 chawhnu dar 1 khan Central YMA hruaitute chuan Mizoram Kohhran Hruaitu Commttitee (MKHC)hotute kawmin ram leh hnam tana thawhhona chungchang an sawipui.
    Central YMA hruaitute hian MKHC hnenah ram leh hnam tana thawhhopui atana sawmna lehkha an hlan a, MKHC hruaitute nen Synod committee room ah inkawmhona nei zui nghal in MKHC chairman Rev R.Lalhmingthanga, Synod Moderator chuan a kaihruai a. Meetingah hian CYMA atangin OB Pahnih an tel lova, MKHC atangin Baptist leh Salvation lam an lo tel lo bawk.
    CYMA president Pu Vanlalruata chuan an lehkha thlen chungchang sawiin YMA rorel inkhawm vawi hnihna nikum 2018 October 19 a neihah Mizoram Kohhran hrang hrangte nen ram leh hnam humhalhna kawngah thawhhona leh inpumkhatna \ha zawk a awm theih nan Central YMA inhma la rawh se tiin thu an lo passed tawh thu a sawi a. Hei hian a tum chu chibing puala Kohhranin hmalak loh te, ram leh hnam a himna tur ang ang ngaihtuahte pawh a huam tel tih a sawi.
    Central YMA President chuan Draft National Education Policy 2019 sawrkar laipuiin a duan mek chu hnam tlem leh changkang lo zawkte tan a him lo hle a an hriat thu sawiin a phenah Hindutva Policy awm ngei a an hriat thu leh Kohhranin ngaihtuahna lo seng tura an duh thu a sawi bawk.
    Central YMA lehkhaah hian kan rama ruihhlo hluar lutuk an ngaimawh thu leh \halai engemawzat an talbuai mek thu leh Kohhran leh sorkar nena \anrual \ul an tih thute tarlan a ni bawk.

Central YMA Chetvelna
2.8.2019 : Central YMA ram, Lawipu a Tribal Hostel sak chu zawh fel a nih tak avangin, Central YMA kuta hlan a nih theih nan, Director, School Education Deptt chu Pu R. Lalngheta, Vice President, Pu Peter Chhakchhuak, Asst Secretary ten a pisa-ah an ti ti pui.
6.8.2019 : Central YMA Office Bearers, Pu B.C. Tawna CEC, Pu Joseph Vanlalhruaia Sailo CEC ten MKHC an kawm a, ruihhlo do kawnga hma lak ho dan tur an sawipui.
7.8.2019 : Indian Medical Association, Mizoram State Chapter hruaitute Central YMA Office-ah an rawn leng a, Pu R. Lalngheta, Vice President, Pu Peter Chhakchhuak, Asst. Secretary, Pu R.S. Lalrinsanga CEC, Pu John Kima CEC, Pu B.C. Tawna CEC ten an lo dawngsawng a. The National Medical Commission Bill, 2019 dodal  kawnga hma lak an tum dan te Central YMA hruaitute hnenah an rawn thlen chu an sawiho.
9.8.2019 : NGO Co-Ordination Committee bultumin Central YMA hall-ah Draft National Education Policy 2019 zirhona hun hman a ni a, Central YMA Ob leh CEC te an tel.

PAGE - 2

EDITORIAL :

Aia upa zah
    Mizote hi aia upa zah hnam kan ni \hin. Inchhungkhurah leh khawtlangah aia upate an zah thiamin Khawtlang nun a nuam em em \hin a ni. Changkannain khawvel a chiah a,thiamna a lo sang a, hmanlai boruak leh tunlai boruak chu awihawmlo khawpin a lo danglam ta. Hmanlai chuan kum upa lam chauhin tawnhriat an ngah a, "Kel chal upat a upa" te thu kha thu fing tak a ni \hin. Tunlai ah chuan Naupang te tein,thiamna sang tak tak an nei ta. An hriatna a zauvin, Sorkar leh Khawtlang kaihruaitu an lo ni ta a, Naupangtê tê pawh ‘Ka Pu’, ‘Ka Pi’ tih an lo ngai ta, hei hian aia upate finkhalh avanga upate ngaihhniamna a hring a, hei hi thilpawi tak a ni.
    Aia upate zah hi engtin nge kan in zirtir thar leh anga, kan nunah engtin nge hmun a khuar leh theih ang tih hi ngaihtuah thiam a har tawh hle. |hangthar nuna tuh thar leh hi thil huphurhawm tak a ni a, mahse theihloh erawh chu a ni lo ang.
    Aia upate zahawmna, changkanna avanga humhim thei lo an nih chuan Hnam zahawm kan ni ngai lovang. Hemi kawngah hian kan inzirtir uar ta lo hlein a lang. Kan Inchhungkhur atanga \anin, School ah te, Sunday School ah te leh puipunna ahte , uar zawka inzirtir thar a \ul a ni. Aia upa zahna hian chhungkua,khawtlang leh ram a ti nuam a, chumi tihlawhtling turin Upa zawkte hi \hangtharte zah tlakin kan awm em? tih erawh inen \hin a pawimawh ang..
    Nu leh paten \an la thar ila, kan fate an aia upa zah nachang hre tura zilh hi kan tihtur a ni tih hre nawn in, kohdan tur inhrilh hriat a hun tawh hle. Kan aia u te zahna chang hriat hi a Kristian a, kan ram leh hnam humhalhna kawng a thil tih ngei ngei tur zing ami a ni tih i hre nawn ang u.

*****************************************

Hriattirna
    Pu R.Dingliana  S/o Lianhnuna(L) of S.Hlimen  hian a LSC No. Azl  2370 of 1987 of  Hlimen Quarry Veng ami hi a tibova rawn insawiin Office-ah re-issue a rawn dil a. A dil anga tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziakah hian hriattir tur a ni. Hetianga  LSC pek chhuah leh a lo nih chuan  LSC hmasa chu cancelled nghal a ni.
    Sd/- Director
    Land Revenue and Settlement
    Mizoram : Aizawl

Hriattirna
    Pu Lalpekthanga  S/o R.Dingliana of S.Hlimen  hian a LSC No. Azl  3333 of 1990 of  Hlimen Quarry Veng ami hi a tibova rawn insawiin Office-ah re-issue a rawn dil a. A dil anga tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziakah hian hriattir tur a ni. Hetianga  LSC pek chhuah leh a lo nih chuan  LSC hmasa chu cancelled nghal a ni.
    Sd/- Director
    Land Revenue and Settlement
    Mizoram : Aizawl
Hriattirna

     Pu Remruatkima  S/o R.Dingliana of S.Hlimen  hian a LSC No. Azl  3332 of 1990 of  Hlimen Quarry Veng ami hi a tibova rawn insawiin Office-ah re-issue a rawn dil a. A dil anga tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziakah hian hriattir tur a ni. Hetianga  LSC pek chhuah leh a lo nih chuan  LSC hmasa chu cancelled nghal a ni.
    Sd/- Director
    Land Revenue and Settlement
    Mizoram : Aizawl

Hriattirna
    Pu R.Dingliana  S/o Lianhnuna(L) of S.Hlimen  hian a LSC No. Azl  1977 of 1997 of  Hlimen Quarry Veng ami hi a tibova rawn insawiin Office-ah re-issue a rawn dil a. A dil anga tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziakah hian hriattir tur a ni. Hetianga  LSC pek chhuah leh a lo nih chuan  LSC hmasa chu cancelled nghal a ni.
    Sd/- Director
    Land Revenue and Settlement
    Mizoram : Aizawl

Advertisement....

MD septic tank service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                              Ph.No
(20-18)                                        9436199884, 9862476439

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

 (10-5)               VL-a,        Ph.No : 9402344486,      9615266170

PAGE - 3

HRIATTIRNA :

KAPDAIA SEC. HRIATTIRNA
    Kapdaia Section chhung Tui pump, cement zutna chin leh kawngpui blacktop ah motor sil awih ani tawh lo, sil tur te chuan tuipump kawr ah sil theih ani ang.
    Sd/- Leader

Local hriattirna
    Vengchhung kawngpui dungah insakna bungrua emaw bungraw dang eng pawh kawngpui kama dah leh Side Drain hnawhin engmah dah phal a ni lo tih kan in hriattir nawn leh e. Kan khawtlang tan, keimahni tan vek a nih avangin zawm \heuh a \ha e.
    Tin, Faina kawngah hmalam kan pan zela, a lawmawm takzet mai. Chutihrualin, a hmun lo a bawlhhlawh paih hmuh leh hriat tur a la awm fo mai hi a pawi hle a, dan anga Action nataka lak theih a ni tih kan in hriattir leh e.

Sd/- Lalhmingliana, Chairman. LC

Kumpuan hriattirna
    Lungpui Balcony ah zan lama benchheng \hin, midangte tana harsatna siam khawp a thawm nei an awm \hin tih report dawn a ni a, hetiang tih chingte pawh hriat thawi kan ni a, tunhnuah chuan ching tawh lo turin kan in hriattir e.
    Tin, vengchhung hmun dangah pawh midangte tana harsatna thlen thei leh boruak muanawm loh thlen thei zawnga khawsak khap tlat a ni a, kan khawtlang boruak muanawm tak a nih theih nan Kumpuan Sub Committee thuchhuak te min zawm sak \hin turin mitin te kan in ngen a ni e.

Sd/- Secretary

Advertisement....

Thingthupui |iak duh tan
    Thingthupui \iak duh te tan lei tur ka nei e. Chan loh palh awm thei a nih avangin a hma lamin rawn ngaihven teh le..

            A rate : Pakhat  ` 50/-

    Contact :     BK Remmawia
(1-1)    Ph : 9862716080

LAWRKHAWM :

CHHIATNI REPORT
    Pu Hav. C.Thanzauva puala buhfai leh pawisa khawn khawm dan leh thlanlaih dan ziaka hmuhtheih chin :-
    Section             Chhungkua    Buhfai    Pawisa    Thlanlai
        
    Buala                   129           130       1180        23
    Damvea               144           151       1250         7
    Kapdaia               133           137       1130        9
    Lalsavunga            40            44         350         3
    Saichhuma            57            60         540        10
    Vawmphunga        40            41         390          3
                   Total    543          563       4840        55
      Vawmphunga Sec. te hi chhiat tawk Section an ni.

Road Protection
    Aug. ni 8, 2019 (Ningani) zingkar khan Road Protection Committee chuan Committee thuchhuak bawhzuiin Motor Park phallohna signboard - Road Sign (No parking) chu vengchhung hmun li ah an tar.
    Aizawl Traffic thuchhuak angin ‘No Parking’ tih intar lo mahsela heng hmunah te hian lirthei dah hi Rules of the Road Regulations 1989 in a khap tlat a ni-
1. Bus Stand bulah bus luhna leh chhuahna dalin
2. Mipui kalna atan a siam, Footpath leh pavement luhna leh chhuahna dalin
3. Motor kawng intawhna Junction ah te, kawngkual lai ang chi reng reng ah te dah phal a ni lo.
4. Motor lo ding sa a awmin a zawn kawng sir lehlama ah motor dah phal a ni lo bawk.
    Tin, Thlanmual kawiah leh Venglaikawn-ah lirthei eng chi mah chhunlamah emaw zanlamah emaw dah lo turin kan in hriattir nawn leh a, tilui a man kan awm a nih chuan action lak a ni ang.
    Tin, Venglaikawn hi a chep em avangin 407 chin chunglam chu rokhawlhna bik tak avanga kan ding zawk emaw a nih loh chuan din phal a ni lo tih kan inhriattir nawn leh bawk e.
-Sd/- Secretary

HLIMEN  F.C  lawmthu
    Hlimen f.c te chuan 3 Div kan khelh turah sum hmana a tam dawn avangin sum tuak nan khawtlangah sangha kan zuar atlawm ngaia min leisak tute chunga leh pawisa faia min \anpui tute chungah Hlimen F.C Commitee chuan lawmthu kan sawi tak meuh meuh a ni e.
    Sd/- Secretary
    Hlimen Football Club

Advertisement....

HENGTE HI KAN SIAMTIR THEI
Pan Card, Voter ID a Date of Birth siam\hat, Tribal Certificate, Residential Certificate, Employment Registration te kan siamtir thei e.
Tribal & Residential dil tur tan a thil tel ngai te:-
Local Council lehkha, Voter ID leh Passport size photo copy 2, Income Certificate (LC a\angin)
Mi pakhat tan Rs. 100/- zel a ni e.

            Lalchhuanawmi, Kapdaia Sec.
(1-1)                  Ph : 9774-196-330 / 9862-540-824

PAGE - 4

KEIMAHNI :

Hlimkhawpui Budget
    Hlimkhawpui  May & June 2019  thla Budget  pe tla tawh te:
1.    Buala Sec.    2. Kapdaia Sec.
    Buala Sec. ten kumin chhung Budget an tlak fel ta bawk.

YMA in ral
    Aug. 8 ni , 2019 zan khan Hav. C. Thanzauva ralna hun hman a ni a, ralna pawisa tlingkhawm ` 8060 chu a chhungte hnenah hlan a ni.
    Tin, Thanzauva chhungte hian \angkai taka hman atan YMA ah puan 3 an hlan let bawk. Hetiang puan hlan te hi Branch YMA chuan lawm takin a dawng \hin a, \angkai takin a hmang leh \hin a ni.

|hutthleng siam
    Buala Sec. chuan \hutthleng siambelh/siam \hat tumin hma a la mek zel a, hemi atan hian Section huamchhunga chhungtinte hnenah vehbur khawn a ni dawn a, \hutthleng kan mamawhna hria a, \hahnem ngai taka lo thawh \heuh turin Buala Sec. hruaitute chuan kan ngen a ni.
    Tin, chhungte boralta  hriat rengna atan donate duh kan awm a nih chuan ` 650 in \hutthleng pakhat zel a donate theih dawn a. Donate duh chuan Section hruaitute hnenah a inhriattir theih reng a ni.
    Sd/- Secretary

Chhiatni thil khawn
    Chhiatni thilkhawn hi chhungtin ten rualkhai taka chhiattawk chhungkua te kan in chhawmdawl theihna pawimawh em em mai a ni a. Chhiatni thil khawn hi YMA nulate kutah a innghah tlat avangin khawn chhiat leh \hat ah nula hming\hat theihna leh mualpho theihna a awm avangin mualpho lo tur a tun aia kan nula te \an la deuh deuh turin kan in ngen a, Section huamchhungah  bial bik siam thliah thliah a ni a, chuvangin chhiattawk kan awm in bial tin a\anga a luh kim theih nan nula ten \an i la deuh deuh teh ang u.

Advertisement....

Plastic hman khapna thupek
        AMC areas huam chhungah 1st August, 2019 a\ang hian plastic bag reng reng 50 micron aia pan hman, kawl leh ken a khap a ni. Hei bakah hian plastic a\anga siam bûr, thleng, no leh fian ang chi a hmun lova paih khap a ni bawk.
        Dan bawhchhia chu The AMC Plastic Waste Management Bye-Laws, 2019 leh The Mizoram Municipalities Act, 2007 hmanga hrem theih an ni.
        He khapna thupek hian Bio-Medical Waste Management Rules, 2016 hnuai a aphal chin bag leh AMC in a bika phalna a pekte chu a huam lovang.

    Sd/- Dr. H.Lalthlangliana
(2-2)    Municipal Commissioner, AMC

KAN |HEN TAK

 
HAV. C. THANZAUVA (78)
    Hav. C. Thanzauva hi Sub. Thangkhuma leh Thangtei te fa 9 zinga 3-na niin February ni 15, 1941-ah Hlimen khuaah a lo piang a. An unau hi mipa 4 leh hmeichhia 5 an ni.
    Kum 1967-ah Chhawrpuii nen inneiin fanu 3 leh fapa 3 an nei a, tin tu 13 lai a hmu hman bawk. A tlangval thleng hian Hlimenah a awm a, Mizoram buai hma khan Assam Police-ah \angin kum 1992-ah Havildar-in a pension. Haflong-ah inbengbelin a nupui u, Liani ten Sangkari Bagan, Haflong-ah ram zau tak an pe a, in te sa in huan puitling zau tak an nei a ni.
        Kum 2003 Haflong buaiah khan Mizoram  lamah an rawn pem chhohsan ta a ni. Hemi kum hian a nau Ralmani te rawn belin PTC peng bulah inte sain Quarry an enkawl a. Chumi hnuah tuna an awmna Sairang Road 11 KM-BRTF hmunah khuan inte sa a rawn insuan chhovin, Pu Zohmangaiha te Quarry a enkawl a. Chuta \angin ZIDCO hnuaiah Steel Authority of India Stockyard, Zemabawkah Caretaker hna chu a boral thlengin a thawk leh a ni.
        Kum 1983-ah UPC (NEI) ah inpe in, Haflong-a an Kohhran dintute zingah a tel a, Upa (Deacon) a ni reng \hin. Phunchawnga an lo pem hnuah pawh Upa Senior niin a hun tawp a hmang a ni. Tin, Phunchawng a an pem hnuah MUP President te niin a theih ang tawk tawkin khawtlang tan a inhmang ve \hin.
        Alzheimer natna leh chaklohna hrang hrang neiin July ni 17-23 khan Synod Hospital-ah a awm a, Scrub Typhus hmuh a  ni a. In lamah chawlhkar 1 enkawl anih hnuin July ni 30-ah Civil Hospital-ah dah luh niin, August ni 6, 2019 zing dar 4 a.m. ah chatuan ram min pansan ta a ni.
 

Advertisement....

Public Notice
        Aizawl Municipal Corporation (AMC) chuan The Solid Waste Management Rules, 2016 angin, 1st Aug. 2019 a\angin Local Council kaihhruaina hnuaiah bawlhhlawh lakkhawmna hmun thliarfel (segregation of waste at source) hna a kalpui dawn ta.
1.    Hazardous & E-Waste lakkhawm ni - Thlatin Zirtawpni hmasa ber
2.    Plastic Waste lakkhawm ni - Kartin thawhlehni apiang.
3.    |awih thei (Wet Waste) lakkhawm ni - Thawh\anni, Ningani, Inrinni
4.    |awih thei lo (Dry Waste) lakkhawm ni - Thawhlehni, Nilaini, Zirtawpni
    Bawlhhlawhte hi fel taka fun/tel khawm tur a ni. Chhungtinin bawlhhlawh paih man atan an pek (public contribution) hi The AMC Solid Waste Management Bye-Laws, 2019 angin Rs 50-200 a ni a, Local Council ten hemi inkarah hian rate an bithliah fel ang.
    Chhungtin te lo in buatsaih a, Local Council hmalakna lo \awiawm a, lo zawm vek turin ngen leh hriattir an ni.
    Sd/- Dr. H.Lalthlangliana
(2-2)    Municipal Commissioner, AMC