Tau thla (April) Ni 27, 2019, Issue No. 17

PAGE - 1

TUALCHHUNG :

Damlo : Pu Zothanmawia H/o Duhi, Saichhuma Sec. a mi chu chuap lam fello avangin Doctor te rawnin investigation hrang hrang tih a ni a, he thu buatsaih lai thleng hian in lamah enkawl mek a ni.

##    Pu Lalremtluanga leh Pi Laltlanmawii, Damvea Sec a mite naute, karhmasa lama an neih chu, a eng a, a khawsik leh rihna tlahniam avangin April ni 26, 2019 khan Civil Hospital-ah admit a ni.

##    Pi Lalchhankimi W/o Lalramchuana, Kapdaia Sec. a mi chu naupai fello leh taksa chaklo avangin Civil Hospital-ah hun engemaw chen an enkawl hnuin chhuahtir a ni a. Amaherawhchu, natna in a tlakbuak chhoh leh avangin Civil Hospital-ah admit leh a ni.

Tuak thar : Lalruatkima S/o C.Lalrinsanga, Lalsavunga Sec. a mi leh Lalremruati D/o B.Lalramsiama Lunglei Bazar Veng a mite chuan April ni 25, 2019 (Ningani) khan damchhung a nupa ni turin ‘Tiam tlat e’ an ti.

Nâu nei thar : Pu Lalthiangkima leh Pi Lalrinpari te nupa Saichhuma Sec. te chuan April ni 20, 2019 (Inrinni) khan UPHC Hlimen-ah fapa duhawm tak an nei.

Pem thar : Pu Vanlalhruaitluanga te chhungkua Member 4 te chu Republic Vengthlang a\angin Hlimen-ah rawn pemin Pu Zosiama, Vawmphunga Sec. te inah an luah.

##    Pu Thantluanga te nupa chu Kawnpui Bangla veng a\angin Hlimen-ah an rawn pem a, an fapa Pu H.Lalrinmawia, Kapdaia Sec. a mi chu an rawn fin a ni.

Tleirawl/rawlthar pualin : Hlimen Branch YMA chuan YMA Kumpuan “Ram leh hnam humhalh” bawhzuina atan tleirawl/rawlthar kum 15 -18 inkarte May ni 10, 2019 hian YMA Hall-ah a kokhawm dawn a, nu leh pa ten kan fate kum 15 -18 te chu kim taka kaltir vek turin Hlimen Branch YMA chuan a ngen tak meuh meuh a ni.

HEADLINE :

BRANCH  YMA EXE. COMMITTEE THUREL
    April ni 23, 2019 zan khan Hlimen Branch YMA Executive Committee Vawi 5-na chu YMA Hall-ah neih a ni a, he mi hun a thurel tlangpui chu a hnuaia tarlan hi a ni e :-
1. YMA Godown singsak leh bungrua dah \hat chungchang :-         YMA Godown singsak leh bungrua dahthat chungchang sawi a ni a, he mi chungchangah hian Branch OB ten ruahmanna lo siamin hnatlang pawh a \ul hunah rawn ko mai se tih a ni.
2. Lehkha lo  lut :-
    (1) SRS Member approve-na : Central YMA 9th Batch member atan Branch YMA rawt Tv. John Lalhunhlua approved a nih thu dawn a ni.
    (2) Tleirawl/Rawlthar Kum 15-18 kohkhawm chungchang :- YMA Kumpuan “Ram leh hnam humhalh” bawhzuina atan tleirawl/rawlthar kum 15 -18 inkar kohkhawm nise tih a ni a, hetiang hian ruahmanna siam a ni.
    A hun    :    10th May, 2019
    A hmun    :    YMA Hall
    Programme leh \ul dang chu Branch O.B. te kutah dah a ni a, Hlimkhawpui chanchinbu leh Information mike a puanzar bakah sawm khawm chungchangah heng mite hi mawh lo phur tura ruat an ni.
    (a)    Buala Section         :    Tv Zonunsanga
    (b)    Damvea Section     :    Pu H. Zothansiama
    (c)    Kapdaia Section     :    Pu Lalrinchhana
    (d)    Lalsavunga Section     :    Pu Lal\anzuala
    (e)    Saichuma Section     :     Pu Lalbiaksanga
    (f)    Vawmphunga Section    :    Tv. PC Lallawmzuala

3. 2019 Kum tawp a Thlanmual chei runpui neih chungchang leh YMA Day zan lam Programme ah thlanlaih chungchang Short Play dilna :- Thlanmual Sub-Committee in kum 2019 kum tawp lama Thlanmual tihfai leh chei runpui neih an rawtna chu ngun taka ngaihtuah a nih hnuin Committee chuan neih leh ngei \ha a ti a. Branch OB leh Thlanmual Sub-Committee ten ruahmanna lo siam se tih a ni.
     Tin, Thlanmual Sub-Committee ten YMA Day zana thlanlaih chungchang a Short Play an dilna chu rem tih sak an ni bawk.

4. Walkie Talkie chungchang:- Ruihhlo do na kawnga hmalakna atan Kumpuan Sub-Committee in Walkie Talkie lei an rawtna chu ngun taka sawiho a ni a, tun dinhmunah chuan sum dinhmun thlirin lei hrih loh mai nise, amaherawhchu hmachhawp ah neih a, la lei ngei tum nise tih a ni.
- Phek 2 na-ah chhunzawm a ni....

PAGE - 2

EDITORIAL :

THAWHHONA |HA NEI TURIN
    Khawvel mihring zawng zawngte te hian chhia leh \ha hriatna kan nei a nih chuan engemaw kawng talin \angkaina kan nei \heuh a. Kawng hrang hrangah thawhhona \ha nei turin kan mimal nun \heuh hi a pawimawh em em a ni. Chutihrualin,  mi chapo leh mahni hmasial kan nih erawh chuan midang tan thawhpui kan harsa hle dawn a ni.
    Mizo Society hi a tlangpuiin awmho nuam ti mi, chhiatni \hatni a inlenpawh hnam kan ni a, pipute a\ang tawhin \henawm khawveng inlenpawh a; a huho a thil ti \hin kan ni.Chuvang chuan vengchhung leh khawtlangah pawl hrang hrang atam hle a, chung pawl hrang hranga va tel a, midang va thawhpui tur kan nih chuan mi hawihhawm tak leh mi inngaitlawm tak kan nih a pawimawh a ni. Hetiang mi kan nih hian midangte nen thawhhona \ha kan nei thei ang.
    Thil tih hona ah mimal \hahnem ngaihna chauh emaw mimal hmalakna emaw chauh hi a tawk \hin lova, kan zavaia \anrual leh inpekna a pawimawh hle a ni. Kan thiltihah kan inphurpui tawn a in\awiawm thiam hi thawhhona \ha nei tur chuan a pawimawh tak zet a ni. Kan tui ve loh mai avanga tel lohte, kan thiam ve loh thil a nih avanga ralbansan maite hi ching lo ila, theihtawp a in\awiawm tawn tum ila; chu chuan kan thawhhona a tichak ngei ang.
    Tin, pawlah chuan memberpui inrel neuh neuh te, midangte tana tel ve nuam lo khawpa \hian inkawmfal bik awm te, mi rilru tina thei zawnga \awngkam hman leh miin a thiam ve tawk leh a theih ve tawk an thil tih lo nuihzat chinte hian thawhhona a tichhe \hin. Chuvangin, vengin hma a sawnna turte leh hmalakna a \huanawm lohna tur chuan kan \anrual a, thawhhona \ha kan neih a ngai a ni. 

Phek hma chhunzawmna.......
5. Light and Sound Sub-Committee in Chhiatni Fund a\angin chhiatni a hman turin Sound System tih changtlun an rawtna chu hmuh niin ngun taka sawiho a nih hnuin ruahmanna an siam chu pawmsak an ni. Hetiangin -
    a.    Sound mixer     -    `     9,000/-
    b.    Bass Guiter     -    `     13,000/-
    c.    Hollow guiter pick up    -    `     4,000/-
    d.    Cable & Jack pin     -    `     2,700/-
            Total     -    `     28,700/-

6. CYMA a\ang lehkha hmuh :-
(a) General Secretary, CYMA in YMA rorel bawhzuia zû leh ruihtheih thil a kan lo fihlim zawk nan chak zawk a hma la tur a  ngenna chu hmuh a ni a, theihtawpa hma lak zel Committee chuan  \ha a ti.
(b) CYMA Executive Committee Meeting 2.2.2017 a a lo rel tawh anga khua/veng indin dan \obul- hming put chhan, history, khua leh veng a\anga mi hming\ha leh chhuanawm te CYMA in record a vawn \hat atan August, 2019 ral hma ngei a CYMA a thehlut tur a ngenna chu hmuh niin a theih ang chin chinah thehluh ve ngei nise, Tv. Lalkhawmawia leh Tv. Zonunsanga ten lo buaipui se tih a ni.
(c) 72nd      YMA Gen. Conference 2019 a lawmman sem turin Branch YMA Chanchinbu \ha thlan leh tur a ni a. Kum 2019 chhunga Branch Chanchinbu chilhkhawm (Tlatin chhuak: January - December, 2018) copy thum (compile sa) 31.7.2019 ralhma a CYMA Office a thehlut tur a ngenna chu hmuh a ni a. Chanchinbu copy hi thehluh ve ngei nise, Hlimkhawpui EB ten mawh lo phur se tih a ni.
(d) 28th May - 7th June, 2019 chhunga B. Daniala (Ex-President, CYMA) Memorial Inter-Branch YMA lengkhawm zai intihsiakna a tel tur a sawmna hmuh a ni a, he intihsiaknaah hian tel ve ngei  Committee chuan \ha a ti a. Mawh lo phur turin  Pu Lalhmuchhuaka, Pu Vanlaltluanga, Pu Lalthantluanga leh Tv. Lalkhawmawia te ruat an ni.

7. Pem lehkha:
(i) Pu Vanlalhruaitluanga te chhungkaw member 4 - chu Republic Vengthlang a\anga rawn pem an dilna dawn niin pawmsak an ni.
(ii) Pu Thantluanga te nupa chu Kawnpui Bangla veng a\anga rawn pem an dilna dawn niin pawmsak an ni.

8. Ramri chungchang : Hlimen - Melthum ramri chungchang sawiho a ni a, hemi chungchangah hian Local Council te nen a \ul anga sawiho a, a \ul anga bawhzui nise tih a ni.

9.  Generator chungchang : Chhiatni a hman atan Generator chu sum awm dan azirin (Chhiatni Fund a\angin)  lei tum mai nise tih a ni. Kumin Chhiatni Fund sum lut zirchian hrih phawt nise. Chutihrualin a \ul anga hma lo la a, Generator  lei theih awm tawk lo zir chiang turin - Tv. Lalkhawmawia, Pu H. Zothansiama leh Pu Lalbiaksanga te ruat an ni.

10. Thlanmual-I a PHED tui connection lak chungchang : Thlanmual a tui mamawhna a san chhoh zel avangin Thlanmual-I ah PHED tui connection lak ve ngei nise, OB ten lo bawhzui se tih a ni.
    Tui connection hi a lo hlawhtling thei dawn anih chuan Chhiatni Fund sum a\anga siam tur a ni ang.

11. YMA membership chungchang : YMA life member ni duh mi sawm (10) an awm thu ngaihthlak a ni a, hemi chungchang hi Branch YMA OB ten zirchiangin lo bawzui se tih a ni.

PAGE - 3

HRIATTIRNA :

Local Council hriattirna
    Local Council office ah Golden Card a lo thleng a, la lam lo mi engemaw zat kan la awm a, April ni 29, 2019 (Thawh\anni) ah lam vek turin kan in hriattir e.
    Tin, bawlhhlawh paihna man ( a fee) khawn mek a ni a, \ha taka a khawntu lo pe turin chhungtinte kan in ngen a, \ha tak a lo pe te chungah Local Council a lawm hle a, chutihrualin pek nachuang hrelo, pe duh lo kan la awm a, ziaka fel taka pek dan ziah vek a nih avangin a pe duh lo/pe ngai lo te chungah dan anga action lak a ni ang.

    Sd/- Lalhmingliana, Chairman L.C

MUP HRIATTIRNA
    Hlimen khawchhunga cheng, Tar pension la leh Widow (Hmeithai leh Rualbanlo) \anpuina la zawng zawng ten a hnuaia Documents tarlan te Xerox copy hi Pu C. Lalhmingliana, Venglai hnenah ni 30, April, 2019 ralhma a thehluh \heuh tur a ni e.
1.  Rural Bank Account xerox copy,       2.  Aadhar Card xerox copy
3.  Ration Card xerox copy,     4.  Voter I.D xerox copy
    Aadhar Card neilo chuan Aadhar Card xerox copy tel lova thehluh tho tur a ni e. Sawrkar laipuiin heng Document te hi a phut avangin  Social Welfare Department chuan a hnuaia \anpuina la tu te a hriattir a ni.
    Sd/-C. Lalhmingliana,Venglai

Advertisement.....

Mipa lu meh man
    Hlimen a mipa lu mehna dawrte chuan lumeh man ` 40 an lak \hin chu April thla a\ang khan ` 50 an ti ve ta a. Aizawl khawpui hmun dangah ` 70 leh a chunglam (meh duh dan a zirin) an tih tawh avang leh Aizawl Mipa Lumet Pawl hruaitu ten tisang ve tawh tura an tih avangin Hlimen-ah hian tihsan ve a ni ta a ni. Hetih rual hian chhungkaw harsa zawk leh kum upate-ah chuan hriatthiamna a awm thei tho dawn a ni.

KAWI KHA  KHAWI KHA...
    ELECTRONICS BUNGRUA CHI HRANG HRANG BAZAR RATE AIA TLAWMIN I INAH KA RAWN DAH THEI E.
    SMART TV  Company hrang hrang, Fridge, Single door,double door, side by side.Washing Machine - Top loading front loading, Fully Automatic, Dryer, Cooler, Freezer, AC, CCTV, Inverter , Inverter Batteries, Motor Batteries, Microwave Oven.
    Heng ah hian mamawh i neih chuan Bazar rate aia tlawmin i inah ka rawn dah thei e, Waranty chhunga a chhiat chuan i buaipui ngai loin keiman ka rawn buaipui vek dawn nia. Company duh bik neih pawn eng Company pawh i duh ang ka dah   thei e.
(4-1)      Siampuia Khiangte. Hlimen...Ph 9863457800

LAWRKHAWM :

Sa zawrhna hmun sawn a ni ta
    April ni 20, 2019 (Inrinni kalta) a\ang khan Quarry a Local Council ten an siam sazawrhna chu  a vawikhatna atan luah thlak a ni a ta a, Report kan dawn danin hemi \um hian vawk pali sah a ni. Tarlan tawh angin he sa zawrhna hmun ah hian vawksa leh bawnga zawrh nana hman hrih phawt tura ruahman a ni a, a \ul ang zel a, tihchangtlun deuh deuh a, bazar hmun pangngai te pawh ni thei se a \ha hle in a rinawm.
    He sazawrhna sawn thlak hi kan khawtlang hmel tidanglam dawrh thei thil a ni a, Venglai kawn a thawl phahin hriselna leh thianghlimna kawnga hmasawnna kawng pawimawh tak  a nih ngei a beiseiawm hle a ni.

Silai nilovin Camera nen zawk aw
    Zophei hmun ah hian Aizawl Lal Lalsavunga raldankawn, lungden kawn bakah Lalsavunga park te awmin tlawh a hlawh hle.Zophei tlang hriam chhuah lam pang khi kham awih tak niin Saza te tana tualchai na atan hmun \ha leh thlanawm, an thlahtu te atanga an lo chen tawh na niin tun thleng pawh hian hmuh tur an la awm reng mai hi a vanneihthlak hle mai. Saza hi Mizoram State Animal niin Common Name – Sumatran Serow / Serow, Local Name – Saza a ni a. Tin, Saza hi wildlife (Protection) Act, 1972 hnuaiah Schedule -I ah dah niin  IUCN hnuaiah humhalh ngai bik  (Vulnerable (VU)) ah dah a ni.
    Hlimen ramchhung ngei a Mizoram State animal engemaw zat la awm hi a hlut zia hria ila, a humhalhna kawngah \an la tlang ila, engti kawng pawh a a lo tihlum lui kan awm chuan dan angin kan chungah hremna lek kawh a ni ngei ang. “Nungcha humhalh kawngah \an  la deuh deuh zel ila a \ha ang. Silai leh thang tel lovin Thlalak lama tui mite pawhin an ram tla lai thlalak fuh tumin thlithlai / veh zawk sela ava \ha dawn em. Kan veh a nih pawhin thang emaw Silai emaw ni lovin Thlalakna nen zawk aw.
Sd/- Lalhmingliana, Chairman L.C

Assembly  hmang
    April ni 25, 2019 (Ningani) khan Vanapa Hall-ah MUP Assembly hman a ni a, Hlimen MUP Branch a\ang pawhin aiawh Office Bearer mi 2 ten he hun hi an hmang a ni. He hunah hian MUP Gen. Hqrs. kum 2019 - 2021 chhunga hruaitu tur thlanna hun an hmang a, Pu R.Lalngheta, Vice Pre. CYMA chu Returning Officer niin CYMA CEC te chu Presiding Officer-ah an \ang bawk a ni. Thlanchhuahte :-
    President    :    Lalhuapzauva, Bungkawn
    Vice President    :    R.K.Thanga, Mission Veng
    Gen.Secretary    :    J.Thanglura, Electric Veng
    Asst.Gen.Secy.    :    K.Thanmawia, Bungkawn
    Treasurer    :    R.Thankima, Mission Veng
    Fin.Secretary    :    Vanlalthanga, Nursery Veng

Nungcha humhalh ila
    Tunlaiin kan veng ram chhungah ramsa hrang hrang hmuh leh an thawm hriattur a awm \hin a, heng ramsate veh/kah ching mi \henkhat kan la awm niin hriat a ni a. India danpuiin a humhalh tlat an ni tih hria ila, tun chinah chuan a kaptu nilovin a humhalhtu nih \heuh i tum ang u.

PAGE - 4

KEIMAHNI :

Hlimkhawpui Budget
    Hlimkhawpui  March & April 2019  thla Budget  pe tla tawh te:
1.    Buala Sec.    2. Vawmphunga Sec.
    Buala Sec. ten kumin chhung Budget an tlak fel ta bawk.

Thlanmual Sub-Committee  thuchhuak
    Mahni chhungte thlan chhinchhiahna la siam lo ten April thla chhung ngeiin hming tara chhinchhiah vek tur a ni a, chhinchhiahna neilo chu thlan ruakah ngaih a ni ang a, laih hnan a nih pawhin engmah kan sawibuai thei lovang.

ROD LEI DAN DIK
##    Iron Rod/TMT Bar i leiin a tlawn (piece) zat chhiar/ hriat ngei ngei tur 

##    Iron Rod/ TMT Bar rihzawng bukchhuah zat kha a tlawn awmzatin sem (divide) la, a hnuaia chart nen hian en mil rawh.

##    Chart a tarlan aia a rih emaw, a zan emaw chuan a hnuaia Number ah hian i rawn complain dawn nia.

    SIZE         SUTH          WEIGHT
    8 mm         2½     4.4 kgs to 4.7 kgs
    10 mm        3       6.8 kgs to 7.4 kgs
    12 mm        4      10.2 kgs to 10.6 kgs
    16 mm        5      18.2 kgs to 18.9 kgs
    20 mm        6        28 kgs to 30 kgs

Contact :     8413-897-215     , 8257-801-853
        8837-417-570     , 9436-142-359

Issued by
Central YMA &
All Mizoram Cement & Iron Rod Dealers Association
 

Advertisement...

MD septic tank service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                 Ph.No
(20-3)                                     9436199884, 9862476439

VUN NALH I DUH EM?
    Vun kar bal leh bawlhhlawh, Sahbawn leh Nawhlung hmang a tihfai phak loh tihfaina \ha tak Steambath chu kan ti thei ta e. Vun a ti faiin a ti êng a, zuk leh hmuam ti tan a \ha hlei hlei asin. Vun hrisel leh nung sarh neih i duh chuan min rawn pan ve ta che. Tin, hei mai bakah hian massage, hairspa, threading, facial, sam pawh leh colour etc pawh kan ti thei reng a ni e. Aman mi pakhat tan ` 150 chauh a ni.
    Lalhmunpuii, Thlanmual
(3-2)    Ph. 9862-714-483
 

KOHHRAN :

Bial khawmpui
    Hlimen Pastor Bial Presby. Kohhran khawmpui chu tun Pathianni hmang hian Hlimen Damveng Kohhran-ah neih a ni. April ni 26, 2019(Zirtawpni) a\ang khan khawmpui hi hman \an niin Inrinni chhunah rorel inkhawm hun hman a ni. April ni 28, 2019(Pathianni) zanah khawmpui hi a \iak ang. 

Keimahni Chhunzawmna....

CENTRAL YMA hruaitu ten chanchinbu  mite kawm
    April ni 14, 2019  khan Central YMA hnuaia Kumpuan Duty leh SRS te chuan Central YMA office ah  tun hnaia lirthei bo tam tak rutute an man thu leh motor an rukbo thenkhat an hmuhchhuah tawh thu chanchinbu mite an kawmna-ah an sawi.
    CYMA Vice President leh Kumpuan Chairman Pu R.Lalngheta chuan Mizorama thil thleng nasa tak, man chhuah theih si loh chu CYMA Kum puan leh SRS te, Mizoram Police Narcotics \angkawpte te chuan an man tih a sawi a,  SRS ten hma la char charin ni April ni 17 zan a\ang khan buaipui chhoh zel a ni, a ti a. Duty te'n an chan laiin an put chhuaka, an awmna chin chhui zui zelin Khamrangah an awm tih hriat a ni a. Kawnpui Police leh Khamrang YMA te punin Khamrangah man an ni.
    Central YMA leh Police ten Motor ruk hmang an mante hi Biju Sharma (33) Silchar, Hussein Ahmed Laskar (40) Silchar. Luba Uddin (20) Karimganj, Narul Haque Mazzumdar s Silchar, Sakib Uddin Borbhiya (33) Silchar leh Abdul Anand (25) Karimganj te an ni a, an motor man sa lo hralh sak thin tu ni a hriat Zorema (40)  Durtlang Leitan, Mutthi Road an man tel bawk.
    An mi man te atang hian 207 pahnih, LPSK Tripper  pakhat leh LPK pakhat, Pulsar bike pakhat hmuh let a ni a. A bak chu hmundang Manipur a hralh angte in an sawi a ni. Pu R.Lalngheta chuan, mahni mizo puite ngeiin hnamdang sualna hrang hranga an lo chetpui duh thin chu a thinrim thlak hle a ni,  a ti a. An ni chauh lo pawh hi an la awm ni a sawiin, motor registration ni khat thil thu a pek an nih theih dan te leh motor chassis Number lo tih danglam thin te pawh la chhui chhunzawm an ni dawn tih a sawi bawk a ni. Tun tuma motor ruk hmang te hian motor 10 chuang fe an ruk tawh thu CYMA hruaitute hian sawi a ni.

Advertisement...

F.K. Septic Tank Service
    Septic Tank khat paih, Commoth Block, Soak Pit hlui leh a thar kan siam theiin, pipe filling kan ti thei e. Motor kan kawl a, kan rate a tlawm.
    Redg No: MSR 524 of 15.07.2013
   
(10-7)    FKA,  Ph. 8118910372/9615920739

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
 (6-6)          VL-a,  Ph.No : 9402344486, 9615266170

Tau thla (April) Ni 20, 2019, Issue No. 16

PAGE - 1

TUALCHHUNG :

Damlo : Pu R.Hmingthansiama H/o Biakthansangi, Saichhuma Sec. a mi chu lung lam \halo avangin State Referral Hospital, Falkawn-ah enkawl mek a ni.

##    Pu C.Lalzuiliana H/o Lalthani, Damvea Sec.a  mi chu taksa lam chaklohna avangin April ni 15, 2019 khan Aizawl Hospital-ah admit niin enkawl mek a ni.

##    Pu Zoramhmangaiha H/o Neihsangi, Buala Sec. a mi chu kawng ruh chawr avangin Durtlang Hospital-ah admit a ni a, enkawl mek a ni.

##    Pu Lalramnghaka H/o Laltlanthangi Damvea Sec. a mi chu Nerve lam \halo avangin Guwahati lam panpui niin enkawl mek a ni.

##    Nl. Lalzampuii D/o P.C.Zosangliana, Damvea Sec. a mi chu Apil ni 16, 2019 khan Guwahati-ah a mit zai a ni.

##    Pi Lalchhankimi W/o Lalramchuana, Kapdaia Sec. a mi chu naupai fello leh taksa chaklo avangin Civil Hospital-ah enkawl mek a ni.

##    Pi Seikungi W/o Ch.Lallianzuala, Kapdaia Sec. a mi chu khawsik avangin April ni 17, 2019 khan Aizawl Hospital-ah admit a ni.

##    Pu R.Thangmawia H/o Thanchung-nungi, Lalsavunga Sec. a mi chu khawsik avangin April ni 19, 2019 khan Aizawl Hospital-ah admit a ni.

Nâu nei thar : Pu Lalremtluanga leh Pi Laltlanmawii te nupa, Damvea Sec. a mite chuan an fa pathumna atan April ni 16, 2019 khan Civil Hospital-ah fanu duhawm tak an nei thar.

##    Pu Zomuanpuia leh Pi Lalremruati te nupa, Buala Sec. a mite chuan April ni 17, 2019 khan City Hospital-ah naute mipa duhawm tak an nei thar. Naute hi a khua a sik avangin BN Hospital NICU ah enkawl zui a ni a, a nu pawh hi zai a nih avangin City Hospital-ah enkawl chhunzawm a ni.

##    Pi Laldinpuii D/o Lalkunga, Saichhuma Sec. a mi chuan April ni 9, 2019 khan Aizawl Hospital-ah naute mipa duhawm tak a nei thar bawk.

HEADLINE :

C.C.C. MEETING neih a ni

    YMA hnuaia General Conference tih lohva Rorelna sang ber, Central Co-ordination Committee chu April ni 17, 2019 khan Central YMA Hall Tuikhuahtlang, Aizawl-ah an \hukhawm.
    CCC Meeting-ah hian CYMA O.B., CEC Member, City Branch 79, Group 15 leh Sub.Hqrs 5 a\angin member 196 an kalkhawm a, kan Branch aiawhin Pu J.Vanlalbiakdika, Asst.Secretary a kal. Meeting hi Vanlalruata, President in a kaihruai. General Secretary-in  YMA hmalakna hrang hrang report a pe bawk a, sawiho ngaite sawi zui niin rawtbelhna \henkhatte pawh pawm a ni. Tin, YMA Rorel Inkhawm vawi 2-na thurel bawhzui chung chang hetiang hian report ngaihthlak a ni :-

A.YMA KHAWIH :
 1. “Mizorama Kohhran hrang hrangte nen ram leh hnam humhalhna kawngah thawhhona leh inpumkhatna \ha zawk kan neih theih nan Central YMA-in hma la rawh se” tih bawhzuiin Mizoram Kohhran Hruaitu Committee-te nen zau zawka sawiho \hain kan hria a, MKHC lam hotute hman remchan hun ngaihchan mek a ni.
2. “Thingtlang lama zirna a lo \hat zawk theih nan Central YMA-in hmalak ni rawh se” tih chu Education Sub-Committee ten theihtawp chhuahin an buaipui a, Central YMA leh Mizoram Sawrkar Education Deptt. te Thawhhona Thuthlung siam turin Education Minister-ah thlen a ni a. Zirnain hma a sawn theih nan Education Minister hi sawipui a ni. Tin, Questionare-te siamin Branch tinah thawnchhuah tura ruahman a ni bawk.
3. “Mizo \awng humhalh kawngah Central YMA-in hma la rawh se” tih chu Branch tinah a theih hram chuan Mizo \awng hmang uar hram hram tura hriattirna thawnchhuah tura hmalak a ni a, tin, Language Board din a nih theih nan Sawrkar-ah thlen tura hmalak mek a ni bawk.
4. “Zu leh Ruihhlo do kawngah tun aia nasa leh chak zawka Branch tin ten hma kan lak theih nan Central YMA-in hma la rawh se” tih chu bawhzuiin kan awmna \heuha theihtawp chhuaha hma lo la chhunzawm zel tura All Branch-ah lehkha thawn chhuah tura ruahmanna siam a ni.
5. “Sawrkar a\anga Development Fund hna thawhte hi a \ha thei ang bera thawh a nih theih nan Central YMA-in hma la rawh se” tih chu kan awmna area \heuha \an lo la thar \heuh tura infuih ni se.
6. “Mipui ten Ration Buhfai leh Gas buk dik leh tling a kan lak theih nan Central YMA-in chak leh rualkhai zawk in hma la rawh se” tih chu Supply Minister hmuh a ni a, hemi chungchang hi sawipui a ni.

B. SAWRKAR KHAWIH :
1. “Mizo hmeichhia ten hnamdang pasal (Tribal-in Non Tribal) an neihin, Schedule Tribe Status hlihsakna tur “Social Custom Bill” Mizoram Legislative Assembly-a pass a nih theih nan Central YMA-in hma la rawh se” tih chu Chief Minister sawipui a ni a, lehkha pawh thehluh nghal ani a, a ni pawhin theihtawp chhuaha hma min lakpui a tum thu a sawi nghe nghe.
- Phek 3 na-ah chhunzawm a ni
 

PAGE - 2

EDITORIAL :

|HIAN |HA
    Hlimna leh harsatna hi mihring nun a in thlen chhawk reng a ni a, tumah kan hlim reng thei lova, tumah lungngai a kun reng kan awm ngai hek lo. Buaina leh harsatna ruam a kan awm lai leh dinhmun \ha leh duhawm a kan din lai hian \hian \hate an hlu hle \hin.
    |hian \ha kan tih te nen a kan in\hian \hat nachhan hi tam tak a awm thei ang. Sum leh pai vang te, hnathawh in an vang te, duhzawng in an vang te pawh a ni thei a. Mahse, hetiang in \hian \hatna  hi chu a ral leh duh khawp mai. |hian \ha tak tak erawh chu harsatna kar a\angin a lo parchhuak \hin a, \hian \ha chuan kan \ahna atan koki min dawhsak \hin. Chutiang \hian awm theihna chhan bulpui ber leh in nghahna lungphum chu rinawmna a ni.
    |hian rinawm lo chuan ama hlawkna tur a nih chuan  thihna hial pawh kan chungah thleng dawn mah se a beng  a chhu chhet tlat a, a tana \ha tur a nih phawt chuan a sahuai kal ngut ngut \hin. |hian \ha erawh chuan \hiante \anpui an ngaihna zawnah a phak tawk leh theih ang tawk chhuah turin a inpeih reng a, tin, a \hian chu a fellohna kawngah a rukin a zilh a, midang hnenah erawh a fak thung \hin.
    Nula in tlangval tam tak zinga hmangaih bik a nei ang hian \hian bul nghet tak pakhat tal chu kan nei ngei tur a ni. Kan \hian \ha te hi kan purchawkna chauh an ni lova, min tizahawmtu leh unau tluk a kan tana Pathian min pek a lo ni.
    Khawvelah hian min hmangaihtu te tluk a hlu an awm lova, min hmangaihtu te bulah chuan chetsual a awm thei lova, kan chhiat lai ber pawhin \anpui kan ngaihna zawnah thla an zar reng a, lawmna leh hlimna kan chan chang pawhin keini ai maha lawm zawkin an lang \hin. Chutiang mi chu  |hian |ha an ni chiang khawp mai. Nang, i \hian te tan eng ang \hian nge i nih ve le?

Advertisement...

OBEDA ENTERPRIS,  NGAIZEL ROAD
##    MOTOR leh Two Wheeler cheina chi hrang hrang tlawm takin kan nei e. 
##    Sound system lam pawh kan nei bawk. 
##    Battery te pawh chi hrang hrang a awm e.
##    Alloy wheel leh tyre company hrang hrang ta kan nei. 
##    Mi rinawm tan thil to tham chu installment kan phal bawk.                  (4-4)

Solomon’s High School
Kulikawn, Aizawl
    2019 – 2020 Session atan Class IX & X tan engtik lai pawhin admission a tih theih reng e. Mathematics subject a harsatna neite luh khawmna a nih avangin free tution kan pe nghal bawk a, 2018 HSLC exam-ah Mathematics subject bika 100% passed-na school-ah hian i fate rawn admit ve rawh le. Mathematics subject bika harsatna neite duhsak a ni.
    Timing    : 9:30AM – 3:00PM
                      Contact : 7005684281/9774630781
(10-10)                 { HC. THAWNGA}   TOP TEN

PAGE - 3

HRIATTIRNA :

Thlanmual Sub-Committee  thuchhuak
    Mahni chhungte thlan chhinchhiahna la siam lo ten April thla chhung ngeiin hming tara chhinchhiah vek tur a ni a, chhinchhiahna neilo chu thlan ruakah ngaih a ni ang a, laih hnan a nih pawhin engmah kan sawibuai thei lovang.

POLYTHENE LAKLUH KHAP DAWN
    Aug. Ni 1, 2019 a\ang hian AMC Area ah polythene / plastics product  hrang hrang hman leh lakluh khap a ni dawn a, he dan hian pawn lam a\anga lakluh pawh a huam tel dawn niin thu dawn a ni. Mipuite tun a\angin lo inhmakhua lawk ila a \ha hlein a rinawm.

Local Council hriattirna
    Kan khawtlangin faina kawnga hma kan sawn viau laiin inthlahdah lui kan la awm nual mai a, a pawi hle. Bawlhhlawh a paihna hmun lo a paih chu ` 5,000 thleng chawi theih a ni a, tin, ngenna siam hnua paih lui te chu  Ration lakna ah  leh Gas lakna ah card hren sak thlenga hmalak a ni anga, Local Council recomment na  chi lam reng reng pawh beisei theih a ni lo ang.

    Sd/- Lalhmingliana, Chairman LC.

Essay Writing Competition
    YMA Day pualin a Essay inziahsiak buatsaih a ni dawn a, duh apiang tan ziah theih a ni ang a, thupui atan ‘Nungcha leh Ramngaw Humhalh’ a ni ang. Thumal 1500 - 2000 a ziah tur a ni. Hlimkhawpui EB te hnenah thehluh theih a ni ang.
    Hlimen a ziakmi a tam thei ang ber tel turin kan insawm a, tun a\angin lo inbuatsaih lawk ila a \ha ang e.

Advertisement.....

Septic tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

                         VL-a,
(6-5)         Ph.No : 9402344486, 9615266170

Mipa lu meh man
    Hlimen a mipa lu mehna dawrte chuan lumeh man ` 40 an lak \hin chu April thla a\ang khan ` 50 an ti ve ta a. Aizawl khawpui hmun dangah ` 70 leh a chunglam (meh duh dan a zirin) an tih tawh avang leh Aizawl Mipa Lumet Pawl hruaitu ten tisang ve tawh tura an tih avangin Hlimen-ah hian tihsan ve a ni ta a ni. Hetih rual hian chhungkaw harsa zawk leh kum upate-ah chuan hriatthiamna a awm thei tho dawn a ni.

LAWRKHAWM :

Volleyball Court tur enho
    April ni 17, 2019 (Nilaini) khan Bialtu MLA Prof. F.Lalnunmawia hovin Hlimen Quarry chim area-ah Volleyball Court tur enho a ni. Pu Mawitea hi Local Council, MNF Unit leh Games & Sports hruaitu ten an lo dawngsawng a, a hmunhma an enho hnu hian hmalak dan tur Local Council Office-ah an sawiho nghal a ni. Pu Mawitea hian a theih ang anga hmalak a nih tur thu a sawi a ni.

Transformer  dah  belh  dawn
    Lalsavunga Sec. leh Damveng \henkhat chawmtu tur Electric Transformer chu dah belh a ni dawn ta a, a hmun hma pawh siam \an chhovin a rang thei ang bera Transformer hi bun tum a ni. Transformer thar bun tur hi 100 KVA a ni dawn niin thu kan dawng.

CENTRAL YMA CHETVELNA
16.4.2019 : Central YMA ten Chief Minister chu a Pisa-ah an kawm a, 2nd YMA Rorel Inkhawm thurel “Champhai atanga Tahan (Myanmar) inkara Bus Service tir turin Sawrkar-in hma la rawh se” tih leh “Mizo hmeichhia ten hnamdang pasal (Tribal-in Non Tribal a neihin) Scheduled Tribe Status hlin sakna tur (Social Custom Bill) Mizoram Legislative Assembly-a pass a nih theih nan Central YMA-in hma la rawh se” tihte chu tihhlawhtlin a nih theih nana hma la turin an ngen.
17.4.2019 : YMA Central Co-Ordination Committee meeting vawi 89-na chu Central YMA Hall-ah neih a ni
18.4.2019 : Chief Minister Conference Hall-ah Chapchar Kut 2019 hman dan thlirletna meeting neih a ni a, Tv. Lalhmachhuana, General Secretary leh Pu Fabian Lalfakawma, Finance Secretary an tel.
18.4.2019 : Capital Complex Conference Hall-ah Petrol leh Diesel pawlh dal, Gas buk tling lo leh ILP kalpui mek dan chungchanga hmalak dan tur sawihona meeting Home Minister hovin neih a ni a, Pu Vanlalruata, President, Pu R. Lalngheta, Vice President, Pu Peter Chakchhuak, Asst. Secretary leh Pu H.F. Lalrinpuia CEC te an tel.
18.4.2019 : Meeeting of NGOs’/Agencies for Monitoring & Evaluation of Fire Prevention, CCF Pisa-ah neih a ni a, Lalramchuana, Member, Science & Envirionment Sub-Committee a tel.

Phekhma Chhunzawmna....
2. “National Register of Citizens (NRC) hi Mizoramah kalpui ve ni rawh se” tih chu bawhzuiin Study Group din a ni a, hengte hi -
    Chairman    - Tv. Lalhmachhuana, Gen. Secy.
    Members    - Pu Lalrammuana, CEC
        - Pu Jeffrey L. Fanai, CEC
        - Pu Vanlalfela, CEC
    Study Group-te hian CEC meeting-ah report an thehlut tawh a, a \ul anga bawhzui zel a ni.

3. “Champhai a\anga Tahan (Myanmar) Bus Service tir turin Sawrkar-in hma la rawh se” tih chu a \ul anga bawhzui zel a ni.

PAGE - 4

KEIMAHNI :

Hlimkhawpui Budget
    Hlimkhawpui  March & April 2019  thla Budget  pe tla tawh te:
1.    Buala Sec.    2. Vawmphunga Sec.
    Buala Sec. ten August thla thleng Budget an tlak fel ta bawk.

Kumpuan hmalakna
     Hlimen Branch YMA Kumpuan Committee te chuan ruihhlo, ruk ruk leh sualna hrang hrang laka kan khawtlang a lo ralmuan theih nan hma a la zel a. Kar kalta lam khan heng mite hi TNT Zungtui-ah dah an ni :- Zonunsanga S/o Biakthansang(L) (DV), Lalnunthara S/o Vanlalmalsawma (DV), Lalrindika S/o Lalbiakveli (KD)
    Khawlai a mawi lo taka rui te chu Hall-ah koh a, an chungthu ngaihtuah zel an ni ang a, Hlimkhawpui  Chanchinbu-ah chhuah \hin bawk a ni ang.  Tin, ruihhlo zuar, midang tana harsatna siam leh ruk ruk chung changah kumpuan Committee te bengvar \hin bawk ang u.
    Sd/- Secretary
    Kumpuan Committee

A thlawnin siam sak
     Hlimen YMA Hall a thir tukverh leh a dona chhia chu Pu Lalbiaksanga, Br. YMA Commtt. Member chuan a thlawnin a siam \ha vek a, a chungah YMA hruaitu ten lawmthu an sawi tak meuh meuh a ni.

Advertisement...

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                 Ph.No
(20-2)                                     9436199884, 9862476439

F.K Septic Tank Service
    Septic Tank khat paih, Commoth Block, Soak Pit hlui leh a thar kan siam theiin, pipe filling kan ti thei e. Motor kan kawl a, kan rate a tlawm.
    Redg No: MSR 524 of 15.07.2013
   
(10-6)    FKA,  Ph. 8118910372/9615920739

VUN NALH I DUH EM?
    Vun kar bal leh bawlhhlawh, Sahbawn leh Nawhlung hmang a tihfai phak loh tihfaina \ha tak Steambath chu kan ti thei ta e. Vun a ti faiin a ti êng a, zuk leh hmuam ti tan a \ha hlei hlei asin. Vun hrisel leh nung sarh neih i duh chuan min rawn pan ve ta che. Tin, hei mai bakah hian massage, hairspa, threading, facial, sam pawh leh colour etc pawh kan ti thei reng a ni e. Aman mi pakhat tan ` 150 chauh a ni.
    Lalhmunpuii, Thlanmual
(3-1)    Ph. 9862-714-483
 

KOHHRAN :

Tumkâu ni
    April ni 14, 2019 (Pathianni) kha Tumkâu ni (Palm Sunday) a ni a, Kohhran hrang hranga naupang lam ten  tumkau kengin zingkarah kawng an zawh a ni.

Good Friday hmang
    Kristian te hunpui pawimawh ber zinga mi Good Friday chu Hlimen a Kohhran hrang hrang te chuan urhsun takin inkhawm Programme bakah zaikhawmin an hmang a, Kohhran tam zawk chuan thingpui ruai nen he hun hi hmangin Salvation Army ten ruai buatsaihin hun an hmang bawk. Tin, Kohhran tam zawk te chuan Lalpa zanriah (Sacrament ) kilhona hun an hmang bawk a ni.

Keimahni Chhunzawmna ....

HLIMEN BRANCH Y.M.A.
CHHIATNI KAIHHRUAINA
Chhunzawmna........
19.    Ralna bawm dawh thu : Inralna bawm kan dawh hi ruang thlak zan a\anga dawh \hin tur a ni.
20.    Khawhar In riah thu : Mitthi chhungten \ul an ti lemlo a nih loh chuan, zanthum emaw tal khawhar Inah riah thin nise; mitthi chhungten khawhar In riak chawhlui buatsaih sak loh tur a ni.
21.    Y.M.A. zan : Ruang tlaivarpui a nihin, tlaivarpui zan a\anga zanthum chhung hi YMA zan a ni ang a; tlaivarpui loh a nih chuan, ruang thlak zan a\anga zanthum chhung hi YMA zan a ni ang. |an hun hi nipui laiin dar 7:30 p.m., thlasik ah dar 6:30 p.m. a ni ang a. Tin, Biak In bul hnai a nih chuan, \an hun hi nipui laiin dar 8:00, thlasik-ah dar 7:30 a ni thung ang. |an a\anga darkar khat chhung hun hi hman \hin a ni ang.
22.    YMA zan hruaitu : Khawhar Ina YMA zan hruaitu ruat thuah hian, zan 2-na hi Section chan a niin Section ten khawhar in kaihruaitu an inruat \hin ang, a bak chu Branch Committee mawhphurhna a ni.
23.    Inral chung chang : Chhung tina pawisa leh buhfai kan khawn leh ralna bawm dawh a\anga pawisa tling khawm hi YMA zan tawpah, mitthi chhungte hlan \hin a ni a; heng mipui a\anga kan lakkhawm a\ang hian, kan kal dan pangngai angin, Gas bur khat man lak chhunzawm tur a ni.
24.    Hlamzuih chung chang : Hlamzuih chung changah hian, CYMA-in kaihhruaina a a siam angin, ni 90 chin hi hlamzuiha ngaih a ni ang.
25.    Hnam dang chung chang : Veng chhunga hnam dang, chhungkua a awm leh hun engemaw ti chhung awm lailawk te chu, Branch hruaitu ten an rel angin Chhiatni Fund tuk/khawn thin tur a ni.
26.    Chhiatni Fund pelo chhungkua te chu, Chhiatni Fund hmanga, YMA ten kan inbuaipui ang hian, inbuaipui ve a theih lovang.
27.    Chhiatni kaihhruaina siam\hat emaw tihdanglam a \ul chuan, Branch Y.M.A. Executive Committee-in a siam\ha ang.

Tau thla (April) ni 13, 2019, Issue No. 15

PAGE - 1

TUALCHHUNG :

Damlo : Pu R. Lalrinawma H/o Zoliani Damvea Sec. a mi chu Spinal Chord lam fello avangin Delhi lamah Checkup turin a kal.

##    Pu J.Chalthanga H/o Vanlalzawmi, Buala Sec. a mi chu a hrawk lam chiang lo avangin Doctor te rawnin Investigation te tih niin in lamah enkawl mek a ni.

##    Pi Lalbiaksangi W/o PC Zosangliana Damvea Sec. a mi chu a vun lam \ha lo avangin April ni 11, 2019 khan Guahati panin an kal.

##    Pu Hautluanga H/o Lalkhawngaihi, Buala Sec. a mi chu taksa lam harsatna avangin in lamah enkawl mek a ni.

##    Pi Biakthansangi W/o R. Hmingthansiama Saichhuama Sec. a mi chu  thisen sang leh zungthlum avangin State Referal Hosiptal, Falkawn ah enkawl mek a ni.

##    Pi Lalnunsangi W/o F.Zosangzuala, Damvea Sec.a  mi chu Thyroid lam fello avangin April ni 12, 2019 khan Aizawl Hospital-ah admit a ni.
    Damlo ten dam leh hrisel taka hun an hman chhoh zel theih nan duhsakna kan hlan e.

Fimkhur tlan nan : Tunlai hian ruk ruk thawm hriat tur a awm ta zauh zauh mai a, Kumpuan Sub Committee  pawh an buai zual phah hle mai a, kan chungah thleng thei vek a nih avangin mitin te fimkhur ila. Tin, sumdawng pangngai nilo, mi thil zawrh, man mán zawk pawh nise lei sak hi ruk ruk tihluartu a ni tih i hre nawn leh teh ang u. Tin, ruihhlo zuar, midang tana harsatna siam leh ruk ruk chung changah kumpuan Committee te bengvar \hin bawk ang u.

MPF te Duty : M.P. Election kan neih zawh takah MPF Hlimen Local Forum te chu Duty in vote thlak a kal chak zawk theih nan vote thlak tur Voter Slip neilote hnenah Electoral Roll a serial number lo zawnchhuah sakin ziakin an lo pe zel a, an ni avang hian vote thlak pawh a kaltluang hle a ni.

HEADLINE :

M.P (Lok Sabha) inthlan zawh fel a ni ta
    April ni 11, 2019 khan Mizoram-ah Member of Parliament (17th Lok Sabha) thlanna chu neih zawh a lo ni ta a, hetiang hi kan venga Vote tlak dan report kan dawn chu a ni e:-

1. 20/3 Hlimen - I    :    Mipa    -    349
                           Hmeichhia    -    434
                                   Total    -    783

2. 20/4 Hlimen - II    :    Mipa    -    269
                             Hmeichhia    -    301
                                     Total    -    570
    Hlimen-I ah hian Vote nei mi 1315 awmin vote tla hi za zel a 59.5 a ni a, Hlimen - II ah hian Voter mi 935 awmin za zel a 60.9 vote a tla thung a, Vote hi Govt. Primary School -I leh Govt. Middle School -II ah te thlak a ni.
    Tun\um (April ni 11) inthlan hi rampuma a thawkhatna (Phase -I)  a ni a,  a thawhkhatna ah hian Parliamentary Bial 91 ah inthlanna hi neih niin chung zingah chuan Mizoram a tel  a ni. Tun\um MP inthlanah hian thawh 7-na (Phase -7) thleng awmin a hnuhnung ber te hian May ni 12, 2019 ah inthlanna an nei anga,  result hi  May ni 23, 2019 ah a rual a chhiar a ni ang.
    Kum 1972 khan Mizoramah M.P(L.S) thlanna hmasa ber hi neih a lo ni tawh a, Pu Sangliana  chu Mizo Union Party a\angin thlantlin a lo ni tawh a ni. Tun\um hi Mizoramin MP Election tum 13 kan hmachhawnna chiah a ni bawk.
    India ram ah hian M.P (Lok  Sabha) 545 seat awmin seat hnih erawh ruat seat (Nominated) niin Anglo Indian ten President rawt angin an luah \hin. Mizoramin seat khat chauh kan la neih theih laiin Seat ngah ber Uttar Pradesh chuan seat 80 lai an nei thung a ni. Mizoram bakah hian Sikkim, Nagaland leh Union Territory 7 ten MP seat khat \heuh an nei ve bawk.
    Nov. ni 28, 2018 a MLA inthlan khan kan veng ah Voter 2172 awmin vote tla kha 1829 a ni a, chu chu za zela 84.2 a ni a,  kumin MP (LS) inthlanah hian Vote nei mi 2250 (Vote 78 in a pung) awm tawhin  mi 1353 in vote an tlak a,  vote tla hi za zel a 60.1 a ni thung.
    Tun\um inthlan ah hian MNF Party Candidate Pu C. Lalrosanga leh Independent  Candidate Pu Lalnghinglova Hmar (ZPM leh INC thlawp) te chu in bei ber tura ngaih an ni.  

PAGE - 2

EDITORIAL :

I LUNGAWI EM ?
    Lungawi taka awm hi a hahdamthlak mai ni lovin a hrisel a, lungawina nei ngailote chuan nun hrisel an nei mawh hle. Kan nitin hun hman danah hian kan thil tihte hian lungawina min pe em le? tih hi chhut tham a awm \hin a ni.
    Khawvela kan awm chhung hian lungawi hi a har em em mai a. Sum leh pai, rohlu leh thildang neih tam leh tlemah pawh lungawina hi a innghat ber lem lo niin a lang a. Khawvela mi hausa ber berte pawh an chantawkah an lungawi chuang lo. Chuvangin, engmah nei lo mah se, a thil neih chhunah mi a lungawi miau chuan chu tluka hlu chu a awm lo hial ta ve ang.
    Lungawina hi a man a va sang tehlul em!! Chutihrual chuan mitin ban phakah a awm lawi si. Kan rilru a pamham a, kan duham em em a, chu chuan kan rilru a tihah a, lungawina; kan banphak reng chuan min kiansan \hin a nih hi.. Lungawina zawngin kan tlan sup sup a, a tawpah chuan boralna mai a ni \hin si. Mihringte hi duham chin lem nei lo leh duhtawk chin nei lo, pianni a\anga thihni thlenga beisei nei kan ni a, chu kan beisei chu LUNGAWINA a ni e an ti \hin.
    Lungawina umin kan hmanhlel a, kan um nasat poh leh min hlat emaw tihtur a ni si. Chuvangin, kan chantawka lungawi kan zir hi mihring nunah hian thil pawimawh ber a ni hial awm e. Hausakna te, thuneihna te, Lalnate, finna te leh thiamna te hi a hunlaiin hlu hle mah se; kan hun hnuhnungah meuh chuan engmahlo mai a ni \hin. Adama thlah, Kraws in a sawizawi loh khawvel nun hi chuan khawvel tawpni thleng pawhin lungawina a hmu zo chuang law’ng e!!!

HLIMEN BRANCH Y.M.A.
CHHIATNI KAIHHRUAINA

1. Mibo zawn/tuitla zawn/tam laka ruang lak    : Heng ang inzawnna ah te hian ‘Branch YMA ‘Puan’ ken \hin ni se; mimala keng thei kan lo awm paw’n thil \ha tak a ni.

2. Mitthi ruangin veng a paltlang thu : Mitthi ruangin veng a pal tlang dawn tih hriatlawkna a awm a, YMA Puan-a lo tuam \hin hi thil mawi tak a niin kalpui chhunzawm zel ni se.

3. Ruang Chhuak chung chang : Veng chhung a\anga ruang chhuak tur a awmin, YMA-in kuang siam sak leh puana tuam \hin tur a ni.

4. Ruang lut : Veng pawn a\anga ( veng pawn lam mi) veng chhunga an chhungte rawn bela ruang phum tur lo lut  chu, an rawn belh te chhungkua anga kalpui tur a ni ang.

5. Mitthi puanzar thu : Veng chhungah mitthi an awmin, vantlang Information-ah puan \hin ni se, thih chhan erawh chu natna bikah puan loh ni se. Vui hun tur pawh puan lan nise.

6. Kuanga indah  : Veng chhungah mitthi kan neihin, a rang lama kuanga indah \hin tur a ni.

7. Puana tuam / Puan dah : Veng chhunga mitthi an awmin, YMA hminga puana tuam \hin tur a ni.

8. Mitthi pual thil khawn : Mitthi pual buhfai leh pawisa kan khawn \hin hi chhung tinah ` 10/- leh buhfai No. 1 aia tlem lova khawn \hin tur a ni.

9. Mitthi lumenpui leh lumenpui loh thu : Zing dar 9 hnu lama thi leh zing dar 2 hma lama thi te chu tlaivarpui/lumenpui tur a ni ang a; zing dar 2 a\anga zing dar 9 inkara thi te chu lumenpui lova vui nghal tur a ni.

10. Tlaivar zan ei leh in : Mitthi lumen zana tlaivarpuitute ei tur hian Chhiatni Fund sum a\angin Ar-sawhchiar siam \hin ni se, Ar-sawhchiar siam a remchan loh chuan YMA Section ten a hautak lo zawngin remchang dang an siam \hin ang. Tin, Ar-sawhchiar siam dan turah hian kan kal phung pang ngai : Arsa kg 1 leh buhfai Kg 1 ½ hisapa siam ni se; tin, sawhchiar siamna buhfai pawh, kan tihdan pangngai angin, mitthi puala buhfai kan khawn hman tur a ni.

11. Thlan laih hun : Thlanlaih hi tuk\huan ei kham (zing dar 9:00)ah laih \hin nise.

12. Thlanlai thingpui  : Thlanlai ei leh in hi chhiatni Fund sum hmangin thlan lai ten remchang an tih angin lo insiam se.

13. Kuang khuhna : Kuang khuhna hi a theih hram chuan, mimalin siam lovin YMA ta hi hman ngei ni se.

14. Mitthi vui hun : Mitthi lumenpui/tlaivarpui te chu Dar 12:00 (Noon) ah vui \hin tur a ni ang a; tlaivarpui loh erawh chu dar 1:00 P.m. ah vui tur a ni.

15. Mitthi vui thingpui sem  : Mitthi vui niin, a duh apiang te in theih turin, Tea Urn hmanga, thingpui thlum leh a hang, a hma lama lo chhawp chhuah \hin tur a ni. Mitthi vui ni hian, tuisik in tur pawh lo chhawp chhuah \hin tur a ni.

16. Thlalak chung chang : Mitthi vui ni a thlalak hun chhung hi, a rei lutuk loh nan, hmeh 18 aia tamlo ni thei se.

17. Lam hlaa mite innghah chung chang : Lam hlaa chhungte nghah ngai mitthi chhung ten an sawiin, a tul angin Br. YMA Committee-in a ngaihtuah \hin ang.

18.  Thlan vur leh thlan hung : Hei hi Mizo danah makpa, tu leh fa te leh chhungkhat laina te mawhphurhna a ni a; YMA ten thlan kan vur leh kan hungpui \hin hi chin dan mawi tak a ni. Tin, thlan vurtu ten hmanrua khawm kim vek a nih hnu ah, a dahna hmun ah dah leh \hin tur a ni. Tin, thlan hung dan turah hian: A dung Feet 7, a vang Feet 3 leh a san zawng Feet 1 ½  pel loh ni se.
- Remchang hmasa-ah chhunzawm a ni ang.

PAGE - 3

HRIATTIRNA :

Local Council hriattirna
    Aizawl D.C thuchhuak angin vawk chung changah hetiang hi mipuite hriat tur a ni e :-
1. Vawk thi reng reng \ha taka phum vek tur a ni.
2. Vawk thi reng reng khamah emaw kawrah emaw paih mai mai loh tur.
3. Aizawl District chhungah khawi a\ang mahin vawk lakluh phal loh a ni.
4. Aizawl District chhung a\angin vawk lakchhuah phal loh a ni.
4. Vawk talhtu ten vawk hrisel \ha chauh an talh tur a ni.
5. Vawk neitu ten vawk damlo an hralh tur a ni lo.
    Heng thupek te hian thlahnih a huam ang a,  tilui /bawhchhia te chu dan anga hrem theih an ni.

Sd/- Lalhmingliana, Chairman. LC

Thlanmual Sub-Comtt.  thuchhuak
    Mahni chhungte thlan chhinchhiahna la siam lo ten April thla chhung ngeiin hming tara chhinchhiah vek tur a ni a, chhinchhiahna neilo chu thlan ruakah ngaih a ni ang a, laih hnan a nih pawhin engmah kan sawibuai thei lovang.

Local Council hriattirna
    Quarry ah sa zawrhna/ sahna chu luah theih a peih fel a ni ta a, Hlimen Sa zuar Association nen in biakremna angin April ni 20, 2019 (Inrinni) zing kar a\angin luah thlak a ni dawn ta a, helai hmun a sa zawrh/ sah a nih tawh dawn avangin  Hlimen chhung hmun dangah tumahin sa sah tawh loh tur a ni e.  Tun dinhmunah erawh chuan vawk leh bawng sa sat te chauh a huam hrih a ni tih kan in hriattir bawk e.

Sd/- Lalhmingliana, Chairman L.C

Advertisement....

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

                         VL-a,
(6-4)         Ph.No : 9402344486, 9615266170

P.E.S. Hlimen hriattirna
    Presbyterian English School, Hlimen chuan Chowkidar cum Peon a la dawn a, a dil tur chuan ahnuaia hming tarlan hnenah hian Dt. 20.4.2019 (Inrinni) ralhmain dilna thehluh tur a ni. Diltu chu Kohhran dan zawhkim a ni ngei tur a ni.
Interview : Dt. 22.4.2019 (Thawh\anni) 6:30 Am
A hmun : Kohhran Committee Room No.2

    Sd/- J.Lalhlimpuia
    Secretary
    Managing Board Committee,
    PES Hlimen

LAWRKHAWM :

Sazawrhna sawn dawn ta
    Venglaikawn hi kan veng hulum lai ber niin mi leh sa kan pungin lirthei a tam chho ta zel a, Inrinni tuk phei chuan a chep ta tak zet a ni. Hemi sutkian nan Local Council chu Hlimen Sazuar Association nena ruahmanna siamin Quarry area ah Local Council chuan sa zawrhna hmun a sak chu  luah theih a peih a lo ni ta a, April ni 20, 2019 ( inrinni) zingkar atangin helai hmun hi hman \an a ni ang. Ruahmanna hmasa ah chuan  vawksa leh bawngsa bik sah tur a ni hrih ang a, a \ul ang zel a siam rem chhoh zel tum a ni. Hetianga khawtlang tana thawhhona \hatak nena ruahmanna a kal hi a lawmawmin Hlimen Sazuar Association chungah Local Council a lawm takzet a ni.

Lawmthu sawina
    April ni 6, 2019 khan Hlimen Thing Mistiri Association chuan kan in sak min rawn pui a, member 11 lai an rawn thawkchhuak a, kan va lawm em! Lawmthu sawi dan pawh kan thiam lo hial zawk e. He chanchinbu zahawm taka kan lawmthu sawina hi min lo pawm sak mai teh u. Lalpan a let tam takin malsawm vek che u rawh se.
    In khawngaihna dawngtu
    Lalsangluri te nufa, Damvea Section.

POLYTHENE LAKLUH KHAP DAWN
    Aug. Ni 1, 2019 a\ang hian AMC Area ah polythene / plastics product  hrang hrang hman leh lakluh khap a ni dawn a, he dan hian pawn lam a\anga lakluh pawh a huam tel dawn niin thu dawn a ni. Mipuite tun a\angin lo inhmakhua lawk ila a \ha hlein a rinawm.

Mipa lu meh man
    Hlimen a mipa lu mehna dawrte chuan lumeh man ` 40 an lak \hin chu ` 50 an ti ve ta a. Hetih rual hian chhungkaw harsa zawk leh kum upate-ah chuan hriatthiamna a awm theih tho tur thu dawn a ni bawk.

CENTRAL YMA CHETVELNA
5.4.2019 : Dinthar Branch YMA-in Kumpuan hawn programme an buatsaih a, Kumpuan hi Pu R. Lalngheta, Vice President-in a hawng a, CEC engemaw zatin an \awiawm.
9.4.2019 : Assam Rifles sawnchhuah chungchangah Secretary, Land Revenue & Settlement Deptt.chu a Pisa-ah Pu Vanlalruata President, Pu R. Lalngheta Vice President, Pu Peter Chhakchhuak,Asst. Secretary leh Pu H.F. Lalrinpuia CEC ten an kawm a, Assam Rifles luah ram chhunga mimal ram neite, mipuite tana lak let dan tur an sawipui.
10.4.2019 : Hnamdang mi in dan lova Lengpui khuaa Thingzai khawl (Workshop) an din vanga harsatna thlengte a hmuna enfiah a, a \ul anga hma la turin Pu R. Lalngheta Vice President CEC \henkhat an kal.
12.4.2019 : Hnamdang mi in dan lova Lengpui khuaa Thingzai khawl (Workshop) an din vanga harsatna thleng chungchangah Lengpui Branch YMA hruaitute Central YMA Office-ah an lo leng a, Pu Vanlalruata, President leh Pu R. Lalngheta, Vice President ten an lo dawng sawng.

PAGE - 4

KEIMAHNI :

Hlimkhawpui Budget
    Hlimkhawpui  March & April 2019  thla Budget  pe tla tawh te:
1.    Buala Sec.    2. Vawmphunga Sec.
    Buala Sec. ten August thla thleng Budget an tlak fel ta bawk.

YMA Member DINHMUN
     Hlimen Branch YMA hnuaia Section tin a\angin Member lak zawhfel a ni ta a, hetiang hi member dinhmun a ni e :-
Section            Mipa    Hmeichhia    Total
Buala               231        207          438
Damvea           233        219          452
Kapdaia           220        227          447
Lalsavunga        64          74          138
Saichhuma       217        170          387
Vawmphunga   100          80          180
            TOTAL 1065       977        2065
     2018 aia member punna - 138

Chhiatni  Fund
    Chhiatni Fund khawn mek a ni a, Section pathum a\angin lo lut tawhin hetiang hi luh tawh dan ni :-
Lalsavunga Section    `    14,100
Buala Section    `    49,100
Kapdaia Section    `    41,900
    Section dangte pawhin a rang lama thehluh tum ila a lawmawm hle ang.
    Chhiatni Fund pelo chhungkua te chu, Chhiatni Fund hmanga, YMA ten kan inbuaipui ang hian, inbuaipui ve a theih dawn lova, chhungtin ten ngaipawimawh ila, Chhiatni Fund hi hman ngai lova kan awm a nih chuan a lawmawm em em zawk a ni.

Advertisement...

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                 Ph.No
(20-1)                                     9436199884, 9862476439

Solomon’s High School
Kulikawn, Aizawl
    2019 – 2020 Session atan Class IX & X tan engtik lai pawhin admission a tih theih reng e. Mathematics subject a harsatna neite luh khawmna a nih avangin free tution kan pe nghal bawk a, 2018 HSLC exam-ah Mathematics subject bika 100% passed-na school-ah hian i fate rawn admit ve rawh le. Mathematics subject bika harsatna neite duhsak a ni.
    Timing    : 9:30AM – 3:00PM

                      Contact : 7005684281/9774630781
(10-9)                 { HC. THAWNGA}   TOP TEN

KOHHRAN :

Bial khawmpui atan
    Hlimen Damveng Presby. Kohhran te chuan April thla tawp lam hian Pastor Bial khawmpui an thleng dawn a, an inbuatsaih chho mek.

Salvation Army
    Salvation Army, Hlimen Corps te chuan Central CO Bial khawmpui May thla hian an thleng dawn a, inbuatsaihna a kal chho mek bawk a ni. Tin, kar kalta khan Hlimen Corps SAY te chuan a mamawh apiangte hman turin Aizawl Civil Hospital-ah a thlawnin thisen an lo pe tawh bawk a ni.

Keimahni Chhunzawmna...

Central YMA 8th Batch SRS ruihhlo man (20.12.2018 - 31.3.2019)
1. Heroin No.4        Market Value
     (1) Hawng 188    –    `    6,580,000/-         (2) Can 1436     –    `    3,590,000/-
    (3) Chhinsen 158     –    `    158,000/-
    (4) Bagha Cap 963    –    `    481,500/-
2. AP/Trama Mum 13997     –    `    279,940/-
3. Ganja 2kgs + Pocket 422    –    `    27,100/-
4. Cough Syrup Bottle 130    –    `    19,500/-
5. Meth Tablet 102424    –    `    35,848,400/-
6. Morphine Amples 985    –    `    9850/-
7. Whisky Bottle 82    –    `    28,700/-
8. Rakzu fun 246     –    `    12,300/-
9. Cyclopum Tablet 370    –    `    3700/-
9. Fake Money ` 647,500/-     –    `    323,750/-
10. Mihring lak zat - Mi 959
11. Home a dah - Mi 82
12. Excise a pek zat - Mi 16
13. Counselling kal - Mi 458

Advertisement....

OBEDA ENTERPRIS
 NGAIZEL ROAD
#    MOTOR leh Two Wheeler cheina chi hrang hrang tlawm takin kan nei e.#    Sound system lam pawh kan nei bawk.#    Battery te pawh chi hrang hrang a awm e.#    Alloy wheel leh tyre company hrang hrang ta kan nei.#    Mi rinawm tan thil to tham chu installment kan phal bawk.                  (4-3)

Man tlâwm ..... Man tlâwm
    Inchhungkhur mamawh - Rice Cooker, Water Filter, Carpet, Lehkha Zirna Dawhkan leh Chair, Fan etc. a\anga naupang lawm bicycle leh pangpar pot thlengin man tlawm takin lei tur ka nei reng e.
              laltlanthangi
(2-2)                       Ph. 9862241226

Fk Septic Tank Service
    Septic Tank khat paih, Commoth Block, Soak Pit hlui leh a thar kan siam theiin, pipe filling kan ti thei e. Motor kan kawl a, kan rate a tlawm.
    Redg No: MSR 524 of 15.07.2013
   
(10-5)    FKA,  Ph. 8118910372/9615920739

Tâu thla (April) ni 6, 2019, Issue No. 14

PAGE - 1

TUALCHHUNG :

Boral : Pu Dengsailova (K-76) H/o Romawii Saichhuama Sec. a mi chu March ni 30, 2019 zing dar 6:00  khan Alzheimer avangin a boral a, hemi ni vek hian Thlanmual-I ah vuiliam nghal a ni.

##    Pu Tlangchhawrthanga (K-53) H/o Lalbiakmawii Damvea Sec. a mi chu March ni 31, 2019 khan a chenna inah a boral a, a ruang hi tlaivarpui niin a tuk March ni 1, 2019 khan Thlanmual-I ah vuiliama ni.

Damlo : C. Liantluangpuii D/o C. Nunsangzuala Kapdaia Sec. a mi chu a lu a bâwk awm avangin April ni 3, 2019 khan zai niin inlamah enkawl zui mek a ni.

YMA in râl : April ni 1, 2019 zan khan Pu Dengsailova ralna hun hman a ni a, ralna sum tlingkhawm ` 12,300 chu a chhungte hnenah hlan a ni a, Pu Dengsailova chhungte hian a tuamna puan 2 chu \angkai taka hman turin YMA kutah an hlan let bawk a ni.
    Tin, April ni 2, 2019 zan khan Pu Tlangchhawrthanga ralna hun hman a ni a, ralna sum tlingkhawm ` 7,000 chu a chhungte hnenah hlan a ni a, Pu Tlangchhawrthanga chhungte hian a tuamna puan 2 chu \angkai taka hman turin YMA kutah an hlan let bawk a ni.

Research nei : MZU a zirlai,  Master of Social work zir mek te chuan kan vengah research  an rawn nei thin a, May thla hian an zo ang, an research beihchhunga Local council, YMA, MHIP , MUP leh khawtlang mipui dawnsawnna ah zirlai te hi an lawm hle a, an theih ang tawk a khawtlang tana \angkai dapin April ni 12, 2019 (zirtawpni) MP inthlan zawh ni khian rokhawlhna dang a awm loh chuan Urban a thawhtu te leh Doctor dang te nen tangkawpin Primary school -I ah  free clinic (mit, ha, hmeichhe lam, medicine etc.) an nei dawn a, a duh apiang tan inentir theih a ni ang. A hmun atan Primary School-I a ni ang.

YMA-ah pe : Pu Chalkunga faten an nu leh pa, Pu Chalkunga leh Pi  Darchhawni te hriatreng nan March ni 31, 2019 khan  Hlimen Branch YMA in \angkai taka a hman tur Keyboard  lei nan ` 20,000 an hlan a, an chungah Branch YMA a lawm takzet a ni.

HEADLINE :

ELECTION BOYCOTT & TOTAL BANDH |HULH A NI
    NGO Co-ordination Committee chuan Tripura Transit Camp-a Tuikukte E roll-a an awmna hmun chauha vote thlak tura nawrna atana Election boycott leh Total bandh neih an tum chu \hulh a ni.
    NGO Co-Ordination Committee ten Tripura Transit Camp-a Tuikuk awm, Mizorama Electoral Roll-a chuangte duhsak bikna Election Commission of India-in a lantir duhlohna lantir nan-a M.P. Election 2019 Boycott leh Total Bandh April ni 8, 2019 a\anga tiamchin awm lova neih a tum chungchang ngaihtuahin nimin chhun dar 12 khan NGO Coordination Committee member te, Chief  Secretary, Chief  Electoral officer, DGP, IGP(Law& Order), DIG(Notern range), SP, CID(Special Branch) leh Home Department Officer ten meeting an nei. Hemi hnu hian CYMA CEC Committee room-ah NGO Coordination Committeee chu  chairman Pu Vanlalruata, CYMA President hovin an thukhawm leh a. Hemi hnu nizan tlai tawh takah NGO Co-ordination Committee chuan total bandh leh election boycott \hulhna thuchhuah ahnuai a tarlan ang hian an siam ta a ni.
    “Dt. 3.4.2019 zan dar 8:00 a NGO Co-Ordination Committee \hukhawm chuan Tripura Transit Camp-a Tuikuk awm, Mizoram Electoral Roll a chuang te duhsak bikna Election Commission of India in a lantir duh loh nana MP Election 2019 Boycott leh Total Bandh Dt. 8.4.2019 a\anga neih a lo tum tawh chu, Mizoram sawrkar aiawh a Mizoram Chief Secretary in ziaka ngenna a rawn thlen chu ngaihtuahin thu tlingah a pawm a, Tuikukte avanga harsatna kan tawh \hinte hi a tawp ngei theih a beisei a ni. Mizoram a lo let duh lote ngaisak zui tawh lo tura Mizoram Sorkar leh Ministry of Home Affairs ten hma lak an tum nghal avang leh Repatriation pawh a tawp tak takna tur atana kum 2019 chhung ngei a zo fel hman tura hma lak an tum hi lawmawm kan ti a, sawrkar hmalak tumna hi NGO Co-Ordination Committee meeting chuan ring tawkin, MP Election 2019 Boycott a tum leh Ni 8.4.2019 a\anga tiamchin awm lova Total Bandh huaihawt a tum chu thu leh awm hma chuan \hulh turin a rel ta a ni. Mizoram sawrkar-in hmalak a tumna hi a hlawhtlin ngei theih nan chak taka hma la turin NGO Co-Ordination Committee chuan Mizoram sawrkar a beisei nghal bawk a ni.
    Tin, hmalak kan tumna kawnga theihtawp chhuaha NGO Co-Ordination Committee thuchhuakte lo bawhzui a, \hahnem ngai taka a hlawhtlin theih nana tha leh zung senga hma latu Sub-Hqrs./Group/Branch-a NGO hrang hrangte leh kan thawhpui CYLA, MTP Gen. Hqrs. ten min thlawpna-ah NGO Co-Ordination Committee chuan lawmthu a sawi tak meuh meuh a ni.”

    Sd/- Lalhmachhuana
    Secretary, NGO Co-Ordination Committee &
    General Secretary, Central YMA

PAGE - 2

EDITORIAL :

           MAWHPHURHNA HLEN
    Kan rawn pian phat a\angin tih turin min hmuak nghal a, nu pum chhung a\anga kan chhuah rual rualin kan dam khaw chhuah theih nan mahni a thawk (breath) nghal a \ul a, kan tal a, hnute tui a halin \apin hnute kan ngen a, he khawvelah kan dinkhawchhuah theih nan hringnun kan hmang \an nghal a  ni. Pathianin he leiah hian chhan neiin min siam a, lo pianga, seilian a thihni nghak leh ngawt tur chuan tumah hi a siam a rinawm loh hle. Kan mawl emaw kan fing emaw keimahni phak tâwk \heuhah mawhphurhna hlen tur nei \heuh kan ni. Mawhphurhna leh tih tur nei reng reng lo mihring chu hrin man awm lo, khawvel êng hi lo hmu lo zawk se a tan leh midang tan pawh a \ha hial zawk ta ve ang.
    Kan mawhphurhna chu Kohhranah emaw chhungkua-ah emaw khawtlangah pawh nise a lian emaw a te emaw mahni zawn \heuh a hlenchhuah hi mi puitling zia a ni a, pawnlama landana fel deuh tura ngaih mahni mawhphurhna ngaipawimawh miahlote hi kan lo ni palh ang tih a hlauhawm hle a, tiang hi kan nih chuan miten kan hnung lam a\ang in kan chanchin sawitur an ngah ve tawh ngawt ang.
    Chhungkaw tana thawk ve tur kan nih laia chhungkaw tana hnawksak mai nih te, tlawmngaipawlah member ni ve tho si pawl thil tih ngaihsak miah lo nih te hi zah nachang hriat a hun ta hle. Mawhphurhna kan la peih lo a nih chuan member nih loh ngam mai te hi a huaisen thlak phian zawk awm a sin.
    Midangte mawhphurhna sawisel zut zut a an tlinlohna lai hmu thei tak; mahse mahni lam engmah ni silo nihte hi thil hlauhawm tak a ni a, kan \hatlai huna kohhran, chhungkua leh khawtlanga kan mawhphurhna neih ang ang te \ha taka hlen hi kan tihtur leh puitling zia; Pathianin kan rawngbawl theihna atana midang kaltlanga min pek a ni tih i hre \heuh ang u.

KAN THEN TAK

 
Dengsailova (kum 76)
    Pu Dengsailova hi Pu Nisavunga leh Pi Sawiziki te inkarah Dec. ni 1,1943 khan Hlimen-ah a lo piang a, an unau hi hmeichhia 7 leh mipa 6 niin a upa lam a\angin parukna a ni.
    Kum 1963 Feb. ni 2 khan Romawii nen inneiin fa- hmeichhia 9 leh mipa 5 an nei a, tu 32 a nei bawk.
    Pu Dengsailova hi thahrui nei tak leh kut hnathawh pawh taima tak a ni a, rual pawl thiam tak a ni bawk. Kum 1964-ah Pu Saizahawla rawngbawlna-ah Pathianah lawmna neiin a hlim em em a, hemi hunlaia Mizoram a bawng \ha bawrhsapin lawmman a pek chu Pathian chawimawi nan thawhin khawtlangin hlim leh lawm takin ruai an \heh a, hlim takin Pathian chawimawina atan an hmang a ni.
    Kum 2013 a\ang khan a insawisel \an a, kum 2014 April thla a\angin Alzheimer a ni tih hriat chhuah a ni a, a natna hian rawn hneh chho deuh deuhin damdawi in te luhpui a ni a, kum 2018 Sept. thla a\ang phei kha chuan thochhuak peih lovin khumah enkawl ngaiin a awm a, a nupui fanau ten theihtawp chhuaha an enkawl laiin March ni 30, 2019, zing dar 6:00 khan hahdam takin Lalpa hnenah a chawl ta a ni.

Advertisement....

Nazareth  English  School  admission  notice
    Nazareth English School, Saikhamakawn chuan Admission a hawng mek a, English Medium a nih ang ngeia Sap hote nena hun hman ho \hinnaah hian rawn lut ve rawh le. India ram khawpui fangin Excursion tour kan buatsaih \hin a. Kuminah Delhi tlawhpui an ni ang. Ram chhungah picnic policy kan neihpui \hin bawk. M/s C.Runkima Building C.P.Road-ah kan awm e.
    Admission Fee    :    ` 1500
    Monthly Fee    :    ` 600 KG I leh II tan
            ` 700 Class I leh a chunglam
Tin, zirtirtu mipa 1 mamawh a ni a, Graduate emaw Class XII with D.El.Ed tan a dil theih, Contact No. ah hian zawhfiah theih a ni.

    Principal
    Nazareth English School
(2-2)    Saikhamakawn. Ph. 7640865066

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

(6-3) VL-a, Ph.No : 9402344486, 9615266170

PAGE - 3

HRIATTIRNA :

Local Council hriattirna
Aizawl D.C thuchhuak angin Aizawl District huam chhungah mi tumahin District Magistrate phalna nei lovin Loudspeaker/P.A set system hman phal a ni lo tih kan in hriattir e.
Tin, vawk chung chang a mipui te hriat tur te:-
1. Vawk thi reng reng \ha taka phum vek tur a ni.
2. Vawk thi reng reng khamah emaw kawrah emaw paih mai mai loh tur.
3. Aizawl District chhungah khawi a\ang mahin vawk lakluh phal loh a ni.
4. Aizawl District chhung a\angin vawk lakchhuah phal loh a ni.
4. Vawk talhtu ten vawk hrisel \ha chauh an talh tur a ni.
5. Vawk neitu ten vawk damlo an hralh tur a ni lo.
    Heng thupek te hian thlahnih a huam ang a,  tilui /bawhchhia te chu dan anga hrem theih an ni.
Sd/- Lalhmingliana, Chairman. LC

Welfare  ding thar
    April ni 1, 2019 khan Local Council kaihhruaina hnuaiah Hlimen Auto Riskshaw Service Welfare din a ni  a, hruaitu te:-
    Chairman    :    Pu R. Lalchhandama
    Vice Chairman    :    Pu P.C Zosangliana
    Secretary    :    Tv. Laltlanhlua Chhangte
    Treasurer    :    Pu Lalrinsanga
 Hire rate pawh mumal taka siam nghal a ni a,  tin, Hlimen Stand a ding tur chu Hlimen mi leh sa ta ngei nise tih a ni bawk.

407 Owner & Driver Assn.  hruaitu
    President    :    Pu Lalthanpuia
    Vice President    :    Pu Lawmtluanga
    Secretary    :    Pu David Rualtinkhuma
    Asst.Secretary    :    Tv. Lalramhluna
    Treasurer    :    Pu Lalbiakzauva
    Fin.Secretary    :    Pu Vanlalchhunga

Football Club hruaitu
    April ni 4, 2019 zan khan Hlimen Football Club hruaitu heng mite hi thlan an ni :-
    President    :    Pu Lalbiaknunga
    Vice President    :    Tv. R.Lalchhuanawma
    Secretary    :    Tv. Lalpekhlua
    Asst.Secretary    :    Tv. Vanlalnghaka
    Treasurer    :    Tv. Lalhmuakliana
    Fin.Secretary    :    Tv. Zonunsanga

Advertisement....

Computer Admission Open
Heng Course-ah te hian Admission hawn mek a ni :-
    CCC                               3 Months
    CCA/DCA 1st Semester 6 Months
    DCA 2nd Semester        6 Months
Special Offer
    Kumin chhunga kan hnena zirte an zirman fee 30% course an zawh hunah kan pe kir leh dawn a ni.
    Contact : City Computer Centre
    Mission Veng Bazar, Near Taxi Stand
(10-10)    Ph. 9089527410/9615971078

LAWRKHAWM :

Bawlhhlawh paih chung chang
    Mumal zawk a bawlhhlawh paih a nih theih nan AMC in ruahmanna thar a siam avanga karkhat chhung lai mai bawlhhlawh paih a khaihlak avangin harsatna kan tawhnaah Local Council chuan thupha a chawi tak zet a. April ni 2, 2019 a khawn \an leh ni mah se khawlkhawm a tam deuh avangin tum khatah lakkhawm sen a nih loh naah mipui hriatthiamna kan ngen e. Tin, ruahman angin rokhawlhna a awm loh chuan a hnuai a tarlan ang hi kar tina bawlhhlawh paih motor lian lo kal dan tur a ni ang.
    Thawhleh ni ah zing dar 7:00 ah
    Ningani ah chawhnu dar 1:00 ah
    Inrinni ah zing dar 7: 00 ah
Motor tê chu a tlan dang pangngai ang a ni ang.
Sd/ - Lalhmingliana Chairman, LC

Thlanmual Sub-Comtt.  thuchhuak
    Mahni chhungte thlan chhinchhiahna la siam lo ten April thla chhung ngeiin hming tara chhinchhiah vek tur a ni a, chhinchhiahna neilo chu thlan ruakah ngaih a ni ang a, laih hnan a nih pawhin engmah kan sawibuai thei lovang.

Lawmthu sawina
    Kan nu, Lalawmpuii’n March ni 26, 2019 a min boralsana a ruang lak leh kan in lamah te thil \ul leh pawimawh zawng zawng min tihfel sak mai bakah a vuini a thlan YMA \halai ten thuk tak/ \ha taka min laih sakna ah te kan khawhar hlau a zan lama min zai hlimpuina mai bakah ralna cheng sang chuang fe min hlan te kha keini chhungkua hian kan phu lo. Kan va lawm em.
    Mimal tin chungah lawmthu kan sawi seng lo, hei hi  min lo pawmsak mai teh u.
In khawngaihna dawngtu
A pasal- Lalremtluanga (Rema) te chhung
Buala Section.

VOLLEYBALL CLUB LAWMTHU
    ADVA hnuaia Ist Division te chuan Dt 25 - 30 March, 2019 chhung khan ITI Volleyball Court ah Season ending tournament khelin Hlimen Volleyball Club-te chu Champion-in Trophy leh Tangka fai an dawng a, he tournament ah hian Best setter atan C.Zonunmawia (HVC) leh Best Spiker atan Lalnunmawia (HVC) te chu thlan an ni bawk. 2018 - 2019 Season chhungin Tournament vawi 3 khelh niin Hlimen Volleyball Club te hi vawi 2 an champion a ni.
    Tin, Dt 2 - 5 April 2019 chhung khan 2nd Division Season ending tournament Tachhip GSA Volleyball Court ah khelh niin Hlimen Junior Volleyball Club te chuan Club 13 tel zingah 3-na niin Trophy leh Tangka fai an dawng bawk. He tournament ah hian Hlimen Junior VC a\angin Lalrohlua chuan Best Libero lawmman a dawng a ni.
    He Tournament kan khelh theih nana min \anpuitu vengchhung mipuite, min \awiawm tu leh Club-in sumtuak nana Sangha kan zawrh tlawngaia min dawrtu te zawng zawng chungah Hlimen Volleyball Club chuan thinlung takin lawmthu kan sawi tak meuh meuh a ni.
    Sd/- Secretary

PAGE - 4

KEIMAHNI :

Hlimkhawpui Budget
    Hlimkhawpui  March & April 2019  thla Budget  pe tla tawh te:
1.    Buala Sec.    2. Vawmphunga Sec.
    Buala Sec. ten August thla thleng Budget an tlak fel ta bawk.

Budget tlak
    Damvea Sec. te chuan kumin chhunga Branch Budget ` 5,000 chu an tlak fel ta.

Chhiatni Report
    Pu Dengsailova puala buhfai leh pawisa khawn khawm dan leh thlànlaih dan ziaka hmuh theih chin :-
Section             Chhungkua    Pawisa    Buhfai    Thlanlai                            

Buala                    138           1310      149         31    

Damvea                122           1200      122          7    

Kapdaia                134           1280      149         10
Lalsavunga             36             410       36          –
Saichhuma           114            1120      112         10
Vawmphunga         57             530         62          7
    Total                601           5850       640         65
    Saichhuma Sec. hi chhiattawk Section an ni.
    Pu Tlangchhawrthanga puala buhfai leh pawisa khawn khawm dan leh thlànlaih dan ziaka hmuh theih chin :-
Section              Chhungkua    Pawisa    Buhfai    Thlanlai                            

Buala                      131         1250        141       40    

Damvea                  103         1000        116        3    

Kapdaia                  126         1220        132       20
Lalsavunga               42           440          41        4
Saichhuma              101          920        106        15
Vawmphunga            44          420         44          4
         Total             547         5250        580        86
    Damvea Sec. hi chhiattawk Section an ni.

SRS ruihhlo man
    Central YMA hnuaia SRS 9th Batch (20.12.2018 - 31.3.2019) ten an ruihhlo man zawng zawng hlut zawng hi market rate in ` 4,73,62,740 a ni a, pawisa lem \hahnem tak man bawkin, mihring man leh councelling pek engemaw zat an awm bawk. Issue lehah kimchang zawk tarlan tum  a ni ang.

Advertisement....

Solomon’s High School
Kulikawn, Aizawl
    2019 – 2020 Session atan Class IX & X tan engtik lai pawhin admission a tih theih reng e. Mathematics subject a harsatna neite luh khawmna a nih avangin free tution kan pe nghal bawk a, 2018 HSLC exam-ah Mathematics subject bika 100% passed-na school-ah hian i fate rawn admit ve rawh le. Mathematics subject bika harsatna neite duhsak a ni.
    Timing    : 9:30AM – 3:00PM

                      Contact : 7005684281/9774630781
(10-8)                 { HC. THAWNGA}   TOP TEN

KOHHRAN :

Chanchin|ha thlen ni
    April ni 4, 2019 kha Mizoram a chanchin\ha thlen ni champha a ni a, Kohhran hrang hrang ten hemi pual hian chhun leh zan lamah inkhawmna hun an hmang.

Siam sak
    Isua Krista Kohhran Hlimen te chuan Pi Rualchhingi Vengthar in pan thlakna tur step chu  an siam sak a. Upa te leh mi \hahnem ngai zual ten bul \anin, hemi hnu hian Kohhran hnatlangin thawh chhunzawm a ni. Step baka hian an in chhung kawngkhar, tukverh leh tui dawn te pawh an siamsak bawk. a ni.

INFIAMNA :

HLIMEN VOLLEYBALL CLUB CHAMPION 
    ADVA hnuaia Season Ending March ni 30, 2019 (Inrinni) ITI Volleyball Court a khelh zawh takah Hlimen Volleyball Club te chuan Dinthar Volleyball Club te chu 3-1 a hnehin an Champion. Tun Season a Tournament vawi 3 awmah vawi 2 an champion thei a ni. Hlimen player Tv. Lalnunmawia chu Best Spiker niin Tv. Lalrohlua chu Best Libero a ni bawk.

Gold medal la 
    Kim Un Yong Taekwondo Tournament March ni 29 - 31, 2019 chhunga Guwahati a khelh zawh takah Tv. Lalfakzuala S/o Lalhmingmawia, Saichhuma Sec. a mi chuan Gold Medal a  la a. Kan chhuangin kan lawmpui tak zet zet e.

Volleyball-ah pathumna 
    Hlimen Volleyball Junior Team te chu ADVA Zone Ending Tournament, Tachhip a khelh zawh takah 3-na an ni. Semi Final-ah Luangmual VC lakah vanduaiin 3rd Place-ah hian ITI Team te tumin hnehna an chang a ni.

KAN THEN TAK

Tlangchhawrthanga
    Pu Tlangchhawrthanga hi Pu Chhungthanga (L) leh Pi Rohmingliani te fa pariat zinga a upa ber niin Oct. ni 19, 1966 khan Riangtlei-ah a lo piang a, an unau hi mipa 7 leh hmeichhia 1 an ni.
    Kum 1988 khan Pi Lalbiakmawii nen innei in nupa kawpchawi rem tak a ni a, fanau malsawmna dawngin fa - hmeichhia 4 leh fapa 1 an nei a, tu pawh 13 lai a nei bawk.
    Tlangchhawrthanga hi thahhrui ngah tak leh zuan zang tak a ni \hin a, Ramvah leh luikal nuam ti mi niin a kut pawh a hmui em em bawk. An unau zinga upa ber a nih angin a nau te huikhawm a thiam hle a, fiamthu duh tak a ni a, hnathawhho nikhua ah leh ramvah nikhuaah pawh unau a kawng tinrenga thawkho dial dial \hin an ni. |henrual kawm a thiamin rual pawh a pawl hle a, tu leh fate tan pawh inpek tak \hin mi a ni.
    Amah hi Pathian thu hriatna lamah pawh talent nei \ha tak a ni a, Bible bung leh chang pawh en lova sawi char char thei mi  a ni.
    A nunah harsatna chi hrang hrang, sual hnathawh avanga lo thleng \hin te chu hneh lovin March ni 31, 2019 dar 10:30 Am khan chatuan ram min lo pansan ta a ni.