Ramtuk thla (February) Ni 23, 2019, Issue No. 8

PAGE - 1

TUALCHHUNG :

Damlo: Pi Lalrothangi W/o Lalthanmawia, Damvea Sec. a mi chu hmeichhe lam \hatlohna avangin Feb. ni 19, 2019 khan State Referral Hospital, Falkawn-ah admit a ni a, tunah in lamah enkawl turin a lo chhuak leh ta.

##    Pu Lalsangbera H/o Pi Lalremruati Buala Sec. a mi chu Thawhah avangin Aizawl Hospital-ah enkawl mek a ni.

##    Pu Kawlthangpuia H/o Pi Laikungi, Buala Sec. a mi chu chuap lam fello avangin UPHC Hlimen-ah admit niin he thu buatsaih lai thleng hian enkawl mek a ni

Tuakthar :  Lalremkimi Hrangdo D/o H.Lalrinmawia Buala Sec. a mi chu Feb. ni 20, 2019 khan C. Lalduhawma S/o C. Lalchhanhima Tlangnuam a mi tawnah khiangawiin a liam ta.

YMA in râl : Feb. ni 16, 2019 zan khan Pu Vanlaldika ralna hun hman a ni a, ralna sum tlingkhawm ` 8,650 chu a chhungte hnenah hlan a ni a, Pu Vanlaldika chhungte hian a tuamna puan 3 chu \angkai taka hman turin YMA kutah an hlan let bawk a ni.

Lam zir ngawrh : Feb. ni 28, 2019 leh March ni 1, 2019 a Chapchar Kut lawmna hun hman turah Hlimen Branch YMA Member te chuan Mizo hnam lam entir tur an zir ngawrh hle a, zan lamah YMA Hall-ah lam hi zir \hin a ni. Nu leh pa ten kan fate phal taka lam zirna a an rawn teltir avangin Branch YMA chuan lawmthu a sawi a, tin, YMA Hall chhehvel tan a lo bengchheng deuh a nih pawhin hrethiam hram turin Branch YMA chuan a ngen bawk a ni.
    Tin, MHIP Hlimen Branch te pawhin Chapchar Kut-ah hian Siktuithiang Lam an entir dawn bawk a, zan lamah an zir ngawrh hle bawk a ni.

Pêm thar : Pu C. Vanlal\hazuala te chhungkua chu Bungtlang chhim veng a\angin Hlimenah an rawn pêm a, Kapdaia Section-ah Pu Sawmvela in an luah a, chuungkaw member pali an ni.

HEADLINE :

Branch YMA Committee neih a ni

    Feb. 22, 2019 (Zirtawpni) zan khan YMA Hall-ah Hlimen Branch YMA Exe. Committee vawi thumna neih a ni a, thurel tlangpui hetiang hi a ni.

1. Branch Day lawm dan tur:- Hlimen Branch YMA din cham  ( 23th March) chu Faina Hnatlang neiha hun hman ni se, hetiang hian ruahmanna siam a ni:
    i) Branch Day puala faina hnatlang hi section tin ten mahni section huam chhungah kalpui ni se, hnatlang hi nileng hnatlang koh ni se tih a ni.
    ii) Branch YMA-in section thingpui lumna atan  ` 2000 \heuh thehchhuah ni se tih a ni.
    iii) Hetiang hi Branch OB te section a kal dan tur a  ni ang – Buala Sec-ah Pu Lalhmuchhuaka, Damvea Sec.-ah Pu RC Lalroliana, Kapdaia Sec.-ah Pu Robuanga, Saichhuma Sec.-ah Pu Lalrinmawia, Lalsavunga Sec.-ah Pu J. Vanlalbiakdika, Vawmphunga Sec.-ah Tv. Lalkhawmawia.

2. Kumpuan hawn chungchang:- Kum 2019 YMA kumpuan ‘Ram leh Hnam Humhalh’ tih chu hawnna neih ngei committee chuan \ha a ti a, a hun atan March ni 23, 2019 (Inrinni) zan a ni anga, programme leh \ul dang chu OB te kutah dah a ni.
    He kumpuan hawnna-ah hian Branch  Exe. Committee te kim taka kal ni se, tin, section OB te bakah section exe. committee member 10 aia tlem lo kal tura hriattir bawk ni se.

3. YMA Day chungchang :- Kumin YMA Day chu ropui taka lawm leh ngei committee chuan \ha a ti a, OB ten ruahmanna lo siam se, committee leh hunah ennawn leh nise tih a ni.

4. Lehkha hmuh :- (i) Central YMA a\angin Hockey (Men & Women) leh  Chess Tournament neih tur thu dawn a ni a, mipa team khat tel ve ngei ni se, mawh lo phur turin Pu Lalhmuchhuaka Vice Pre., Pu Lalrinmawia Fin Secy, Pu Jerome Lalduhbika leh Tv. John Lalhunhlua te ruat an ni.
    Tin, 4th Inter-Branch YMA Chess Tournament 2019-ah pawh Branch hminga chhuah ve ngei ni se, mawh lo phur turin Pu J. Vanlalbiakdika Asst. Secy. leh Tv. R. Lalawmpuia te ruat a an ni a, hemi chungchang hi Hlimkhawpui Chanchinbu-ah tarlan tur a ni ang.
    (ii) C. Vanlal\hazuala te chhungkua, Bungtlang Chhim Veng a\angin Hlimen a awm dilna (Testemonial Certificate) dawn niin pawm sak an ni.
    (iii) Range Officer, Aizawl Forest Range a\angin nungcha te humhalh leh venpui tura ngenna dawn a ni a, he ngenna ang hian theihtawp a hmalak ni se, vangtlang information mike-ah leh Hlimkhawpui chanchinbu lamah pawh tarlan \hin ni se tih a ni. Tin, dan bawhchhia a tilui te chungah pawh a \ul anga hmalak \hin tur a ni ang. OB ten ruahmanna lo siam se tih  a ni.
(phek li naah chhunzawm a ni)

PAGE - 2

EDITORIAL :

        “NANG PAWH”
    Tolstoy-a thawnthu ziak pakhatah chuan in\henawm nu pahnih hi an inhau pek a. Pakhat zawkin a \henawmnu diklohna leh thiamlohna phawrhsakin “i chuti, khati” a tih chuan a \henawm nu lah duai bik hek suh, “Nang pawh, nang pawh” tiin phawrhsak tur a lo hmaih  bik lo nasa mai a. A tawpah an pahnih tan leh chhungkaw tan chhiatna nasa tak a thlen phah nghe nghe a ni.
    Mihring hi tumah intehtling thei leh tehtlin zawh kan awm lova. Keini chu sawi loh Isua meuh pawh kha he lei mihring te hian an teh tlin loh avangin khenbeh hial a tawk a nih kha. Chuvangin, kan in\henawm khawven kawngah leh \hen leh rual kan in kawmhona kawngah hian thu inchuh a inbah palh a awm changin, “nang pawh, chuti khati” tih mai hi a awl \hin. Chutianga kan intih deuh sak sak chinah chuan kan \hatna aiin tlinlohna kan inthur chhuahsak ta vak mai \hin a. He \awngkamin a kentel ngei ngei chu tute chanchin kilkhawr lai leh sawi chakawm loh lai phawrh hi a ni a. Induhsakna \awngkam thlum tak hman \hin aiah huanah kel inkhalhluhsakin  há inhawlhsak hi he \awngkam hnih lek hian zuk kengtel thei a !!
    “Nang pawh” kan intih fona hi a chhan her danglamin khawtlang leh pawl tana chhenfakawm lamah her tum ta i la a \ha hle awm e. He \awngkam dengkhawng tak hi \awngkam thlum takah siam tum ta ila. Midangte \hatna lai leh duhawmna lai inphawrhsakna \awngkamah thlak ila. Mizo upa in “sem sem dam dam, ei bil thi thi” an lo tih nun hi nunpui tlâng ila, kan \henawm te tan thil pawi leh an rilru natna tur ka sawi em tihte hi inchhut nawn fo ila. Chuti chuan khawvel hnam tam tak ten an neih ve loh \henawm khawveng te nena inpawh tawnna leh khawtlang nuam chu kan nei ngei ang.

2019  YMA KUMPUAN
RAM LEH HNAM HUMHALH
Vanlalruata, President
(Chhunzawna)
4. Mikhual Chamrei te chungchang: Tuikukten an thiam tawpin a theihna apiangah min hek reng a, Supreme Court a min hek avang ringawt pawh hian Rs. 5 lakh dawn chu kan seng tawh a, Kum 20 liam hnuah pawh chhuanlam hrang hrang siam a, kawhmawh bawl rengtute hian kan ram roreltu thlannaah hian ram pawn atangin vote an thlak tawh tur a ni lo, theih tawp chhuahin kan dang zel ang. Vawi tam tak lo haw tura ruahmanna pawh zawm duh si lo, kan ram rorelna atana inthlanna vote erawh thlak tum leh lawi site hi engtikawng pawha kan tihtawp a hun ta. Tin, chutihrualin Mizorama Chakma cheng an pung chak lutuk leh Mizote min do reng avang hian khawmpuiah pawh kan lo rel tawh angin hautak deuh mah sela, CADC hi \hiah a nih theih nan hma lak mek zel a ni.
5. Ramngaw leh nungcha humhalh chungchang: Mizoram hian ramngaw \ha a nei ta meuh lova, \henkhat sawi danin khawi report  buah emaw chauh ram ngaw kan la nei \ha a nih hmel a. Chutiang bawkin nungcha heng ramsa leh lui a nungcha kan suasam nasat dan hi in enfiah kan ngai, Aizawl mite bawk hi hmanraw nei \ha kan nih avangin a tichhe nasa ber bertu kan ni tlat a, luhlul chhuah a silai tha leh hmanraw dangte hmang a diriam taka lui leh ramngaw leh nungcha suasam chingte hi na takin lo zilh ngam \hin ni se.
6. Mizo nun zemawi vawn nun zel chungchang: Ram leh hnam humhalh kawngah kan hmaih hauh loh tur chu Mizo nun zemawi a bik takin, tlawmngaihna vawn nun zel hi a ni.  Pathianin Mizo-ah min siam a, Mizo tan lo chuan vawn nun zel theih pawh a ni lo. Duhamna, itsikna leh in rel te kan uar ta lutuk mah mah em aw, a tih theih a, awlsam tak a thil \ha neih leh midangte ngaih pawimawh lohna a sang tual tual bawk hi vei tham a tling ta. Sem sem dam dam ei bil thi thi ti thin, a thlum a al ei za Mizo te khan a va liam teuh tawh em! Hawh u, \henawmte nen a chawhmeh in suah tawn i uar thar leh ang u.
    Kan Mizo hnam incheina te, hnam lam te leh kan Kût te hi kan chawisang zel tur a ni a, Mizo \awng humhalh a hman uar a \ul hle bawk.  Kan Mizo nun zemawi tak tlawmngaihna kan tih fo zing a heng hnatlang, thlanlaih, mitthi lumen, khawhar lenpui, riahpui \hin hi midang kutah dah lovin YMA hruaitu kan nih angin hma hruaitu kan ni \hin tur a ni. Hawihawmna, aia upa zah leh thisen pek te hi inzirtir uar zel ni bawk se.
    A tawp ber ah chuan YMA hi kan ramah hian dinhmun pawimawh tak a luah chho mek zel a, a chang chuan sawrkar pawhin a tih theih loh hmachhawn zel a \ul \hin a, chuvangin YMA hruaitu kan nih chuan huaisen, rinawm leh taimak angai a. YMA hruaitu hna chelh duh tho si hmalakna khirh deuh a awm a chhuanlam siam a  tlanchhe reng bik nih hi a zahthlak khawp mai. Tute emaw dap dawna chhuanlam siam fo bik hruaitu (Safe place leh safe time hre em em hruaitu) hi kan mamawh  lem lo. Edmund Burke chuan “ Sual punlun chhan chu mi\haten engmah an tih duh loh vang a ni (The only necessery things for the triumps of Evils is a good man to do nothing)” a ti tawp mai. Chuvangin YMA leh Mizo mipuiten kan mamawh ber chu hruaitu huaisen, rinawm leh taima a ni, chhuanlam siam duah lova sual leh ruihhlo do a, mipui mamawh hrang hrang heng Gas lo thleng a piang buk chat chat ngam a, ration buhfai leh thil dangte buk leh teh dik tak mipuiin an dawn ngei theih nan hma la ngam hruaitu huaisen hi a ni kan nghahhlelh em em chu ni.
    Midangin kan ram hi min siam \that sak dawn lova, YMA chak lohna veng/khua  a nuam ngai lo an tih \hin angin,  Mizoram neitu YMA ten theihtawp i chhuah zel  ang u.
YMA VUL ZEL RAWH SE

PAGE - 3

HRIATTIRNA :

P.H.E. HRIATTIRNA
    Thla thar, March thla a\ang hian Tui Bill hi Meter Reader ten reading rawn lak pahin bill an print chawp vek tawh dawn a, bill print card hi a têt tham deuh dawn avangin lehkha them mai mai emaw tih palh awl deuh mai a ni a; chuvangin, fimkhur \heuh turin kan inhrilh lawk a ni e.Tun a bill kan chawi dan hi a hma hma leh thla a mi zel kan chawi \hin a, Entirnan: February thla hian nikum December a kan hman kha kan chawi tihna a nih chu. Tunah chuan kan hman zawh chiah kha bill nghal zel anih dawn avangin thla tharah chuan a double dawn tihna a ni. Hei hi reader te lo puh emaw lo hâu mai lovin hotu sâng lam thuchhuak tih minlo hriatsak turin mipuite kan ngen e.

Local Council hriattirna
    AMC Proterty Tax 2018 – 2019 khawn khatna-ah khan la pe lo kan la awm nual avangin a thawhhnihna khawn chho leh niin Local Council Office-ah office hawn chhung dar 7:00 AM – 9:00AM chhungin pek theih a ni a. Property Tax pe lo te hi The Mizoram Municipalities (Property Tax) Management Rules, 2014 hmangin a hrem theih a, tin, tax pe har te hi penalty pek theih kan nih bawk avangin pek theih hun chhunga pe \heuh turin mitin te kan inngen a ni e.

Sd/- Lalhmingliana, Chairman. L C

MUP hriattirna
    Ni 26.2.2019 (Thawhlehni) hian MUP South-III Area Conference, Samtlangah a awm dawn a. MUP Member a tam thei ang kal tum tur a ni.
    Kal tum te chuan a hnuai a mite hnenah ni 24.2.2019 ral hmain in report tur a ni.
    1. Pu Chalngaiha (Damveng)
    2. Pu C. Lalhmingliana (Venglai)
    3. Pu Rokamlova (Quarry)
   
    Sd/- C. Lalhmingliana, Secretary

H.S.A.  hriattirna
    Hlimen Sazuar  Asssociation Membership fee pek theih hun a tawp dawn hnai ta a, Feb. ni 28, 2019 thleng hun hawn a ni. Mahni vawk talh duh turte pawh member nih a ngai a, member nilo tan bazar-ah sa zawrh phal a ni lo, Member ni la, thlamuang takin sa i zuar dawn nia.
    Sd/- Chairman
    HSA Hlimen

Buala Section hriattirna
    Buala Section YMA bungrua hawh turte chuan Property Secretay Pu Lalhruaitluanga leh Tv. Zotluangpuia te hnenah dil tur a ni a, an ni  hriatpuina lo chuan lakchhuah leh hawh phal a ni lo.
       

**************************************
        Thawklehkhatah kan neih rohlû leh kan nunna hial kan chân thei a ni tih hriain kangmei chhuak thei lakah mitin i fimkhur ang u.

LAWRKHAWM :

Chhiatni Report
    Pu Vanlaldika puala buhfai leh pawisa khawn khawm dan leh thlànlaih dan ziaka hmuh theih chin :-
Section            Chhungkua    Pawisa    Buhfai    Thlanlai                       

Buala                  127            1,190      105        19

Damvea              114            1,110      117          1

Kapdaia               131           1,230      148        13

Lalsavunga           37               370       27           -    

Saichhuma          107              900      124         9

Vawmphunga        55              370        37         3
    Total               571           5,170       558       45  
    Damvea Sec. hi chhiattawk Section an ni.

Mizoram Hockey hruaitu-ah
     Feb. ni 19, 2019 khan Hockey Mizoram te chuan hruaitu thar thlanna an nei a, Pu Lalhmuchhuaka chu Vice President atan thlan thar a ni a, hetianga Zoram pum huapa hruaitu ni tlak kan nei hi kan chhuangin kan lawmpui takzet a ni.

Chess Tournament
    March ni 12 – 16 chhunga khelh tur 4th Inter-Branch YMA Chess Tournament 2019-ah Hlimen Branch YMA hminga chhuak duh tan Pu J. Vanlalbiakdika Asst. Secy. leh Tv. R. Lalawmpuia te hnenah a in report theih reng e.

Ngenna
    Nungcha, thing leh mau leh mihring te hi in mamawh tawn vek kan ni a, chuvangin kan chheh vela nungchate leh ramngawte hi duat takin i enkawl ang u. Silai leh sairawkherh hmanga ramchhuak \hin kan awm a nih chuan kan sim hmak a hun ta. Tin, ram lamah pawh meizial bung paih chung changah leh kangmei tichhuak thei dang dangah i fimkhur lehzual ang u.

Advertisement....

KAWI KHA  KHAWI KHA........
    ELECTRONICS BUNGRUA CHI HRANG HRANG BAZAR RATE IN I INAH KA RAWN DAH THEI E.
    SMART TV  Company hrang hrang, Friedge, Single door,double door, side by side.Washing machine Top loading front loading. Inverter , Inverter Bateries, Motor Bateries, Microwave Oven. Mobile Phones Samsung, Vivo, Oppo, Redmi...Heng ah hian mamawh i neih chuan Bazar rate in i inah ka rawn pe thei che, Warantty chhunga a chhiat chuan i buaipui ngai loin keiman ka rawn buaipui vek dawn nia. Company duh bik neih pawn eng Company pawh i duh ang ka rawn dah thei e.
(6-3) Siampuia Khiangte. Hlimen. Ph 9863457800
   
Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

(6-5)                 VL-a, Ph.No : 9402344486, 9615266170

PAGE - 4

KEIMAHNI :

Hlimkhawpui Budget
    Hlimkhawpui  January & February 2019  thla Budget  pe tla tawh te:
1.    Buala Sec.    2. Kapdaia Sec.
3.    Lalsavunga Sec.    4. Vawmphunga Sec.
    Buala Sec. ten August thla thleng Budget an tlak fel ta bawk.

Sanitation Sub Committee
    Sanitation Sub Committee chuan Feb. ni 19, 2019 zan khan Meeting an nei a, thurel tlangpuite:-
1. Faina kawngah Section tin te leh YMA Chhang Sub Committee te nen thawho dan ngaihtuah nise.
2. Kumin chhungin Section fai ber tan lawmman siam nise, hei hi Branch YMA Exe. Committee ah thlen nise. Tin, endik dan hetiang a ni ang - Thla tin endik a ni a, Sanitation Committee member endikna a kal te ngeiin Point an pe thei ang. Kum tawpa Point hmu sang berin lawmman hi an dawng ang.

Vawmphunga Section
    Vawmphunga Section te chuan Feb. ni 20 khan Section bungrua enfel leh Godown chingfelin hnatlang an nei.
    Ni 3, March 2019 (Inrinni) hian sumtuak nan blanket sûk hnatlang neih tum a ni a, in blanket te min lo suk tir turin kan ngen a che u.

Saichhuma Section
    Saichhuma Section Leader-in rokhawlhna avanga a chanvo a chelh theih loh avangin Section committee hmasa berah Leader atan hian Pu Lalbiaknunga chu thlan a ni.

Advertisement....

Solomon’s High School
Kulikawn, Aizawl
    2019 – 2020 Session atan Class IX & X tan engtik lai pawhin admission a tih theih reng e. Mathematics subject a harsatna neite luh khawmna a nih avangin free tution kan pe nghal bawk a, 2018 HSLC exam-ah Mathematics subject bika 100% passed-na school-ah hian i fate rawn admit ve rawh le. Mathematics subject bika harsatna neite duhsak a ni.
    Timing    : 9:30AM – 3:00PM
    Contact : 7005684281/9774630781
    { HC. THAWNGA}
(10-2)    TOP TEN

PES Hriattirna
    Dt. 25th  March 2019 (Monday) a\ang hian Presbyterian English School, Hlimen-a lut tur tan School Bld.-ah Admission tih \an tur a ni e.
admission fee    : 1) kg i    `300/-
        : 2) kg ii    `500/-
        : 3) Others    `700/-(Renewal)                `800/- (Fresh)
monthly fee    : `500/-
Unau pathum chinah Concession siam a ni bawk e.
   
    Sd/- Principal, P.E.S.  Hlimen
(2-2)    Ph: 9862376309/8258940580

(phekhmâ chhunzawmna)
    Tin, Beat Officer, Hualngohmun hnen a\angin kâng mei venna leh nungcha humhalh chungchang a ngenna dawn a ni bawk a, ngenna ang hian a \ul anga hma lak ni se tih a ni.
    (iv) DFO Aizawl Forest Officer hnen a\angin Pre-fire season workshop cum training on fire prevention a tel tura sawmna hmuh a ni a, a \ul angin OB ten hma lo la-in lo bawhzui se tih a ni.

5. Sanitation Sub-Committee dilna :- Sanitation Sub-committee ten faina kawnga hmalakna chikhat atan banner siamna atana cheng 2000 an dilna chu rem tih sak an ni.
    Tin, section fai ber/hma la \ha ber thlanna leh lawmman siam an dilna pawh sanition sub-committee-in section fai ber/hma la \ha ber thlanna neiin lawmman hi branch-in a pe ang.

6. Culture Dress :- Branch YMA cultural dress indaihlohna awm ta chu a remchan dan anga lei belh ni se tih a ni.

7. Kuang siam chung chang:- Kung siam hnatlang neih ni se tih a ni a, hnatlan ni hian YMA Hall pawh a \ul anga tihfai hnatlang neih nghal ni se, OB ten ruahmanna lo siam se tih a ni.

8. YMA Hall dawr luah chung chang:- YMA Hall hnuai dawr luah duh tan March ni 15, 2019 ral hma a dilna hun hawn ni se, Hlimkhawpui chanchinbu-ah tarlan ni se tih a ni.

Advertisement....

Computer Admission Open
    Heng Course-ah te hian Admission hawn mek a ni :-
    CCC                               3 Months
    CCA/DCA 1st Semester 6 Months
    DCA 2nd Semester        6 Months
Special Offer
    Kumin chhunga kan hnena zirte an zirman fee 30% course an zawh hunah kan pe kir leh dawn a ni.
   
    Contact : City Computer Centre
    Mission Veng Bazar, Near Taxi Stand
(10-6)    Ph. 9089527410/9615971078

Xerox ... Xerox
    A mamawh tan englai pawhin kan Xerox kan tih sak thei reng e. Min rawn pan ve rawh le.
    Papuia & Teremi
    Hlimen, Thlanmual Veng
(1-1)    Ph. 9774147588/9612533387

Ramtuk thla(February) Ni 16, 2019, Issue No. 7

PAGE - 1

TUALCHHUNG :

Boral: Pu Vanlaldika (25), S/o Lalthanpara, Damvea Section a mi chu, Feb. ni 14 (Ningani) zing dar 9:30 khan a boral. A ruang hi lumen niin, a tuk Feb. ni 15, 2019 khan vui liam a ni.

Damlo: Andrew Lalnunpuia S/o JK Lalengzauva Damvea Sec. a mi chu Feb. ni 7, 2019 khan BM Birla Heart Research Centre, Kolkata-ah in chech up-in an kal a, Feb, 21,2019 khan an lo let leh ta.

##    Lalruatzela S/o J.Lalhlimpuia, Buala Secd. a mi chu Feb. ni 13, 2019 (Nilaini) khan Typhoid avangin B.N.Hospital, Kulikawn-ah admit a ni.

##    Johan Vanlalremtluanga s/o Laltanpuia Kapdaia Sec. a mi chu Kulikawn Civil Hospital-ah Pneumonia avangin enkawl mek a ni.

Tuakthar :  Zarzokima S/o Lalthianghlima, Buala Sec. a mi leh C.Lalrinnungi D/o C.Lalhluna, Mualpui Bethel veng te chuan Feb. ni 14, 2019 (Ningani) khan damchhunga nupa ni turin ‘tiam tlat e’ an ti ta.

##    P.B.Lalrammawia S/o P.B.Lalram-muana Damvea Sec. a mi leh Biakngaihawmi D/o Lalchungnungi, Buala Sec. a mite chuan Feb. ni 15, 2019 (Zirtawpni) khan damchhunga nupa ni turin an innei ta.

Information mike siam\ha:  Hlimen YMA information Mike chiangkuang lo chu siam\hat a ni ta a. Local Council ten Mike Unit thar pahnih leina thawhin a siam\hat hna hi YMA lam ten an thawk a ni.

Khawn mek :  YMA Membership Fee Section tinah khawn mek a ni a, February thla chhungin Branch YMA Secretary hnenah thehluh tur a ni. Membership Fee hi mi pakhat tan ` 5 zela khawn tur a ni.    Tin, chhiatni Fund pawh chhungtinah intukna lehkha pek niin March thla ralhmain khawn zawh tura ruahman a ni bawk.

Lam zir  :  Chapchar Kut a entir tur Mizo hnam lam chu zir \an chhoh a ni a, Feb. ni 18, 2019 (Thawh\anni)zan inkhawm ban a\ang hian YMA Hall-ah zir chhoh leh tur a ni a. YMA Member te lam zir tur hian sawm kan ni e.

HEADLINE :

Chhiatni fund i thawh ve dawn em?
-President Br. YMA

    Kum danga kan lo tih \hin angin YMA chuan chhungtinah Chhiatni Fund kum 2019 chhung a mi tur a rawn khawn leh dawn. Chhiatni Fund pe duhlote chu he Fund a\anga kan inpuihna angah hian an tel ve thei lo a ni. Chhiat (thihna) an tawh pawhin kuang mahni sum senga an inngaihtuah a ngai ang. Tin, lumen/tlaivarpui a ngaih pawhin tlawmngai a tlaivarte an chauh lutuk loh nan sawhchiar buatsaih \hin pawh hi chhhungkaw mawhphurhna a ni tih hriat nghal a \ha ang.
    YMA chuan chhiat/thihna a lo thlen a chhiat tawk chhungkua te phur a rih lutuk loh nan tiin chhungtinah, chhungkaw khawsak dan mil thei ang berin Chhiatni Fund a tuk a, he chhiatni fund chhungtinte thawh tura tuk hi a tam lo hle a, ` 150 leh ` 500 inkar velah tuk a ni a, a sang ber ` 500 pawh hi a tam lo hle. Khawtlangin chhiat a tawh hian \um khat senso hi a \hahnem thei hle a, kuang pakhat siam nan pawh thingzai phek 4 vel mamawh a lo ni a, tin, zan lumen/tlaivarpui ngai a lo nihin sawhchiar siam \hin a lo ni bawk a. A zualpui pahnih chauhah pawh hian senso a sang hle a, kuang siam nan hian ` 2,000 - ` 2,500 inkar vel sen ngaiin tlaivar ei tur sawhchiar siam nan hian ` 3,000 bawr vel sen a ngai ziah bawk a ni. Chhiatni Fund ` 500 tuk hote tan pawh hian a na lo hle a ni.
    Tin, vengchhunga thihna mai bakah ‘ruang’ kan veng a\anga chhuakte pawh kuang tumsak \hin an ni a, tin, chhiatna dang - hmun danga thite, chhiatna thil dang thleng thutah te pawh he fund a\anga a \ul anga chhawmdawl \hin an ni. Thlanmual bungruate,  chhiatni a kan mamawh dang dang leh kuang khuhna tlengin he fund a\ang hian neih/kawl reng a ni. Kuang khuhna phei hi chu mitthi chhungte apiangin hmang thei ila, nalh leh mawi taka siam, mitin ina kan duh dan taka kan siamtir \hin anga siam a ni.
    Heng Chhiatni Fund hi hman ngai lova kan chhungkua kan lo awm pawhin Pathian malsawmna a ni tih hria ila, lawm em em tur kan lo ni reng mai. Tin, chhungkua in chhiat kan lo tawk hlauh a nih pawhin Chhiatni Fund kan lo pek ve a\ang khan engmah kan buaipui ngai lovin kan lo awm thei reng mai a lo ni a, Chhiatni Fund thawhtu chhungkua nih hlawkna leh hlutna changtu a kan \an avangin lawmna tur a lo ni lehzual bawk a ni.
    Chhiatni Fund pek hi a Pathian thu awih hna hle, he fund thawhtu chhungkuate hi mite tana malsawmna thlentu te chu an lo ni e. Section tinah hruaitu ten Chhiatni Fund hi an rawn khawn leh dawn a, kan chhungkaw thawh theih tura min beisei (tuk) chu an rawn khawn veleh pe thei ngei turin chhungtinte YMA Hlimen Branch chuan kan ngen che u a ni e.

PAGE - 2

EDITORIAL :

                   KAN MAWHPHURHNA        

     Mizote \hanmawhbâwk pakhat; vantlang thil leh mimal thil kan en dan hi a bul a\anga sawi nawn fo a ngai niin a lang. Kan khawlai, kan zavai a kan in\awm; kan kawngte, kan Hall te leh thil dang tam tak hi tû ta bik nge tih hi kan inzawh nawn fo a \ha ang. Kan kawngdungte hi nitin a kan mamawh a ni a, kan Electric te lah hi pakhat a chhiat a chhe vek thei a ni bawk. Hengte hi a chhiat a tuartu chu mitin kan ni a, kan ta vek; uluk taka kan enkawl \heuh tur a ni tih hi kan hriat nawn fo a pawimawh. Keimahni thil bik (Personal Property) a nih loh avanga kan endan a dang a nih chuan insiam\hat kan ngai nasa hle tihna a ni ngei ang.
    Kan ram, lui leh ngaw a nungchate kan humhalh tlat hi a pawimawhin kan mawhphurhna a ni a. Mifing leh hnam fing apiangin nungchate an humhalhin an duat niin a langa, Kristiante tan phei chuan nungchate tihnat leh suat rem zawnga hmalak hi thil sual lian tak a ni ngei ang. Mihring leh thil dang zawng zawng siamtu hian nungchate hi a duh taka a siamte an ni a, mihringte ai pawha leilung luah hmasa an ni a, keini ram ngei pawh hi kan thlahtute awm hma daih tawhin nungchaten an lo luah tawh a, siamtu hian a dah chung nung hle ang tih a hriat theih a ni. Heng nungchate hi kan suat mang zel a nih chuan an mangang âu thawm hian an siamtu beng a thleng ngei ang tih hi i ringhlel lovang u.
    Faina leh thianghlimna chung changah mitin ten mawhphurhna kan nei lian hle bawk. Kawnga kal paha bawlhhlawh thlauh ngawt te,  zial zutu in a zuk zawh a’n pen pér ngal ringawt mai te, kan bawlhhlawh \awp tak tak kawngkam hnaivai taka kan paih ngawt zel maite hmuh leh hriat tur a la awm fo mai. “Fai hi Pathian anna a ni” tih hre lar mah ila zawm ahar ngang a ni ang e. Pawn lam landan leh chhungril nun thianghlim hi min siamtu duhdan pawh niin a lang. Chuvangin, kan khawtlang tana KAN MAWHPHURHNA hlen turin pheilai i vawr ang u hmiang.

KAN THEN TAK

 
Vanlaldika (25) Chanchin tlangpui
    Vanlaldika hi ni Feb. ni 14, 1994 khan   Pu Lalthanpara leh Pi Lalthianghlimi te fa paruk zinga panga-na ni turin Hlimen-ah a lo piang a, an unau hi mipa panga leh hmeichhia pakhat an ni.
    Vanlaldika hi mi hlim thei tak leh \hiante tana mi thilphal tak a ni a. Amah hi mi tlawmngai thei tak leh a phak tawk a mite tana inpe zo tak a ni. Amah hi tette a\anga lirthei lawm mi niin, zirna lam pawh hi a kal thui tem lova, a tuina ber Driver hna a thawk a ni.
    June ni 14, 2018 khan Angela Lalrinfeli, Salem Veng nen an innei a, tunah hian an fa hmasa ber tur an pai mek a ni.
    Feb ni 22, 2019 khan a pa nen a pa hnathawhna (Electric Deptt) Side-ah zan riak a chhuakin an kal a. Ni 13.2.2019 zanah lo haw-in, a boral dawn ni, ni Feb. ni 14, 2019 pawh hian a pa zui leh tura ngaih a ni. A pa zui a rem loh thu a sawi a, tun dinhmun hi kan thleng ta a ni.

Advertisement....

PES hriattirna
    Dt. 25th  March 2019 (Monday) a\ang hian Presbyterian English School, Hlimen-a lut tur tan School Bld.-ah Admission tih \an tur a ni e.
admission fee    : 1) kg i        `300/-
        : 2) kg ii        `500/-
        : 3) Others    `700/- (Renewal)                            `800/- (Fresh)
monthly fee    : `500/-
    Unau pathum chinah Concession siam a ni bawk e.
   
    Sd/- Principal
    P.E.S.  Hlimen
(2-1)    Ph: 9862376309/8258940580

Computer Admission Open
    Heng Course-ah te hian Admission hawn mek a ni :-
    CCC                              3 Months
    CCA/DCA 1st Semester 6 Months
    DCA 2nd Semester        6 Months
Special Offer
    Kumin chhunga kan hnena zirte an zirman fee 30% course an zawh hunah kan pe kir leh dawn a ni.
   
    Contact : City Computer Centre
    Mission Veng Bazar, Near Taxi Stand
(10-5)    Ph. 9089527410/9615971078

PAGE - 3

HRIATTIRNA :

Gospel Camping Hriattirna
    “Nun Thuhruk Changtu Team” te chuan camping an buatsaih dawn a, Pathian khawngaihna ngâitu apiang sawm kan ni e.
A hmun - Together In Christ Camping Centre, Melthum;
    A hun : Ni 18 – 23.2.2019.
    Speaker: Zoliankunga, Hlimen
    Camp lut tur ten Bible, Note bu, Pen ken tur a ni e. Camp fee a ngai lovang.

P.H.E. HRIATTIRNA
    Thla thar, March thla a\ang hian Tui Bill hi Meter Reader ten reading rawn lak pahin bill an print chawp vek tawh dawn a, bill print card hi a têt tham deuh dawn avangin lehkha them mai mai emaw tih palh awl deuh mai a ni a; chuvangin, fimkhur \heuh turin kan inhrilh lawk a ni e.Tun a bill kan chawi dan hi a hma hma leh thla a mi zel kan chawi \hin a, Entirnan: February thla hian nikum December a kan hman kha kan chawi tihna a nih chu. Tunah chuan kan hman zawh chiah kha bill nghal zel anih dawn avangin thla tharah chuan a double dawn tihna a ni. Hei hi reader te lo puh emaw lo hâu mai lovin hotu sâng lam thuchhuak tih minlo hriatsak turin mipuite kan ngen e.

Bo zawnna
    Kar kalta khan ration card, Pu Than\huama leh Lalhnehpuii te card  chu venglai leh a chhehvelah tihbo a ni a, lo chhar kan awm a nih chuan Pu Than\huama contact No. 9774137456-ah khawngaih taka hriatir turin kan ngen e.

Advertisement.....

KAWI KHA  KHAWI KHA........
    ELECTRONICS BUNGRUA CHI HRANG HRANG BAZAR RATE IN I INAH KA RAWN DAH THEI E.
    SMART TV  Company hrang hrang, Friedge, Single door,double door, side by side.Washing machine Top loading front loading. Inverter , Inverter Bateries, Motor Bateries, Microwave Oven. Mobile Phones Samsung, Vivo, Oppo, Redmi...Heng ah hian mamawh i neih chuan Bazar rate in i inah ka rawn pe thei che, Warantty chhunga a chhiat chuan i buaipui ngai loin keiman ka rawn buaipui vek dawn nia. Company duh bik neih pawn eng Company pawh i duh ang ka rawn dah thei e.
(6-2) Siampuia Khiangte. Hlimen. Ph 9863457800

SETTOP  BOX  INSTALLMENT
    ZONET pawt thar duh tan Settop Box Installment in kan pe thei reng e. Tin, Internet Broad Band Connection ti duh tan pawh rate tlawmte in a pek theih ta.
    Lawmtluanga
    Distributor ZONET
(2-2)    Ph. 9436352832

LAWRKHAWM :

NGO Co-Ordination thuchhuak
    Mizoram leh hnam tana \ha lo leh him lo nia lang, Citizenship (Amendment) Bill, 2016 pass ngei tuma Central sawrkar hmalakna chu, NGO Co-Ordination Committe chuan kaltlangpui a nih loh nan theihtawp chhuahin kum 2017 a\ang khan dodalin hma a la a. Thuneitute hnena ziaka thlen a nih bakah, chetziaa dodalna lantirin, Republic Day 2019 hial pawh Boycott a lo ni a, CAB - 2016 chu Lok Sabha-in a passed hnuah, Rajya Sabha chuan a pass ta lo a ni. Ram leh hnam tâna him lo CAB - 2016 dodalna kawngah hian, Mizo mipui zawng zawngte \anrualna leh inpeknaah NGO Co-Ordination Committee chuan lawmthu a sawi.
    Mihring tena kan tih theih piah lamah, Pathian hnathawh ropui tak he Bill chungchangah hian a lo lang a, Mizo Kristiante mangang âu aw leh Pathian hnena \awng\ainate chhàna a awm hi a ropui tak zet a ni. Mizo mipui ten Pathian thiltihtheihna leh awmpuina kan dawng niin NGO Co-Ordination Committee chuan a ngai a ni.
    Hun lo kal leh zel turah a \ul ang zela ram leh hnam tana \angrual zel turin NGO Co-Ordination Committee chuan Mizo mipuite a beisei bawk a ni.

LAWMTHU SAWINA
    Kan pa Lal\hakima damloh tirh a\angin khawtlang leh Kohhran mipuite, Department lama a tawhpui zawng zawngte khawngaihna leh duhsakna leh \awng\aisakna kan dawng reng a, kan lawm tak zet zet a ni. Tin, A boral a ni tih hria apiangin min khawngaihna leh lainatna lantirin, Damdawi In leh In lamah a \ul apiang min tihsak vek a. Amah kan thlahna ni-ah in tha leh zung, sum leh pai senga min lainatna in lantir hi kan lawm tak meuh meuh a ni. Kan tana in \hatna hi keini chhungkua chuan engtikah mah kan rul seng lo ang che u. Lalpa’n a lêtin malsawmna tam takin vur che u rawh se.
    In khawngaihna dawngtu
    Lalngheti leh a fate, Hlimen : Aizawl

Kulikawn Taxi Stand Welfare
(Ngaizel road)
    Kum 2019–2020 Office Bearer te:
    Leader    :    C. Kananpara (M-3)
    Asst. Leader    :    Lalthlengliana (SKK)
    Secretary    :    Lalrinchhana (SKK)
    Asst. Secretary    :    Robert Lalchhuanliana(M-3)
    Treasurer    :    Hmingthanzama (Hlimen)
    Fin. Secretary    :    Lal\halawta (M-3)

Filter Subsidy
    Kum 1 a cheng nuaihnih hnuai lam lalut tan Water Filter Subsidy  Local Council office ah office hawn hunchhunga inziak lutin a tih theih e.
Ken ngai te - Aadhar card/ voter ID Card, Chhungkaw Member zat, Mipa zat, Hmeichhe zat, Kum 18 hnuai lam zat, Phone number, Income
    Tin, cheng 900 ken nghal tur a ni e.

                    Sd/- Chairman, Local Council, Hlimen

PAGE - 4

KEIMAHNI :

Hlimkhawpui Budget
    Hlimkhawpui  January & February 2019  thla Budget  pe tla tawh te:
1.    Buala Sec.    2. Kapdaia Sec.
3.    Lalsavunga Sec.
    Buala Sec. ten August thla thleng Budget an tlak fel ta bawk.

Branch  hnatlang
    Feb. Ni 9, 2019 ( inrinni) zingkar  ah Branch Executive Committee-in kûang tur thingzai phek thiar hnatlang neih a ni a,  member 13 thawkchhuakin thingzai hi 60 lak thar a ni.

SRS Reports
    Central YMA hnuaia SRS 8th Batch ten Dec. ni 20, 2018 leh Feb. ni 13, 2019 inkar chhunga an chet dan hetiang hi a ni :-
Ruihhlo Man :- (a) Heroin hawng 90, Canne873 leh chhinsen 91 (b)AP Trama mum 3015 (c) Ganja 1 Kg (d)Cough Syrup bur 110 (e) Morphine 985 amples (f) Sap zu 37 Bottle (g) Rakzu fun 84 (g) fake money ` 647500 (h) Meth 2424 tab. (i) Cyclopam mum 370
    Tin, mihring 570 man niin home-ah mi 65 dah an ni a, Excise-ah 6 hlan niin Police-ah mi 15 hlan an ni a, Councelling Class pek mi 245 an awm bawk.

Protest  Day hmang
    Feb. ni 12, 2019 (Thawhlehni) khan NGO Co-Ordination Committee bultumin Vanapa Hall kawtah Citizenship (Amendment) Bill, 2016 duh lohna ‘Protest Day’ programme hman a ni a, he hunah hian mipui tel an \hahnem hle a, Hlimen a\ang pawhin YMA Member \hahnem tak leh MUP leh MHIP Member te an kal a ni.
    He hunah hian NGO tin aiawhte thusawi ngaihthlak a ni a, Central YMA zaipawl in Mizo hnam hla ‘Ro min relsak ang che’ tih hla thiam tak maia an sak chu ngaihthlak a ni bawk. Tin, Citizenship (Amendment) Bill, 2016 chu Rajya Sabha-ah passed a nih loh nan \awng\ai rualna hun hman a ni. |awng\ai rualna hi chhana awmin he Bill hi pass a ni ta lova, a lawmawm tak zet zet a ni.

Advertisement.....

Solomon’s High School
Kulikawn, Aizawl
    2019 – 2020 Session atan Class IX & X tan engtik lai pawhin admission a tih theih reng e. Mathematics subject a harsatna neite luh khawmna a nih avangin free tution kan pe nghal bawk a, 2018 HSLC exam-ah Mathematics subject bika 100% passed-na school-ah hian i fate rawn admit ve rawh le. Mathematics subject bika harsatna neite duhsak a ni.
    Timing    : 9:30AM – 3:00PM
    Contact : 7005684281/9774630781
    { HC. THAWNGA}
(10-1)    TOP TEN

KOHHRAN :

BIAL HMEICHHE KHAWMPUI
    Isua Krista Kohhran Aizawl East Bial hmeichhe khawmpui chu Feb. ni 10, 2019 (Pathianni) hmang khan  Hlimen Kohhran-ah hman a ni a. Bial chhunga kohhran hmeichhe member he khawmpui chhim hi an \hahnem hle niin thu kan dawng.

M|KP Khawmpui
    Mizoram |halai Kristian Pawl khawmpui lian chu tun Pathianni hmang hian Tlabung-ah hman a ni a, Mizoram Baptist Kohhran |halai he khawmpui chhim hi an \hahnem hle a, Hlimen Baptist Kohhran \halai a\ang pawhin he khawmpui hi an chhim bawk a ni.

INFIAMNA :

CHAMPION PUI
    15th Inter District Volleyball  Championship 2019 Women's Final khelh zawh takah Nl. Lalbiakdiki, Hlimkhawpui a kan News Editor chu Aizawl District aiawha khelin a team te hi a Champion pui a, Best Spiker leh Best receiver lawmman a la bawk.  Kan chhuang tak zet zet e..

Keimahni Chhunzawmna......
CHHIATNI FUND CHUNG CHANG
    Branch YMA in Chhiatni Budget 2019 ruahmanna a siam a\anga kan veng dinhmun lo lang \henkhat te (Hei hi Feb. ni 1, 2019 zana Branch OB leh Section OB ten Chhiatni Fund tukna an siam a\anga data a lo lang a ni a,  hun lo kal leh turah erawh a danglam thei tih kan hre tel dawn nia)
    Buala Section-ah chhungkua 147 awm mekin nikumah pawh chhungkaw 147 an awm a, kumin ah hian awm  thar chhungkua 5 awmin chhungkaw 5 chu hmun dangah an awm.
    Damvea Section-ah kumin ah chhungkaw 143 awmin nikum khan chhungkaw 142 an ni a, chhungkaw 5 awm tharin chhungkua 4 an chhuak thung.
    Tin, Kapdaia Section-ah hian kuminah chhungkua 143 awm tawhin nikum khan chhungkaw 141 an ni a, chhungkaw 7 awm tharin chhungkaw 5 an chhuak thung.
    Lalsavunga Section-ah nikum khan chhungkaw 40 awmin kuminah erawh chhungkaw 42 an ni a, chhungkaw 1 chhuak in chhungkaw 3-in an belh ve thung a ni.
    Saichhuma Section-ah nikum leh kumin a chhungkaw zat inangin, chu chu chhungkaw 129 a ni a, hetih lai hian chhungkaw 7 awm tharin chhungkaw 7-in an chhuahsan bawk a ni.
    Vawmphunga Section-ah nikum khan chhungkaw 65 awmin kuminah chhungkaw 2 a pungin chhungkaw 67 an ni a, an ni Section hi chhungkaw 6 in chhuahsanin chhungkaw 8 an luh belh thung.
    Heti hian nikum aia chhungkua a kan punna chu chhungkaw 7 niin kuminah hian Hlimen-ah chhungkua 671 awmin nikumah chhungkua 664 kan awm tih na a nih chu.Chhungkaw awm belh tih hian pem thar bakah indang thar ta te an awm bawk a, tin, chhuak tih ho ah hian veng/khaw danga chhuak bakah chhungkua a inawmfin te  an  awm bawk.

 

Ramtuk thla(February) Ni 9, 2019, Issue No. 6

PAGE - 1

TUALCHHUNG :

Damlo: Lalzuiliana (Pazuia) C/o Lalthlanawma, Buala Sec. a mi chu taksa lam harsatna avangin Feb. ni 2, 2019 khan Aizawl Hospital-ah admit niin enkawl mek a ni.

YMA in râl : Feb. ni 2, 2019 zan khan Pu Lal\hakima ralna hun hman a ni a, ralna sum tlingkhawm ` 8,435 chu a chhungte hnenah hlan a ni a, Pu Lal\hakima chhungte hian a tuamna puan 3 chu \angkai taka hman turin YMA kutah an hlan let bawk a ni.

Tuakthar :  C. Zosangzuala S/o Zomawithanga Buala Sec. a mi leh Lalrinngheti, Tuisenchhuah te chuan Feb. ni 8, 2019 (Zirtawpni) khan damchhunga nupa ni turin ‘tiam tlat e’ an ti.

##    Zomuanawma S/o Zorema Kapdaia Sec. a mi leh  Linda Malsawmtluangi  Bethlehem a mi te chuan Feb. ni 8, 2019 (Zirtawpni) vek khan damchhunga nupa ni turin ‘tiam tlat e’ an ti bawk.

Tih tawh loh nise : Venglai a\anga Khurpui pan thlakna kawngah hian mi \henkhat zu in in awm \hin a, zu dahna sarang leh Dispo nô te hnawksak takin in kalsan \hin a, hetiang hi tih tawh loh a \ha hle.
    Tin, Vengthlang chuanhnuai, khurpui panna kawng phei a kawrah  bawlhhlawh paih \hin kan la awm a, paih tawh lo turin ngen kan ni bawk e.

Kangmei lakah i fimkhur ang u : Kangmei lakah kan him theih nan kan in leh a velte tifai \hain, awlsam taka kang thei thil (petrol, diesel etc) lakah kan fimkhur a \ul hle.
    Kangmei tichhuak thei a nih avangin mei zu mite pawhin kan meizuk bungte tihlum lovin paih mai mai lo turin kan in ngen a.Tin, Electric Power kan hman dan fimkhur ila, in kan chhuahsan dawn leh zan mut dawnin Electric a theih ang angin check fel hmasa \hin ang u.
    Thawklehkhatah kan neih rohlu leh kan nunna hial kan chan thei a ni tih hriain mitin i fimkhur ang u.

HEADLINE :

2019  YMA KUMPUAN
RAM LEH HNAM HUMHALH
Vanlalruata, President
    YMA Kumpuan “Ram leh Hnam Humhalh” hi kum 1998 a\angin kan lo hmang \an tawh a. A hlawhtlin leh zual nan a hnuaia mi ang hian hmalak chhunzawm ni se.
1.    Zu leh Ruihhlo Do chungchang: Zu leh ruihhlo  avanga nunna chan  tam tawh zia sawi rik fo hi a ninawm hle nachungin a \ul miau si a, kum 2017-ah Zu leh Ruihhlo avangin Mipa 54, Hmeichhia 11,  kum 2018-ah Mipa 46, Hmeichhia 10, kum 2019-ah (5.2.2019 thleng) Mipa 4, Hmeichhia 1, tun kum 2 leh thla 2 pawh tling lovah hian mi 126 zet an thi tawh. Kan ramah mitthi an tam viau laiin piang erawh an tam em em kan hre bawk si lova, Ruihhlo hi kan do lo a ni lova,  a man pawh kan man hnem  na rawh e, mahse a rem zel chu sawi loh a pung tual tual a, tuna kan SRS 8th Batch kal mekah hian thlakhat vel chhung lekin  Heroin ringawt pawh Hawng 79 zet man a lo ni leh ta reng mai. Kum naupang zawk \halai ruihhlo ti thar an pun belh zel zawk niin a lang, a mangan thlak tak zet a ni. Kumin pawh hian tih tak zetin Ruihhlo do beihpui kan thlak chhunzawm zel a \ul takzet a ni.  Tin, Sawrkar-in Zu pawh a khap leh dawn tak avangin a theih chin chinah na takin kan dovin, a \hat loh zia uar takin kan zirtir tur a ni ang.  Zu leh ruihhlo do hi Central YMA/SRS leh Thuneitute kutah chauh kan dah chuan kan tu leh faten min la rawn dem lutuk palh ang e. Chuvangin, Branch YMA pawhin tun aia nasa zawka hma kan lak a pawimawh hle a ni.
2.    Ramdang leh Hnamdangte in luahtir loh tura chak taka hmalak chungchang: Kan ram khawpui ber Aizawl Sipai Lammual ah  Sakhaw pakhat be pungkhawm tam \hin zia leh an zavaia hian man chawiin Hotel-ah chuan an thlen a rinawm si lova. Vai ho phei chuan kawng hrang hrangin Mizote hi an thuhnuaiah min dah a, an hlawh thlengin an in chhiar dan danin  pe lo thei lo dinhmunah min dah ta anih ber hi maw.  Kan Mizopui ngei khawpuia in luah tur mamawh tam tak an awm reng tih hriain, Mizo chauh in luah tir tura tun aia \an kan lak uar deuh a \ul hle mai a. In luah tur ber an hmuh loh chuan ramdang leh hnamdang mite hi kan ram ah an awm rei thei hauh lovang le.
3.     Sumdawnna chungchang : Kan ramah hian hnamdang non-tribal ten sumdawnna dan  kan nei loh chu sawi loh a lo lut tur ringawt pawhin ILP nung neih  a ngai chungin kan ramah hian ramdang leh hnamdang sumdawng an tam ve ta hle mai a, Sumdawnnain a ram leilung fate a chimral nasatna ram in min hual deuh vek a, \an lak a \ul khawp mai. Tunah phei chuan GST khawvelah kan lut tawh a, Mizoram Merchant Association (MIMA) hotute sawi danin, GST hmangin kan ramah hian hnamdang sumdawng 810 lai an inziak lut tawh a ni, theihtawp kan chhuah a \ul ta hle a ni. Kan mamawh huna thisen min petu, thlan min laihsaktu, kan dam loh huna min kan \hintu, kan YMA leh khawtlang, Kohhrana thawhlawm thawh \hintu ngeite hre reng chungin duhsak \hin ila. Sumdawnna kawng hrang hrangah hnamdang hming hawh tir lova, dawr pawh luah tir loh a, lirthei khaltute thlengin Mizote chauh i chhawr hram hram ang u.
- Remchang hmasa-ah chhunzawm a ni ang. 

PAGE - 2

EDITORIAL :

                   RINAWM A PAWIMAWH        

    Khawvel hnam changkang leh ropuite hi hnam rinawm an ni duh hle a, sumdawnna lama mi hlawhtlingte pawh mi rinawm an ni fo bawk. Chutiang bawk chuan sorkar hna leh kuthnathawh lamah pawh mi hlawhtlingte chu an hnathawh a mi rinawm tak an ni chawk a ni.
    Mi rinawmlo, mi pamhamte hi a chang chuan hlawhtling angin lang mah se an daihrei lo duh hle. Khawvel ram changkang tak tak tlawhkual \hinte pawh hian an rinawm zia leh an hnathawh thleng pawha sorkar tana an inpek zia hahipin an sawi \hin.
    Hei hi khawvel kalphung a ni chiang a, tin, kan Bible min zirtir dan pawh a ni bawk. Chuvangin Mizo hi inbihchiang ila, Hlimen khaw nu leh pate pawh hi i inbihchiang teh ang u. Rinawm taka hna kan thawhna ah hian nge hlawhtlinna tak tak kan neih a depdê taka kan thawhna-ah hian tihte pawh mahni \heuh inbih ta ila; a chunga kan sawi takte khi a dik zia kan hmuchiang hle ang. Chuvangin thil tihna kawng tinrengah hlawhtlinna nei tur chuan mahni thawhlai hna \heuhah rinawm takin thawk \heuh ila, chu chuan hlawhtlinna a hring thei a ni tih i zirchiang \heuh ang u.
    Tin, kan nitin nunphung leh khawsakho naah rinawm lo, thutiam a ding thei lo leh dawt sawi mai mai ching kan tam hle niin a lang. Kan \henawm khawveng; kan bulhnai a mite hian hnung lam a\angin min nuih tih inhriat a \ha. Thufing pakhat chuan, “rinawm taka a thutiama a din ngheh tlat avangin miin engmah hloh a nei ngai lo” a ti a. Keimahni, kan chhungkua leh kan khawtlang tan hian rinawmna hi a pawimawh tak zet zet a ni.

ZIAKTUTE HUANG :

CHHIATNI FUND AWMZIA LEH A HMAN DAN TLANGPUI
Kum 2019 atan khawn leh dawn
   
    Hlimen Branch YMA in chhiat tawhte a lo hautak tak avangin khawtlang mipuite tana thil \angkai tak a nih beiseiin kum 1983 kumtir lam khan Chhiatni Fund hi a losiam \an tawh a, kum 35 na a lo tling ta hial a ni. He Chhiatni Fund hi kan khawtlang tan a lo \angkai hle reng a, hetih hun lai hian \henawm khua/Branch te leh Zoram hmun tam zawkah pawh an lo la siam ve thei lo a ni. A \hat zia leh \angkai ziate hriain vawiin ni-ah chuan keini Branch aia uar zawk leh duhthawh zawk an ni deuh vek tawh a ni.
    He Chhiatni Fund, chhungtin tena kan thawhkhawm hi YMA pawisa a ni lova, YMA Account ah pawh lut lovin Chhiatni Fund Sub-Committee dinin an ni hian an enkawl a ni. Kan khawtlangah thihna tawkte an lo awmin hetia kan thawhkhawm a\ang hian a \ul apiang tumsak \hin a ni a, kuang man ringawt te hi a hautak hle a, tlaivar zana tlaivarte ei leh in leh Gas mante thlengin a tum \hin a ni. |umkhat thihna lo thlengah hian ` 4,000 - `  5,000 pawhin min daih thei tawh lo hial a ni. Chhiat tawkte tan a hahdamthlak a, engmah ngaihtuah ngai lovin YMA in he fund a\ang hian a \ul zualpui te chu a tuamhlawm \hin a ni. Thihni a chhungtina ` 10 kan khawn \hin pawh hi Gas bur khat man bak adang zawng chu chhiat tawkte hnena hlan \hin a ni tawh a, thlanlai senso leh tlaivar zana senso chu Chhiatni Fund a\ang vek hian tum tur a ni tawh a ni.
    He chhiatni Fund pe ve duhlote chu he Fund a\anga chhawmdawlna ah hian an tel ve thei ngai lova, chhiat tawk thei vek kan nih avangin mitinin ngaih pawimawh a \ha hle. Chhungtin in thihna/chhiatna kan tawh vek loh avangin tlem te te a kan thawh tlingkhawm hian chhiat tawkte a tuam hlawm thei a ni tih hriat reng a \ha hle.
    Tin, vengchhunga thihna mai bakah ‘ruang’ kan veng a\anga chhuakte pawh kuang tumsak \hin an ni a, tin, chhiatna dang - hmun danga thite, chhiatna thil dang thleng thutah te pawh he fund a\anga a \ul anga chhawmdawl \hin an ni. Thlanmual bungruate,  chhiatni a kan mamawh dang dang leh kuang khuhna tlengin he fund a\ang hian neih/kawl reng a ni. Kuang khuhna phei hi chu mitthi chhungte apiangin hmang thei ila, nalh leh mawi taka siam, mitin ina kan duh dan taka kan siamtir \hin anga siam a ni. Hman nachang hre zel ila, senso a titlem ang. Chhiattawh bawk, hautak bawk si hi a ti nep deuh dawn a ni.
    Kan khawtlangah chhungtinte khawsakna a in chen  loh avangin kan thawh theih tawk ang zel tura rin anga kan thawh dan tur hi intuk \hin a ni a, , veng \henkhatah chuan rethei leh hausa pawh heng thilah kher hi chuan an hrut rual vek zawk a ni. Chuvangin, chhiatni fund hi a hlu a, kan mamawh \heuh a, pe thei vek zel ila, he fund a\anga chhawmdawlna kan dawng lo a nih chuan thil lawmawm leh vanneihthlak tak a ni thung a ni. I ngaihlu deuh deuh ang u.

Advertisement.....

PAGE - 3

HRIATTIRNA :

LOCAL COUNCIL Hriattirna
    Sawrkar thuchhuak angin Ration card leh Aadhaar Card thlunzawm a lo \ul ta a, a thlunzawmna form hi karleh thawh\anni a\angin Local Council office-ah a lakchhuah theih ang. Khawtlang mipui ten kan ngaipawimawh \heuh dawn nia.
    AMC Proterty Tax 2018 – 2019 khawn khatna-ah khan la pe lo kan la awm nual avangin a thawhhnihna chu Feb, ni 11,2019 (Thawh\anni) a\angin khawn \an leh a ni dawn a. Local Council Office-ah office hawn chhung dar 7:00 AM – 9:00AM chhungin a pek theih ang. Property Tax pe lo te hi The Mizoram Municipalities (Property Tax) Management Rules, 2014 hmangin a hrem theih a, tin, tax pe har te hi penalty pek theih kan nih bawk avangin pek theih hun chhunga pe \heuh turin mitin te kan inngen a ni e.
    Sd/- Lalhmingliana,
    Chairman. L C

H.S.A  Hriattirna
    Jan. ni 22, 2019 a Hlimen Sa zuar Association Executive Committee chuan kum 2019 chhung atan HSA member nihna hun a hawng leh ta a, Member ni duh tan Pi Zodinmawii leh Pu Lalremthanga te hnenah February thla chhung ngeiin ` 100 pe a in report tur a ni.
    Tin, vawk talh tur ten Pi Zodinmawii Ph. 8974745306 hnenah dawhkan Fee ` 50 pe lawkin in report \hin tur a ni. Hei hi February thla a\anga hman \an nghal tur a ni ang.
    Sd/- Lalremthanga
    Secretary, HSA

PHED HRIATTIRNA
    Public point a\anga tui late tan a fee pek a hun leh tawh a. January – June thla Fee `200 office-ah pe-in card thar lakchhuah nghal tur a ni a, a pe lo tan tui hi lak theih a ni lovang.
    Tin, Ui vulhtu ten kan ui vulh te khuahkhirh tura ngen kan ni a, Metre Reader leh Tuisem te tana kal hrehawm leh hlauhawm a an awm a nih chuan dân bû-in a sawi angin dis-connect a ni ang.

Advertisement....

KAWI KHA  KHAWI KHA........
    ELECTRONICS BUNGRUA CHI HRANG HRANG BAZAR RATE IN I INAH KA RAWN DAH THEI E.
    SMART TV  Company hrang hrang, Friedge, Single door,double door, side by side.Washing machine Top loading front loading. Inverter , Inverter Bateries, Motor Bateries, Microwave Oven. Mobile Phones Samsung, Vivo, Oppo, Redmi...Heng ah hian mamawh i neih chuan Bazar rate in i inah ka rawn pe thei che, Warantty chhunga a chhiat chuan i buaipui ngai loin keiman ka rawn buaipui vek dawn nia. Company duh bik neih pawn eng Company pawh i duh ang ka rawn dah thei e.
(6-1) Siampuia Khiangte. Hlimen. Ph 9863457800

SETTOP  BOX  INSTALLMENT
    ZONET pawt thar duh tan Settop Box Installment in kan pe thei reng e. Tin, Internet Broad Band Connection ti duh tan pawh rate tlawmte in a pek theih ta.

    Lawmtluanga
    Distributor ZONET
(2-1)    Ph. 9436352832

LAWRKHAWM :

Chhiatni Report
    Pu Lal\hakima puala buhfai leh pawisa khawn khawm dan leh thlànlaih dan ziaka hmuh theih chin :-
Section             Chhungkua    Pawisa    Buhfai    Thlanlai                        

Buala                     120         1,070       128         21

Damvea                   93           880         99         10

Kapdaia                 125         1,160       139         12

Lalsavunga              24            240        24           1        

Saichhuma              99            960       110          4

Vawmphunga          44            460         49          5
    Total                 505         4,770       549         53   
    Saichhuma Sec. hi chhiattawk Section an ni.

Kum 80 tling chin
    Issue hmasa lama kan veng chhunga kum 80 tling chinte tarlan-ah khan  Pi Rualchhingi Kapdaia Sec. a mi chu tar hmaih palh a ni. Kum 80 tling chin la tarlan loh kan hria a nih chuan E.B te hnenah min rawn hriattir thei ula kan lawm hle ang. Heti hian kan veng mi kum 80  tling hi mi 35 an awm a ni.

CYMA hnuaia computer a thlawna zirna
    CYMA hnuaia a thlawna Computer zirna (Office Assistant Course, 3 Months) hawn a ni leh dawn a, a hnuaia tarlan ang hian  Office hun chhungin CYMA Office-ah dilna Form a lak theih e. Diltu ten mahni awmna Veng Branch YMA recommend-na lehkha thil tel tur a ni e.

Dil thei chin    : HSLC & above
Application Form lak theih hun chhung    : Ni 11-20, Feb, 2019
Last date of Application sibmission    : Ni 21, Feb, 2019
Interview hun    : Ni 23, Feb, 2019            Dar 11:00 AM
Result tar hun    : Ni 25, Feb, 2019

CYMA CHETVELNA
5.2.2019 : 2019 YMA Kumpuan “Ram leh Hnam Humhalh” hawn inkhawm zan dar 7:00-ah Vanapa Hall-ah neih a ni a, Kumpuan hi Pu Vanlalruata, President-in a hawng a, Pu Lalrochuanga Pachuau, Treasurer-in YMA kalphung inhrilh fiahna hun a hmang bawk.
7.2.2019 : Excise & Narcotics Deptt. Outpost, Rangvamual a mi chu Dr. K. Beichhua, Minister, Excise & Narcotics Deptt.-in a hawng a, Pu R. Lalngheta, Vice President a tel.
8.2.2019 : Hortoki Venglai Branch YMA ten Golden Jubilee an lawm a, Central YMA aiawhin Pu R. Lalngheta, Vice President, Pu K. Lalthanmawia CEC, Pu R. Lalduhawma CEC, Pu M.S. Ralte CEC, Pu K. Laldawngliana CEC, Pu Lalrindika CEC leh Pu F. Lalfakawma CEC ten an hmanpui.

PAGE - 4

KEIMAHNI :

Hlimkhawpui Budget
    Hlimkhawpui  January & February 2019  thla Budget  pe tla tawh te:
1.    Buala Sec.    2. Kapdaia Sec.
3.    Lalsavunga Sec.
    Buala Sec. ten August thla thleng Budget an tlak fel ta bawk.

YMA kumpuan  hawn a ni
    Feb. ni 5, 2019(Thawhlehni) zan khan Vanapa Hall-ah kum 2019 YMA kumpuan “Ram leh hnam humhalh” tih chu hawnna hun hman a ni.
    He hun hi Pu R.Lalngheta, Vice President CYMA in a kaihruai a, Pu H.F. Lalrinpuia CEC in hunserh a hmang. Pu Peter Chhakchhuak, Asst. Secy. CYMA hnen a\angin report ngaihthlak a ni a, Pu Lalrochuanga Pachuau, Treasurer CYMA in thusawina hun hmangin YMA kalphung inhrilhfiahna thu a sawi a ni. Pu Vanlalruata, President CYMA chuan kumpuan hawnna hun a hmang a, hemi zan hian Central YMA zaipawl bakah DJ Lalvenhimi leh Esther Lalrinhlui te zai ngaihthlak a ni. Branch 95 a\angin Member 708 hemi zan hian an kalkhawm a ni.
    He Programme-ah hian kan Branch a\ang pawhin heng mite hi an kal - Pu Robuanga, Pu Lalhmuchhuaka, Tv. Lalkhawmawia, Pu J.Vanlalbiakdika, Pu R.C.Lalroliana, Pu Lalrinmawia, Tv. R.Lalrindika, Pu Vanlaltluanga, Tv. Laldawngliana, Pu Jerome Lalduhbika, Tv. Lalnunsiama, Nl. Judy H.Lalbiaknungi, Nl. Lawmsangkimi, Pu K.Lalremruata.

Lam zir hriattirna
    Kumin Chapchar Kut atan Feb. ni 12, 2019 (Thawhlehni) zan a\ang hian YMA Hall-ah Mizo hnam lam zir tur a ni a. YMA Member atam thei ang ber sawm kan ni e.

Buala Section
    March thla hian Section chhunga Blanket sumtuak nan suk hnatlang neih tur a ni a, chhungtin ten tlawmngaih chhuaha min suktir \heuh turin kan inngen a, lui a suk tur nilovin vengchhunga suk tur a nih avangin fai taka suk tum a ni.

Budget tlak
    Kapdaia Sec. te chuan kumin chhunga Branch a an budget ` 5,000 chu Branch Treasurer hnenah an tlakfel ta.

Branch Committee-in rÂl
    Nl. Zothanzami, Branch YMA Committee Member chu, a pâ Pu Lal\hakima’n a boral san avangin Feb. ni 7, 2019 zan khan Branch YMA Committee Member te chuan ràlna hun an hmang. He hun hi Pu Zolianchhunga’n a kaihruai a, Nl. Laltlanmawii’n hunserh hmangin Nl. Lawmsangkimi’n ralna thilpek a hlan. Tin, Pu Lalhmuchhuaka’n thlamuanna thuchhah a sawi bawk a ni.

KOHHRAN :

BIAL HMEICHHE KHAWMPUI
    Hlimen Pastor Bial Presby. Kohhran Hmeichhe khawmpui chu tun Pathianni hmang hian Saikhamakawn kohhranah neih a ni. He khawmpui hi Feb. ni 8, 2019 (Zirtawpni) zan khan hman \an niin Feb. ni 10, 2019 (Pathianni) zanah a tiak ang. He khawmpuiah hian thupui atan "Thlarau thianghlim nei rawh u" tih hman a ni. Hlimen a Presbyterian kohhran pathum a\angin kohhran hmeichhe member thahnem tak an kal a ni.

Rally  nei
    The Salvation Army, Central South Division a Home league te chuan Feb. ni 8, 2019 (Zirtawpni) zan a\ang khan Temple Corps ah Rally an nei a, Hlimen Corps a\ang pawhin Home League member kal an \hahnem hle. He Rally hi tun Pathianni zan hian a \iak ang.
 

INFIAMNA :

Football Club
    March thla tir a\anga khelh \an tur, vêng leh vêng inelna NECS Cup khel turin inbuatsaih mek a ni a, Mizo Coach hming\ha leh hlawhtling Lalsangzuala Hmar ruaiin tunah hian practice an nei \an tawh a ni. Veng pâwn player lâk tur leh vengchhung player \henkhat tunah hian Tournament khel-in an kalchhuak mek. Practice-naah duh ang leh kim takin an la kal thei lova, kumin hian veng tihhming\hat ngei tumin theih tawp chhuah an tum a ni.

India-ah pahnihna
    Pu Lalmuanawma H/o Malsawmtluangi, Saichhuma Sec. chu All India Senior Master Badminton Championship Goa a khelh zawh takah Final lutin a khingpui lakah hian a vanduai hlauh a, Silver Medal a rawn hawn. Pu Muanawma hi  35+ ah India No.1 a ni mek a ni. He Championship-ah hian Mizo player 27 zet an kal a, Pu Muanawma chiah hian Medal a dawng thei a ni. World Badminton Championship Poland a khelh turah a qualify nghal bawk a ni. Kan lawmpui tak zet zet e.

Advertisement....

Computer Admission Open
    Heng Course-ah te hian Admission hawn mek a ni :-
    CCC                              3 Months
    CCA/DCA 1st Semester 6 Months
    DCA 2nd Semester        6 Months
Special Offer
    Kumin chhunga kan hnena zirte an zirman fee 30% course an zawh hunah kan pe kir leh dawn a ni.
   
    Contact : City Computer Centre
    Mission Veng Bazar, Near Taxi Stand
(10-4)    Ph. 9089527410/9615971078

Septic tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

(6-4) VL-a, Ph.No : 9402344486, 9615266170 

Ramtuk thla (February) Ni 2, 2019, Issue No. 5

PAGE - 1

TUALCHHUNG :

Boral: Pu Lal\hakima, H/o Pi Lalngheti, Saichhuma Sec. a mi chu, Febuary ni 2, 2019 (Zirtawpni) 12:30 AM khan Cancer natna avangin a boral. Hemi ni vêk chhun dar 12:00 khan vui liam a ni.

Damlo: Pu Lalsangbera Buala Sec. chu dt.25.1.19 Aizawl hospital-ah a admit a ni a, hun engemaw chen enkawl a nih hnuin in lama enkawl chhunzawm turin a rawn chhuak leh ta.

##    Pi Neihchhungi M/o Ngurchhuana, Damvea Sec. a mi chu khawsik leh thawhah avangin Doctor te rawnin in lamah enkawl mek a ni.

Nau nei thar: Lalremruata te nupa Kapdaia Sec. a mite chuan Jan. ni 28, 2019 khan an fa pahnihna atan UPHC, Hlimen ah  fapa duhawm tak an nei thar.

PHE nen en ho: Jan ni 29, khan PHED SE, Western Circle leh a staff te lo kalin High School veng leh Vengthar tui pek dan tur Local Council te nen an enho leh a, PHED site office chung chang pawh sawiho niin he hunah hian sipmiu lam te pawh an lo tel a ni.

Road Protection hmalakna : Melthum kâwn thlen hma a metal road, in hmun laiin a tihchhiat chu a rang lama siam\ha turin PWD hotute lamah ngen a ni a, siam turin an tifel tawh a ni.
    Venglai Side Drain chu a khuhna Motor-in a tihchat avangin siam \ha leh turin PWD hotute sawi pui vat ni se tih a ni.
    Motor dahlohna tur a dah, man ngaipawimawh lo  te chu Dt.2.2.2019 zingah Local Council Office-ah koh an ni.
    Road Protection Committee te hian  kawngpui himna tur leh  kawngpui thawl nuam kan neih theih nan chak taka hmalak chhoh zel an tum a ni.

Faina hnatlang: Jan. ni 26, 2019 (Inrinni) zingkar khan SAY, Hlimen Corps te chuan Social Service neiin vengchhung kawra bawlhhlawhte tifaiin hnatlang an nei.

HEADLINE :

BRANCH YMA EMERGENCY THUCHHUAK

    Jan. 29, 2019 (Thawhleh ni) zan khan Hlimen Branch YMA Emergency Meeting neih a ni a. Thurel tlangpui te:-
   
    1. Mualzawla Waiting Shed kan sak chu Local Council-in Local Council Office sak nana an hman tawh tur thu kan dawnah, OB nen sawihova en ho nise tih a ni.
    2. Kulikawn Taxi Welfare (Ngaizel Road)-in tun inrinni lo awm tur zan inkhawm bana Assemble neih paha hruaitu inthlan nana YMA Hall hman an dil chu, an dil angin remtihsak an ni.
    3. Central YMA atanga YMA Annual leh leh Central Budget bakah information dang kan dawn chu bawhzui nise tih a ni.
    4. Information Amplifier a \hat loh thu dawn a ni a, siamtir vat nise tih a ni a.
    5. LAD Park-a kan duty hlawh chu ` 10,000/- dawng tura tih kan ni a. A hmain OB Meeting-in ` 30,000/- tal a ni tur a ni a lo tih tawh angin `10,000/- chu dawn duh a ni lo va. `10,000/- dawn ai chuan pawisa hi dawn loh law law a, hnatlang anga kal mai tha kan ti.
    6. Thlanmual II kawng laih dan report kan ngaithla a. Kawng laihtir (Cancel leh tak) avanga harsatna awm thei tur anga sawi chu a hmunhma enfel a nih hnuah harsatna awm lo turah ngaih a ni.

******************************************************

JOINT MEETING NEIH A NI

    Jan. 30, 2019 tlai lam khan Hlimen Branch YMA OB leh Local Council Joint Meeting neih a ni a. Rorelte :-
    1. Mualzawla Waiting Shed, Indoor Stadium bula mi hi \hiah a, Local Council House sak tur thu-ah, Feb.2. 2019 chaw eikhamah Local Council leh YMA Committee-te nen \hiah ho tur a ni a, hmanraw hlui hi YMA kutah a awm ang.
    Tunah hian Garage atana hmantir mek a ni a. Heta lirthei dahtute hian Garage an neih rih dawn loh avangin hun engemaw ti chhung lirthei an dahna turah hriatthiam rih an ni ang.
     Local Council House hi chhawng hnih ang deuha sak tum a niin, a hnuai hi Pavillion anga hman theih tho tura plan a ni.
    2. Information Mike siam\hat tumnaah thawhho tum a ni a. Local Council-in sum an tum ang a, YMA-in a siam\hat hna a thawk ang

PAGE - 2

EDITORIAL :

Hawihhawmna
    Rual û ten Zonunmawi hnam rohlu tia vawi duai lo lehkhabu-ah leh chanchinbu-ah te an lo sawi \hin chu: aia upa zah thiam, tlawmngaihna, huaisenna, dikna leh rinawmna te hi hawihhawmna chuan a pum bilh vek a, a pawimawhna leh hlutna pawh a intluk tlang hle. He nun hian zofate nunah hian hmun a chang pâwn ta deuh em aw...ka ti \hin. Kohhran a ni emaw, pawl party leh Association a ni emaw; Committee nikhua changte hian upa zawkte zahthiam tak an vang ta, a naupang zawkte \awng tam tam leh \awng chak chak an nih thu kan hre fo ta mai.
    Hengte avang hian em ni ang hnam dang ten an sawi ve ngai loh ‘Târ ã’  mizo ten kan tih fo chhan hi aw..! ka ti \hin. Kan in\henawm khawven dante hi;  \henawmte tai ran, an tana mit tikham nih hreh miah lo, vantlang leh mipui pawh zah zo lo khawpa hawihhawmna tlachham kan va pung ta em! Tlawmngaihna, taimakna, rinawmna, dikna, kan Kristian thu zirtirna nen pawha inmil lutuk mai neitu zingah hian hawihhawhna hian hmun a va chang tlem ta em.  Aia upa zahthiamte, tlawmngaihna leh dikna, rinawmna leh thu dika din ngam tlatna te hi zo nun leh khawtlang, ram leh hnam timawitu hnam rohlu chu a ni a, chu chu hawihhawmna hi a ni.
    Mi hawihhawm ni tur chuan aia upa zah thiam mi nih te, tlawmngaihna leh taimakna te, rinawmna leh dikna te hi nunphungah a beh tel tlat a ngai a ni.
    Thatchhia leh rinawm lo,  mi dawihzep tan chuan hawihhawm hi lung bang sut ang hiala harsa a tling a ni. Mifing leh changkang a piang an hawihhawm a, an bula chen a nuamin a hlimawm a, a hahdamthlak \hin. Mimawl apiangin hawihhawmna an tlachham a, aia upa zahna an nei lo bawk, an thatchhiain an bula chen a hrehawm \hin.

KAN THEN TAK

 
PU Lal|hakima (59)

    Pu Lal\hakima hi Pu Zorammuana (L) leh Pi Nubuangi-te fa hming koh niin June ni 21, 1960-ah Durtlang Hospital-ah a lo piang a, an unau hi mipa pathum leh hmeichhia pathum an ni.
    Kum 1986 khan Lalngheti d/o Phirthanga (L), Hlimen nen an innei a, fa hmeichhia pali leh mipa pakhat an nei a, tu pathat an nei bawk.
    Pu La\hakima hi kum 3 a nih a\angin a nu û – Pi Khuaikaiin a puitlin thlengin a enkawl a. Zirna lamah hian Boys Primary School leh Middle School, Sikulpuikawn-ah a kal a. High School hi Hlimen-ah kalin heta \ang hian HSLC pawh \ha takin a pass a ni. Hemi hnu hian Shillong-ah Cartography kum hnih chhungin a zir zo leh a ni.
    Pu Lal\hakima hian July ni 19, 1985-ah Land Revenue & Settlement Department-ah Cartography hna thawkin a lut a. Hmun hrang hrangahte a awm kual hnuin tuna a thawhna Directorate Office-ah hian a thih ni thlengin a thawk ta a ni.
    Pu Lal\hakima hi a \hat laiin a phak ang tawkin Kohhranah a inhmang ve \hin a. Hlimen Branch KTP-ah pawh Committee Member nihnate neiin hruaitu hlui chawimawina pawh a dawng ve tawh nghe nghe! Kum 2012-ah Pathianah lawmna thar dawng lehin a dam phawt chuan Kohhran inkhawm leh zing \awng\ai inkhawm pawh a pelh ngai lo va. Kohhranah hian Puitling Sunday School \antu nihna chelhin a thih ni thlengin he chanvo hi a chelh a ni.
    Pu Lal\hakima hi mi hrisel tak a ni \hin a, insawiselna pawh a nei ngai meuh lo. Amaherawhchu, kum 2012 September-ah a hrawk lamah nawmsam lohna a neih avangin Damdawi Inah a inentir a. Hetah hian hrawk cancer a ni tih hriatchhuah a ni a. A dam leh theih nan kawng hrang hranga inenkawlin Chemo leh Radiation-te lak a ni a, engemaw chen chu ziaawm lam panin Office lama a hna pawh \ha takin a thawk leh thei a ni. Kum 2017 December-ah a natna hi a biangah rawn lang chhuak lehin theih ang tawka inenkawlin August, 2018-ah TATA Hospital, Mumbai panpui a ni a. Hemi hnu hian \hat tak tak nei tawh lovin In lamah leh Nazareth Hospital, Chaltlang-ah enkawl a ni a. In lamah theih tawka enkawl a nih laiin January ni 25, 2019 (Zirtawpni) hian a natna lo zualin Nazareth Hospital, Chaltlang-ah admit leh a ni a, Doctor leh Nurse te’n theih tawp chhuahin min lo enkawlpui a. Amaherawhchu, a natna hian \hat lam pan lovin, February 1, 2019 (Zirtawpni) zing dar 12:30 khan Lalpa hnenah min lo chawlhsan ta a ni.

Advertisement....

PAGE - 3

HRIATTIRNA :

H.S.A  Hriattirna
    Jan. ni 22, 2019 a Hlimen Sa zuar Association Executive Committee chuan kum 2019 chhung atan HSA member nihna hun a hawng leh ta a, Member ni duh tan Pi Zodinmawii leh Pu Lalremthanga te hnenah February thla chhung ngeiin ` 100 pe a in report tur a ni.
    Tin, vawk talh tur ten Pi Zodinmawii Ph. 8974745306 hnenah dawhkan Fee ` 50 pe lawkin in report \hin tur a ni. Hei hi February thla a\anga hman \an nghal tur a ni ang.
    Sd/- Lalremthanga
    Secretary, HSA

Hlimen Civil Pensioners hriattirna
    Kan sawrkar chuan pensioners te tan 7th Pay Revision zulzuiin pension a tipung ve dawn ta a. Kum 2015 December ni 31 leh a hma lama pension te, Tresury a la mek te, Branch-a member ni mek te chuan tun kar chhungin mahni pension lakna bu (PPO) Pu Lalngaihzuala, Vengthlang hnenah thehluh vek tur a ni e.
    Sd/- Ro\huama
    Secretary, HCPA
    Mb:8415921549

CONSTRUCTION WORK SUPERVISOR TRAINING
    Central YMA leh Mizoram State Entrepreneurship Development & Monitoring Committee (MEDMOC), Planning & Implementation Department \angkawp chuan Construction Work Supervisor Training a buatsaih leh dawn a. A hnuaia tarlan ang hian dil theih a ni.
    1. Dilna hi General Secretary, Central YMA address-in thehluh tur a ni.
    2. Dilna hi plain paper-ah ziakin dil tur a ni a, Branch YMA hriatpuina lehkha thil tel tur.
    3. Dilnaah - Hming, Pa Hming, Kum, Thiamna (Ednl. Qualification), Contact No. tarlan tur a ni.
    4. Dil thei chin : HSLC pass chin tan dil theih a ni a. HSLC pass lo, mistiri lama tawnhriat nei, hetiang lama tui mi tan pawh dil theih a ni.
    5. Dt. 15.2.2019 thleng dilna hi CYMA Office, Tuikhuahtlangah theh luh theih a ni.
    6. Dr. 16.2.2019-ah Personal Interview neih a ni ang.
    7. Dt. 19.2.2019-ah hawnna neih tur a ni.

CAMPING  HRIATTIRNA
A hun : 4-9th Feb, 2019 (tlai dar 3 atangin)
A hmun: Together in christ Camping Centre,                         Melthum.
Speaker: Evan C Rohmingliana, Evan Lalngaihawma.
Buatsaihtu: Metanoeò Evangelical Team (MET)
    Fee ken a ngai lovang. Hrechiang duh tan Contact: 9366789780/ 9862324928.

LAWRKHAWM :

PCHZS  HRUAITU THARTE
    Phunchawngzawl Zau Society chuan Jan. ni 20, 2019 khan inthlan thar lehna neih a ni a. Chung thlanthar te chu:-
    Chairman    :    Pu Rochhunga
    V. Chairman    :    Pu Vanlalnghaka
    Secretary    :    Pu Than\huama
    Asst. Secy    :    Pu Hmingthansiama
    Tresurer    :    Pu Vanlal\ana
    Finance Secy    :    Pu Zothanmawia
    Adviser    :    Pu K. Pakunga
                Pu Remliana
    Sd/-Secretary
    Phunchawngzawl Zau Society

E-Roll Revision
    Jan. 29, 2019 (Thawhleh ni) khan Electoral Roll Revision (Hming paih, belh leh insawn) chungchangah NGO a\anga enpui tura ngenna kan dawn chu Revision neihah Branch YMA Office Bearer te'n an enpui a. Hming paih, belh leh insawn hnuah Voters 55-in kan pun belh.Hetihrual hian, vote nei pha si, dilna thehlut lo erawh kan la awm ta fo mai.

SA ZAWRHNA in SA
    Jan. ni 28, 2019 (thawh\anni) a\ang khan Local Council chuan Quarry-ah sa zawrhna hmun a sa \an ta a, a sak hna hi tluang taka a kal a nih chuan thla thar a\ang chuan luah thlak theih beisei a ni. Local Council leh Sazuar Assn. in ruahmanna an siam angin he lai hmun hi sa zawrhna atan hman tawh tur a ni ang.

YMA member lak
    Febuary 2019 chhung hian Hlimen Branch YMA chuan Membership Fee a la leh dawn a. Mizo ni tawh phawt kum 14 chin chunglam chu Member a nih theih a, Membership Fee hi mi pakhatah ` 5 a lak tur a ni.

Thlanmual Sub-Committee thuchhuak
    Thlan siam tuten thlanmual waiting shed a thlan siam dan tur an tar(a vang 3 leh a dung fit 7 )ang hian siam tur a ni a, eng emaw harsatna a awm a nih chuan Thlanmual sub-committee te hriattir tur a ni, hriattir bawk silova mahni duhthu a kan lo siam a nih chuan kan in \hiah tir leh a nih pawn kan sawi buai thei lovang. Tin, chhungte thlan a bul hauh kan ching \hin hi tih tawh loh nise.
    Sd/- Secretary

Road Protection
    Kum 2019 Hlimen Road Protection hruaitute atana ruat tharte:
    Chairman    :    Pu Lalhmingliana LC(DV)
    V.Chairman    :    Pu Lalhmuchhuaka (BS)
            Pu Robuanga (BS)
    Secretary    :    Pu Lalrinmawia (SC)
    Asst. Secy    :    Pu R.Lalchhandama (DV)
    Treasurer    :    Pi Zonunkimi (SC)      
    Fin. Secy    :    Pu Hmingthanzama (SC)

PAGE - 4

KEIMAHNI :

Hlimkhawpui Budget
    Hlimkhawpui  November & December 2018  thla Budget  pe tla tawh te:
1.    Saichhuma Sec.    2. Buala Sec.
3.    Kapdaia Sec.    4. Damvea Sec.
5.    Lalsavunga Sec.    6. Vawmphunga Sec.
    Buala Sec. ten August thla thleng Budget an tlak fel ta a, Kapdaia Sec. leh Lalsavunga Sec. ten Jan. & Feb. thla an tlak fel ta bawk.

Bungrua lei
    Branch YMA chuan chhiatni/\hatni a hman turin Dekchi lian 2 leh ruai\heh nikhua a chawhmeh/chaw chhawpna tur Steel chawhtawlh 10 leh a suahna tur fian 10 lei a ni bawk.

CAB boycott-ah tel
    Jan. Ni 26, zing kar a CAB 2016 duhlohna lantira Republic Day boycott-naah kan branch pawh kan  thawkchhuak a, mi pakua, Pu Robuanga, Pu J. Vanlalbiakdika, Tv. R.Lalrindika, Pu RC Lalroliana, Pu Lalrinmawia, Pu Zolianchhunga, Pu Lawmtluanga, K. Lalremruata, Pu R.Lalremruata (DV) te an kal. Dak In Pui bulah duty-in, heta tanga Republic Day hman  tum te an lo dang a, he hmuna duty te hi Aizawl chhim lam branch te an ni.

Pe fel ta
    Hlimen Branch chuan Central a kan Budget  `11000 leh Annual Fee `200 chu Jan. ni 29, 2019 khan pek fel a ni ta.

Kawnglaih en ho
    January ni 28, 2019 khan Branch Exe. Committee te chuan Thlanmual II chhunga kawng laih an en a, ruahmanna te pawh an siam nghal bawk a ni.

Saichhuma Section hriattirna
    Venglai kawn a awm te’n mahni bawlhhlawh te mahni a lo paih \hin turin kan in ngenin kan in hriattir a, mahni bawlhhlawh te Sec. tih atan lo dah \hin kan awm tih hriat a ni a,bawlhhlawh paih turte venglai khawi maw lai a lo dah khawm tawh lo hram turin kan in hriattir a ni e.
      Sd/- Secretary,
    Saichhuma Sec. YMA

Advertisement....

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

(6-3) VL-a, Ph.No : 9402344486, 9615266170

Computer Admission Open
    Heng Course-ah te hian Admission hawn mek a ni :-
    CCC                              3 Months
    CCA/DCA 1st Semester 6 Months
    DCA 2nd Semester        6 Months

Special Offer
    Kumin chhunga kan hnena zirte an zirman fee 30% course an zawh hunah kan pe kir leh dawn a ni.
   
    Contact : City Computer Centre
    Mission Veng Bazar, Near Taxi Stand
(10-3)    Ph. 9089527410/9615971078

Keimahni Chhunzawmna......
Chhiatni  Fund tuk
    Tarlan tawh angin kumin chhung atan chhungtinah Chhiatni Fund khawn leh a ni dawn a. Kan khawtlangah chhungtinte khawsakna a in chen  loh avangin kan thawh theih tawk ang zel tura rin anga kan thawh dan tur hi intuk \hin a ni. Feb. ni 1, 2019 (Zirtawpni) zan (khawhar in ban) khan Section hrang hrang hruaitu te leh Branch hruaitu ten chhungtinte Chhiatni Fund hi an tuk a ni.
    Chhiatni fund hi a hlu a, kan mamawh \heuh a, pe thei vek zel ila, he fund a\anga chhawmdawlna kan dawng lo a nih chuan thil lawmawm leh vanneihthlak tak a ni thung a ni. I ngaihlu deuh deuh ang u.

CENTRAL YMA CHETVELNA
28.1.2019 : Aizawl Press Club-ah Central YMA OB te an leng a, 70th India Republic Day, 2019 NGO Co-ordination Committee in a boycott thlirletna hun an hmang.
28.1.2019 : Minister, Environment, Forest & Climate change Pisa-ah Sub Committee on Fire Prevention Meeting neih a ni a, Tv Lalhmachhuana, General Secretary a tel.
29.1.2019 : Central YMA Office-ah NGO Co-ordination Committee Meeting neih a ni a, Central YMA OB te an tel.
29.1.2019 : Central YMA-in Airfield Branch YMA OB Adhoc-a a ruat, an VCP-in inthlang tura a lo hrilh chungchangah hma lo la chhunzawm lo tur leh Adhoc-a ruat OB te pawh an nihna chelh chhunzawm tura hrilh turin CEC a\angin Pu Lalhmangaiha, Pu K. Lalthanmawia, Pu K. Darthantluanga leh Pu Vanlalmuana ten Airfiled Branch YMA an tlawh.
30.1.2019 : Lusei Literature And Culture Association, Tahan- Kalaymyo hruaitute Central YMA Office-ah an rawn leng a. Pu Vanlalruata, President, Pu R. Lalngheta, Vice President, Pu Peter Chhakchhuak, Asst. Secretary, Pu Lalrochuanga Pachuau, Treasurer, Pu M.S. Ralte CEC, Pu John Kima CEC ten an lo dawngsawng.
1.2.2019 : Director, Art & Culture Deptt. Pisa-ah Chapchar Kut Programme Sub-Committee Meeting neih a ni a, Pu R. Lalngheta, Vice President, T. Lalhmachhuana, Gen. Secretary, M.S. Ralte CEC, Pu K. Laldawngliana CEC te an tel.
1.2.2019 : Ruihhlo Do-na atana Central YMA-in Sumo a lei thar chu a \ul anga hman theih turin Pu Vanlalruata, President-in a hawng.