Nikir tha (June) NJi 29, 2019, Issue No. 26

PAGE - 1

TUALCHHUNG :

Damlo: Pi Rosiamliani Buala Sec. a mi chu a ban ruhtliak avanga Civil Hospital-ah zai niin  June ni 27, 2019 khan a lo chhuak leh ta.

##    Pu H. Hautluanga H/o Lalkhawngaihi Buala Sec. a mi chu taksa chaklohna avangin Nazareth Hospital, Chaltlangah Admit niin enkawl mek a ni.

##    Nl. Lallawmsangi D/o Lalngaihawma, Damvea Sec. a mi chu khawsik avangin UPHC Hlimen-ah June ni 28, 2019 khan Admit a ni.

Nau nei thar: Pu Lalbiaksanga leh Pi Lalrinpuii te nupa Saichhuma Sec. a mite chuan June ni 24, 2019 khan State Referal Hospital, Falkawnah fapa duhawm tak an nei thar.

##    Pu Lalruatdika leh Lallawmawmi te nupa Vawmphunga Sec. a mi te chuan June ni 23, 2019 khan State Referal Hospital, Falkawnah fapa duhawm tak an nei thar bawk.

Tuak thar: Remruatkima S/o Zosangliana, Buala Sec. a mi leh Lalrozami D/o Lalzedinga Saitual te chuan June ni 28, 2019 khan dam chhunga nupa ni turin ‘tiam tlat e’ an ti.

Hma la chhunzawm zel :    June ni 22, 2019 a\ang khan Local Council chuan Quarry a infiamna hmun a laih zawl chu a chhunzawm leh ta a, JCB hmanga lei laih a ni avangin leivung a chhuak chak hle a, hemi ni hian lirthei 24 vel lai mai chuan leivung paih hnatlang an nei a, kan venga lirthei hnatlang tam ber \um pawh a ni hial awm e. A ropuiin chhinchhiah tlak tak pawh a ni awm e. Tlawmngaia lirthei thawhtute chungah Local Council chuan lawmthu a sawi tak meuh meuh a ni.
    Hna hi thawh chhunzawm chhoh zel ni a, June ni 27, 2019 khan lung lian hmanga a dawlna/dawmna siam \an a ni.

HEADLINE :

Inter Branch Y.M.A. Football
Kick-Off a ni ta
    June ni 28, 2019 (Zirtawpni) zan khan CYMA Hall Tuikhuahtlangah Inter Branch YMA Football Tournament Kick-Off hun hman a ni.
    He Kick-Off hun hi Pu Peter Chhakchhuak, Asst. Secy. Central YMA in a kaihruai a, Central YMA Zaipawl thiam tak mai leh malzai ngaihthlak a ni a, kalkhawmte mit leh beng a tlai hle.
    Pu Lalruatkima, Minister Of State chuan thusawina hun tawite hmangin Suzuki Gixxer SF 250 Inter Branch YMA Football Tournament chu Kick-Off hun a hmang. Tin, he Tournament Sponsor-tu Suzuki Dealer lam chuan Fixture leh Prospectus tlangzarhna hun an hmang a, Pu Lalramzauva Technical Secy. in Match Commissioner leh khelhna tur Ground pawhtirna hun a hmang bawk a ni. Pu R.Lalngheta, Vice Pre. CYMA chuan thusawina hun hmang lehin kalkhawm ten an hlawkpui hle a ni.
    He hunah hian Hlimen Branch atang  pawhin heng mite hi an kal -  Tv. Lalkhawmawia, Secy., Tv. Lalchhandama (Manager), Pu Lalbiaknunga (Captain), Tv. Lalpekhlua (Asst. Coach)
    Hlimen Branch hian July ni 3, 2019(Nilaini) Dar 1:00 Pm hian Republic Field-ah Edenthar Team te an tum dawn a, tualchhung mipui atam thei ang berin \awiawm turin Branch YMA chuan a ngen a ni.
    Hlimen YMA Football Team Managing Board hetiang hian siam a ni :-

    Chairman    :    Tv. Lalkhawmawia
    Vice Chairman    :    Tv. Lalchhandama
    Secretary    :    Tv. Lalpekhlua
    Asst. Secretary    :    Tv. Lalhmuakliana
    Members    :    Pu Biaknghinglova, Pu Lalbiaknunga, Pu Jerome Lalduhbika, Tv. Zonunsanga, Tv. R.Lalchhuanawma, Tv. Vanlalnghaka, Tv. Christopher Lallawmsanga, Tv. Lalruatkima, Tv. Zohlimpuia

Coaching Staff :
    Manager    :    Tv. Lalchhandama
    Asst. Manager    :    Tv. Lalruatkima
    Coach    :    Tv. R.Lalchhuanawma
    Asst. Coach    :    Tv. Lalpekhlua
    Physio    :    Tv. Vanlalnghaka

PAGE - 2

EDITORIAL :

THIAN THA
    Hlimna leh harsatna hi mihring nun a in thlen chhawk reng a ni a, tumah kan hlim reng thei lova, tumah lungngai a kun reng kan awm ngai hek lo. Buaina leh harsatna ruam a kan awm lai leh dinhmun \ha leh duhawm a kan din lai hian \hian \hate an hlu hle \hin.
    |hian \ha kan tih te nen a kan in\hian \hat nachhan hi tam tak a awm thei ang. Sum leh pai vang te, hnathawh in an vang te, duhzawng in an vang te pawh a ni thei a. Mahse, hetiang in \hian \hatna  hi chu a ral leh duh khawp mai. |hian \ha tak tak erawh chu harsatna kar a\angin a lo parchhuak \hin a, \hian \ha chuan kan \ahna atan koki min dawhsak \hin. Chutiang \hian awm theihna chhan bulpui ber leh in nghahna lungphum chu rinawmna a ni.
    |hian rinawm lo chuan ama hlawkna tur a nih chuan  thihna hial pawh kan chungah thleng dawn mah se a beng  chhu chhet tlat a, a tana \ha tur a nih phawt chuan a sahuai kal ngut ngut \hin. |hian \ha erawh chuan \hiante \anpui an ngaihna zawnah a phak tawk leh theih ang tawk chhuah turin a inpeih reng a, tin, a \hian chu a fellohna kawngah a rukin a zilh a, midang hnenah erawh a fak thung \hin.
    Nula in tlangval tam tak zinga hmangaih bik a nei ang hian \hian bul nghet tak pakhat tal chu kan nei ngei tur a ni. Kan \hian \ha te hi kan purchawkna chauh an ni lova, min tizahawmtu leh unau tluk a kan tana Pathian min pek a lo ni.
    Khawvelah hian min hmangaihtu te tluk a hlu an awm lova, min hmangaihtu te bulah chuan chetsual a awm thei lova, kan chhiat lai ber pawhin \anpui kan ngaihna zawnah thla an zar reng a, lawmna leh hlimna kan chan chang pawhin keini ai maha lawm zawkin an lang \hin. Chutiang mi chu  |hian |ha an ni chiang khawp mai. Nang, i \hian te tan eng ang \hian nge i nih ve le?

ZIAKTUTE HUANG :

NUNGCHA LEH RAMNGAW HUMHALH
- Thelma R. Zonunmawii
Ist Position, YMA Day 2019 Essay Inziahsiak

    Khawlum uap churh hnuaia hna thawk tura chhuah zet hi chu a manganthlak a ni. He khawlum vanga mihringte tawrh nasatzia leh mihringten buaina kan hmachhawn nasatzia hi i chhut ve ngai em le. Nun hi a buaia a, a nuam lo a, fan leh air conditioner hnuaiah lo chuan hlimna a kim thei lo a nih hi. Tu fa mahina an hriat loh ni bik silo hian khawlum zia kan inhrilh tawn seka, chumi avanga khawlumin ziaawm lam a pan phah thu hriat a ni zeng si lo. Boruak thianghlim, thiang nuam leh dai raih mai ngaiin kan kur kankur \an chu a nih der hi.
    Chutiang karah chuan awm mah ila Pathianin boruak \ha leh thiang tak min pe turin ramngaw min lo pe reng mai a. Chu 'Ramngaw' chu thing leh mau hmun, nungchate inhumhimna leh an tualchaina, an tana hmun nuam leh mamawh tinreng an hmuhna hmun a ni a. Ramngaw ah chuan thing chi hrang hrangin rah an chhuah a, chungte chu chungleng sava te leh leia bawkvaka kal te tan buhzempui a ni. Thing leh hnim chi hrang hrangte par chhuahna hmun a ni a, a par zu tlan \hin phengphehlep leh khuai te tan eden huan mawi tak a ni.
    Kan ramngaw te hi mihringte hian kan eizawnna avangte in kan ti chereu nasa hle maia. Shifting cultivation kan tih mai, lo neihna sawn reng mai te, hnim hring ei chi ran vulh vang te, tunlai hmasawnna industrial development kan tih te leh mihring pun chak avangte in kan ramngaw neih te humhalh a lo har chho zel a. Bungraw chi hrang hrang siamna atan thingkung tam tak kan suat bawk nen, ramngaw pawimawhna lam aiin ramngaw a\anga kan neih theih sum leh pai hian min buk nasa zawk si a. Hei vang hian ramngaw pawimawhna hi a bul a\anga kan inhrilh \hat leh a, kan in zirtir nawn mawlh mawlh a ngai a ni.
    Thingkung hian leihnuaia a zung hmangin lei sakhat a?anga a kehnawi mai tur a veng a, lei chunglang \ha kalral mai tur te a veng nasa em em a, chuvang chuan leilung a tinghetin a ti\ha a, leimin lakah min veng \hin a ni. Kan thing leh mau te a lo tlem telh telh avangin lei a lo hnip a, pawt nghet tu a lo awm tak loh avangin leimin hlauhawm tak takte kan lo tawrh phah ta a nih hi. Kum 2014 a Maharashtra a Malin khua a leimin nasa tak thleng, mi sawmpasarih velin an thih phahna kha mithiamten an zir chian na ah chuan ramngaw tih chereu vang leh lung lak vang a nih thu an sawi a ni. Ramngaw kan humhalh loh chuan khawvel hmun hrang hrangah hetiang harsatna hi kan tawk zel ang.
    Damdawi leh chemical chi hrang hrang hman ngai lova tui thianghlim min petu ramngaw hi i humhalh ang u.  Ramngaw hian leia thil \halo awmte chu hip khawmin, ruahtui luangral zung zung tur alo timuanga, lei chhungrilah tui luanluhtirin tui chu Pathianin a siam dan phung pangngaia thlitfim a lo ni ta a ni. Tui thianghlim kan hmuhna ramngaw hian humhalh a phu a, siam belh pawh a phu a ni. Tin, ramngaw hian damdawi chi hrang hrang min pe bawk. Heng natna chi hrang hrang: malaria, zunthlum, awmvel leh tangseh damdawi te hi ramngaw a thingkung leh hnim chi hrang hrangin min pek an ni a. Ramngaw hi kan damlohna ti damtu, kan mamawh min petu a ni tih hi i theihnghilh ngai lo ang u. Kan humhalh a kan venhim loh chuan heng thil ?ha te hi kan la chan thuai dawn.
Remchang hmasa-ah chhunzawm a ni ang...

PAGE - 3

HRIATTIRNA :
LOCAL COUNCIL HRIATTIRNA
    June 2019 Bawlhhlawh paihna fee khawn \an a lo ni leh ta a, a khawntu lo kal huna pe thei tura lo inring turin chhungtinte kan in hriattir e.
    Tin, vengchhungah insa thar kan awm chho ve ta zel a, a lawmawm hle. Chutihrualin, Electric hrui tawh palh avang a chetsualna tawk kan awm fo avangin kan lo him zawk nan leh chhiatna lian zawk a chhuah loh nan thirhrui  hnaih lutuka insa lo turin kan in hriattir bawk e.

                           Sd/-Lalhmingliana,
                     Chairman LC

Buhfai  lak hun
    Ration buhfai a lo thlenin a thlen atanga ni thum chhungin sem a ni \hin dawn a, sem hunchung a la hman vek tura hriattir kan ni e.
    Lak hun - 6:30Am - 5:00 Pm a ni ang.

Trainning duh tan
    Central YMA, Mizoram Florist Assn. leh MEDMOC, Planning & Programme Implemenation Deptt. Govt. of Mizoram \angho buatsaihin 17-19.7.2019 chhung hian Central YMA Hall-ah pangpar khawi leh enkawl dan inzirtirna buatsaih a ni dawn a, a dil duh chuan July ni 12, 2019 ralhmain Branch YMA Secretary TV. Lalkhawmawia hnenah in hriattir tur a ni e.

G&SA NGENNA
    Hlimen hming a infiamna lam a lawmman kan lo lak tawhte, a theih chen chen lakkhawm a tum a, hetah hian Bel/Dekchi tih angreng a\ha emaw, a chhia emaw khawnkhawm a nakin zel atan GSA Office ah vawn \hat a ni ang, lo kawl \ha kan awm emaw a awmna chin hria chuan GSA Secretary hnenah hrilh hram turin kan in ngen e,  mamawhtak a lo hmang kan awm anih pawhin a mah ang hu thildang in kan thleng sak thei e. Tin, nakum hi GSA din kum 50-na (Golden Jubilee) a ni a, ropui tak a lawm a hruaitu hlui chawimawina te neih tum a ni, GSA OB lo ni tawhte GSA Secretary hnenah in report turin kan in ngen e.

    Sd/- Lalmuanpuia
    General Secretary  

Advertisement...

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

  (10-9)        VL-a,
        Ph.No : 9402344486, 9615266170

LAWRKHAWM :

Road Protection hmalakna
    Road Protection Committee chuan vengchhung kawngpui a lo thawl nawm a, mipui te kan him zawkna atan hma a la zel a, karhmasa zirtawpni zan leh Pathianni kalta zan khan Traffic lam hotute nen kawngpui kama zan riaka lirthei dah te dapchhuah hna an thawk a,  zanriaka kawngpui kama lirthei dah te chu  Clamp hmanga cheh a ni a, lirthei 23 lai man a ni. Kan khawtlangin rahbi thar kan kai chhoh zel nan Road Protection Committee chuan theihtawpin hma a la zel dawn a ni.
    June ni 28, 2019 (Zirtawpni) zan khan Road Protection Duty te chuan heng ahnuai a tarlante hi an man a, mante hian Local Council Office-ah July ni 3, 2019 ral hmain insawifiah tur leh an fine te pe tura hriattir an ni a, huntiam chhunga an ti lo a nih chuan thuneitu lam hnenah thlen an ni ang.
    MZ 01 J 1428 (TAXI) Thelretkhawn a mi
    MZ 01 F 7318 (LPK Tipper) YMA Hall bul a mi
    WB 06 7368 (CAR) Damveng Biak In bul a mi

Lawmthu sawina
    Local Council hmalakna-in Volley Ball Court tur siam mek a nih chung changah Hlimen Volley Club te chuan lawmthu sawi kan ba nasa em em a. Hemi atan a hma la a tha thawhtu Local Council te leh leivung paihtu Hlimen 407 Association te chungah Hlimen Volleyball Club te chuan lawmthu kan sawi tak meuh meuh a ni.
    Sd/- Secretary
    Hlimen VolleyballClub

Thingphun hnatlang
    June ni 18, 2019 khan Quarry chim area ah thing phun hnatlang neih a ni a, thing zali chuang phun a ni. Thing \iak te hi Kawngchhak lam leh kawng thlanglamah phun thar a ni.
    Zingkarah a phunna tur samfai niin a theih theih phun nghal a ni a, zingkarah zawh mai theih a nih loh avangin chaw eikham lamah thingphun leh a ni a, thing chi hrang hrang - bunglam chi leh hnah thlakawlh lo chi te phun a ni a, heng thingphun te hi kan khawtlang chei mawi a, boruak \ha min la siam belhtu tur a nih avangin an damkhawchhuahna tichhe thei zawnga khawih lova, dim leh duat taka kan enkawl a pawimawh hle dawn a ni.
    He thing phun hnatlang hi Local Council , Branch YMA , MUP unit leh  MHIP Branch te koh niin member thawkchhuak an \hahnem hle a ni.

YMA DINHMUN TLANGPUI
    Young Lushai Association (YLA) hi kum 1935 June 15 khan kan Zosap Missionary ten Aizawl Gorkhali Sikul-ah an lo din a, President hmasa ber chu Rev. L. Evans (Pu Niara) a ni. Kum 1947 khan YLA chu Young Mizo Association (YMA) tia thlak a lo ni ta a ni. Tun dinhmunah hian YMA hi Mizoram, Assam, Manipur, Tripura, Meghalaya bakah Bangladesh ah te a ding mek a ni. Aizawl-ah Headquarters neiin, Central YMA tih a ni a, Sub-Headquarters YMA panga (5) - Lunglei, Champhai, Kolasib, Serchhip leh Mamit-ah te a awm a, Group YMA 47 (+1 Tlabung) awmin Branch 803 a awm mek a ni. Aizawl khawpui chhungah hian Branch 100 awmin Central YMA-in Direct-a a awp Branch 5 a awm. YMA member hi 427393 (Mipa - 254944, Hmeichhia - 172449) kan awm mek bawk.

PAGE - 4

KEIMAHNI :

Hlimkhawpui Budget
    Hlimkhawpui  May & June 2019  thla Budget  pe tla tawh te:
1.    Buala Sec.    2. Kapdaia Sec.
3.    Vawmphunga Sec.    4. Saichhuma Sec.
    Buala Sec. ten kumin chhung Budget an tlak fel ta bawk.

Kumpuan Committee
    June ni 26, 2019 zan khan Kumpuan Sub Committee chuan hmalak zel dan tur leh vengchhung himna atan hmalakna tur hrang hrang te ngaihtuahin meeting an nei a, ruihhlo leh suahsualna do kawnga thawhpui atan khawtlang mipuite an sawm tak meuh meuh a ni.

HLIMKHAWPUI LAK DAN
Section             Copies    Agent
1. Buala           150    Jerome Lalduhbika
2. Damvea       150    Laltlankima
3. Kapdaia        140    Lallawmsanga
4. Lalsavunga    43    John Vanlalpeka
5. Saichhuma    129    Laltlankimi
6. Vawmphunga    68    Zoramdini
    Hlimkhawpui la thar duh leh chanchinbu chung changa harsatna nei chuan mahni awmna Sec. Agent te hi biakrawn \hin tur a ni e. Tin, Agent te hi tualchhung thuthar lakkhawm chung changah mahni Sec. huamchhung \heuhah \an la lehzual turin kan inngen e.

Advertisement...

KAWI KHA  KHAWI KHA
ELECTRONICS BUNGRUA CHI HRANG HRANG BAZAR RATE AIA TLAWMIN I INAH KA RAWN DAH THEI E.
1. SMART TV (Company hrang hrang)
2. Fridge (Single door, Double door, Side by Side, Deep Freezer, Vegi Cooler)
3. Washing machine (Top loading, Front loading, Fully Automatic)
4. Inverter, Inverter Battery, Motor Battery, Microwave Oven.
Heng ah hian mamawh i neih chuan Bazar rate aia tlawmin i inah ka rawn pe thei che, Company duh bik neih pawhin eng Company pawh i duh ang ka rawn dah thei e. Mi rinawm chu Samsung leh Panasonic-ah Installment in ka pe thei bawk e.

(4-4)  Siampuia Khiangte, Hlimen.Venglai, Ph: 9863-457-800

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                              Ph.No
(20-12)                                          9436199884, 9862476439

INFIAMNA :

    Inter YMA Branch Football
    Pu RC Lalroliana, Treasurer Branch YMA chuan Inter Branch YMA Football Tournament a kan Branch YMA team Jersey haktur leina atan ` 9000 lai a thawh a, tin, Lalkhawmawia, Secretary Br. YMA pawhin ` 1,000 a thawh bawk a, an chungah Branch YMA chuan lawmthu a sawi tak meuh meuh a ni.
    Hlimen YMA Football Team te hian ngawrh takin practice an \an chho tawh a, June ni 28, 2019 zing khan Mission Veng Br. YMA nen Hlimen Field-ah Friendly Match an nei tawh bawk a ni.

Keimahni Chhunzawmna.....

CYMA CHETVELNA
24.6.2019 : Chief Minister Pu Zoramthanga chu Central YMA OB ten a Pisa-ah an kawm a, Ruihhlo do kawnga Sawrkar deptt. te nena thawhhona chungchang an sawipui.
24.6.2019 : MZU Zirtirtu zinga Mizo awmte (Mizo Forum) Central YMA office-ah an lo leng a, OB ten an lo kawm a, MZU a thawktute hna hrang hrang laknaah a tam thei ang ber Mizo hnahthlak ngei lak an nih theih nan hmalak dan tur an sawiho.
25.6.2019 : Pu Vanlalruata President, Pu R. Lalngheta Vice President, Pu Peter Chhakchhuak Asst. Secretary, Pu Lalbiakzuala CEC, Pu M.S. Ralte CEC ten Vice Chancellor, MZU chu a pisa-ah an kawm a, MZU a thawk tur hna hrang hrang laknaah a theih chin chinah ram leilungfate lak an nih theih nana hmalakpui turin an ngen.
27.6.2019 : Emarine Kharbhih, Programme Manager, Impulse NGO Network chu Central YMA Office-ah a rawn leng a, Tv. Lalhmachhuana, General Secretary-in a lo dawngsawng a, Human Trafficking chungchang an sawi dun.
27.6.2019 : MZP bultuma Remna Ni hman tur Urlawkna IGNITE Studio, Khatla ah hman a ni a, Pu Lalbiakzuala CEC & Ex-President a tel a, thu a sawi bawk.
28.6.2019 : Room 123, N. Block, Ministry of Home Affairs, GOI, New Delhi-ah Tripura Transit Camp-a Tuikuk awmte Mizorama lak let chungchang meeting neih a ni a, Pu Vanlalruata, President a tel.
28.6.2019 : Asst. Director (M), FCS & CA Deptt. Pisa-ah POL pawlhdal leh tihchingpen chungchang chhui chianga zirchiang tur Special Study Team meeting neih a ni a, Pu H.F. Lalrinpuia, CEC a tel.
28.6.2019 : MZP Gen. Hqrs. bultumin Aizawl Sipai Lammual-ah REMNA NI Champha lawmna programme hman a ni a, Pu R. Lalngheta Vice President telin thu a sawi a, Pu Peter Chhakchhuak Asst. Secretary, Pu Lalrochuanga Pachuau Treasurer leh CEC \henkhat ten an \awiawm.
28.6.2019 : Central YMA bultumin CYMA Committee Room-ah Mizo \awng humhalh kawnga Media a thawkte nena inkawmhona hun hman a ni.
28.6.2019 : ZORO bultumin MZP Conference Hall-ah Mizo Chiefs Council Compensation chungchang inrawnkhawm programme hman a ni a, Pu Fabian Lalfakawma Fin. Secretary a tel.

Nikir thla (June) Ni 22, 2019, Issue No. 25

PAGE - 1

TUALCHHUNG :

Damlo: Ramdinmawii D/o Lalrinawma, Damvea Sec. chu taksa lam \hatlohna avangin State Referral Hospital, Falkawn ah June ni 7, 2019 khan admit niin June ni 17, 2019 khan thisen Unit 3 pek a ni.

##    Nl. Lalhmangaihzuali  D/o C.Laldingliana, Kapdaia Sec. a mi chu taksa lam \hatlohna avangin damdawi in lamah enkawl mek a ni.

Nau nei thar: Pu Lalnunpuia leh Pi Elizabeth Lalvenhimi te nupa, Kapdaia Sec. a mite chuan June ni 15, 2019 khan Civil Hospital, fanu duhawm tak an nei thar. Note nu hi a nauneihna lamah taksa lam harsatna a neih deuh avangin damdawi in-ah hian hun engemaw chen enkawl chhunzawm a ni.

##    Pu Zorinsanga leh Pi Lalremruati te nupa, Damvea Sec a mite chuan an fa pahnihna atan June ni 15, 2019 khan fapa duhawm tak, Aizawl Hospital ah an nei thar.

##    Pu Zorammuana te nupa, Kapdaia Sec. te chuan Aizawl Hospital-ah naute mipa duhawm tak an nei thar bawk.

Ruang chhuak: Pastor Lalramthara, Saichhuma Sec. a mi pa Lianhela kum 70  chu June ni 16, 2019 zing dar 7:30 vel khan a boral a, Sairang lam a phurh thlak niin Branch YMA chuan kuang leh puanin a thlah a ni.

Pemthar: Heng mite hi Hlimen ah an rawn pemthar:
1. R. Lalthangliani te chhungkua, member 4 te chu Chhekhnai, New Serchhip a\anga rawn pem in Damvea Sec. a Pi Thangchungnungi te in an luah
2. Tv. Joel-a, Taithu, Manipur a\anga rawn pem in  Kapdaia Sec. a Pi Rokhumi te inbul ah in a luah a ni
3. C. Hmingthanglura te chhungkua, member 3 awmna chu Khawlian lam a\anga rawn pem lutin Lalsavunga Sec. a Pu PC Lalzuala te in an luah.
4. Lalthantluanga chu Kei\um a\angin rawn pem lutin Kapdaia Sec. a Pu Than\huama te in a luah.

HEADLINE :

Y.M.A. DAY ROPUI TAKA HMAN A NI
    June ni 15, 2019 YMA Day chu ropui taka hman a ni a, chhun lamah Mualzawl-ah hun hman niin zanah YMA Hall-ah Function ropui tak hman a ni.
    Chhun lamah hian YMA Chhang pualin sangharngullawn intihsiakna buatsaih niin YMA chhang te chuan chawnglaizawn leh Cheraw an entir bawk a, YMA chhang pual hian Pu Zoramkalsiama, Saichhuma Sec. chuan lawmman a buatsaih a ni.  Tin, Section hrang hrang mizo hnam lam - chawnglaizawn hmangin inel a ni bawk. Tin chawhnu lamah hmeichhia leh mipa Volleyball final khelh hmuhnawm tak thlir ho a ni.
    Zan lam Programme hi Pu Robuanga, Pre. Br. YMA in a kaihruai a, Pu Lalhmuchhuaka CEC hnen a\angin thusawi \ha tak ngaihthlak a ni. Section hrang hrangte Special Item nei tura tih angin malzai leh lam te thlir ho a ni a, kalkhawmte mit a tlái hle. Tin, Hlimkhawpui Chanchinbu enkawltu ten YMA Day Lady thlangin Citation leh pangpar an hlan bawk. Day Lay thlanchhuahte :-
   
              Lady : Sylvia Lalruatdiki D/o Vanlalruata (SCS)
    Runner Up : Salemtharmawii D/o Zorammuana (KD)
    Runner Up : Lalmuanpuii D/o Zaihmingthanga (DV)
   
    YMA Day puala intihsiakna hrang hrang result puan leh lawmman semna hun hman a, hetiang hi intihsiakna hrang hrang dinhmun a ni :
1. Volleyball (Mipa)    :  
    Gold - Damvea Sec.
    Silver - Buala Sec.
2. Volleyball (Hmeichhia)    :
    Gold - Kapdaia Sec.
    Silver - Damvea Sec.
3. Essay inziaksiak    :  
    Gold - Thelma R.Zonunmawii(DV)
    Silver - Zonunsanga (BS)
    Bronze - Lalmuanawma (DV)
4. Hnam lam    :  
    Gold - Buala Sec.
    Silver - Vawmphunga Sec.
    Bronze - Saichhuma Sec.
    Intihsiakna hrang hrangah hian Damvea Sec. te chuan Gold 2, Silver 1 leh Bronze 1 lain pakhatna an ni a, Buala Sec. te chuan Gold 1 leh Silver 2 lain pahnihna an ni a, Kapdaia Sec. ten Gold 1 lain pathumna an ni bawk. Tin, zan lam Programme-a YMA Member kal tam ber Sec. lawmman siam niin Damvea Sec. te member 51 kalin lawmman hi hlan an ni.
    YMA Day pual hian Local Council, MHIP leh MUP ten ` 1,000 \heuh Day \anpui nan YMA-ah an hlan a ni.

PAGE - 2

EDITORIAL :

Mahni insiamchawp hmelma
    Mitin hian huat zawng leh ngeihzawng kan nei fo \hin, chu chu khawi atanga lo chhuak nge? I ngaihtuah ngai em? a tam ber hi chu mahni insiamchawp hmelma zuk ni tlat a..
    |henawm khawveng ten min ngeih loh nachhan te hi mahni insiamchawp a ni fo mai nia. Mi chanchin emaw, an thiltih emaw a \ha lo zawng hlir a phuah chawp a sawi \hin mi ka nih chuan ka sawina ten an hrilh hun hun chu hmelma ka nih hun chu a ni mai. Chutiang  a lo nih chuan ka hmelma chu kan \awng tam lutuk leh dawt sawi tamin a rahchhuah a lo ni reng mai. Mahni insiamchawp hmelma tih chu hnial thei ka lo ni lo.
    Tin, \awngka ni kherlo pawhin hmelma hi a lo insiamchawp theih tho mai. Tunlai kan khawtlangin malsawmna a dawngin sum leh pai pawh a luanglut zel a, In \ha pui pui pawh a lo ding ta khup mai, a va ropui em!! Engemaw zatin In an sa \an mek bawk. Hengah te hian vantlang leh \henawm khawveng te ram emaw nek leh hnawhchep zawnga In kan din a nih chuan \awng miah lovin, thil tihin vantlang leh \henawm khawvengte chu hmelma ah kan siamchawp a lo ni reng mai a ni. Mahni insiamchawp hmelma tih chu a dik a ni lawm ni?
    Tin, vantlang hmelma a insiamna dang leh chu khawtlang/vantlangin a duh loh leh a remtih loh zawng a ni tih hrereng chung si a pawisakna nei hauh lova khawtlang duh loh leh remtih loh zawnga che lui tlat \hin ka nih chuan khawtlang/vantlang chu hmelma ah ka siam chawp tihna a lo ni reng mai.
    MAHNI INSIAMCHAWP HMELMA han tih ngawt chu dik theiin i hre lo a ni mai thei. Hmelma- i ngei leh i huat zawngte kha han chhut  vang vang teh, nangma zir loh vang atam ve hle lo maw?
    Mihring hmelma chu mihring a ni a, mahni hmelma pawh mahni bawk a nih thu an sawi kan hriat fo \hin kha.

Zirlai hlawhtlingte chawimawina hman a ni
    June ni 20, 2019(Ningani) zan khan Hlimen Branch YMA chuan YMA Hall-ah kumin a HSLC leh HSSLC passed te lawmpuina leh chawimawina hun hman a ni.
    He hun hi Education Sub-Committee Chairman Pu Lalhmuchhuaka’n a kaihruai a, Prof. F.Lalnunmawia, Bialtu MLA chu khuallian a ni a, Nl. Lawmsangkimi Branch YMA Committee Member chuan hunserh a hmang.
    Khuallian Prof. F.Lalnunmawia leh Pu R.Lalngheta , Vice Pre. CYMA te hnen a\angin zirlaite tan thuchah \ha tak tak ngaihthlak a ni a, khuallian hian a term chhunga Hlimen a\anga Central Service a Preliminary a inziak tlingte chu main leh interview-na atana inbuatsaihna kawngah a sponsor dawn tih a sawi. Tin, Pu R.Lalngheta hian Ram leh hnam humhalhna atana \ha ber chu zirna/thiamna a pawimawh ber thu a sawi bawk. Khuallian leh Pu R.Lalngheta te hian zirlai hlawhtlingte hnenah chawimawina an hlan bawk a ni.
    Hemi zan hian Tv. Lalhriatpuia, Vawmphunga Sec. leh Nl. Laltlankimi, Damvea Sec. ten thiam tak maiin kalkhawm mipuite an awi bawk a ni. Tin, Pu Robuanga, Pre. Br. YMA chuan lawmthu sawina hun a hmang bawk.
    Zirlai hlawhling HSLC mi 44 leh HSSLC mi 34 te hnenah chawimawina Citation leh Bialtu MLA Prof. F.Lalnunmawia’n a rawn buatsaih ‘Zirna kailawn’ tih lehkhabu chu hlan an ni.
    Zirlai hlawhtling chawimawina atan hian Pu R.Lalremsanga MCS, Damvea Sec. chuan ` 10,000 in hma a hruai a, a ni bakah hian Local Council ` 5,000, MHIP ` 3,000, MUP ` 1,500 Branch YMA-ah an hlan a, hruaitute an lawm tak zet a ni.

******************************************

YMA DAY LADY 2019

(L-R) Lalmuanpuii Runner-Up, Sylvia Lalruatdiki Lady,
Salemtharmawii Runner-Up

Advertisement......

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

  (10-8)        VL-a, Ph.No : 9402344486, 9615266170

PAGE - 3

HRIATTIRNA :

G&SA NGENNA
    Hlimen hming a infiamna lam a lawmman kan lo lak tawhte, a theih chen chen lakkhawm a tum a, hetah hian Bel/Dekchi tih angreng a\ha emaw, a chhia emaw khawnkhawm a nakin zel atan GSA Office ah vawn \hat a ni ang, lo kawl \ha kan awm emaw a awmna chin hria chuan GSA Secretary hnenah hrilh hram turin kan in ngen e,  mamawhtak a lo hmang kan awm anih pawhin a mah ang hu thildang in kan thleng sak thei e. Tin, nakum hi GSA din kum 50-na (Golden Jubilee) a ni a, ropui tak a lawm a hruaitu hlui chawimawina te neih tum a ni, GSA OB lo ni tawhte GSA Secretary hnenah in report turin kan in ngen e.
    Sd/- Lalmuanpuia
    General Secretary

Hlimen Road Protection hriattirna
    Hlimen Road Protection Committee chuan Aizawl Traffic Police hotute nen vengchhunga a \ul dan ang zel a thawkho turin ruahmanna an siam fel a, karleh a\ang hian Traffic Duty te nen a \ul ang zela kawngdung a lirthei dahte an enfiah/check \hin dawn a ni. Lirthei neitute/enkawltute fimkhur ila, kawngdung a lirthei riah mai maite, dah lohna tura dah mai maite man an ni zel tawh dawn a, lo fimkhur turin kan inhriattir lawk a ni. Dan bawhchhia mante chu Document nen Traffic Police-ah kal zel a ngai tawh ang.
    Hlimen Area chhunga kawngpui dungah zanah Motor riah phal a ni lova, kawng penhleh-ah pawh midangte tana hnawksak a dah/riah phal a ni lo.
    Sd/- Secretary
    Hlimen Road Protection Committee

UPHC
    Dr. Sylvia Lal\hakimi chu UPHC Hlimen ah dah thar niin June ni 18, 2019 a\ang khan OPD ah a \hu \an ta. Vaccine pek tur buaipui angaih dawn avangin June ni 25, 26 leh 27 ah te OPD ah a \hu lovang.
    Tin, June ni 26, 2019 (Nilaini) hian Dr. RL Dangvela, Gynaecologist Specialist Doctor a lo kal dawn a, a duh apiang tan inentir theih a ni ang.

LOCAL COUNCIL HRIATTIRNA
    A hmun lova Bawlhhlawh paih leh halral hi Solid Waste Management Rules 2016 chuan a khap tlat a, dan bawhchhiate chu kum 5 thleng lungin tan emaw cheng nuai 1 thleng chawitir emaw a pahnih a hrem theih an ni a. National Green Tribunal thupek angin Mizoram Sawrkar pawhin ni 1.12.2018 a\ang khan pawnlera bawlhhlawh hal a khap a, he dan bawhchhia te chu ` 5,000/- to ` 25,000/- thleng chawitir theih a ni tih mipuite kan inhriattir e.

               Sd/-Lalhmingliana, Chairman LC

LAWRKHAWM :

Pass thar
    Mizoram University (MZU) in Bachelor Degree Exam result a tihchhuah tak kan hriat theih chinah heng mi te hi \ha takin an pass.
1.    Vanlalhriatzeli D/o C. Lalrimawia (BS) B.A (Edu)
2.    Vanlaldina S/o Pastor Lalawmpuia (VP) B.A (Eco)
3.     Lalpekhlua S/o R.Lalngheta (SCS) B.Com
4.    Lalrinhlui D/o PC Zosangliana (DV) B.A (Edu)
5.    Malsawmzela S/o H.Lalhmingmawii (DV) B.A(Hist)

Lawmthu sawina
    Kan nu Liankungi damloh tirh a\angin khawtlang leh Kohhran mipui te’n min buaipuina leh ngaihsakna te, \awng\aisaknate kan dawng nasa em em a. In chungah kan lawm tak meuh meuh a ni.
    Tin, a dam loh chhunga damdawi in leh in lama min tlawhtu, tha leh zung, neih sum senga min buaipuitute chungah kan lawm a.  Vawiin thlengin min lainattu hmel kan hmu zel a, in zavai a chungah lawmthu kan sawi tak meuh meuh bawk a ni.
    A fanu Lalramliani te chhungkua, Kapdaia Sec.

Lawmthu sawina
    Kan tunu Ramdinmawii damloh chungchanga min khawngaiha min lainat tute zawng zawng leh thilpek min petu te, Kohhran leh mimal min \awng\aipuitu te chungah lawmthu kan sawi a. Tin, thisen te a mamawh ang min buaipuia min petu, Damvea Sec. YMA te chhungah lawmthu kan sawi mawlh mawlh a ni.
    In khawngaihna dawngtu,
    Ramthangi te chhung, Hlimen Damveng

Lawmthu sawina
    Kan pa duhtak Lianhela’n June ni 18, 2019 (Pathianni) zinga min boralsan chungchangah min khawngaihtu leh min hmangaihtu, a \ul ang anga min buaipuitu zawng zawng- khawtlang hruaitu te, YMA hruaitu te, Kohhrana kan rawngbawlpui te, \henawm khawveng hnai te, kan \henrual \ha zawng zawng te, in zavaia chungah hian kan chhungkua kan va lawm tehlul em. Thinlung zawng zawngin lawmthu kan sawi tak meuh meuh a ni. Helai hmunah min buaipui mai chauh ni lovin, lam hla tak kan khua Sairang thlenga min zuiin, a vuina hunserh pawh min hmanpuia, thlanmual thleng thleng a min thlahliampui te kha a ropui kan tiin kan va lawm tehlul em!
    Kan chhiattawh chungchanga kan phuloh hmangaihna leh duhsakna kan dawn zawng zawngah khan Hlimkhawpui chhungkua zawng zawngte chungah lawmthu kan sawi tak meuh meuh a ni.
    Kan chhungkaw chunga in \hatna avang hian khawngaihtu Lalpa’n a let tamtakin malsawm \heuh che u rawh se.
    In khawngaihna dawngtu,
    Pastor Lalramthara te chhung, Hlimen Venglai

Advertisement....

NONI ‘ Fruit of Life’
Hriselna leh damreina thei
A \iak polypot , kum 2 a upa, reilotea rah thei mai tur lei tur tlem ala awm e.
A duh tan    - Ph 9862537844
(1-1)    Hlimen, Venglai

PAGE - 4

KEIMAHNI :

Hlimkhawpui Budget
    Hlimkhawpui  May & June 2019  thla Budget  pe tla tawh te:
1.    Buala Sec.    2. Kapdaia Sec.
3.    Vawmphunga Sec.
    Buala Sec. ten kumin chhung Budget an tlak fel ta bawk.

Lawmthu sawina dawng
    Kan Veng a\anga ruang chhuak Pu Lianhela, Sairang khua chu Branch YMA in kuang leh puan a a thlah avangin Sairang Branch YMA chuan lawmthu sawi nan Hlimen Branch YMA hnenah ` 1,000 a rawn hlan. Tin, mitthi chhungte hian Pu Lianhela tuamna puan pathum chu Branch YMA-ah an rawn hlan bawk.

Awmna chin hre lo
    Branch YMA bungrua - fianpui lian (pawp) chu a awmna chin hriat a ni lova, lo kawl emaw a awmna hria chuan Property Secy. hnenah hriattir vat nise a lawmawm hle ang.

Tui Connection
    June ni 19, 2019 khan Branch OB ten Thlanmual-I a PHE tui connection dahna tur enho in ruahmanna an siam nghal a, hun rei vak lovah Thlanmual-I ah hian tui connection neih beisei a ni.

Advertisement...

KAWI KHA  KHAWI KHAELECTRONICS BUNGRUA CHI HRANG HRANG BAZAR RATE AIA TLAWMIN I INAH KA RAWN DAH THEI E.
1. SMART TV (Company hrang hrang)
2. Fridge (Single door, Double door, Side by Side, Deep Freezer, Vegi Cooler)
3. Washing machine (Top loading, Front loading, Fully Automatic)
4. Inverter, Inverter Battery, Motor Battery, Microwave Oven.
Heng ah hian mamawh i neih chuan Bazar rate aia tlawmin i inah ka rawn pe thei che, Company duh bik neih pawhin eng Company pawh i duh ang ka rawn dah thei e. Mi rinawm chu Samsung leh Panasonic-ah Installment in ka pe thei bawk e.

(4-3)  Siampuia Khiangte, Hlimen.Venglai, Ph: 9863-457-800

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                              Ph.No
(20-11)                                          9436199884, 9862476439

KOHHRAN :

    Meet hmang
    June ni 16, 2019(Pathianni) chhun leh zan hmang khan  Hlimen UPC Kohhran chuan Bial chhung Inter, Senior & Doctrinal Meet an thlenga chhimtu an \hahnem hle.

Keimahni chhunzawmna....

 Branch YMA Executive Committee Vawi-7 na neih a ni
    June ni 21, 2019 (zirtawp zan) khan YMA Hall-ah Branch Executive Committee meeting vawi -7 na neih a ni a, thurel tlangpui te:

Thurel - 1 na: Buala Sec. in an Section \huthleng siamna atana Branch YMA a an Section huamchhunga vehbur khawn an dilna chu pawmsak an ni.

Thurel - 2 na: Kan Branch in SRS thlavang hauhna/thlahualna atana Rs. 5000/- kan hlan avanga lawmthu sawina chu Central YMA a\angin hmuh a ni.

Thurel - 3 na: 2019 Suzuki GiXxer 250, 25th Inter-Branch Football Tournament inbuatsaihna kal zel ah kan Branch aiawh a ruat ten Managing Board an din thu leh Managing Board member leh Coaching Staff atan a ruat te pawmpui tur a dilna hmuh niin pawmsak a ni.

Thurel - 4 na: Information Mike chungchang- Information mike chiangkuanglo awmfo mai hi Light & Sound Sub-Committee ten lo zirchiangse tih a ni.

Thurel - 5 na: Local Council a\anga ngenna kan dawn angin Local Council Award 2019 dawngtu tur Mipa leh Hmeichhiathlan leh tur a ni a, hetiang hian Committee siam a ni.
    Convener    :     Pu RC Lalroliana, Treasurer BYMA
    Secretary    :    Tv. John Lalhunhlua, Exe. comm.
    Member    :    Tv. Lalkhawmawia,
            Section tin Leader te

Thurel - 6 na:  Heng mite hnen a\ang hian Pem lehkha dawn niin pawmsak an ni.
1. R. Lalthangliani te chhungkua, member 4, Chhekhnai, New Serchhip a\angin.
2. Tv. Joel-a, Taithu, Manipur a\angin.
3. C. Hmingthanglura te chhungkua, member 3, Khawlian a\angin.
4. Lalthantluanga, Kei\um a\angin (Testimonial)

Thurel - 7 na: Pem lehkha dawn Branch YMA in a pawmsak te hnenah Chhiatni Fund khawn nghal \hin nise tih a ni a, Branch Secretary in bawhzuiin Section YMA OB te nen hma lo la ho \hin se tih a ni.

Thurel - 8 na: Pi Krosthangi, Pu B. Daniala (Ex-President, CYMA) lehkhabu ziah ‘B. Daniala Buannel’ tih chu ngaihhrui nan Pi Krosthangi hian Branch YMA a hlan a, lawmawm kan ti hle.

Thurel - 9 na: YMA Day leh HSLC & HSSLC zirlai hlawhtlingte chawimawina thlirletna neih a ni a, Zirna kawngah kan vengin hma kan sawn zel theih nan Branch YMA chuan a \ul angin hma la zel se tih a ni.
    Tin, Citation a tihsual awmte chu siam\hat leh nise tih a ni a, Nl. Lalbiakdiki’n hma lo la se tih a ni.

Nikir thla (June) Ni 15, 2019, Issue No. 24

PAGE - 1

TUALCHHUNG :

Boral: Pi Liankungi M/o Lalramliani, Kapdaia Sec. chu June ni 9, 2019 khan thawhah avangin a boral. A ruang hi lumen niin a tuk June ni 10, 2019 khan vuiliam a ni.

Damlo: Tv. Lalthlengliana S/o Ramfangzauva (L) Kapdaia Sec. a mi chu taksa lam harsatna avangin June ni 8, 2019 khan Aizawl Hospital-ah admit a ni.

##    Lalremruati D/o Mistiri Soren, Buala Sec. a mi chu taksa lam harsatna avangin June ni 12, 2019 khan Kulikawn Civil Hospital-ah admit a ni.

##    Pi Lalngaihawmi H/o Vanlalrintluanga, Buala Sec. a mi chu chi kawnga bawk awm avangin State Referral Hospital Falkawn ah admit niin June ni 13, 2019 khan zai a ni.

YMA in râl : June ni 11, 2019 zan khan Pi Liankungi ralna hun hman a ni a, ralna sum tlingkhawm ` 9,220 chu a chhungte hnenah hlan a ni a, Pi Liankungi chhungte hian a tuamna puan 3 chu \angkai taka hman turin YMA kutah an hlan let bawk a ni.

MHIP Hriattirna : June ni 16, 2019(Pathianni) chawhnu inkhawm ban hian MHIP Hlimen Branch te chuan an member pui boralta Pi Liankungi ralna hun an hmang dawn a. MHIP Member a tam thei ang ber kal turin hruaitu ten an ngen a ni.

Kuthlei thil tih : Tunlaiin kawng kama motor dah thil hriam hmanga thairan ching an awm a, hetiang kut hlei thil hi sim a \ha hle mai.

Lirthei khalh : Vengchhungah naupang leh puitling lam pawh lirthei khalh phalna neilo, chak tak tak leh fimkhur lo taka lirthei khalh ching an awm a, dan bawkchhiatna a nih avang leh pawikhawih a hlauhawm avangin ti tawh lo turin Hlimen Road Protection Committee chuan a hriattirin a ngen a ni.

HEADLINE :

YMA DAY PUAL THUCHAH

    YMA Day vawi 84-na chu kan lo thleng leh ta reng mai. Mizo Society ah YMA hian hnuhma nasa tak a neiin Mizo rilru ah pawh a tla na hle. Pawl a zawng ah kan ngaihsan leh ngaihhlut ber a ni hial ang. Hei hi engvang nge? YMA chu \anpui ngaite \anpui tu, thuneihna leh lalna ni lova mite tana nung Pawl (NGO) a nih vang hi a ni. Hetih lai hian YMA hian kalphunglo tak leh rah pelh ve hret \um te pawh a nei ve \hin a, hemi avanga lo dem an awm pawhin a dik tho a, mahse, YMA nihphung a ni lo tih hriat a \ha. Chuvangin, YMA te kal dan ah nu leh pa zawk te pawhin YMA in a nih phunga a kal lo deuh a hriat a nih chuan thurawn pek thiam hi a \ul khawp mai.
    He pawl thianghlimah hian nang leh kei, Mizo hnahthlak te hi kan tel ve em? He pawl hian vawiin ah mimal harsatna te puih mai ni tawh lovin Ram leh Hnam tana thil \ha tur nia a hriat ah pawh ke a pen zel a, Sawrkar leh mipuite \awiawmna in kan ram tana thil\halo lo thleng mek ah pawh hma a la zel a, tunah hian kumpuan ah pawh ‘ Ram leh Hnam humhalh’ tih a nei mek a ni. Kan ram zimte, Pathianin min pek hi kan mikhual te avanga nek chep a awm mek te, ramdang leh State dang a\anga kan \halai te suat nana ruihhlo lo lut mek te, ei leh bar zawnna kawnga hnamdangin a min chim buai mek na ah te leh ramchhung mipuite chanvo tur tihhmelhem a awm mek te lakah hma a la reng a, heng a hmalakna hrang hrang te hi Mizoram tan a ni tih hria a, mipui ten kan \awiawm hi a \ul takzet a ni. A hmalak na hi Mizo Hnam damna leh zahawmna zel tur a ni.
    Hetia YMA Day a lo herchhuah hian Member ten rilru tharin ngaihtuah ila, kan thil chin \halo sim nan te, midang te atana nung YMA a nih angin midangte tana malsawmna ka nih ve theih nan insiamtharna hun atan te hmang ila, mahni tan ngei pawh rinawm thar nan te pawh hmang thei  ila. YMA Day hlawk tak kan hmang a ni ang. Hetia ngaihtuah hauh lova kan awm mai mai lai hian hnamdang ten kan ram leh kan nun hi min eichhe mek a ni tih hria ila, Ram leh Hnam tan i harh ang u. Ruihhlo hi kan hnam hmelma a ni a, rinawmlohna te, thatchhiatna te, awlsam taka neih \euh duhna te hi kan hnam hmelma a ni tih hria ila, kan chaklohna laiah min rawn thlem \hin a ni. Kan chhungkaw tana \ha tur anga lang, hnamdang kan humhalh tlat te hi kan hnam tan a pawi thei tih hriat a \ha. YMA in Ram leh Hnam tana hma a lakna hrang hrang te hi Mizo hnam tana \ha leh \ul tak vek a nih avangin mitinin i \awiawm tlat ang u. YMA a chet loh a kei leh nangin ram kan humhalh loh chuan tumahin min tihsak lovang. YMA Day a lo herchhuah hian a hlutna leh \ulna te i hre thar leh ang u.
YMA VUL ZEL RAWH SE.

PAGE - 2

EDITORIAL :

          ZIAK LEH CHHIAR
    Lehkha ziak leh chhiar hi thil peihawm lo tak, a lova khawsak hleih theih loh thil a ni a. Khawvel finna pawh hi lehkha-ah ziaka dah a nih avangin chu ziak chu a chhiar peih leh a zir peih apiang ten hma an sawn dawn ti ila kan sawi sual tam awm love. Ram changkang apiangah lehkha ziak leh chhiar an uar a, mi changkang apiangin lehkha chhiar an uar \hin. Lehkha zirsang fu si; lehkha chhiar tam peih lo chu ‘a pass sang na a, a laktlak loh’ kan ti mai a. Chuvangin zirzawh tih hi a awm lo reng reng a ni.
    Ziak leh chhiar uar hi kawng engkimah hmasawnna bul a ni a. Zosap Missionary te pawh kha Mizorama an rawn luh khan Pathian thu hril kawnga an hlawhtlinna bul ber pakhat chu an thil rawn chhawp hlu tak; ziak leh chhiar thiamna an rawn keng kha a ni a.  Ziak leh chhiar thiamna kawngah theihtawp a \an an han lak chhoh khan khawkhat a mi\ha fa a\angin an thuhril lamah pawh a hlawhtling chho ta zawt zawt mai niin an sawi.
    Hna tê ber nia kan hriat te, hna kan ngaihsan berte pawh hi lehkha chhiar a inzirchhoh a nih loh chuan hmasawnna a awm thei lova. Eirawngbawl a\anga insak dan thlengin lehkha chhiar a; tihdan tur thar puakchhuah a nih loh chuan hmasawnna a awm thei ngai lo.
    Keini khawtlangah pawh hian lehkha chhiar hi uar ila. Engmah ngaihtuah mumal nei lova tei vel mai mai ai chuan tuina lam kawng nei hran thluah ho hian kan tuina lam \heuhah hian hre zau zawk ni turin lehkha chhiar hi i uar ang u. Kan hunawl hnawhkhah nana kan inchhiar peih chuan sport lama thil hre tak, rimawi lama ti ti tur hre tak, politics sawina hmunah mite chanchin leh thil bulbal hre thei, mahni ram thil ngei pawh tun aia \ha zawka duang thiam turin kan inchhiar chhuak ngei ang. Ziak leh chhiar i uar ang u.

CENTRAL YMA CHETVELNA
8.6.2019    :    B. Daniala, Ex-President, Central YMA puala lehkhabu ziah “B. Daniala Buannel” chu Pi Zaii Hall-ah tlangzarh programme hman a ni a, Pu Vanlalruata, President-in lehkhabu hi a tlangzarh a, Pu Lalrochuanga Pachuau, Treasurer, Pu Lalrinmawia Sohnel CEC  leh Pu R. Lalduhawma CEC ten an tawiawm.
14.6.2019    :    Assam Rifles ten YMA Day 2019 lawmpui nan Central YMA-ah Cake, Pangpar leh Card an rawn hlan a, Pu R. Lalngheta, Vice President leh Pu K. Lalthanmawia CEC ten thilpek hi an lo dawng.
14.6.2019    :    Indian Medical Asociation, Mizoram State Branch leh Central YMA chuan Mizo mipui ten hriselna lama hma kan sawn theih nan Memorandum of Understanding (MOU) Central YMA office-ah an signed.
14.6.2019    :    Association for Voluntary Blood Donation, Gen. Hqrs. bultumin World Blood Donor Day programme hman a ni a, Pu Peter Chhakchhuak, Asst. Secretary a tel a, AVBD-in pawl hminga thisen pe tam chawimawina a hlan chu a dawng nghal.

Advertisement....

KAWI KHA  KHAWI KHA
ELECTRONICS BUNGRUA CHI HRANG HRANG BAZAR RATE AIA TLAWMIN I INAH KA RAWN DAH THEI E.
1. SMART TV (Company hrang hrang)
2. Fridge (Single door, Double door, Side by Side, Deep
    Freezer, Vegi Cooler)
3. Washing machine (Top loading, Front loading, Fully Auto-
     matic)
4. Inverter, Inverter Battery, Motor Battery, Microwave
    Oven.
Heng ah hian mamawh i neih chuan Bazar rate aia tlawmin i inah ka rawn pe thei che, Company duh bik neih pawhin eng Company pawh i duh ang ka rawn dah thei e. Mi rinawm chu Samsung leh Panasonic-ah Installment in ka pe thei bawk e.

(4-2)  Siampuia Khiangte, Hlimen.Venglai, Ph: 9863-457-800

A VA LAWMAWM E!!
    I harsatna kan lo pui ang che. Lehkha kan chhut sak theiin kan print thei a, kan Xerox thei bawk ta! Min han pan ve teh. I duhthusam anih loh pawhin i lungawina anih ngei kan beisei.

Andrew Lalnunpuia, Damveng
(2-2)                       Ph: 9612-212-334 / 8794-785-105

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                              Ph.No
(20-10)                                               9436199884, 9862476439

Mulco...Mulco
    Bawnghnute \ha leh thianghlim - MULCO bawnghnute chu a mamawh te tan lei theih kan kawl ve ta e. Min rawn pan ve teh.

(1-1)                 Prop - Lalsiamliani, Venglai

PAGE - 3

HRIATTIRNA :

Hlimen Road Protection hriattirna
    Hlimen Road Protection Committee chuan Aizawl Traffic Police hotute nen vengchhunga a \ul ang apianga thawkho turin ruahmanna an siam fel a, karleh a\ang hian Traffic Duty te nen a \ul ang zela kawngdung a lirthei dahte an enfiah/check \hin dawn a ni. Lirthei neitute/enkawltute fimkhur ila, kawngdung a lirthei riah mai maite, dah lohna tura dah mai maite man an ni zel tawh dawn a, lo fimkhur turin kan inhriattir lawk a ni. Dan bawhchhia mante chu Document nen Traffic Police-ah kal zel a ngai tawh ang.
    Hlimen Area chhunga kawngpui dungah zanah Motor riah phal a ni lova, kawng penhleh-ah pawh midangte tana hnawksak a dah/riah phal a ni lo.
   
    Sd/- Secretary
    Hlimen Road Protection Committee

Thingphun hnatlang hriattirna
    June 14, 2019 a YMA Hall a Local Council kaihhruaina hnuaiah YMA, MHIP leh MUP hruaitu te Joint meeting in thuchhuah a siam angin June ni 18, 2019  hian Quarry chim area ah thing phun hnatlang neih tur a ni a, a hmunhma hi sam hmasak angaih avangin hemi ni zingkar ah hian samfai  hnatlang neih tur a ni a, a hmunah innghahkhawm mai tur a ni e.
    Chhungtin a\angin mi pakhat (naupang chhia lutuklo) kal tura ngen kan ni a, thing hi zingkarah phun zawh a nih hman dawn loh avangin chaw eikham lamah thing hi phun tura thawhchhuah leh tur a ni a, hetah erawh chuan NGO tin ten a tul angin hnatlang tur hi anmahni pawl \heuh a\angin ruahmanna an siam ang.
    Thing Hi 400 phun thar tura ruahman a ni a, Ei leh in chu Local Council leh Branch YMA in an ngaihtuah anga, MHIP in ei leh in an buatsaih ang. He thing phun hi Forest department hnuaia in hlawhna tur niin Local Council leh Branch YMA in ` 20000 an hlawh anga, MUP unit leh MHIP  Branch in ` 15000 ve ve an hlawh bawk ang.
    Hnatlang tur ten chem hriam tawk tak leh thirtiangte thawhchhuah pui tur a ni. Thingphun chhinchhiahna tur leh thingphun tur chu Local Council in a ngaihtuah ang.

Local Council hriattirna
    |helretkawn a Sanitation Point ah bawlhhlawh chhawp lawk tawh lo turin kan in hriattir a, Nilaini zingkarah  Bawlhhlawh phur hi a lo kal \hin dawn avangin a hun a paih \heuh tawh turin kan in hriattir a ni e.
    Tin, Venglai lam a\anga Quarry chim tawntirh kawng thlanglamah bawlhhlawh paih kan la awm fo mai a, a paih man chhuah kan awm a nih chuan a \ul angin Action lak a ni ang.

Sd/- Lalhmingliana Chairman. L.C

LAWRKHAWM :

Hlimen-ah rawn lawi
    June ni 14, 2019(Zirtawpni) zingkar khan YMA Hall ah  Local Council, YMA, MHIP leh MUP te chu Melthum a lawi \hin chhungkaw 8 Hlimen a rawn lawi tur te aiawh mi 3 te nen titi hona inhawng taka neih a ni. Kal an \ha hle.
    Melthum a lawi thin chhungkaw 8 Hlimena rawn lawi tur te :-
1. Pu Biakkunga te chhungkua member 5
2. Pu PC Lalfala te chhungkua, member 3
3. PC Lalchhanhima te chhungkua member 4
4. Lalruatkima te chhungkua member 4
5. Pu Hmingthanenga te chhungkua member 2
6. Tv. Hmuaka
7. Pu Lalchhana te chhungkua member 3
8. Pu Zonuntluanga te chhungkua member 4.
    An vai hian mi 26 an ni. YMA, MUP leh MHIP lam ten Membership Fee lam kan bawhzui nghal te pawh a \ul a, tin, khawn tesep leh a dang - chhiatni fund, House number, Hlimkhawpui chanchinbu te buaipui hmasak a ngai anga, Section YMA lam mawhphurhna te pawh a awm nual dawn a, kohhran lam te pawh in tihtur tam tak kan nei bawk ngei ang.

Chawimawina hun hmang dawn
    June ni 20, 2019 (Ningani) zan hian Hlimen Branch YMA chuan kumin a HSLC & HSSLC passed te chawimawina hun a hmang dawn a, zirlai hlawhtlingte hi Citation hlan an nih dawn avangin Hlimkhawpui Editorial Board te hnenah June ni  17, 2019 (Thawh\anni) ralhmain thlalak fiah fai \ha tak pe vek turin ngen kan ni a, thlalak hi Whatsapp hmang pawhin pek theih a ni bawk e. Thlalak thelut lo chu Citation-ah tihtel ve theih a ni dawn lo tih kan inhriattir lawk bawk e.

Malaria chung chang
1. Mizoram ah Malaria tam hunlai a lo ni leh ta a, Malaria laka kan him \heuhna turin Thosilen damdawia chiah \heuh turin kan in hriattir a ni.
2. June ni 17, 2019 (Thawh\anni) a\angin Office chhungin Health Clinic Building, |helretkawnah chiah theih a ni ang.
3. Thosilen fai leh ro \ha tak ken tur a ni.
4. Ram riakte leh room phui taka mu lote tan phei chuan chiah ngei ngei tur a ni.
5. Malaria hrik pai thosi an inthlahpun zel loh nan thosilen chiah hi ngaih pawimawh tur a ni e.
- From Health Clinic

PAGE - 4

KEIMAHNI :

Hlimkhawpui Budget
    Hlimkhawpui  May & June 2019  thla Budget  pe tla tawh te:
1.    Buala Sec.    2. Kapdaia Sec.
3.    Vawmphunga Sec.
    Buala Sec. ten kumin chhung Budget an tlak fel ta bawk.

Budget tlak
    Lalsavunga Section te chuan kumin chhunga Branch YMA a an budget ` 3,000 chu June ni 12, 2019 khan an tlak fel ta.

Thla hual nan
    Hlimen Branch YMA chuan SRS te thlahual nan leh a \ul apiang a hman atan June ni 10, 2019 khan ` 5,000 a hlan.

Buala Section
    YMA Day Volleyball inelna a final hial kan thlen avangin Pu Lalramchuana chuan Volleyball Jersey \ha tak mai min lei sak a, a chungah Buala Section chuan lawmthu a sawi tak meuh meuh a ni.

Damvea Section lawmthu
    YMA Day Volleyball inelna a Mipa ‘A’ leh ‘B’ team te Jersey chu Pu Lalhmingliana leh Pu F.Zosangzuala te chhungkua chuan an tumsak a, an chungah Section YMA hruaitu, Player leh Member te an lawm tak zet zet a ni.

84th YMA Day Hlimen-ah
    YMA Day vawi 84-na chu Hlimen Branch YMA pawhin theih ang tawk a ropuiin lawmna hun a buatsaih a, YMA Day lawmna atana  Section te inelna atan Volleyball (Mipa leh hmeichhe) te, Essay inziahsiak te, Mizo hnam lam- Chawnglaizawn intihsiakna te a awm bawk.
    Tin, YMA Chhang lam te pawhin YMA Day hian Mizo hnam lam an entir bawk. Tin, zanlamah Thlanmual Sub Committee ten Drama hmuhnawm tak an chang bawk.
    Pu Lalhmuchhuaka, C.E.C Central YMA chuan zanlamah hian kum 2019 kumpuan ‘Ram leh hnam humhalh’ sawina hun a nei bawk a ni.
     Branch YMA in YMA Day lawmna ah Local Council, MUP leh MHIP te a sawm an nih angin Day lawmpui naah hian an tawiawm \ha hle.
    Programme hman dan kimchang hi he chanchinbu buatsaih lai hian hriat chian hman a ni lo a, Issue leh a kimchang zawk tarlan a ni ang.
    Kumin YMA pualin Branch YMA chuan vengchhunga miharsa chhungkaw 5 te hnenah \anpuina ` 2,000 \heuh a hlan. |anpuina hi Damvea Sec.-ah chhungkaw 2, Kapdaia Section ah chhungkaw 2 leh Saichhuma Sec.-ah chhungkaw 1 te hlan an ni.

INFIAMNA :

Badminton-ah
    Inter School Badminton khelh zawh takah kan veng Junior player pahnih Laldinmawia S/o Lalkunga, Saichhuma Sec. leh Remruatkima S/o Darkhuma(L) Vawmphunga Sec. te chu telin final an thleng thei a, Final-ah hian an vanduai ta hlauh a ni.

Hlimen Football Club
    Hlimen Football Club chuan 3rd Division Playoff khelin, An pool ah a sang ber niin 3rd Division an qualified ta. Hlimen Pool ah hian Gorkha FC, Chite Veng FC leh Lily Veng FC te an awm a, Hlimen hian an hneh vek a ni. Sum leh paia \anpui tu - Pu Lal\hazuala, Tv. Lalchhandama, Tv. Christopher Lallawmsanga te chungah Club hruaitu ten lawmthu an sawi tak meuh meuh a ni.

KAN |HEN TAK

 
LIANKUNGI (L) CHANCHIN TLANGPUI
    Liankungi hi Pu Vawmhranga (L) leh Pi Dengziki (L) te fa sawmpakhat zinga parukna niin kum 1941 khan Lungphun khuaah a lo piang a, an unau hi mipa panga leh hmeichhia paruk an ni.
     Kum 1959-ah Zamawia S/o Thangphuta (L) nen Pastor Pabuka kutah Kanghmunah inneiin fa 6 an nei, tin, tu hi 18 lai a nei hman bawk a ni. An pa Zamawia’n kum 1974-a a boralsan hnuah a theih ang tawk tawkin a fate hi a enkawl ta a ni.
    Hun kal ta deuh a\ang khan a nawmsam loh avangin inah Doctor-te rawnin enkawl a ni a. |hat lam a pan theih loh avangin June ni 1, 2019 (inrinni) khan BN Hospital, Kulikawnah admit niin \hatlam a pan theih meuh loh avangin Civil Hospital ICU-ah dah luh leh a ni a.
    Theihtawp chhuah a Doctor leh Nurse ten an enkawl chung pawhin zual lam a pan zel zawk a, June ni 9, 2019 (Pathianni) chawhma dar 9:40 a.m. khan chatuan ram min lo pansan ta a ni.

Advertisement.....

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
  (10-7)        VL-a, Ph.No : 9402344486, 9615266170

HENGTE HI KAN SIAMTIR THEI
PanCard, Voter ID Date of Birth, Tribal leh Residential Certificate te kan siamtir thei e.
Tribal & Residential dil tur tan a thil tel ngai te:-
Local Council lehkha, Voter ID leh Passport size photo copy 2, Income Certificate (LC a\angin)
Mi pakhat tan Rs. 100/- zel a ni e.
Lalchhuanawmi
(2-2)              Ph : 9774-196-330 / 9862-540-824

Nikir thla (June) Ni 8, 2019, Issue No. 23

PAGE - 1

TUALCHHUNG :

Boral: Pi Lalnunmawii (60) M/o Zahmuaka, Kapdaia Sec. a mi chu June ni 2 , 2019 khan Aizawl Civil Hospital-ah Mitliam vangin a boral. A ruang hi a fapa Zahmuaka te inah lak niin June ni 3, 2019 khan vuiliam a ni.

Damlo: Pi Lalhmingliani W/o Lalfakmawia, Damvea Sec. a mi chu Kaw\halo leh luak avangin June ni 3,2019 khan Alpha Hospital ah admit a ni.

##    Pi Liankungi M/o Lalramliani, Kapdaia Sec. a mi chu taksa lam harsatna avangin June ni 1, 2019 khan BN Hospital-ah admit niin June ni 5, 2019 khan Aizawl Civil Hospital ICU ah sawn in enkawl mek a ni.

##    Ethel Zotluangpuii D/o Lalzarzoliana, Saichhuma Sec. a mi chu taksa lam chaklohna avangin BN Hospital-ah enkawl mek a ni.

##    Ramdinmawii D/o Lalrinawma, Damvea Sec. chu damlohna avangin State Referral Hospital, Falkawn ah June ni 7, 2019 khan admit niin enkawl mek a ni.

YMA in râl : June ni 4, 2019 zan khan Pi Lalnunmawii ralna hun hman a ni a, ralna sum tlingkhawm ` 10,286 chu a chhungte hnenah hlan a ni a, Pi Lalnunmawii chhungte hian a tuamna puan 2 chu \angkai taka hman turin YMA kutah an hlan let bawk a ni.

Branch YMA ah hlan: Pu Lalthanpara, Damvea Sec. a mi chuan a fapa boral ta Valaldika hriatreng nan June ni 2, 2019 khan Hlimen Branch YMA ah Sound Box pahnih leh Jack pin pahnih a hlan. Branch YMA a lawm tak zet zet a ni.

Ngenna : YMA Day pual Volleyball  inelna hi Thawh\anni tlai a\angin \an a ni tawh dawn a. Chuvangin, Mualzawlah inkhelh hunlai chuan bungrua bakah eng motor mah dah lo turin kan in ngen a ni.
     Tin, lungphur lirthei te pawh chawhma lama tlan tam deuh a, inkhelh hun chawhnu lamah chuan innghakkhawm \hin turin kan in ngen tak meuh meuh a ni e.

HEADLINE :

HNATLANG neih a ni
    June ni 5, 2019 khan Branch YMA sumtuakna atan PWD hnuaiah Kawngba samfai a nileng hnatlang neih a ni a, hemi ni hian Group hnihah in\henin Group 1-na  ten Hlimen Melthum  ramri a\anga \anin kawngba hi an rawn vai phei a, Group khatna ah hian Damvea Section, Vawmphunga Section leh Lalsavunga Section te an awm a ni.
    Group hnihna ah hian Buala Section, Kapdaia Section leh Saichhuma Section te awmin Samtlang nen a kan inrina a\anga rawn \an chhovin in Mauhakkawnah (Kapdaia Section-lamah zawk) an rawn thleng a, Mauhakkawnah hian intawk khawmin chhun chaw fak a nih hnuah kawngba vai bang Central Workshop lamah phei lehin tlai dar 4:30 pelh hretah hnatlang hi zawh a ni ta a ni.
    Hnatlang thawkchhuak hi an \hahnem hle a, ziaka hmuh theih chin chu mi 210 lai a ni. Tin, hnatlang hman lo, hnatlang puih nana sum thawh mi 29 an awm a, tin, ei leh in leh hmanrua  tumtu mi pahnih an awm bawk. Hemi ni hian kawngba vaina hnawk te phurh khawm nan Pu J. Vanlalhruaia, Pu Lalbiakzauva leh Pu Lianhmingthanga ten an lirthei a thlawnin an rawn thawhchhuah pui bawk a ni. Hnatlanga thawkchhuak te bakah, sum leh pai, ei leh in, Dispo Cup, lirthei a thlawna thawhtu te chungah Branch YMA chuan lawmthu a sawi tak meuh meuh a ni.
    Kawngba fai sang zawng hi Feet 7 tur a tih a ni a, amaherawhchu, vengchhung te a nih avangin a bituk aia sang zawk deuh vek a sam a ni.
    Tin, June ni 7, 2019 (Zirtawpni)  khan World Environment Day denchhen leh Smart City ‘ Plastic Free City’ Hnatlangpui chu Aizawl veng hrang hranga neih a nih angin kan vengah pawh Local Council kaihhruaina hnuaiah Plastic leh a kaihnawih chhar/thianfaiin hnatlang neih a ni leh a, he hnatlang mahni Section \heuh ah neih niin  Sanitation Sub- Committee ,Branch YMA te chu Section tinah insemdarhin buaipui ngai buaipuiin hnatlang te an \awiawm bawk.
    He hnatlang ah hian ziak a hmuh theih (Chhungkaw aiawh bikah) mi  259 an thawkchhuak a, tin, Hlimen a zirna in hrang hranga zirtirtu leh zirlai te bakah  leh Sorkar hmun a awmte an thawkchhuak \hahnem hle bawk. Tlailamah AMC Councillor pahnih- Pu Laltlanzova Khiangte leh Pu Rosiamngheta ten Hlimen an rawn tlawhin Local Council ten an lo dawngsawng bawk.
    He hnatlang ah hian kawngpui kam leh tuiluan kawr mai bakah kawr ruam hmun \henkhata bawlhhlawh paihna hmun a mite leh Thlanmual lam thleng pawhin bawlhhlawh hi chhar fai  a ni. Tlailamah hemi ni a hnatlang te bawlhhlawh chharkhawmsa chu AMC Motor tirh ah phurh chhuah lehnghal a ni.
    Tunkar chhungin hnatlang lian tham vawihnih neih a ni a, member thawhchhuah dan en in hnatlang hi kan \ha viau mai a, veng hmasawnna atana thawhhona kawngah leh thinghlimna kawngah hmasawn kan duhzia lanna ropui tak niin a lang a, a lawmawm a ni.

PAGE - 2

EDITORIAL :

INCHEI
    Mizo te hi inchei uar tak kan ni a, kan neih ang ang, kan neih bakte pawhin kan inchei \hin niin a lang. Kan hnam a retheih a; kan la hnufual ngaihtuah hian incheina lamah kan sang filawr hle a ni.
    Incheina lamah hian rilru thar kan pek a, kan ngaihtuah chian a ngai viau mai. Thuamhnaw \ha leh man to tak tak; kan chhungkaw inrelbawlna pawhin a tawrh phah theih hialna tur lei kan ching em? Kan chhungkaw khawsak mil tawkin kan inchei em tihte hi mahni \heuh i inchhut fo \hin ang u.
    Kan thuamhnaw te hi man tlawmin nalh vak lo pawh nise; thianghlim, fai leh mar \ha tak a nih phawt chuan a \ha a ni mai. Mitinin duh duh dana inchei theihna ‘right’ chu kan nei ngei mai a, amaherawhchu, ‘its my life’ ti zawnga kan la a, uchuak taka kan inchei a nih chuan hnung lama miten min nuih mai ang.
    Mizote hian Dress Mode mumal tak kan nei hran lem lova. Duh duh danin kan inchei hlawm a, hetih lai hian kan inchei danah kan mizia thui tak a lang a ni tih hriat a \ha ang, Chuvangin, a hun leh hmun a zira inchei dan kan hriat a pawimawh tak zet zet a ni. Thianghlim leh felfai tak, uchuak si lova kan inchei hian kan lo mawi ber mai.

Kan |hen tak

Pi Lalnunmawii
    Pi Lalnunmawii hi Tirhkoh Lalthianghlima (L) leh Pi Malsawmi te inkarah kum 1959 ah Melriat khua-ah a lo piang a, an unau hi 15 niin a upa ber dawttu a ni a, an unau hi mipa 8 leh hmerichhia 7 an ni a, kum 1973 khan Pu Rozika Bawngchawm khua nen inneiin fa 5 leh tu 16 a nei a ni. Pi Lalnunmawii hi Thenzawla a phei hnuin kum 2012 khan Pu Lal\hakima nen an innei leh a ni.
    Pi Lalnunmawii hi u leh nau huikhawm thiam; mi hlim thei tak, tu leh fate hmangaih em em tu a ni a, tu a te mai pawh hian a kianga awm nuam an ti a, a tu a te mai pawh hi a kawm bawrh bawrh thei zel a ni. Pathian Thu duhtak a ni a, rawngbawlna lamah pawh ama phak tawk ang zelin a feh chhuak \hin a ni. Tin, amah hi pawl/Kohhran-ah chuan a awm lova, zau zawk a Pathian rawngbawl hi a tuina ber a ni thung.
     Kum 2018 June thla vel a\ang khan a pum a sawisel \an a, pumpui Ulcer-ah ngaiin Doctor te rawnin a inenkawl a, zawi zawi a ziaawm lam pan ni a a inhriat laiin a pum chu a rawn na leh a, a na chu a zual zel avangin May 2019 thla tir lam khan B.N Hospital ah Doctor te rawn a investigation hrang hrang tihsak a nih hnuah pawh hmasawnna tak tak a awm theih loh avangin Civil Hospital ah kalpui niin Admit nghal a ni a, Test hrang hrang tih a nih hnuah a mît a lungte awm a ni tih hmuhchhuah a ni ta a, Doctor ten zai tur a an buatsaih mek laiin thisen var a tlakchham avangin  zai mai theih a ni lo a, a taksa chak deuh huna zai tura tih a ni leh ta zawk a.
    June ni 2, 2019 zingkar  pawh khan amah a harh \ha em em a,  hmasawn zel tura kan inngaih laiin luhaiin a chau thut mai a, biak chhunzawm theih lova awm zuiin; Doctor leh Nurse ten theihtawp chhuaha a nunna chhan tuma an beih laiin June ni 2, 2019 chawhma dar 10:30 khan rawng a bawl sak \hin a Lalpa hnenah min lo chawlhsan ta a ni.

Advertisement....

BANNER PRINT-NA HMUN
    Kulikawn-ah Banner Print-na hmun a awm ta. Mitthi, Inneih, Inkhawmpui leh Function hrang hrang atan Banner kan siam thei reng e.
    Tin, Photo Print, Citation, Xerox, Passport,  Lamination, Spiral Binding adt. kan ti thei bawk.
    Current awm loh pawhin hna kan thawk thei e.

    R.B.  PRINTING
    Lalsangliana Building, Kulikawn (Kawnphei)
(2-2)    Contact : 9862685209/7005587160

KAWI KHA .... KHAWI KHA
ELECTRONICS BUNGRUA CHI HRANG HRANG BAZAR RATE AIA TLAWMIN I INAH KA RAWN DAH THEI E.
1. SMART TV (Company hrang hrang)
2. Fridge (Single door, Double door, Side by Side, Deep
    Freezer, Vegi Cooler)
3. Washing machine (Top loading, Front loading, Fully Auto-
     matic)
4. Inverter, Inverter Battery, Motor Battery, Microwave
    Oven.
Heng ah hian mamawh i neih chuan Bazar rate aia tlawmin i inah ka rawn pe thei che, Company duh bik neih pawhin eng Company pawh i duh ang ka rawn dah thei e. Mi rinawm chu Samsung leh Panasonic-ah Installment in ka pe thei bawk e.

(1-4)  Siampuia Khiangte, Hlimen.Venglai, Ph: 9863-457-800

PAGE - 3

HRIATTIRNA :

In luah tur nei te hriat tur
    Local Council leh Branch YMA thu ding lai angin veng chhunga inluah tur nei ten vengdang mi in kan in an luah dawn a nih chuan an luah luh hma ngeiin khawtlang hruaitute hrilh hriat hmasak ngei tur a ni.
    Tin, kan inluahtu tur te chu an rawn pem luh ruala pem lehkha show tur an neih theih nan hrilhhriat lawk \hin tur a ni.
    Hei hi kan  khawtlang then thianghlimna kawng atana hmalakna a ni a, inluah tur nei te chuan zawm \heuh turin kan in ngen e.
    Sd/- Lalhmingliana    Sd/- Robuanga
    Chairman, Local Council    President, Y.M.A.

Branch YMA Ngenna
    YMA Day Volleyball kan \an dawn hnai tawh avangin Player ten Practice an beingawrh chho ta hle a. Chuvangin, Mualzawlah zing leh tlai Practice hunlai chuan bungrua bakah eng motor mah dah lo turin kan in ngen a, tin, lungphur lirthei te pawh chawhma lama tlan tam deuh a, Practise hun chawhnu lama tlan tlem turin kan in ngen tak meuh meuh a ni e.

LPG Connection
    L.P.G Connection tun thlenga la nei lo kan awm a nih chuan Higher Authority a submit turin Proforma DCSO’W’ chuan siamin Local Council ah June ni 12, 2019 ralhmain in report tur a ni a, Ration card, Voter In No., Aadhaar Card No. te ken tel tur a ni.

Nungcha humhalh
    Tunlaiin Aizawl District chhungah airgun leh hmanraw dang hmanga sava leh ramsa dang veh a kap \hin an awm avangin D.C Aizawl  chuan Sec. 144.Cr.Pc. 1973 ( Act II of 1973) hmangin Airgun leh hmanraw dang hmanga sava leh ramsa leh nungcha dang veh leh kah a khap a ni tih kan in hriattir e.
    Tin, Vawk natna (PRRS) leng mek avangin- DC Aizawl chuan hetiangin thupek a chhuah bawk-
1. Vawk reng reng chu\ha taka phum vek tur a ni a, khamah emaw kawrah emaw paih mai mai loh tur a ni.
2. Aizawl District chhungah khawi a\ang mahin vawk lakluh phal a ni lo a, Aizawl District chhung a\angin district pawnah vawk thawnchhuah phal a ni lo.
3. Vawk talhtute’n vawk hrisel \ha chauh an talh tur a ni. Vawk neitute’n vawk damlo an hralh tur a ni lo.
    He thuchuah pahnih bawhchhia te chu Sec 188 IPC hmanga hrem theih an ni tih kan in hriattir e.

PWD hriattirna
    Fur khua kan lo thlen chho leh tak avangin thu leh awm hma chu June 15th, 2019 hnulam a\ang chuan Aizawl Road South Division, PWD kawng enkawl laiah pipe/ Cable etc. phum nan kawng laih chhiah (Road cut ) a dil theih tawh lovang tih mipui te kan in hriattir a ni e.
    Sd/- David Sapzova
    E.E PWD, Aizawl Road South Div.

LAWRKHAWM :

Lawmthu sawina leh hriattirna
    June ni 7, 2019 (Zirtawpni) khan Plastic leh a kaihnawih thianfaia hun hlu tak seng a hnatlang a thawkchhuak zawng zawng te chungah Local Council chuan lawmthu a sawi tak meuh meuh a, hnatlanga thawkchhuakte inpekna azarah kan venga bawlhhawh tam tham tak chu lak bo a ni ta a ni. Tin, Hlimen a zirna ina zirtirtu leh zirlai te leh sawrkar hmun a thawktu hnatlang a thawkchhuak zawng zawng te chungah Local Council chuan lawmthu a sawi mawlh mawlh bawk a ni.
    Faina leh thianghlimna kawngah theihtawp chhuahin hmalam i pan zel ang u.
    Hnatlan lo, inhlihna pe bawk silo te chu ` 200 a run tur kan ni a, Runna pawisa hi June ni 15, 2019 ralhmain local Council ah pek theih a ni ang. Runna sum pe duh lo te chuan Local Council recomment-na kan mamawh huna Recomment kan lo ni lo a nih pawhin kan sawisel thei lo ang.
Sd/- Lalhmingliana, Chairman. L.C 

Tihdikna
    Karhmasa Pu J.Chalthanga puala buhfai leh pawisa khawn khawm dan leh thlanlaih dan ziaka hmuhtheih chin tih tarlan ah khan Kapdaia Section a\anga a lut kha hetiang zawk hi a ni e :-
    Section    Chhungkua    Buhfai    Pawisa    Thlanlai
       
    Kapdaia    123    129    1130    17
    Tih, sual palhah ngaihdam kan dil e.

Advertisement...

A VA LAWMAWM E!!
    I harsatna kan lo pui ang che. Lehkha kan chhut sak theiin kan print thei a, kan Xerox thei bawk ta! Min han pan ve teh. I duhthusam anih loh pawhin i lungawina anih ngei kan beisei.

Andrew Lalnunpuia, Damveng
(2-1)                       Ph: 9612-212-334 / 8794-785-105

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                              Ph.No
(20-9)                                               9436199884, 9862476439

PAGE - 4

KEIMAHNI :

Hlimkhawpui Budget
    Hlimkhawpui  May & June 2019  thla Budget  pe tla tawh te:
1.    Buala Sec.    2. Kapdaia Sec.
3.    Vawmphunga Sec.
    Buala Sec. ten kumin chhung Budget an tlak fel ta bawk.

Emergency Meeting Thuchhuak
    June ni 6, 2019 (Ningani) zan khan Branch YMA chuan Emergency meeting a nei a, thurel tlangpui te:-
1. Central YMA leh Mizoram Football Assn. \angdunin July ni 1, 2019 a \an tur Suzuki Gixxer 250, 25th Inter Branch YMA Football Tournament a buatsaih turah tel ve nise tih a ni a, mawh lo phur turin heng mite hi ruat an ni- Tv. Lalkhawmawia Secretary, Pu Lalbiaknunga, Pu Jerome Lalduhbika, Tv. Zonunsanga. Tin, anni hian a \ul angin phungbawm dang an sawm thei ang.
2. Central YMA in siam Thlanmual Survey report -na tur Form chu dawn niin Pu J. Vanlalbiakdika Asst. Secretary leh Thlanmual Sub Committee ten lo bawhzuiin June 2019 chhung ngeia Central YMA a thehluh nise tih a ni bawk.

VAWMPHUNGA SECTION HNATLANG
    June ni 15, 2019 zingkarah YMA Day anih angin Section huamchhung tifaia hnatlang neih tur a ni a. Pu N. Zokunga te inkawtah dar 7:00 a.m. ah innghahkhawm tur a ni. Hmunphiah, Chemkawm, Chem, Bawngtuthlawh te ken tur a ni e. YMA member bakah nu leh pa, naupang te pawh hnatlang \heuh turin kan inngen e.

Sd/-Secretary
Vawmphunga Section YMA

Advertisement...

HENGTE HI KAN SIAMTIR THEI
PanCard, Voter ID Date of Birth, Tribal leh Residential Certificate te kan siamtir thei e.
Tribal & Residential dil tur tan a thil tel ngai te:-
Local Council lehkha, Voter ID leh Passport size photo copy 2, Income Certificate (LC a\angin)
Mi pakhat tan Rs. 100/- zel a ni e.
Lalchhuanawmi
(2-1)              Ph : 9774-196-330 / 9862-540-824

SANGHA SANGHA SANGHA
    Hlimen Presbyterian Kohhran Pavalai chuan August thla a Gospel Camping kan neihna tur atan a sumtuak nan June ni 11, 2019 (Thawhlehni) zan hian Sangha kan zuar dawn a. Rawngbawlna angai a chhungtin ten min lo lei sak \heuh turin kan ngen a che u.

Sd/-J. Vanlalhruaia, Secretary,
Hlimen Presbyterian Kohhran Pavalai  

INFIAMNA :

Gold medal la
    Kukkiwon International Open Taekwondo Championship, Delhi a neih mekah Hlimen rawlthar, Lalfakzuala S/o Lalhmingmawia chuan Mizoram tan Poomsae Junior Category-ah Gold Medal a la, hetiang infiamna lam a hlawhtling kan nei ava lawmawm \hin em.

YMA Day Volleyball Rules
1.    Team khat tan Entry Fee ` 200/- zel a ni ang.
2.    Section tin te’n Security Deposit ` 100/- zel dah tur a ni.
3.    Red Card-ah ` 50/- leh Yellow Card-ah Rs. 30/- zel chawi tur a ni ang.
4.    Team tinte, inkhelh tan hma minute 15-ah kim vek tur a ni. Inkhelh hun tura ruahman hi hun a tlem avangin, mahni khelh hun tura ruahmanah chuan thlen kim vek tur a ni a, thleng hman lo kan awm a nih chuan Walk-Over an ni ang.
5.    Player-te, Sport Dress kimchang nena khelh tur a ni.
6.    Best of 3 Game-a khelh tur a ni ang a, Final-ah Best of 5-a khelh a ni ang.
7.    MVA Rules hman a ni ang a, engemaw harsatna bik a awm a nih chuan Board Committee-in thu tawp a siam ang.
referee
1.    Tv. Lalmuanpuia, (Bs)    2.    Nl. Lalbiakdiki, (DV)
3.    Pu Lalfakzuala, (BS)    4.    Tv. Ramngaihsanga, (BS)
5.    Tv. Zonunkima, (BS)    6.    Pu Samson Zorammuana,(DV)
7.    Tv. Lalnunmawia,(DV)    8.    Tv. John Lalhunhlua, (DV)
9.    Pu Biaknghinglova,(KD)    10.    Tv. Lalpiantluanga, (KD)
11.Pu Lalhruaimawia,(VP)     12.        Pu Ramherliana, (VP)
13.Tv. K.Zosiamliana,(VP)

Advertisement...

Septic tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
  (10-6)        VL-a, Ph.No : 9402344486, 9615266170